hardchi1225的個人專頁

早排經過都已經想試試,只係同朋友一齊所以最後都試唔到。今日咁岩又經開尖沙咀,就入去試下叫左個燒鵝雙拼飯;雖然今次主要係黎試試個燒鵝...但都係忍唔住想試埋個叉燒一試個燒鵝......有驚喜！燒得好香！！！鵝既肥瘦都好均勻！另外佢有個膠樽專裝梅子醬！份量要多少,由自己衡量,而且感覺乾淨衛生,哩方面都真係加分不少。而個叉燒都唔錯...比好多燒味鋪更出色。飲品則不過不失如果下次想食燒鵝,會再次幫襯見分店都多,希望可以keep到水準。…查看更多

之前同朋友講起，香港食好味既雞蛋仔真係好似買少見少。朋友就推介左今次食既哩間—利強記因為今天經過北角，突然記起朋友之前推介既雞蛋仔，所以特意北角站落車，去試試哩間馳名雞蛋仔，去到，只係閒日放學時間，都已經要排隊，店鋪都貼滿好評既報紙，亦有不少明星黎幫襯既相片。睇黎係有好高既水準經過25分鐘既等待，終於買到哩一底熱辣辣既雞蛋仔！只可惜，我只可以用一個成語黎形容。「名過其實」真係完全無特別，只可以話佢每粒都夠飽滿，而且食得出有加雲呢那香油，但真係唔值有咁高既好評！！我諗都唔會再幫襯今次唯一有得著既係，因為特意係北角落車，而搵到間唔錯既店鋪，有興趣可以睇返本人既另一篇文:)如果有時間，我會去搵一間之前食過又覺得唔錯既雞蛋仔介紹比大家…查看更多

今次介紹一間位於北角既餐廳！因為今日行經北角，但因少黎北角，所以根本唔知邊間餐廳好食。所以今次係openrice搵到哩間店鋪見評分幾好，就特意走去一試水溫！一入到餐廳，人不多，地方清潔，坐得幾舒服。下午茶睇到有肉醬熱狗果斷決定，好多餐廳都得食，上一次食到都已經唔記得係邊度lu。可能我係肉醬迷，真係覺得好好食，比想象中更加好！上網睇圖，見到奶茶紅豆冰，個杯好特別，唔係一般用既杯，所以叫黎試試奶茶亦不過不失，不過紅豆就差d d,感覺煮得未夠熟，唔夠稔。用哩個杯因為杯口夠大，用匙食紅豆時好方便有心思！下次如果又經過北角，一定會再黎試多次…查看更多

今朝去到深水埗老鳳茶餐廳食早餐第一次食，一入去就見到好70年代風格餐牌都擺放在郵箱內。周圍牆上仲掛滿70年代既畫，仲有老毛掛畫叫左個芝士奄列餐，頭幾淡都唔錯，但食多少少就有點膩，那個芝士比較似醬汁！熱奶茶不用加大都比平常既茶餐廳大杯，味道就一般般。食用糖都落過點心思，唔會用平時食肆既沙糖，改成了方糖。都幾特別餐廳都幾乾淨，設計有下過心思！食物飲品方面就不過不失，下次有機會再試下其他野食，其望下次更好！…查看更多

今次寫寫食宵夜既既店。如果係旺角,搵宵夜食都唔困難但講到明宵夜時段,一般都價錢貴，而且味道亦會降級左！所以如果玩得夜,可以去試試康年餐廳。但要記住,果邊有兩間康年餐廳！係食唔同既野,所以唔好去錯！兩間鋪只係差一條街！哩間餐廳收鋪時間好似去到3,4點所以唔洗怕太夜無野食每次夜媽媽都係食佢個通粉餐做宵夜坐既環境都不錯,係個冷氣大左d當然如果大家係晚飯時間,就唔會推薦啦因為旺角太多野食！希望幫到今晚玩得夜左既你…查看更多

