pp.kitchen's Profile

一個人的午餐。可能因為新開張，座位、枱面、餐牌都好乾淨。點了一個午餐，冬蔭功札肉金邊粉+凍龍眼水（$50）等了10分鐘左右便有得食。先飲一口湯，冬蔭功很香濃，微酸偏辣，湯內還有一截截香茅。還有少量秀珍菇和生菜。金邊粉份量倒不少。吃一口金邊粉，很Q彈，很有質素！札肉有5片，也不是純肉漿那種，頗有質感，整體真的不錯！這餐很有驚喜！龍眼水也煲得很出味，中和辣味剛剛好。第一次光顧感覺很好，相信以後還會來。…Read More

第一次試石磨腸粉午餐，選了「黑米蝦米腸」套餐。黑米看來比較養生，也不常吃，是個不錯的選擇。外賣等了大約10分鐘。在公司一打開，先是麻油香，再來是醒胃的麻辣香。腸粉舖上芝麻、辣椒粉、大大隻蝦米應有10隻左右（無數），套餐附有燒賣。豉油濃淡剛好，手工腸粉很掛汁，配上蔥花和蝦米（走了芫茜），十分香口。我覺得這份量很適合女生，夠食又唔會瞌眼瞓。套餐的羅漢果茶也很好喝，煲得夠火候，又清甜又清涼。後來見有人自攜外賣盒，下次也可試試。…Read More

第二次來午餐，餐廳仍然企理乾淨，坐得很舒適。本身我不特別喜好炸物，今天因為想吃海鮮類食品，選了天婦羅手打烏冬定食。等了約10分鐘便上菜，店員細心講解如何放芝麻和七味粉。一吃更是驚喜！大蝦兩隻，是鮮味的海蝦，炸粉鬆脆，質素非常高，好吃很連蝦尾也不想浪費；野菜有蕃薯、冬菇、茄子，都炸得夠透，內裡軟糯綿綿；所有炸物一點也不油膩，配上湯底清澈的手打烏冬，真是一頓豐盛的午餐。但若拉麵定食能附帶前菜便更好了。經此一試，真令我對天婦羅午餐改觀了，回味回味。…Read More

路過已聞到陣陣牛油香. 難得今日唔多人排隊, 樓面廚房都好企理, order了經典漢堡一試.返公司一打開, 見到牛油煎過既麵包夾住新鮮既蕃茄同牛肉.麵包好軟熟, 牛肉漢堡都幾厚, 香口又juicy, 芝士溶晒, 味道真係唔錯.估唔到荔枝角工廠區都食到咁高質素既漢堡，仲要快靚正，以後外賣lunch 又多個選擇…Read More

近呢幾年都轉咗食台灣粽, 因為出面連鎖酒樓既粽真係愈來愈唔好食, 勁重五香粉胡椒粉同味精，肉又嚡口。不過程班長粽好難訂, 今年買到就要趁新鮮食. 跟住指引烚粽, 一陣已經滿室葉香.一夾開, 大大個非常油潤的鹹蛋黃, 炆得入味的腩肉, 粟子, 冬菇, 花生, 完全不用點任何調味, 吸收了肉汁的糯米, 配搭完美得不得了喲! 所有材料香淋軟糯，小朋友都一人一隻食晒。加碟菜又一餐, 咁方便, 邊等到端午?要食到地道台灣風味, 唔洗坐飛機喇…Read More

We went in a group of eight with big kids.Their pizza and snack taste awesome! Portion is big and ingredient is fresh. Especially the Hawaiian pizza! We re-ordered immediately and finished everything! It was a wonderful experience …Read More

第一次幫襯台站 好趕時間，快快手order 雞排肉燥飯，$30 有找，真係非常相宜。由俾錢到攞飯，唔洗5分鐘。飯盒份量適合OL , 打開好香八角味，肉燥汁偏稀，但味道ok, 唔會好多獻汁。肉燥肉有好多冬菇粒，雞排都唔錯。 整體黎講都好抵食，平靚正快，包裝簡便夠環保，值得幫襯。…Read More

荔枝角少有專做素食的舖頭, 一試果然有驚喜店內好多打卡位, 課室桌椅, 玩味十足. 我特別鍾意不锈鋼餐具, 好衛生前菜有salad bar, 麻辣鳥冬好惹味, 粟米好甜, 沙律菜都新鮮爽口, 醋蘿蔔都好啱味. 清完碟都refill 得好快, 淨係前菜都飽咗三成我地試咗幾樣嘢: 黯然銷魂飯, 日式咖哩海鮮飯, 焗肉醬意粉, 仲有沙爹串同蝦片叉燒飯一定係鎮店之寶, 蛋夠焦香, 叉燒汁濃, 上菜時暖笠笠, 幾可亂真 日式咖哩海鮮飯 唔係我杯茶, 不過小朋友食得好開胃焗肉醬意粉都好味, 一陣間就清晒沙爹串燒好香口七彩蝦片大碟抵食，搶晒先諗起無影相最後更鼓勵餐盤回收, 成件事好環保…Read More

