PUI_SHAN1106's Profile

早兩日剪完頭髮經過，裝修好日系，好多貓貓😂😂環境好唔錯，仲要有出面cafe無嘅menu！所以決定幫襯！我個friend係番茄控，所以諗都唔諗就叫左個「煎三文魚拼自家製蕃茄魚湯烏冬」～三文魚煎得好香，皮超級脆！湯底係自家製，非常有蕃茄同魚嘅鮮味。同埋真係有屋企feel～唔太濃。烏冬都好掛到湯汁，食落口彈牙又夠味，滿意！我就牛控，叫左個「草字牛肉眼拼日式咖喱蛋包飯」，牛肉煎到唔知幾成熟，不過裏面keep到粉紅色！好嫩好多汁，都好香牛味。咖喱係偏甜果種，配埋蛋成件事好香！p.s. 牛肉份量真係好多lolll仲可以揀要200g！老闆娘大推「自家製芝士餅」，果日係朱古力味～芝士果層超級smooth～朱古力味濃但唔太甜，有dd似阿華田又又d可可澀味。餅底好實淨，成個cake嘅口感都好好！…Read More

今次同班friend入荃灣試呢間「至尊雞煲」，一入門口就聞到超香花椒味，裝修走工業風，水泥牆加木枱凳，天花掛滿紅色霓虹燈管，暗黑環境幾有格調！叫咗個中辣秘製雞煲，半隻雞份量足，醬汁濃到黐脷，啲雞件煮到啱啱好，嫩滑仲索晒麻辣汁。食完雞煲加湯打邊爐，肥牛、手打丸、脆肉鯇任點，最驚喜係有新鮮鵝腸，服務要讚👍，啲姐姐換碟超勤快，見我哋清晒碟即刻問要唔要加料，態度仲好好笑容。自助區凍櫃放滿罐裝飲品同紙包飲品，啱晒大胃王！ …Read More

潮式香炸蝦棗炸蝦棗外面炸得金黃香脆，非常足料！啖啖蝦仲要好彈牙～配埋少少甜酸醬，食完一粒就忍唔住想再食多粒～蝦醬骨濃濃嘅蝦醬香氣，豬骨炸得外脆內嫩，啱啱好保留咗肉汁。蝦醬嘅鹹香味滲到入豬肉，唔會過濃亦唔會搶走豬味～再加埋外面咁脆口，真係好正！櫻花蝦脆米海鮮炒飯呢道炒飯係一個大驚喜！櫻花蝦配合啲脆米一齊食，口感一流，外脆內鬆。海鮮份量十足，有蝦同帶子～每樣都夠鮮甜。飯粒炒得非常乾身，粒粒分明～整體味道又香口又惹味～香煎黃金糕黃金糕煎到表面微微焦香，一層層好似多士咁但係又好軟糯！甜度啱啱好，唔會太甜膩。黃金糕嘅椰香同蛋香味非常突出，外面好少見到，感覺好新鮮！…Read More

與朋友逛街時被一間名為「美味的泰國菜」的泰國餐廳吸引，店名直接，令人好奇。兩人點了幾道菜嚐試，香葉肉碎飯～上桌香氣足，肉碎炒得夠味，帶淡淡香葉氣息，拌飯吃頗開胃。生菜包的生菜新鮮爽脆，包裹酸香炒肉碎，口感清爽，吃完不覺膩滯。冬蔭公湯酸辣度適中，湯底有椰香，海鮮料如蝦和蘑菇分量不少，蘑菇吸湯入味。青咖喱雞的咖喱汁香滑，雞肉嫩而入味，椰奶味明顯，配飯是合適的選擇。雞牛豬串燒烤～肉質保持juicy，雞肉嫩、牛肉香、豬肉有嚼勁，蘸點沙爹醬味道更濃郁。整體而言，食物風味地道，份量合理，幾道菜式表現平穩，是逛街後想簡單吃頓泰國菜時可以考慮的選擇。…Read More

上星期放大假，周圍搵朋友出街shopping 食飯，去左啟德附近行下食下野，見琴有間餐廳幾搞笑，有不手係出面，同埋個環境都幾寧靜，我周朋友兩個叫左個雞肉意粉，估唔到意粉個口感又幾不錯，唔會超級軟，同埋我覺得雞肉個份量都幾多！另外，個朋友話見到雞翼都好似幾正，外皮都炸得幾，仲有特製的醬汁，幾特別！最後，我地叫左印度餅，第一次食依個質地，原來個餅皮鬆軟，第一次食又覺得幾OK，裏面有少少餡料，不過就唔算太濃味，可能我個人鍾意鹹返少少，不過個環境就真係好舒服，超適合傾偈☺️…Read More