上次寫過篇講食海南雞飯講到香港好食既海南雞飯真係相當難搵...今次就介紹返一間個人認為好食既好似上篇咁講,海南雞飯最緊要都係果幾樣野；一定要油飯！最岩海南雞之後就係用黎點綴雞既醬汁,每間店鋪既醬都各有不同,而哩間九記既醬真係好正！但每次食完都總覺得個口好臭最後最重要就係雞油比例！試過同樣哩間鋪,食過d無油,乾巴巴既雞...真係完全難以接受就算係覺得咁好味既醬汁,都完全救唔到碟飯。(好彩暫時食咁多次都係得果次失誤)最後配埋碗雞湯,滿足滿足…查看更多

又係放工時間，今晚突然好想食新香園既豬手同飲佢杯唂咕而且地鐵返屋企順路經過，就去嘗嘗久違既味道。其實個人認為哩度最好味既係蛋牛治！唔好烘底每次都食到個咀甩皮！只不過今日飽飽地，所以只係食比較掛住既豬手米,同埋杯必飲既凍唂咕~唂咕係一般既茶餐廳已經不復存在，可能係比較古老風味既飲料......只有我哩種唔新潮既人中意以前未黎哩間鋪既時候，都仲未聽過唂咕哩種飲料，其實覺得同朱古力無咩分別，但之前上網查過，的確係唔同既野黎，至於分別係咩我都唔記得喇一般黎新香園我都係食豬手米，蛋牛治試過食豬手麵，但哩度既麵太重[簡]水，所以唔太中意，而杯唂咕就緊係唔少得啦…查看更多

放工時段同朋友想搵小菜食下黎到深水埗沒有目的地被我找到一間叫強記既大牌檔鋪頭細細間，但相當顯眼！因為成條街都擺滿枱，而且坐滿人一心諗住咁，咁細間鋪都咁多人食一定好有鑊氣叫左幾個餸，首先黎個炸大腸認真唔錯，炸得夠脆，而且用酸羅白拓底十分開胃，之後三個菜一一送到西蘭花鮮魷同黑椒牛骨，不過不失；基本上每間食肆都差唔多最後一個雲耳牛肉煲好味，送飯一流，如果牛肉多d就好總括黎講都唔算，但有樣唔好係啤酒要自己行去冷巷買，唔知係咪唔想拎酒牌......食開大牌檔，環境唔好預佢清潔衛生！但相對好既係，慢慢食慢慢坐…查看更多

海南雞飯食過唔少想搵間好食既真係唔容易！今日行經油麻地，睇見有間泰國人海南雞心諗會唔會正宗D呢？就走入去試試個人認為海南雞最重要係碟汁其次就係雞既油脂比例但好可惜，今次既感受係又一次既普通仲有一般食開既海南雞飯應該係用油飯而哩度用既只係白飯碗湯就不過不失總括黎講唔會叫難食，但真係好普通既海南雞飯，我諗黎食海南雞應該無下次，但其他款式野食有機會都會試試。下次寫一間都係在油麻地既餐廳係暫時食海南雞飯最有保證既希望下次去食水準依舊…查看更多

放工時間又無咩食欲，搵間清清地食下粥之前都係早餐時間黎食，貪有茶飲唔洗下下飲甜野，又夠乾淨！夜晚時段黎都唔會好多人:)但食物就比之前黎果幾次差左……味道都係差唔多，但薑同蔥既比例好求其而且條蔥成條過，切都唔切枱仲有上一手食剩既食物殘渣……可能做左成日野，大家都無咁好精神希望下次黎可以好返…查看更多

之前聽朋友講，竹園食海鮮好似唔錯今晚就去試試去之前睇左下openrice評語，好似麻麻地但都約左朋友，就試試…由於人數唔多，只試到幾個餸，而且海鮮種類都唔多!先黎半隻炸子雞味道幾好，皮夠脆只係賣相一般之後就試下薑蔥炒蟹，味道不過不失而且無咩蟹味!一般大牌檔都仲好味:(之後黎埋聖子同蒜蓉蒸蝦都係一般般…總括整體食物味道都無咩特別，賣相亦唔算好但起碼唔算難食埋單690，覺得哩個價可以有更多好選擇…查看更多

去到柴灣,因地方不熟悉,搵左間茶記,打算嘆個TEA......叫左個沙嗲牛肉包,食物賣相不錯但一食D牛肉凍既,好彩食完冇肚痛,凍奶茶又太甜好失望,絕對唔會再幫襯…查看更多