maskspirit's Profile

待客態度惡劣，有兩位客人進入想取餐牌，四眼短髮嬸嬸回應語氣惡劣。買外賣時，我聽不清楚她說什麼，她喝問我要飯還是什麼。我想問她取餐牌看清楚，她一副嫌麻煩的樣子。另外，找錢時隨便遞回，丟了在地上也沒一句唔好意思。…Read More

每次去條隊都長到我放棄🥹今日6:30pm都已經有人排緊😳但今次我係唔會放棄㗎😤鍾意魚湯嘅我真心覺得好好味🙆🏻‍♀️.三種麵都叫晒同屋企人開心share1️⃣鯛魚清湯🍜 $1382️⃣鯛魚白湯🍜 $1383️⃣鯛魚沾麵🍜(限定） $148 .三款各有千秋1️⃣湯底清甜，麵係幼麵，亮點✨會俾碟用油爆香過嘅蠔仔🦪撈埋落去好香😍，仲會配上炸魚皮.2️⃣湯底較濃郁，麵同1️⃣一樣，亮點✨係配上柚子，有啲酸有啲苦澀，但撈落去個麵到食可以解膩😍.3️⃣湯底最濃郁，麵係薄薄嘅刀削麵，最掛汁，每一口湯（嚴格上嚟講係汁），亮點✨係放左乾冰係麵嘅底部，打卡一流📸.1️⃣2️⃣3️⃣都會有鯛魚肉碎同筍片，不過只有1️⃣2️⃣會有塊叉燒，叉燒我冇咩印象，普普通通。.服務好好👍🏻餐廳運作好有條理，上菜好有效率👍🏻會想再去食🥳.🏠 ○de▽ 鯛白湯らーめん (中環)📍中環鴨巴甸街13號地舖📞23463889…Read More

#ritacaneat 😋.之前去過爆丼屋旺角分店大排長龍，原來九龍灣megabox都有分店！九龍灣megabox分店採用落地玻璃，環境好光猛，感覺大啲可以坐倒多啲客人.每次去爆丼屋都會有選擇困難症，因為有太多唔同嘅組合俾你揀。不過嚟得呢到又係刺身控，我梗係要食最出名嘅刺身丼👍🏻.三重大極上丼 $398蟹肉 + 拖羅 + 海膽👍🏻.呢個丼飯嘅賣點係豪華，又咁啱將我最鍾意食嘅嘢放晒一齊，綑住碗邊嘅就係蟹肉，配上一片片油光閃閃立立令嘅拖羅（拖羅有好多塊👏🏻），上面放咗鮮甜嘅日本海膽，吸睛之外每一啖食落去都令人非常滿足🤩.三色海膽盛丼 $288🇨🇦加拿大海膽+🇯🇵北海道馬糞海膽+ 🇰🇷韓國海膽👍🏻.呢個丼飯就最適合海膽控，成個碗鋪到滿晒，我自己特別鍾意加拿大同北海道馬糞海膽。加拿大海膽就比較肥厚大片味道濃郁，而北海道馬糞海膽係被日本人推崇為最矜貴嘅海膽，雖然細塊但入口即溶。呢個丼飯每啖食落去都係海洋嘅味道，每啖都係又鮮甜又creamy嘅海膽 😋.每個丼飯都會奉送一碗麵豉湯，食刺身前暖暖胃都唔錯😌.爆丼屋 (九龍灣)📍九龍灣宏照道38號企業廣場5期Megabox1樓21-22號舖.#好掛住日本 #爆丼屋megabox #九龍灣 #足料丼飯 #日本菜 #大滿足 #丼飯 #三重大極上丼 #三色海膽盛丼 …Read More

