fat bao的個人專頁

荃灣海濱區內隱蔽小店。店內座位得20個多數人都係外賣，店內食客不多。午，晚市都有優惠套餐供應，每款$46，非常抵食叫咗無骨海南雞湯麵，麵有好多選擇(河粉，檬粉，金邊粉，米粉，米線)湯底亦有好多選擇濃淡味都有(冬蔭功，喇沙，清湯，撈檬)當日揀喇沙米線喇沙湯底味道濃郁咸淡適中，朋友連湯底都飲晒海南雞份量頗多仲有油豆腐第二個套餐係黃咖哩豬扒飯豬扒醃得好入味，已剪開細塊方便進食。黃咖喱除咗汁仲有薯仔，洋葱，青紅椒等配料，非常豐富個咖哩微辣帶小甜是我杯茶加上白飯新鮮熱辣當然要美人照鏡啦！套餐包熱飲奶茶味道當然無餐餐廳咁好，另一個係菜蜜(味道麻麻)，可能係泰國菜一般菜餐廳飲品可能比不上泰式特飲，下次一定會加$轉特飲飯後仲有甜品(椰青糕)送，雖然賣相麻麻，但味道好得頂層係白色啲椰汁糕，下層係有椰青肉啲大菜糕，食落微甜有豐富椰青水味，好似食緊椰青水兩個套餐共$92(免加一)，唔使$100就可食到豐富又美味啲晚餐，真心講真係好抵最後一提，因為哩間係小店，家庭式經營，人手不多，所以上菜時間要耐D，我覺得只要有時間真係值得等吓。…查看更多

有睇開我食評啲都會知道我最鍾意食牛扒薯條。今日去太子附近，網上見到哩間熱店就入嚟試下哩到午餐啲牛扒。12點一開門就有幾個人等開門。內裏裝修雅緻，椅子都套上聖誕公仔椅套，仍然有聖誕氣氛。員工有禮提醒掃安心出行及量體温，然後欣勤安排坐位及餐牌。午餐有多款選擇當然，我揀西冷扒配薯菜，因為係我一個人食飯的最愛菜式。跟餐有湯同特飲，今日餐湯係甘荀薯仔忌廉湯，特飲係檸檬梳打。員工又細心地問特飲需唔需要少冰，真體貼。甘荀湯有微微啲甘荀同薯仔蓉，味道唔錯。檸檬特飲有清新檸檬味，甜味適中。主菜，西冷扒上場啦…200g西冷扮，份量好足，配少量沙律菜同大量薯條。沙律菜新鮮加上中華沙律醬，不過份量少咗D，薯條就嫌唔夠脆口。個西冷扒都有牛味，不過肉質比較韌同無肉汁，可能煮得過熟。整體環境舒適，食物可以，服務貼心就值得加分…查看更多

係海濱花園啲食肆都係做街坊生意，中午路過見幾多人食於是入去試試。餐牌有3張兼底面印，共6大頁。有選擇困難症啲就真係唔知點算。仲有當日快餐餐牌，不過唔記得影相。最後揀咗當日快餐中啲乾炒牛河，送中湯或熱飲，凍飲加$3。河粉炒得乾身唔油膩，不過有幾多河粉係黏唔夠散開，牛肉就無嘜牛味兼韌。另一個就叫咗豬扒麵餐，反而有驚喜喎除咗碗麵仲有一大塊煎豬扒，一隻煎蛋，一條雞肉腸同一塊蒜蓉多士，份量十足，塊豬扒醃得都幾入味塊蒜蓉多就烘得唔夠脆，不過都算唔錯。個麵餐一樣送熱飲，非常抵食。順帶一提，兩個餐都好夠熱。…查看更多

