kumamico's Profile

由於本人並非住附近，今次放假，就帶友人專程入黎大坑食糖水。薑汁鮮奶燉蛋白 （熱）$26 天氣凍凍地，最岩食呢碗糖水，而且感覺上比較養顏同對身體好，岩晒貪靚嘅女仔。蛋白好滑，奶味好出，薑汁雖然辣，但味道可以再出d，整體不錯，食完成個身都暖晒，值得一試。芒果豆腐花 （凍）$30芒果汁底，正確來說係芒果沙冰底，所以一上枱最好不要即食，太冰了。汁底味道有點假，不是純用新鮮芒果打汁，反而豆腐花好香豆味，芒果粒都幾多，而且夠甜，幸好無令人失望。…Read More

紫薯、芋圓近期真係大熱，連海記都加左呢款甜品，賣相仲幾吸引！雖然款式唔多，但都可以滿足紫薯迷嘅需求！紫薯蓉芋圓配香芋雪樂冰 $32大大球嘅紫薯蓉，面頭仲加左少許糖水，味道真得黎有點假，芋圓幾Q彈，份量都幾多，香芋冰味道幾香，而且冰入面帶有香芋粒，配合埋紫薯一起食，味道更佳！紫薯蓉芋圓西米露 $24圖片果然只供參考，實物出到黎有點唔似圖片😂雖然入面嘅配料係一樣，但圖片果張靚好多。幸好味道唔算差，椰汁味都算有，唔好太甜，不過不失。…Read More

聞說呢間店近期芋圓很出名，剛好友人有時間，岩岩遇著剛剛，就走左去試食。店舖小小不算大，坐得比較寬敞。糖水種類不多，主打芋圓及仙草，而且可以凍食、熱食。特式仙草百配 - 芋圓、地瓜圓、小丸子 （$25）此外仲有紅豆、薏米、西米、仙草，配料十分豐富，一次過可以滿足想食台灣芋圓糖水嘅慾望！😂不過芋圓、地瓜圓味道比較淡，只有Q彈。香滑腐竹蓮子配 - 芋圓、地瓜圓、小丸子（$20）腐竹蓮子糖水清香，入面嘅芋圓地瓜圓份量十分多，好像食極都食唔晒。整體都幾抵食，食到好飽！…Read More

一早聽聞尖沙咀新開左間韓式紫菜包飯，難得放假，終於忍唔住拉左友人去試。沒想到鋪頭細細都幾多人，而且還很多人左外面等外賣。泡菜紫菜包飯 $50配料有泡菜，蘿蔔絲，青瓜，再加少少白芝麻粒，賣相相當吸引。味道帶少許酸辣，配菜算新鮮，不過飯就包得唔夠實身，好易散。炸豬扒紫菜包飯 $62同樣配料都好豐富，賣相都好吸引。不過豬扒係凍，連微溫都無，而且比較乾身。上菜時間比較耐，可能係即叫即整嘅關係，所以大家要俾多少少耐性啦！…Read More

天氣凍凍地就特別想食火鍋，剛好呢間新出左紫薯火鍋，當然第一時間去食啦店內燈光鮮明，裝修簡潔。冬日限定都有好幾款，個今次就選擇左甜蜜紫夢冬日火鍋。火鍋感覺細細份，但其實幾足料，有香蕉，士多啤梨，棉花糖，威化餅，麻糬，泡芙，紫薯雪糕？紫薯粒，紫薯仔，brownie，waffle，份量多到兩個人都食唔晒😂除左waffle味道比較差之外，其實配料都不錯，因waffle太淋身，沒有蛋香味。紫薯火鍋好香紫薯味，而且係用新鮮紫薯整，每一口都食到紫薯溶，如果不是奶味太出，應該更好食。隨鍋送左兩杯荔枝玫瑰茶味道比較清淡，荔枝及玫瑰味都得唔到平衡，兩者都係好淡味。…Read More

已經有兩年多無黎茶木食飯，突然今晚心血來潮，就走左入去食。起身還以為要等位，沒想到一上到去竟然不用等，真係又驚又喜😂櫻花蝦培根芥奶油手作麵滿滿嘅櫻花蝦放在手作麵上面，個汁帶有淡淡嘅wasabii果，再加上櫻花蝦一起食，又香又辣，口感不錯。酥炸炸雞排麵呢個湯麵做得不錯，個湯底好濃牛腩味，雞排炸得好香口，而且一點也不肥，唯一唔好嘅就係呢個麵等得太耐啦。檸檬愛玉食台灣美食，點少得呢杯檸檬愛玉😂呢杯酸酸甜甜，最岩就邊食炸雞，邊飲一啖啦！…Read More

