Creamy Coffee's Profile

朋友介紹去話E間居酒屋，話d野幾新鮮同菜式幾特別，仲推介佢哋嘅signature dish 牛腸鍋。入到去鋪仔細細，得十幾張枱，但感覺幾舒服。我地喺是日精選個牌度點樣兩樣野，松葉蟹腳天婦羅同辣牛腸鍋，蝦天婦羅就食得多，蟹腳天婦羅都係第一次，隻蟹腳已經幫你拆咗殼，薄薄嘅脆漿包住帶有海水味嘅蟹腳，呢個配搭幾特別👍🏻。平時只食豬腸臟嘅我，未食過牛腸, 依個牛腸又處理得幾好，冇怪味，煙煙韌韌嗰個感覺又幾得意，個辣度又啱啱好，啲蘿蔔索左啲汁又淋又香。👍🏻店員落力推介一條叫做子持香魚，未試過又試吓，煎出嚟好香，魚味鮮甜而且好多魚春，正。朋友叫刺身話都好新鲜👍🏻見到老闆不停喺度招呼客人，侍應態度又好動作又快👍🏻加分埋單時原來有九折👍🏻，侍應仲介紹午市有八五折，下次lunch可以一試。…Read More

之前去銅鑼灣間養心殿覺得幾好食，今次九龍區嘅朋友揀咗旺角，先要讚地點非常方便。內裏嘅裝修都幾古色古香，同個名幾襯。我哋叫咗鴛鴦鍋，美人鍋配寧神養心鍋。女人要補一補，寜神養心鍋有川芎、白芷、天麻、當歸同魚，而美人鍋有桃膠同烏雞。坐低見到有promotion like Facebook送咸零七👍🏻。食物方面都好多選擇，而且有拼盤同半份選擇，可以試多幾款。咁多樣餸今餐我最欣賞係鮮腐皮、餃子拼盤同水蓮。水蓮其他地方比較少見，餐牌寫每日飛機直送，滾一滾就食，嫩同脆口。鮮腐皮就好香豆未，不過唔可以煮咁耐，如果唔係就會溶。而餃子拼盤就一次過可以試六款餃子，足料大大粒，我最鍾意嘅傳統韮菜餃。見隔離枱d碟炸芋頭好似好靚，不過真係食唔落，下次有機會再試。服務方面都唔錯，好多服務員係走廊度行來行去，落單上菜都快又主動加湯，都要讚。…Read More

昌運呢個位, 一直都係甜品店. 以前係大中就多數來呢度食甜品. 但間野越做越差, 幾個月前終於接左. 取而代之係間越南菜. 見到開越南菜都幾開心, 因為大中好似無一間似樣既越南菜今晚唔煮飯, 專登同老公來試下越南菜必飲越南咖啡. 另外見佢有越式拉茶又試下. 飲落同泰國拉茶差唔多味蝦餅豬頸肉撈檬: 呢樣一向係我至愛. 呢個豬頸肉烤得好香脆. 食到尾都仲係脆邊, 正!叫左串燒拼盤. 夠曬入味, 就算唔點醬都夠味. 最驚喜係有燒菠蘿, 勁甜呀!再叫多個炸軟殼蟹. 即叫即炸夠曬熱, 隻蟹都有蟹糕. 食完呢餐, 都係要去搵間甜品店作結尾, 就滿足!…Read More

今日 lunch 的搵食目標係試新野. 本身諗住去另一間餐廳, 但經過呢度見唔洗等位直入, 就一於試下啦. 望住個 menu 唔知揀乜時, 見到個是日精選就叫佢啦. 但乜野係白珍珠呢?? 噓.....只係白飯. 食台灣野必飲台式奶茶. 雖然要加成$18. 但都照飲啦. 鬼叫好想飲咩?!! 一時沖動就衰左!!!我 order 時講名少甜少冰. 來到係一粒冰都無. ok, 我唔介意. 但一飲, 嘩!!! 甜到爆爆爆爆爆!!!!成杯野完全無茶味, 好鬼奶粉味, 又濃到好似奶昔咁. 總之係杯超甜既香芋珍珠奶昔飲左杯野2啖已令我好唔開心. 餐飯既其中野已經無乜感覺. 肉燥娃娃菜係好味既. 但個脯肉就太咸. like face book 送2粒花枝丸都好味既. 但食完再飲多啖杯野.........ai........18蚊! 不知所謂!!!…Read More