難得出街用膳，去個坐得舒服的地方。還好我們12點前到，再遲點便排長龍。一入舖頭侍應就替我們探熱，用酒精啫喱搓手，非常著重衛生。坐下來，我們一眼便對Ginger Latte 很有興趣，可以袪寒。一上餐真是令人眼前一亮！除了平常拉花，咖啡師還拉出海馬來！真是可愛得令人不忍心把圖案劃花不光有賣相，薑味、甜度都非常適中至於很多網友推介的Carbonara 也沒令我們失望。濃濃的蛋汁夾雜著煎得香脆的煙肉，非常美味。Egg Benedict 配煙三文魚牛油果也真材實料，就是有點難Handle , 味道可是一流的。臨尾配上一個 紅絲絨蛋糕，光是plating 和蛋糕層次的均勻已值得欣賞，味道也是很驚喜的。下次來再佐敦，這必是閨蜜聚腳的好地方…Read More

買了牛丸和墨魚丸各一斤，預備和家人打邊爐，心血來潮淥了幾粒做宵夜，配埋之前買的虎辣辣辣椒油。唔試由自可，一試真的不得了！！墨魚丸彈牙爽口，墨魚肉中間夾雜著少許馬蹄肉，非常清新！牛丸更加名不虛傳，一咬下去便爆汁，好鮮味！名乎其實「瀨尿牛丸」！一斤真是太少了，一開爐好快就搶晒，仲受歡迎過肥牛，下次一定要加碼呢個辣椒油都好正，少少都好夠味，尤其辣椒籽真係好提鮮，聽聞用幾種辣椒混合炒的，邊爐友試完都個個讚。店內職員都好有禮貌，仲好關心街坊防疫，抵讚！…Read More

大角咀出名多嘢食，第一次book 呢間餐廳，經OpenRice 有9折，即免加一，即管一試。先來個墨西哥脆片伴肉醬。牛油果或莎莎醬食得多，伴肉醬真是非常驚喜，香濃惹味。唯美中不足是脆片有點油膩，如果保持乾身更好。香草芝士焗蒜茸包好香口西班牙伊比利黑豚鞍，絕對值得推介。肉軟汁多，香氣四溢。伴碟的甘筍和薯蓉也絕不馬虎，油香滿滿。巴拿馬雞胸火腿意大利飯則稍遜。雞胸太嚡了。我反而欣賞意大利飯中加入蘆筍，令忌廉汁的飯很清爽，抵讚！Americano 很有水準，雖然我唔落糖，但 test tube盛糖也很特別3人埋單，豐盛滿足的一餐整體而言，環境舒適，服務有禮貼心，值得推薦…Read More

午飯時隨意逛，入小店一試，點了個午餐「泰式香葉炒肉碎飯」。五十多元的午餐，有薯仔沙律作前菜，還有飲品。沙律份量都不少，味道也不錯，是在荔枝角區少見的前菜本來只預期泰式炒飯的我，被眼前的主菜帶來了無限驚喜！熱騰騰的主菜很豐富，光是肉的份量已起碼二十元！夾雜著Basil和魚露的味道，蓋上煎得香軟的荷包蛋，真心的好吃，真是大滿足！這裡大部份樓面員工都是弱能人士，領班很有耐心教導，不時提點，看得出是良心僱主。小店加油呀！下次必會再來…Read More

之前在三禾堂食過一次，係食放在外面櫃內已製作好的飯盒。本來無心再試，但同事想食又回來。點了鯖魚定食，點知勁驚喜！兩個三角飯團好可愛！沙律係比較多功夫既薯仔沙律，食得出既新鮮，仲有半隻細size 既烚蛋，非常清新。鯖魚同雞味道都好。很有誠意的小店，值得支持！另外一提，如果堂食不用即棄餐具就更好…Read More

平時有黎食晚飯，今次第一次試嶺南樓盤菜，好大盤呀！一定要搵壯男幫手拎！攞到返屋企仲暖，加入附隨的湯汁，滾起就食得。海味超正！鮑魚有12隻，好入味，又彈牙；海參好滑，蝦又大隻又新鮮，好爽甜。瑤柱同金蠔都好大件！其他材料都炆得好淋，蘿蔔、冬菇、枝竹都好正。特別係魚蛋，加入咗蝦米，好香口，口感一流。燒味都好好肉呢。食到底都有料，唔似其他一個大隔晾起晒扮大份。$1688價錢合理，慳返媽咪好多功夫，飯都唔洗煮，仲食到個個捧住個肚，食完唔覺口渴。值得推介！…Read More

一間門面不錯的新餐廳, 才6時半內堂已滿了大半.因為8時要還枱, 一坐下我們便匆匆點菜.門口侍應推介烤豬, 但經理說兩人吃會太膩. 我們先點了一瓶經理推介的西班牙啤酒, 然後有西班牙火腿, 海鮮燴飯和燒牛扒拼大啡菇火箭菜.西班牙火腿配啤酒味道適中.海鮮燴飯, 魷魚仔很香口, 蝦和帶子也很好吃, 有口感, 先生略嫌太乾.燒牛扒拼大啡菇火箭菜, medium燒得很香口, 肉也挺焾, 菜蔬配黑醋很開胃. 但有段小插曲, 上菜後不久有位侍應前來查問蔬菜是不是另加的, 生怕來多了, 我們要把菜名背出來. 實在很唐突, 怎麼對自己餐廳的餐牌這樣陌生?吃了三道菜, 其實不算很飽. 所以叫了一份甜品.需然裝飾的造型很古怪, 但吃下去還ok的, 我本人覺得雲吞餡的雲呢嗱味很香, 還有一粒粒好像雲呢嗱籽, 但先生覺得Raspberry sauce味太重, 吃不出雲呢嗱味.離開時門口庭園位都坐滿, 生意很好哩!尖咀價錢, 我覺得少貴, 但環境尚算ok.…Read More