今日有個朋友喺外國返嚟，兩個人咁啱又有時間，梗係周圍行吓，叫左個雞湯抄手，入面D豬肉餡醃得入味，咬到微微薑香，湯底加咗少少胡椒粉，唔會太濃！另外，個朋友又話想食酸菜魚一上枱就見到勁多魚片，肉質不錯，配埋芽菜、萵筍同寬薯粉，個朋友話勁耐無食過咕嚕肉，估唔到外皮脆薄，唔會成口肥油，冰鎮做法帶來特別口感，但最好快食😎跟住見到隔籬枱叫咗個蔥爆牛肉，勁有鑊氣！牛肉大大塊又多過蔥，炒到剛熟唔會老！P.S. 酸菜魚記得叫少辣試真味，咕嚕肉一定要趁冰食！）…Read More

我同老公就最鍾意食餃子，今日收工超級肚餓，又唔想食飯，兩個人行咗去太子睇吓有咩食，叫左碗芫茜鮮肉餃，芫茜味超濃，一咬開香到爆，鍾意芫茜就好like,老公就叫左碗梅菜粟米鮮肉餃就甜中帶鹹，梅菜嘅鹹香同粟米嘅甜味撞得幾過癮😂😂因為今日真係超級肚餓，叫左勁多小食，涼拌海蜇爽脆彈牙，加咗少少辣油好招牌秘汁拼滷水牛𦟌、豬耳同雞腎，個汁真係秘製，鹹甜適中，送酒一流！涼拌藕尖酸辣爽口，最後試埋邪惡之選——芝士粟米鮮肉餃，一咬開就流心，芝士控必點；邪惡金沙餃鹹蛋黃爆餡，香到癲，雖然貴少少！…Read More

今日同個frd食，發現價錢無咩點邊但係D招牌野都仲keep到！厚切焗豬扒飯招牌豬扒切得好厚，焗之前炸到幾金黃～咬落去好juicy，肉好軟滑！冇咩油膩感～飯底同番茄&芝士好夾！炸雞髀發現呢度D炸野有料到！塊皮炸到勁脆！咬落去真係有脆嘅聲～肉都係juicy啦～都幾入味。紅豆冰紅豆冰勁好飲～因為唔係好甜！🤣紅豆唔會煮得爛，加埋椰漿fit到爆！雜扒餐CP值之王～包含牛扒、雞扒、腸、蛋、火腿、菜、蒜蓉法包、薯蓉同埋蘑菇湯。扒無雪味，肉質ok啦！反而蒜蓉法包好脆好香！薯蓉好綿滑！蘑菇湯夠濃同埋好多顆粒！BB乳鴿見到五十幾蚊忍唔住叫！醃個底味配得好好！大排檔feel，即炸熱辣辣仲有油標出黎～肉唔會炸到柴！…Read More

今晚唔想煮飯，收工經過呢間寫住「貢花雞」我就從來都無聽過，所以一於買黎試下🤣叫左個雞飯，D雞肉質係非常結實，佢地自己調配嘅雞汁同埋薑蓉幾特別，再叫多個叉燒飯，唔知係咪homemade嘅關係，又係唔一樣嘅～雖然望落就唔係蜜汁燒果種，但係個醃料都係果仲味道，肉質就估佢唔到咁腍，咬落去幾鬆化！都係果句，呢個價錢有呢個質素，無野挑剔。跟餐仲送埋個湯，濕下口都幾唔錯！下次可以就咁買隻雞嚟當加餸，唔洗諗食咩！…Read More

今日放假兩個人去左睇傢俬，睇到累累地，又想坐下，我地見到d main dish都好大碟，所以淨係叫左一個聖女菓日式扒大蝦，大蝦烤得剛好，外脆內嫩，仲要隻隻蝦頭都爆膏，配上新鮮嘅聖女果，味道酸酸甜甜，真係好開胃！每一啖都可以食到蝦肉嘅鮮甜！我叫左杯雜莓沙冰真係好清新！裡面有多種莓果，食落去仲有顆粒感～夏天食應該仲正～完全幫d食物解膩，而且沙冰嘅質感好滑，入口即融，個朋友叫左杯香蕉朱古力沙冰，呢個係我個人大推～香蕉嘅香甜同朱古力嘅濃郁，味道不錯！…Read More

