foodguideyan's Profile

今日同班friend慶祝生日，嚟到呢間餐廳真係由頭驚喜到尾！一開波就order咗餐廳嘅free flow紅白酒同cocktail，每位$98任飲，抵到爛！頭盤先上牛薄片沙律同parma ham沙律，牛肉嫩滑，parma ham鹹香恰到好處。跟住個海鮮拼盤震撼登場！新鮮生蠔肥美creamy，燒大蝦爽彈鮮甜，燒八爪魚外脆內軟，燒帶子火候啱啱好，仲有燒魚皮脆肉嫩，每樣都係高質食材，用心烹調。重頭戲炭燒斧頭扒一上枱，全場嘩一聲！外層炭香焦脆，內裡粉嫩多汁，肉味濃郁到爆燈，絕對係誠意之作。甜品拼盤為今晚畫上完美句號：流心心太軟濃郁爆漿、朱古力蛋糕香醇細滑、tiramisu咖啡酒香平衡得宜。成晚美酒佳餚配搭得天衣無縫，每道菜都感受到廚師嘅用心，慶生氣氛滿分！呢個生日飯絕對係記憶中嘅美味印記，已經約定下次再encore！…Read More

呢間小店雖然地方唔算大，但入到去就已經感受到人情味。師傅同侍應都好熟手，尤其係餐湯同麵包，每次上枱都熱辣辣，新鮮度一流。西冷牛扒配意粉 ,牛扒煎至七分熟，表面微焦帶香氣。伴碟意粉吸盡牛油同肉汁，牛肉香味濃郁，咬落啖啖肉汁，幾有嚼勁又唔會乾。 慢煮牛肋條配闊條麵，肉質柔軟，輕輕一切就開, 闊條麵吸足醬汁，口感滑溜，每條都掛住牛柳嘅鮮甜。 炸魚薯條，魚件大塊，外層金黃酥脆，裏面魚肉保持濕潤，配上手工薯條，唔使蘸太多醬汁都夠味。Lunch set 加$38有炸魚薯條，CP值極高。午市人流雖多，但上菜速度快，食物質素穩定，今日一餐食得大大滿足。…Read More

今日同朋友去咗灣仔一間日本料理，出品精緻又正宗。雜錦壽司拼盤，師傅刀工了得，每件壽司都係藝術品！特別係拖羅壽司，魚油甘香，醋飯溫度剛好，鬆軟得嚟又帶微微甜味。最驚喜係個海膽吞拿魚卷，海膽creamy得嚟完全無腥味，吞拿魚蓉混入少少香蔥，味道層次爆燈！牛肉串燒，外層燒到微微焦脆，卷住烤到剛好嘅香菇，菇吸收晒牛油香，個配搭真係諗起都流口水！雜錦天婦羅，紫蘇葉包海膽天婦羅，脆衣包住流心海膽，視覺味覺雙重享受！茄子天婦羅保持到水嫩，師傅油溫控制功力深厚。牛肉石頭鍋飯上枱時「滋滋」聲好治癒！飯焦香脆得嚟唔會燶，牛肉片醃得入味，我哋爭住食飯焦添！海鮮蕃茄湯，用咗日本高糖番茄，湯底鮮甜到似飲緊海陸精華，入面仲有大蝦，飲完成個胃暖笠笠。牌仲有好多菜式我都想食，下次再約朋友再食過。…Read More

今日發現咗一間好有特色既泰國餐廳，裝修設計融合泰國元素，好有格調。菜式出品非常高質，味道唔會過鹹，啱晒香港人口味之餘，又保留到泰國菜嘅地道風味。 誠意推薦原條紅調魚，紅調魚大條又新鮮，起肉功夫好到位。炸到外脆內嫩，啱啱熟就撈起，之後淋上酸酸甜甜嘅醬汁，啖啖都好醒胃。食落唔會油膩，令人感覺又健康又滿足。 泰式大蝦河粉 蝦肉爽甜彈牙，配搭香滑嘅河粉，再加上香料同醬汁，真係正宗泰國味道。呢餐真係有驚喜，無論環境、味道、用料都做到水準之上。下次再想食泰國菜，將會係我首選！ …Read More

