lfchanhk's Profile

已經食過幾次，試過小食、小鍋，最愛係手工麵。湯頭濃度剛好，係正宗既台灣味道；另外，不論係任何麵條，人手製的特別煙靭，正是鍾意哩種口感！唯一有少少意見係搭上碗麵既小棠菜，當然為咗賣相，青青綠綠係好睇，但太生同太大嚿，食唔到就太浪費…Read More

因為馬鞍山係美食沙漠，所以先可以有間咁難食既食市都排晒長龍。門面裝修係不錯，食物擺盤都好吸睛，但食市最重要係味道囉！明知一分錢一分貨，有質素既食材，成本太高，做生意係好難平衡，唯有廚師既廚藝搭夠啦！可惜⋯⋯！紙米卷淡而無味，粉皮一嚿黐一嚿，都唔知整咗幾耐；蝦醬炒飯，無蝦醬味，炒飯都可以完全唔熱，鍾意食炒飯都係想食熱飯啫！串燒羊，用炆羊腩既草羊，即使細細粒，都靭到食唔到，其中有粒菠蘿仲係壞既；最後明爐烏頭，唯一熱食，但魚鱗多到唔知點食。整體來講：淡而無味、全部無熱度。…Read More

燒肉燒鵝飯燒肉既豬羶味直情入唔到口燒鵝好肥又無肉，而家食鵝都好難要求有鵝香，但肉汁味都係淡而無味。最後要姐姐送碟薑茸先可勉強食半碟白飯。九龍城有咁多好食市，本來趕時間諗住食個快飯，見門口餐牌有蒸肉餅，心諗應該夠穩陣，點知姐姐話所有蒸飯已沽清，唯有揀最快既燒味飯啦！今次教訓自己，想食靚燒味，真係要去燒臘飯店，茶餐廳既「味部」出品，真的可一不可再。環境方面，眼見都旺場，仲似乎多熟客，真的唔知係我唔識食，定係唔識揀，總之極度失望。…Read More

之前試過迷你冬瓜盅，裡面好多料，湯底非常清甜，重點係外賣都包裝得好好，完全唔怕會倒瀉，睇得出店主嗰份貼心既心思；今日再試咗天麻川芎燉魚頭，飲得出每口都真材實料，湯頭不單沒有強烈藥材味，內有魚頭，不過完全無魚腥味，店主加咗瘦肉，增甜而不膩。加$10就有白飯/菜飯及清菜，份量十足，超值之選。…Read More

搬咗舖後首次幫襯，真的失望極。新店環境衛生有待改善：首先安排入座吧枱，發覺已經鋪晒灰塵；位與位真係好迫，一心諗住快食快閃就無乜所謂。套餐如常點選牛展豆腐配白飯，鹵水汁比較偏淡，沒有以前既香味；牛展比較乾，完全無浸透鹵水汁既香味，白烚似的；豆腐一樣淡而無味；最差係碗白飯，不單止唔熱，而且米飯質素好差；唯一保持水準係魚仔花生，同樣香脆，口感不錯。…Read More

話說上個月幫襯午市點心，興奮到嗱嗱聲寫個食評點讚。今日老爸生日，帶佢食好嘢！奈何大失所望⋯⋯（可能期望太高）。從入座可以講講，明顯加多咗枱，所以座位間比起午市較為逼少少；員工服務方面係可以的；食物方面從食材及烹調都頗失望，唯一味道仍有水準的係海鮮炒麵，但⋯材料中既海鮮，鮮味已失色。尖椒炒牛頸脊，絕對醃製過度，肉質變「霉」，完全無牛肉味。金沙蝦球蘿蔔糕，蘿蔔糕仲有雪味，真的太有驚而無喜！不過其中一款三杯雞，比較出色，色香味都不錯。結論：會再幫襯嘅，不過都係午飯食點心比較穩陣…Read More