平日 lunch time 經過，永遠都見到條超長龍，起碼二三十人排隊. 可能要排半粒鐘.今早一個人食早餐, 見有位就入去啦. 我叫既都係一般早餐. 火腿通煎雙蛋+熱奶茶. 火腿通最出色係個湯底, 有雞湯香味. 比一般茶餐廳好好多.  但個煎蛋就失敗, 原本煎到金黃色&脆邊應該好正. 但一食落去有炸魚味....應該係用炸過魚既油來煎蛋. 錯曬!!!!  熱奶茶正常. 食完已經又排曬隊. 唔係個煎蛋衰左. 呢間野的當幾好既. 可惜!!!…Read More

平時好少入荃灣, 但今次約朋友入元朗, 荃灣都算大家既中間點, 就入荃灣飲茶啦. 朋友話平時成日去彩福, 多數都好味, 所以揀返彩福. 但對於我地來講地點其實麻麻, 因為無位泊車. 要行2條街才有停車場. 見到點餐紙有推仲獲獎點心, 睇樣好吸引, 唔係平時食開既. 一於試下. 第一碟上既係芝心海皇千絲春卷. 好脆口鬆化. 入面既芝士又好香. 就算一碟有成6件, 都被大家秒殺.  另一樣係黃金流沙包. 勁香既咸蛋黃. 脂肪萬歲!之後到好可愛既魚魚餃子. 我都無機會食, 就比小朋友搶曬. 炸兩就食得多. 但包住春卷既腸粉都係第一次, 最難得係春卷皮仲係好脆. 正!胞魚燒賣, 睇個樣就富貴. 但只係$35, 好抵食. 次次飲茶我都切食紅棗糕. 呢度除左夠紅棗味, 仲帶有椰汁味. 又夠彈牙. 大愛!居然飲茶都有椒鹽白飯魚. 炸得又香又脆完全唔油. 食到唔停口. 又係炸野, 但第一次飲茶有蝦多士. 真係忍唔到好. D蝦仲要勁爽口. 好味. 蕃茄海鮮湯烏冬 & 海鮮雜菜煲. 嘩! 好大煲呀!!! 好彩2樣都好好味. 烏冬彈牙, 粉絲爽口. 最重要湯底無乜味精. 大家好努力 KO 曬. 其實食完點心已經好飽, 因碟頭比一般酒樓大. 攬到叫多左好多野. 好彩每樣都好味. 叫左就要食曬. NO FOOD WASTE!…Read More

今晚係觀塘收工，又想同老公食火鍋. 但2個人食永遠都只叫得幾樣野. 搵任食咩？質素通常都比較差. 於是上OpenRice睇下，見到呢間有二人套餐, 正! 每樣少少但種類夠多. 正合心意！有雞鍋，有菜，有肉，有海鮮，有飲品，仲有埋甜品. 滿足曬所有願望!!!調味料超多選擇先上2碟小食. 份量絕對不少，2樣都係我至愛！果汁原來係即叫即打，足料好味，平時係街飲杯果汁都三四十，太正！雞煲上場. 呢度足半隻雞. 又滑又入味，食到呢度，我已經飽左一半初時驚佢會用雞煲來打邊爐. 咁就肥到爆. 原來非也，會另上一個清湯來打邊爐. Good!!!食物真係有圖有真相，全部都新鮮好味，款式勁多. 今次真係飽到嘔!最後，我地仲要 like 埋 Facebook, 每人送多罐可樂，但我已經飽到飲唔落. 拎埋走 lu. …Read More

近年好興慢煮，好多朋友都會買枝慢煮棒回家玩慢煮，話整出想既肉都軟滑好多. 經過太子，見呢間野又係 sell 慢煮，就想試下. 試得慢煮當然要試牛啦. 一睇價錢一舊水都唔洗，超抵 wor!!切開件牛，全件都係好平均既粉紅色，唔會出曬血水，呢個就係慢煮既威力. 食落，的確比一般煮法軟淋. Good!朋友叫左個烤雞豬仔骨餐，百幾蚊有咁多野食，抵到爆！雞&豬仔骨仲要好 juicy & 入味. 正！最後加埋個紅豆雪糕. 見食個雪糕白食，但食落充滿紅豆味 ga. 7點三四已經坐爆曬人，好彩早來 jar. …Read More