如心廣場越開越多食肆，哩間行過幾次都好多人排隊，網上食評又好壞參半。見價錢幾平，而且我12點前到達，所以無嘜人又唔使排隊就入內一試。環境潔淨，坐位唔太迫。睇完餐牌落order就見坐無虛席。跟餐有野菜豬肉湯，湯底係麵豉湯有白蘿蔔，紅蘿蔔，洋蔥同肉片，好多料，但個人唔太喜歡麵豉湯。鐵板滑蛋鰻魚定食，鐵板菜式通常都係好熱，但哩個鰻魚定食嚟到只係暖，鰻魚味道普通但個鰻魚汁甜甜哋用嚟送飯都幾好，碗飯都幾大碗，一般男士都夠食。吉列炸蝦豬扒定食有兩隻吉列蝦同一大塊吉列豬扒，份量十足。蝦同豬扒都炸得好脆唔多油，蝦爽口彈牙，豬扒軟腍，外脆內軟。枱面有中華沙律汁配一齊食就更正。小食叫咗唐揚炸雞，一碟有5件，外層上咗薄粉炸，雞皮炸得香脆，雞肉軟滑好juicy。今餐所有炸物都做得出色，鰻魚就比較遜色。份量價錢都適中，唔使排隊等都食得過。…查看更多

今天想到果欄買水果，見網上食評讚多過彈就上嚟一試。Cafe係樓上，我12：35到達搭電梯上去非常順利，但走啲時候出電梯見到長長人龍排到出玻璃門等上樓。set lunch好多選擇，有10款價錢由$52至$128。我選擇了香煎紐西蘭西冷扒$72。先嚟是日餐湯配蒜蓉包，薯仔雜菜湯打成蓉，濃稠適中味道唔錯而且好夠熱。蒜蓉包唔熱，唔脆，有點韌。主菜西冷扒，我要7成熟，牛扒好大塊，唔韌無筋，雖然無嘜牛肉味，但咁啲價錢都物超所值，值得一讚係醬汁係分開上多汁少汁自己揀。餐茶啲檸水當然係正常啦！最後要一提係，哩到啲侍應有禮貌服務周到，見隔離枱有兩個男人入嚟各孭住一個背包，侍應引路後隨即主動安排一張椅畀佢哋放袋，十分貼心讚…查看更多

今日上山頂行吓，行完當然要揾嘢食啦！山頂廣場內有這家台灣菜，見座位舒服，人少少，門口擺咗餐牌出嚟，價錢又唔貴便入內一試。哩到主要係食麵，有十幾款麵食，仲有小食同多類飲品餐廳座位寬敞，整潔點了兩款麵食及1款小食。安格斯牛肉麻醬拌麵，安格斯薄牛肉片加上青瓜細絲及大量麻醬。青瓜爽脆，麵質Q彈，麻醬香濃芝麻味，仲有一隻窩旦加入麵一起拌勻，使麵更creamy另一款麵食係海鮮喇沙湯麵，湯底微辣，有油豆腐，魚腐，蝦同魷魚配上大量芽菜，麵條同樣彈牙煙韌。小食鹽酥雞同樣出色，炸得外皮酥脆內裏雞肉嫩滑有肉汁山頂廣場同凌霄閣有多間食肆，都係中高價餐廳同連鎖食肆居多，哩間台灣菜可以話係另外之選。…查看更多

小店位於海濱街市內，坐位不多但整潔，最重要係食物抵食夾大件，水準有返咁上下。見之前上載啲餐牌已經3年前，所以畀返最新啲資料大家參考。當日點了焗白汁煙三文魚直通粉($50)及焗鮮茄豬扒意粉($50)，包熱飲焗煙三文魚直通粉有大量芝士拉絲效果一流，白汁有奶香，內有5至6片煙三文魚加上直通粉唔太腍有少少嚼口正是我杯茶焗鮮茄豬扒意粉，面層同樣有大量芝士，嗰茄汁味道做得幾好，豬扒份量唔少並已剪開放便食用，唔用刀都可以。兩個餐份量好多，女生兩個人share一份已足夠，就算係男士都未必食得晒。最後當然仲有杯熱飲，因為秋天我要推介佢哋啲檸蜜，唔使加錢可以潤吓之前我食過哩到啲豬扒牛角包套餐，牛角包好大個好酥脆仲配薯角或沙律，包熱飲都係$45，真係好超值…查看更多