附近酒店staycation,四處遊遊見到哩間食店，入去嘆個下午茶。下午茶套餐選擇了宇治金時熱香餅及粒粒玉子西多，再配飲品：宇治金時及薑味檸檬梳打。食物同飲品一啲都唔甜，非常出色，值得推薦。至於環境方面，絕對係打卡好去處，掛畫同枱凳都非常有特色。可能係閒日下午茶時段，餐廳主要員工都「落場」了。全場只有我地一枱客人，及一名女子獨坐（半拉開口罩）間中與店員說說笑笑。小編見到餐牌有粒粒玉子西多，向員工查問一下材料及做法，侍應只是支吾回答；下單後不久見有員工（估計係水吧及廚師）分別從正門及後門回來，相信特意回來炮製食物同飲品。廚師儀容似剛從睡夢中醒過來吧！重點提及一下，餐枱係木製枱面，黐黐立立的，我需要用餐巾舖枱才可放上我的用品，包括手機及除下的口罩。…Read More

食市環境舒適，食物質素高，員工服務不錯，價錢合理，值得推介食店。餐牌款式雖然不多，見到幾款都係以標榜頭抽既菜式，相信係廚師推介。午餐時間，選了幾款點心加炒麵，每款都有驚喜，而且不是一般酒樓點心，單從賣相已經好吸引，睇得出廚師對出品相當有要求；點心配以創意既醬汁，不只有新意，味道更上一層樓，期待再試其他點心。食品質素整體係高水準，反而覺得茶水稍微失望，茶沒有茶香，味道偏淡，要飲到最後，才浸出有茶味，如果可以揀選更佳茶葉，就完美了。…Read More

偶然經過街口搵食，門口見招牌有牛腩泡飯，非常吸引，忍唔住試下。見餐牌價錢都非常大眾化，平均$59～$69，特別要求爽腩/坑腩另加收費，心諗「鮮腩」唔會啦！食材咁貴點做呀⋯⋯。一口先試啖清湯，非常清甜，絕對不油膩；再試嚿牛腩，肉質鮮美腍滑而不黏牙，食得出原汁原味，無額外調味料，CP值超高。同場加映：咖喱牛脷飯，一樣出色，而且非常足料。…Read More

下午3點先去搵食，店內已經無其他食客，店員服務不單有禮，仲非常窩心。安排入座後自行QR code落單，店員主動講聲:「一陣職員落場會用膳，你不受影響，慢慢食，有需要隨時叫我就可以。」聽到真的巧滾動。…Read More

光顧了幾次，每次都好滿足！店舖細細間，兩位店主一邊招待客人，一邊煮煮沖沖，以半自助式既模式，反而更自在舒服。食物方面每次都更有驚喜，從脆軟既麵包就知道廚師對出品既堅持。哩度係一處讓客人靜靜地享受美食既小店，不論擺盤，煮功，食材都100分既黃店，值得支持！…Read More

早到食館，踏入門口眼見有幾款自家出品，諗住慢慢睇睇，職員已不耐煩地催促「嘟」安心出行。當然食物質素確是不錯；奈何店員服務態度真的無服務可言。菜式不多，三款煲仔飯加幾款小菜，結論係出色的。煲仔飯精髓之處當然係飯焦，真的又香又脆；另外就係臘味下既嗰啖飯，吸收晒每種臘味滲出既油香，人人爭食就最興奮。評論服務差，具體表達一下: 要求額外餐具要問幾次；最後加單落甜品等了20分鐘後，「唔該 唔該 」叫幾次無人應，最後問甜品仲要等幾耐，先話忘記落單。…Read More

食店環境清靜，適合三五知己靜靜地傾下計；服務方面亦令人滿意；烹調方面唔可以存有對老店既期望，食物水準一般。不過講求環境衛生就做得非常好，喺疫情期間，碗筷微溫，相信保存於消毒櫃內。枱面有盒裝紙巾，濕紙巾預備，非常貼心，值得稱讚！…Read More

遇上8號風球的staycation，選擇A Tavola Bar & Grill滿足味蕾的選擇。食物質素不錯，擺盤亦講究，色香味俱全。餐廳服務員亦非常細心，見我地枱面已放滿食物同餐具，主動拍多張餐枱比我地，令我地坐得更舒適。…Read More

遠道而來果然無令我失望不論食材新鮮 擺盤亦相當講究，眼看份量似乎不多，但係三文魚同牛油果都係較飽肚食物，其實係剛剛好，大滿足。同老闆閒談中，得知牛油果係老闆每天親自揀選，真係又香又滑；配上三文魚灑上少少胡椒同鹽，恰到好處。Ice Long black coffee好香，入口點點的微酸，絕對係我杯茶…Read More