之前朋友成日都話養生鍋好正，特別係個湯底，今日就一行四人一齊去食. 我地揀左養生鍋拼美人鍋一試2款湯底，非常足料，又香又濃，朋友的確係介紹錯. 最欣賞係配料. 不論桃膠、龍眼肉、藍棗等都係靚貨，一 d 都無馬虎只係湯料已紅食到我半飽.至於汁醬配料都係貴精不貴多. 最正係個蒜蓉汁，超香濃！始終4個人來食唔到好多野. 我地只可揀最想食的. 呢度各式丸&餃子都好新鮮彈牙. 但個黑柏葉就好易 un, 都唔知點煮先 ok?!我地幾個都唔係牛魔王，所以只揀一碟普通急凍肥牛反而大家都愛上隻水蓮，清脆爽口. 之前好似唔多覺有呢款菜，唔知一般街市有無呢？最後，都係覺得個湯底飲得唔夠多. 下次要飲曬成煲湯才開始打邊邊…Read More

之前次次去開 sogo, 都想過對面食 HeSheEat, 但次次見到條人龍都係驚驚唔想排隊. 今次6點半都未夠就去到, 終於唔洗排隊可以直入喇. 雖然多數人來都係食甜品, 但我卻愛來食正餐. 質素絕對拍得住 cwb 其他幾百蚊餐既餐廳. 先叫左個蟹肉牛油果沙律, 足料又新鮮. 之後就係炸雞肉蘑菇, 又熱又脆, 入面雞肉夠滑又多汁. 之後就到 burger, 原來入面仲有大大隻 BBQ 菇, 牛肉生熟剛剛好, 充滿似汁. 薯條又炸到脆 bob bob. 正! 最細心係上桌前已幫我地切開2半, 2個人 share 食夠曬方便. 另一主菜係最簡單的白酒牛油炒蜆肉意粉. 一上桌已聞到好香白酒味. 汁的濃度剛剛好, 每條意粉都帶有汁液, 但又唔會好濃好漏. 加上蜆肉夠又大隻又鮮甜. 令意粉好 fresh. 最後, 我地無叫甜品, 因為已經好飽. 就改叫沙冰. 無論芒果定係西瓜沙冰都無糖水, 但已經夠曬清甜. 大熱天時絕對係最佳選擇. …Read More

星期五當然要 Happy Friday, 但近來減緊肥又想出街食都唔知揀咩餐廳好. 老公呢個魔鬼就永遠話食左先算！😈我既條件好簡單，只想低碳. 跟住老公就揀左 Mini Friday 食扒. 見 menu 有牛有羊都唔洗點揀，各一啦. 減肥最開心就係見到沙律，仲要係新鮮生果&菜，隻碟都雪到凍冰冰，正！老公就揀雜菜湯，佢話夠香濃. 到我最愛的牛扒，雖然煎得熟左少少，但都好淋&有肉味. 呢個價錢絕對抵食. 今晚我無食到羊，但聞起上來都好香好吸引. 而配菜係蕃薯蓉，老公話好香甜又夠滑，但太高碳，我都係唔敢食. 完美晚餐必備甜品，但朱古力cake就留比老公啦.我見 menu 有 sorbet, 正呀！原個白桃sorbet, 絕對係減肥人士的最佳甜品，香甜幼滑，太好味喇!!!唯一我唔太滿意係旁邊有人唱歌.…Read More

近來減肥, 都好少出街食飯. 今日朋友生日, 點都要同佢食餐飯. 朋友去過 Green Orange 一次想再去, 就一於來呢度食啦. 餐廳 menu 選擇唔算多, 所以我地好快就揀到食乜喇. 首先上餐包, 有2款: 芝麻 & 香草. 香草包夠曬香濃, 係我大愛!減肥當然要食沙律打底啦. 帶子煎得超香, 個面仲有少少脆口. 正! 另一超好味係西柚. 所有皮都清走曬, 而且好甜好 fresh. 如果減肥可以日日食呢個沙律就開心死!!之後就到蟹肉南瓜湯. 蟹肉好鮮甜, 絕對唔係罐頭蟹肉可比美. 朋友就食肥爆 carbonara, 我就唔敢食喇. 而我就 order 左西冷扒. 件扒好靚好淋. 超有肉味. 對我而言, 都係愛美國西冷既肉味多於日本和牛的油香. 呢餐雖然都好肥, 但好味! 減緊肥食佢, 都算無浪費 quota. …Read More