記得多年前好多旺區都見華香雞這個招牌，後來銷聲匿跡。今日見到荃灣一個偏僻地方出現這招牌，入內見到張貼雜誌啲訪問得知當年華香雞結業後幾年前在荃灣海濱花園重開。餐牌選擇唔算多，大部分已貼在牆上方便睇。有餐湯或熱飲送，當日餐湯為清補涼雞腳湯。掛住飲唔記得影相。個湯幾好，有隻雞腳無味精見食評大部分人都食華香雞，我反其道而行，叫了豉汁白鱔同欖菜蠔仔。每個餸配唔同飯就唔同價錢。我揀了配最貴的煎黃飯。豉汁白鱔煎黃飯($68)上菜時係用一個木盤盛着熱熱金屬盤幾特別。白鱔新鮮，薄切有6件，味道配上大量洋蔥同葱非常香，啱晒洋蔥控同葱控黃飯面有大塊炒蛋，正。黃飯即係黃薑飯，有好黃薑香味，加上黃薑飯對身體有益特別食得安心開心。黃飯份量十足，而且下面有飯焦，脆脆的飯焦欖菜蠔仔煎黃飯($68)蠔仔同樣新鮮好味，雖然兩款都唔係哩到招牌菜，但都幾好，下次會試吓招牌菜 - 華香雞。…查看更多

今日原本想去2樓嗰間森美食羊脾扒，點知今日無開，所以到留下森美食午餐。樓下哩到坐得舒服好多，但無羊食。有8款午餐，我揀牛肉眼扒跟薯菜。先嚟燕麥包同今日餐湯(南瓜忌廉湯)燕麥包暖，細細個外脆內軟有嚼頭，南瓜湯有南瓜味但無忌廉味，正常主菜上場，香煎牛肉眼扒跟薯菜牛扒係薄切，有牛味，個汁有蒜蓉味，味道剛好，薯條無浸汁啲係外脆內軟幾香口，但浸咗汁的自然腍晒，建議一上枱先從汁中救出薯條。最值得讚的就係餐茶，因為凍飲都唔使加$，連檸樂都係喎，咁jetso我當然要檸樂…查看更多

米芝蓮中餐廳，服務細心周到。之前食過這裡啲點心，今次試午市套餐。先嚟點心拼盤，有蝦餃，燒賣同芋角。蝦餃皮薄，餡料彈牙有鮮味。燒賣結實有咬口亦鮮味十足。芋角外皮鬆脆，皮薄餡多，不過我鍾意食皮多D。灌湯餃，湯水好有蝦啲鮮味，同樣都做到皮薄餡多，但個人覺得稍咸。食過點心，到兩款小菜，羊肚菌玉簪帶子，羊肚菌有兩粒小小啲，玉簪就用芥蘭苗，甘荀同冬菇穿過粒帶子，加上用桃形碟盛載，好精緻另一個就係金不換三杯爆雞，雞同葱頭，薑，紅椒同金不換爆炒得好香，味道不錯再嚟就係蝦子菇瑤炆伊麵，伊麵用瑤柱草菇炆再加上蝦子，整個伊麵味道調較得幾好，可惜伊麵較為稔身。最後當然是甜品，芝麻糊。芝麻糊甜道度中，可適有陣燶味，估唔到米芝蓮餐廳主廚都有失手時。…查看更多

因為懶多年無寫食評。今日真係唔寫唔得事源，今日路經多年前成日去啲牛屋，見午餐同以往一樣好抵食便入內重温舊日回憶。內部裝修多年不變，但侍應當然不同往昔。叫了我當年成日食開啲黑椒牛扒餐($53)。先嚟忌廉湯同餐包。包已搽牛油唔係以前畀嚿牛油你自己搽。個包又凍又硬，嗰面已經乾晒，牛油似有似無。忌廉湯，麵粉水+幾粒粟米，不食也吧。主菜上場：黑椒牛扒+薯菜。$53都預咗牛扒唔會靚，所以對牛扒肉質無要求，但……個黑椒汁真攞命不單似糊仲超，超，超……咸，諗住撥開個黑椒汁淨食牛扒，點知連個牛扒都超咸，哩餐真係挑戰我啲腎功能。整餐最正常啲係加$3啲熱檸茶，無錯，哩到要飲嘢無論冷熱都要加$3，華田，好立克，朱古力就要加$5。以往對牛屋都有唔錯啲回憶，但今餐全部粉碎，以後亦唔會有重回舊地啲想法。…查看更多