#ritacaneat 😋.又去小店覓食🙆🏻‍♀️ 今次去咗Friday Cafe & Wine Bar😋.非常搶鏡嘅3D咖啡☕️（$70）我叫咗mocca，圖案可以揀貓仔、狗仔、熊仔同埋熊貓，但冇諗過布甸狗都有🤩即刻瘋狂影相同埋忍唔住尖叫咗下😆朋友就話飲完咖啡驚瞓唔著，所以叫咗杯西柚梳打（$38），個顏色影出嚟都幾少女幾夢幻🦄.食物份量好足，我哋叫咗兩款小食，黑松露薯條（$78）同埋檸檬雞翼槌（$78），黑村露落得都幾慷慨下，而每件檸檬雞翼槌上面都有塊小檸檬，味道清新，唔會太濃味。因為兩個都食唔倒太多嘢，要咗一份主食，就係紐西蘭羊鞍（$268），肉質嫩滑，羊肉嘅羶味同洋蔥味濃郁嘅醬汁好夾😋.店內有一面牆放滿酒樽，見倒有人happy hour同朋友暢飲一番，另一面有好多模型，男仔嚟到應該會好興奮😆 .Friday Cafe & Wine Bar 📍上環孖沙街8-10號金滿大廈地舖.#fridaycafe #上環cafe #3D咖啡 #精品咖啡 #hkcafebar #香港小店 #香港打卡 #hkcoffeelover #hkwinelover …Read More

母親節帶媽媽食好嘢😋.去咗Sunset Grill食Sunday Brunch自助餐，見倒有生蠔龍蝦靚景所以預早仆倒去訂檯，依家好似已經book到七月先book倒😂.呢度嘅main courses（有steak / 泰式少少辣嘅prawns / 勁多蟹肉嘅eggs benedict 另外仲有個類似all day breakfast嘅我冇試）唔係自己去拎，每次向dining attendants落單，呢到嘅服務好好，每個dining attendant都好努力去配合客人要求，亦都主動同客人有傾有講，非常親切。.食物方面，任食嘅生蠔係法國🇫🇷Fine De Claire，海水味重🌊，但非常甘甜😍 .乾式熟成牛扒，煎到外層好香，入面肉味濃得嚟肉質嫩滑，我同爸爸媽媽每人叫咗一份.我對甜品冇咩概念，都有食一兩件，但印象唔深刻，我反而鍾意食生果，有大大粒藍莓同士多啤梨🍓.簡單啲嚟講呢到嘅嘢食貴精不貴多，同埋有靚海景，睇倒機場嘅飛機降落🛫️.淨係星期日先有Sunday brunch buffet，每位$688加一，可以由12:00PM食到3:00PM .有興趣快啲訂，唔知呢個brunch自助餐做到幾時 😉…Read More

#Ritacaneat 😋.每次去港島覺得難得去到咁遠，所以都好認真覓食，今次路過揀咗一間叫 @MANSONSLOT 嘅餐廳，睇完餐牌嘅選擇好多 (ALL DAY BREAKFAST / CREPE / SALAD / PASTA / RISOTTO / BURGER…)，就衝咗入去！.所有食物飲品上菜嘅賣相同餐牌完全一樣，俾倒我好好嘅第一印象，用嚟打卡一流。另外，兩份主菜嘅份量都有返咁上下，男仔食都應該好有飽足感。.GRILLED BEEF & NEW POTATO SALAD $88呢份沙律顏色好繽紛，見倒都已經心心眼，入面嘅食材相當豐富，有烤薯仔粒 沙律菜 白麵包粒 車厘茄 牛油果同埋烤牛肉。最令人驚喜係烤牛肉，輕輕煎過嘅牛肉片約5成熟，裡面呈粉紅色，鮮嫩得嚟有肉汁。牛脂肪嘅香味混合係其他食材當中，每一啖都食得好滿足。.OUR HOMEMADE BEEF LASAGNA WITH HOUSE SALAD $113千層面口感煙韌，內裡的免治牛肉濕潤得來肉味濃郁，面層滿滿的芝士讓整個菜式味道更加豐富。各種食材嘅份量取咗個平衡，食落去唔會太油膩，味道又唔會太寡。因為食物份量好足，實在食到太飽太滯，如果唔係都會試下呢到嘅主打咖啡。天氣好熱，所以飲品結果揀咗ICE TEA，冇咁飽肚又清爽。.HOUSE FLORAL ICE TEA $47(JASMINE DREAM WITH FRESH ORANGE)清新茉莉花茶配上淡淡嘅鮮橙果香，解渴消滯。.TINKER BELL $46(GREEN TEA, BUTTERFLY PEA, LEMON VERBENA, LEMON THYME, BLUE BERRY)藍藍紫紫嘅顏色仲加咗士多啤梨粒同藍莓，飲落去酸酸地，聽講裡面嘅馬鞭草有令人鎮靜放鬆情緒嘅功能。.鍾意飲酒嘅話，可以試下唔同手工啤同埋其他酒類飲品，其實呢間餐廳門口望落去都幾似一間酒吧。.Mansons Lot📍灣仔汕頭街1-3號地下.#咖啡 #香港咖啡店 #隱世cafe #shisha #灣仔cafe #AllDayBreakfast #crepe #lasagna #hkcoffeeshop #coffeelovers …Read More