陪小朋友溫習考試，攪到自己都癲埋. 一考完試，就決定同老公出走一晚去飲下食下，要 relax 下.今次去 soho 區，好似都成年無來過. 連裝修都唔同左. 講明來 relax, 老公當然要似杯啤酒. 可惜我係唔飲啤酒，比唔到 comments.我自己叫左 berries smoothies. 夠曬香濃. 正！先叫左個比炸薯球，分別係蟹肉 + Parma ham 2款. 真正外脆內軟，夠曬香口. 得！之後就係西班牙parma ham. 分別係 24, 48 & 60mths. 月份越長味度越濃. 我自己最愛48mths.Parma ham 都係買返來唔會太特別，反而個多士係亮點. 用牛油煎得又香又薄，但帶少少煙un, 第一次食煎多士. 大有驚喜.另外叫左1kg 青口，今晚既青口來自荷蘭，用白酒忌廉煮，一上桌己勁香，食落鮮甜入味. 初時見咁大煲驚食唔曬，但好好味之下，又清曬.第二道主菜係法國春雞. 同樣烤得皮脆肉嫩，切開勁 juicy. 完全唔會失望. 明明己經好飽. 都 KO 曬！一餐食曬比利時，西班牙，荷蘭&法國美食. 再飲下野，好 relax 好滿足！…Read More

今晚係中環收工, 就同老公係中環食飯. 今次又係去我最愛既 Stanley 11 搵食. 係 Stanley 11 試過不少餐廳. 多數都滿意. 今日就揀左 Amici. 6點半就來到, 太早, 我地係第一枱, 但就坐正窗邊位. 好舒服. 第一次來無乜 idea又唔想睇 menu, 就直接問有咩推介? 餐廳經理就推介左幾款菜比我地. 唔想用腦的我地, 就照跟. 先上餐包. Appetizers 叫左2款: oyster & foie gras. 今次既蠔係比較清 & 爽口. 又好鮮甜. 好合我口味. 但我老公一向受濃 &creamy 既. 呢款就唔係佢杯茶喇.  對蠔既喜好, 我同老公永遠都係夾唔到既. Foie gras 就唔同. 都係我同老公的最愛. 呢度既Foie gras 煎得好香脆 & 完全唔油. (好多時去餐廳食肝, 都係煎到好油, 只睇碟/包, 已經吸曬油, 見到都唔想食.) 內裡香軟. 肝面帶有少少海鹽. 海鹽+肝永遠都 match. 食落口會變甜.大愛! Soup of the Day: mushroom cream soup. 同飲開既 mushroom cream soup 唔同, 佢無把蘑菇打溶, 所以個湯好滑, 但又不失香味. Main Course: Seafood Medley有蝦, 帶子, 魷魚 & 比目魚. 海鮮好簡單, 只要夠新鮮就好食. 今次每款海鮮都好解甜. 特別係帶子. 應該用上鮮帶子才會咁鮮甜. Pasta: Rigatoni Arrabiata最後呢個 pasta 係最有驚喜的一道菜. 外表係平平無奇既蕃茄通粉. 但聞一聞即香氣透鼻, 好香既鮮香草味!. 個大通粉煮得剛剛好, 吸曬香草蕃茄味, 而且煙韌有咬口. 再加上切成粗條既pancetta bacon 好香口. 係完美既配合!  最後飲埋杯咖啡. 大滿足!!!今餐由餐廳經理作主點菜. 海鮮&肉類配合得剛剛好. 份量又唔會太多. 超滿意的一餐!!…Read More

昨晚跟老公慶祝週年紀念, 放工後到銅鑼灣吃晚飯. 我們都愛吃豬手, 朋友介紹了一間樓上小店, 便去試試.我們食量不算大, 跟往常一樣, 點了 1 頭盤 + 1 主菜 + 1甜品. 天氣太冷, 先喝杯熱果茶. 酸酸地很開胃. 頭盤點了西班牙多士拼盤. 每款也不一樣, 分別有三文魚, 雜蘑菇, 牛肉蟹鉗, 蜜瓜黑毛豬 & 鮮鮑魚. 我最愛係鮮鮑魚, 應該用鮑汁煮過, 好鮮甜入味.主菜當然是西班牙豬手. 當一上桌時感到奇怪...豬手不見了?!! 今次的煮法跟以往吃的很不同, 豬手上淋了大量白汁煮酸菜. 原因酸菜用白汁煮是很配的, 都是第一次試. 而豬手烤得更是出色, 外皮十分鬆脆, 內裹的肉很滑富肉汁. 再配大量酸菜一起吃, 完全化解豬手的油膩. 吃完全隻豬手也不覺漏. 令人回味! 最後甜品選了 Raspberry sabayon. Sabayon 是傳統意大利甜品, 不多餐廳造, 當然點來試試. 口感很香滑. 應該用上大量蛋黃, 配上raspberry 穌皮, 酸甜香滑鬆脆齊備. 好味!吃得飽飽再點多一個蜜桃果茶幫助消化, 大滿足!!埋單時店員跟我說, 原來他們將於尖沙咀開新店, 明天開始用新菜單. 咁我下次就要去尖沙咀試試新菜式喇.  …Read More