掛住日本？係時候又要去食捌加廿陸天婦羅居酒屋🏮因為佢啲裝修真係好有氣氛。中意影相仲可以係門口影相打卡，扮去左日本🇯🇵今次就食自選天婦羅定食（自由配搭 ），簡左個冷烏冬$30做主食，係煙煙韌韌嘅稻庭烏冬😆：(+軟殼蟹$20 /鰻魚$20 /原條穴子$20 /黑虎蝦$13/半熟蛋$13)。 鰻魚同穴子係搽咗醬再拎去做天婦羅，入邊嘅口感就好似蒸熟咗一樣，好軟熟，一啲都唔乾，帶點甜味。有半隻軟殼蟹，唔算細隻。虎蝦彈牙。半熟蛋：流心嘅蛋黃，用嚟撈飯同就咁食都一流！磯燒鮑魚配帶子$58鮑魚口感同味道都唔錯。帶子都幾大隻，炸完都仲有鮮味 ，可以一試👍🏻特盛海鮮天丼 $118（有黑虎蝦 x2，四季豆，廣島蠔，蝦膠，帶子，炸菇） 唔想諗食咩，就會叫呢個，乜都有啊嘛。蔬菜類有四季豆同冬菇。廣島蠔都幾大隻，唔腥，仲好有蠔味。定食或者丼都有一碗麵豉湯同醃製過嘅青瓜漬🥒作為開胃餐和一塊橙🍊作餐後果。所有天婦羅炸漿不會太厚，薄薄一層。吧枱亦有不同調味料：芝麻/七味粉/辣椒油/醬油等等，比你自行調味。…Read More

蒜蓉粉絲蒸龍蝦，見到d員工處理緊一隻隻新鮮龍蝦，就即刻order！龍蝦肉新鮮、鮮甜，蒜蓉粉絲吸咗蒜蓉同龍蝦嘅鮮味！黑松露海鮮炒蛋，D蛋滑溜得嚟，仲有鋪左大量黑松露。個陣香味，配埋蝦仁同蟹柳真係好有層次感。啖啖都大滿足！呢個唔可以唔提，海膽海皇炒飯應該係皇牌黎，比我地叫左最後一個！海膽嘅鮮味同海鮮嘅鮮甜完美結合，炒飯粒粒分明，唔油膩，食落去好舒服。每一口都有海鮮嘅鮮味，真係好正！不過個地方就有啲難搵😅😅…Read More

泰式牛肉沙律🥩🥗 先食個開胃菜，酸酸甜甜嘅汁配上烤安格斯牛肉，口感豐富。泰式蝦河粉味道幾正中，一黎到就聞到係Pad Thai 嘅味。香氣撲鼻，有幾隻虎蝦🦐🦐🦐。如果中意食辣，加埋乾辣椒片，食到好惹味！ 🥵🥵🥵 飛天通菜 食材本身都新鮮，比平時廣東食嗰啲通菜大。火喉足夠，相當惹味。小小辣。香炸蟹肉粟米餅🌽🌽x🦀🦀 蟹肉和粟米混合炸成玉米餅 外脆內軟。呢個真係大人，小朋友都岩食！Gai Yang Ping 「Gai Yang 」係雞嘅泰文。即係雞肉串燒，側邊配咗米粉，搭配兩種美味的醬汁：Nuoc Cham 醬或花生醬。覺得雞肉串有啲似日式嘅免治雞肉棒🤤…Read More

去開鴨脷洲買海鮮，行過見到有間餐廳都幾多人排隊，咁啱撞到個舊街坊食完行出嚟，問吓佢有咩好介紹，佢話炒嘢好有鑊氣，可以試吓乾炒牛河👍🏻👍🏻，我入到去見到勁多枱都叫咗個吉列豬扒焗飯，我都叫左個黎試下，個炒飯底好正，估唔到吉列豬扒上到枱仲係脆👍🏻👍🏻值得一試我哋兩個人最後仲忍唔住叫咗個西多士，佢個西多士都好出色，外脆內軟，最後兩個人係超級飽🤭臨走見到隔籬枱嗌咗個青咖喱都好正，份量超多！…Read More

今日去完海洋公園玩，大家都有啲肚餓，就去咗附近睇下有咩餐廳食吓嘢再傾吓偈，行左去黃竹坑個新商場見到地下個層有間意大利同墨西哥菜既西餐，兩個人叫左幾樣野食，叫咗個雞肉🌮,我個人就第一次食就覺得一般，不過牛油果醬個味道都OK。另外再叫咗個薄餅，有菠蘿同火腿，佢個餅皮都幾簿，同埋最緊要有多芝士😂跟住仲叫咗個豬肋骨，個汁甜甜地我就幾鍾意，有少少似韓式嘅味道，不過份量都幾大份，都食唔晒要打包返屋企聽日做午餐。…Read More