hohohohomay's Profile

一直都有幫襯呢一間連鎖茶飲, 但係荔枝角呢一間係咁多間態度最差，店員全部黑面，最離譜，連自己舖頭有冇得揀少冰，冇冰，都唔知道，問清楚Menu上面有冇得㨂無冰，就索性唔應你，繼續黑面。總之就係受氣之選。成條街咁多台灣茶，我唔會再幫襯佢囉…Read More

我訂咗$449海鮮餐，首先餐單上寫明可選擇嘅項目是冇得選擇的。寫明可以選擇琵琶蝦，但根本沒有。房間冷氣不通風，有噏味，碗碟全部都有蹟，整體環境不舒適。食物方面，龍蝦是好味的，跟出面其他蒸海鮮店差不多；蟹，魚和蝦還可以。勁失望嘅係元貝，未食過咁細隻嘅元貝，size 大概比五毫子大一點，好似日本零食「元貝乾」的那種size。蠔，完全沒有鮮味，比蠔豉還要細。由於這些海鮮不夠新鮮，最後既粥根本不鮮甜，只可以講佢係一碗豬骨粥。我食咗半碗就放棄了。老實講，唔係幾飽（我本身唔大食）如果這是一間普通低價位海鮮蒸鍋，我覺得還可以接受。但這個海鮮餐偏貴，環境不太舒適，餐具不乾淨，海鮮又不夠新鮮，粥底不鮮甜。所以覺得性價比很低…Read More

如果只是想拿拿聲食飽走人，唔介意受氣，我會推介這間餐廳。在九龍灣工作，所以經常會到這間粉面店食午飯。整體來說食物還可以的。大部份員工都好友善，但這兩天都是因為同一侍應，我決定以後不會光顧。昨天下午茶時間，入到餐廳，煮面既叔叔勁好人，提我有下午茶，但餐牌無寫。我問其中一位帶黑膠框女侍應下午茶係乜，佢唔應我，淨係話「食乜？而家落單！」我再問一次，佢仍然唔啋我，繼續「咁你食乜呀？」今天入到門口見到好多人，又見到這位帶黑粗膠框女侍應，咪問佢有無位，佢好似見唔到我一樣，黑面唔理我。我就再問一次，今次企到佢身旁，繼續黑面扮見我唔到。算數！諗住走人，點知遠處既另一位侍應聽到，叫我座低。（咁遠都聽到，點解佢唔踩我呢？）一間小小粉面店，食物質素普通，價錢中高，坐位不舒適，連待客都採「唔歡迎客人」態度，即使主動問問題都唔理，我實在諗唔到有乜理由要幫襯？…Read More

今日到這間食點心嘅餐廳試試，非常失望。首先茶係全涷既！waitress 都係懶洋洋既樣子，就好似係茶餐廳一樣。但重點係- 佢要收加一。燒賣$31-蝦是唔新鮮的，且調味好怪。煎韭菜餃- 更加令人意外，根本就係係超市買嗰種雪藏韓國餃子，裏面根本無韭菜。作為一間點心餐廳，點心最重要，這基本要求，無論用料和味道都做唔到、且地方唔舒適（地下有點污穢）、點心又唔好食，茶餐廳服務，價錢唔平，仲要收加一。即使我住喺附近，我諗我唔會再去。…Read More