路經旺角，發現開左間乳酪雪糕店，忍唔住行左入去試，一試竟然有驚喜！yogurt 雪糕算唔錯，乳酪味算出，而且雪糕算滑，不過我嫌奶味偏重，$29 包一款topping，我就揀左朱古力波波，朱古力波幾脆，而且好像幾多，整體不錯！…Read More

聽聞呢間出名芭菲，當然要帶好友黎食啦！芭菲款式真係好多，主要係抹茶味及乳酪味，之後就配不同嘅生果，選擇多，真係花多眼乳！日式精選乳酪芭菲$50最底有紅豆，抹茶啫哩，脆米，火龍果，頂有紅豆，蕨餅，白桃，蜂蜜焦糖脆，抹茶蛋糕，三色白玉及抹茶雪糕。抹茶雪糕味道好香抹茶味，帶少許回甘，不過雪糕溶得超快，配料不算特別，不過不失，只是配火龍果食有點怪😂黑車厘子乳酪芭菲$50最底係椰果，脆片，最頂係芒果，黑車厘子及乳酪雪糕。乳酪雪糕味道好重乳酪味，不過仍然是溶得好快，呢杯除左芒果係新鮮生果外，黑車厘子應該係用罐頭，好重糖水味，再加上底部嘅椰果，真係甜上加甜，食到成口都係糖水😢整體來說，呢間除左雪糕可接受外，其他都是一般。…Read More

每次經過尖沙咀都見到此店外面排左一條人龍，終於今次走左去試啦。入到去有隻好強烈嘅日本感覺雞叉燒辛辣雞白湯拉麵 $88呢碗拉麵揀左少辣，麵席適中，少油雞叉燒真係第一次試，感覺幾特別，叉燒一點也不肥，好重雞味，岩晒不喜歡食肥叉嘅我。正因揀左少辣，個湯帶有少許辣味，令整碗拉麵嘅顏色變得好靚，增加左食慾！…Read More

想當年黎呢間食飯，外面總有一條長龍，今次中午過黎，竟然不用等😁醬燒魷魚 $20好懷念呢隻魷魚，所謂今次黎食，都叫左一份，魷魚燒得好香，不會太乾身，食起上來幾有咬口！加上青檸汁一起吃，味道更佳！蒲燒鯖魚定食 $48呢款定食有三款前菜，湯，飯，主角鯖魚同甜品奶凍，鯖魚份量算多，差不多有半條，而且味道還不錯，魚皮仲燒得好脆，好香。另外，呢到仲設有自助區，有麥茶，飯，湯，菜等可以任食，只要你食得落，可以無限任食，岩晒大食嘅人！但呢到唯一一個唔好處就係，搭枱，佢地會安排到每一個座位都有客人坐，絕不放過任何一個吉位。…Read More

天落住毛毛細雨，突顯想食拉麵，於是就行左入呢間拉麵店。呢間拉麵店係畫紙仔食，圈出自己喜歡食嘅要求。金： 濃厚豚骨湯拉麵湯果然好濃味，好重豚骨嘅香味，加上兩塊半肥瘦嘅日本叉燒，其實我並不是太好呢種叉燒，我只是比較喜歡食日本拉麵而已😂拉麵麵身硬度不過不失，整體不錯。芝士海老丸竟然有六粒海老丸，每粒海老丸中間都係流心芝士，芝士味好香濃，完全搶走海老嘅味道，由於芝士太熱嘅關係，食嘅時候要小心啦，不然就會爆到整口都係芝士，整親條脷丫😂…Read More