茶餐廳賣相但係俾倒你屋企住家飯嘅味道😋 最重要係冇味精！價錢仲要好合理🙆🏻‍♀️ 環境好舒適，由其卡位好寬闊坐得好舒服。.終於去咗試傳說中唔可以外賣嘅手工紫薯麵，好好食，仲以為會好林，點知好彈牙😋 豬手炆到好入味 （$42）呢到嘅手工麵唔會做外賣，相信係唔想影響質素，始終麵放落咗林晒就唔好食🍜.另一個棒棒糖滷鴨飯都好出色，鴨肉唔會好乾身，一定要點落去滷水汁再撈飯食😍 （$52）味道上會偏甜口，但係我就係鍾意甜少少嘅滷水汁😍.叫飯仲會送一盅湯，每日都唔同款❤️…Read More

一般茶餐廳格局，好坐就唔算得上，出發前打去問有冇位先過去，又問咗關於泊車嘅嘢先過去，接電話嘅都好有耐性👍🏻.去到嘅時候都唔算太多人，平日夜晚嘛，不過十檯有九檯都叫煲仔飯，所以我都唔執輸😂.金蠔蝦乾煲仔飯 ($143)金蠔脹卜卜煙韌有蠔味，又唔會乾到咬唔開，蝦乾好大隻量好足，落少少甜豉油，完美😌.臘腸滑雞煲仔飯 ($80)臘腸偏瘦唔夠脂肪，但係滑雞好出色，唔會係難食嘅雪藏雞柳，雞汁同飯混埋薑絲一齊食，每口都係幸福嘅味道🥰.如果多返少少飯會開心啲，可能因為我係飯筒😜 最後我連飯焦都食晒😋 下次要再食過🙆🏻‍♀️…Read More

路過趕時間，諗住試下呢間粉麵。見時間到有下午茶餐，叫牛什河。同侍應講要走牛肺，佢落完單，我等野食。個牛什河我食咗幾啖，發現張單唔岩，問其中一個侍應。佢黑晒面竟然叫我自己搵返負責嘅侍應。終於搵返負責嘅侍應問點解要加錢，佢話下午茶唔可以走牛肺。我質疑點解佢落單唔同我講要加錢，點知個侍應態度惡劣，仲惡返我轉頭。最後，佢冇答我任何野，叫另一個人埋黎俾返張岩嘅單我。個個人係「飛」張單俾我。食到成肚氣，絕對唔會有下次。…Read More

其實去完韓國每次都好掛住當地嘅海鮮泡菜湯飯，返香港試親嘅都好嗆喉，啲海鮮又好唔新鮮，但係終於俾我搵倒間正宗嘅泡菜海鮮湯飯。🤩炸雞係另一個驚喜，香脆得嚟唔會皮肉分離，配埋沙律成件事冇咁油膩。其他食物都好唔錯。當日見倒有韓國人幫襯，亦都有韓國姐姐（언니 알바생）做嘢。（老闆都係韓國人，不過就唔係오빠 🤪)食完同朋友留低傾下偈，老闆同埋侍應都好友善，又幫我地影相。唯一美中不足係伴菜只可以揀兩樣refill。…Read More