今晚友人突然想食拉麵，於是就帶左佢黎呢到食。呢到裝修幾特別，很有日本感覺！海老湯拉麵 $85呢到食拉麵特別之處就係每一樣野都可以俾客人選擇，咁就可以滿足到不同客人嘅需要啦！！😊我揀左曲麵，麵正常硬度，豬肩肉，要蔥。呢碗拉麵一上枱超香，因佢個海老湯做得十分出色，濃郁嘅湯底，上面仲加左一堆蝦米乾仔，增加左湯嘅香味，令每食一啖都食到蝦米仔！另外豬肩肉真係好正，肉質鬆軟，我終於可以不用食到豬腩肉嘅拉麵😂😂極上濃厚原味拉麵 $85由於係極上嘅關係，佢係有齊豬腩肉同豬肩肉，友人就揀左曲麵，麵硬身d，要蔥。湯嘅味道都幾濃，友人話：呢間嘅豬肩肉比豬腩肉好食同出色，如果有得揀，佢想要晒豬肩肉。硬身d嘅拉麵跟普通硬度沒什麼大分別，唔知係邊方面出問，可能店方放錯拉麵，可能根本就無分別，可能多人問題，真係無人知😑不過有樣野好明顯，佢地嘅豬肩肉一致贊同好食😋…Read More

百忙之中都需要停下來，找一個合適的人，在合適的時間做幸福的事，呢個時候當然係食個甜品啦！每次入黎淘大都想試下呢間甜入心，岩岩遇著剛剛，今次終於試到啦😊地方寬敞，燈光柔和，可能係下午時間，人客不算多，所以坐得比較舒服。榛子朱古力窩夫 - $43花花型嘅窩夫，窩夫幾脆身及鬆身，不過蛋香味唔夠，但配上榛子醬一起食，算唔錯！Oreo薄荷奶昔 +$5由於下午茶時間，只需要加5蚊就可以飲到啦！奶昔好香薄荷味，每一口都感受到薄荷嘅清香，配上oreo，絕配丫！金色西米露 $27呢碗簡單來說就係一碗芒果西米露，芒汁沙冰底，半隻芒果肉切片，咖啡凍，纖維果，西米，沙冰嘅芒汁底不算甜，不過個人還是比較喜歡真正嘅汁底，而並非沙冰底，芒果算甜，其他配料就沒什麼特別，都係大路野，緊體口感十分豐富，每一口都食到不同嘅配料。…Read More

難得朋友放假，加上佢又喜歡食pancake，於是我地山長水遠入左黎堅尼地城食點子。店舖裝修簡約，燈光柔和，絕對係聊天休閒的好地方難得入黎，當然要試下呢個出晒名嘅限時限量供應梳乎厘班戟 - $88⏳每日供應30份（3點、6點、9點各十份）等左30分鐘，終於有得食啦！班戟好鬆軟，有淡淡嘅蛋白味，口感算不算，不過味道一般，如果可以再香d就好！日式流心厚鬆餅 - 宇治綠茶配豆腐雪糕嘩，呢個鬆餅竟然要等一個鐘，真係嚇親😱完全無想過要等咁耐，一問之下，原來要焗晒所有班戟先開始焗鬆餅，所以要等一個鐘，心諗有無搞錯，呢間店嘅配套點解可以咁差？😵等到呆晒嘅鬆餅終於出場，流心程度不錯，不過綠茶鬆餅竟然無乜綠茶味，整件鬆餅只食到粉漿味同蛋腥味，味道怪怪的，除此之外，其他味道完全食唔出，真係完全唔知食緊d乜，呢個鬆餅可以話完全係伏😫😫😫最後有一樣要提嘅係，點解店員唔係落單時提醒每人需要order一件/一杯食品，要等我地等左30分鐘後先同我地講呢樣野？時間就係金錢，點解唔早講？…Read More

今晚約左一班好姊妹黎食雞，幸好一早訂左枱，不然等爆耐都唔洗食，因實在太多人了。用餐時間只有90分鐘，所以我地點左招牌菜太陽芝士雞 - 一睇就短爆多芝士，碟上嘅芝士汁比較淡，反而包入面嘅芝士就比較濃味，雞炸得好脆，點上中間嘅芝士食，感覺不錯！不過，唯一嘅敗北就個麵包脆到切唔開。烤豬仔骨拼沙律 - 豬仔骨烤得好入味，甜、酸、辣可以同時享受，只可惜肉不夠淋身，不能做到骨肉分離。沙律就沒什麼特殊，味道一般。提子汁飲品 - 特別之處就係上面有支彩色雪條。蘋果飲品 - 特別之處就係上面支果汁軟糖，如果有得揀選，我寧願食雪條多過呢支軟糖，因軟糖太過煙韌，好難咬開！！…Read More