今日同朋友嚟到將軍澳一間很有型格嘅餐廳，整體體驗令人難忘。餐廳室內裝修相當有格調，用色簡約、擺設有品味，而室外仲有個露天用餐區，面向開揚嘅海景，夕陽漸沉時，喺海風吹拂下進餐，氣氛一流，打卡靚到冇朋友！餐廳選用高級新鮮食材，頭盤係吞拿魚他他，魚肉嫩滑，混合微辣嘅泡菜，口感層次豐富又清新醒胃，開個好頭。主食係麻花捲野菌黑松露汁，意粉捲成麻花形，每個凹槽都吸附住香濃忌廉汁，配合新鮮野菌同黑松露嘅香氣，芝士輕輕點綴，真係每啖都令人回味。至於主菜，美國1855黑安格斯prime級西冷扒熟成咗21日，牛味濃郁，肉質嫩滑富有彈性，外層更帶有炭香味，火喉仲控制得好好。總括而言，呢間餐廳無論係環境、氣氛，定係食物質素都令人滿足，值得推薦！…Read More

最近喺網上見到呢間餐廳，外觀已經令人眼前一亮，今日就約埋閨蜜專登嚟打卡兼試菜。一入門口已經覺得好特別，設有一個戶外區域，環境超級悠閒，有種喺外國度假嘅感覺。室內裝修溫馨又有格調，坐得舒服，氣氛一流。最驚喜係食物水準超出預期！午市套餐包埋餐湯同飲品，我點咗「越式烤美國特級豬梅扒」，肉質彈牙而且非常入味，醃料香而不膩，誠意十足。而閨蜜就試咗「秘製三杯雞意大利飯」，飯粒煙韌，味道濃郁，完美地融合中西口味。甜品方面更加係打卡必試！閨蜜一向係梳乎厘pancake控，今次真係俾個大驚喜我哋，蛋香突出，質感鬆軟綿滑，甜度啱啱好，即使食到飽都仲忍唔住一啖接一啖！總括而言，今次用餐體驗真係好滿足：啱影相，環境舒服，食物又出色，價錢仲非常親民，真心推介。…Read More

為咗慶祝朋友升職，持意嚟到位於高樓大廈30樓嘅餐廳。進入餐廳，兩旁是調酒區和吧檯 ，相當有氣氛。餐廳內部裝修充滿心思，好似置身花卉之中， 簡直浪漫得嚟又溫馨 ，仲非常適合打卡留念。講返食物，質素絕對超出預期。頭盤係帶子刺身配三文魚子，鮮甜滑嫩，帶子本身已經夠鮮美，加上三文魚子嘅鹹香爆汁，再配搭獨特嘅醬汁，層次豐富得嚟每啖都好有驚喜。主菜之一係原條炭燒鱸魚，魚皮微微焦脆，魚肉嫩滑多汁，配上微酸嘅醬汁後令整體味道更清新。而壓軸登場嘅係M3澳洲肉眼牛排，肉香濃郁但毫不膩口，燒得啱啱好，切落去見到完美粉紅，口感柔嫩中帶咬。總括嚟講，呢晚真係食得滿足、坐得舒服、影得開心。無論係環境、氣氛定食物，呢間餐廳都交足功課， 值得推介。…Read More

呢間酒吧餐廳真係令人驚喜，從裝潢到菜式都充滿心思，絕對值得推薦！一踏入餐廳，就被高級格局同舒適環境吸引住，仲有個露天平台，令整個氛圍更加放鬆。放工後嚟呢度 Happy Hour，真係舒壓至極，甚至連晚餐都很出色。焦糖南瓜，薄薄嘅焦糖包住香甜南瓜，入口滑溜又帶點焦糖脆感，搭配酒精，味道更突出，完美開胃！竹炭燒鰻魚，是一個亮點！師傅喺上枱時再燒一次鰻魚表面，帶出陣陣燒香味，口感外脆內嫩，魚肉彈牙，令人驚喜萬分。和牛竹炭三文治，真係一試難忘，竹炭麵包唔單止外型獨特，仲可以中和和牛嘅油膩感，令整體口感更加豐富有層次。呢個創新配搭絕對值得一試！除此之外，餐廳亦非常適合生日慶祝，服務員會主動為客人送上生日祝福，整個氛圍溫馨愉快。總結而言，呢間餐廳無論係食物、環境定服務都做到極致，一定會再來試埋其他特色菜式！…Read More

同事介紹呢間餐廳喺我哋公司附近，我覺得係觀塘區既西餐廳質素王，菜式仲好特別。蜜汁燒焗花雕醉香雞幾有創意，雞肉入晒花雕酒香， 皮脆肉嫩仲帶有燒焗香氣， 勁好食。白鱔串，肉質彈牙，燒烤 逼出油脂，外皮微脆，內裡仍保持肉汁，鹽燒簡單又美味。經典卡邦尼意粉係我必吃的菜式，煙肉鹹香，每條意粉都掛滿醬汁，口感好豐富， 一定要encore。無花果鵝肝多士，鵝肝煎得剛好，食材高質，成個組合好夾。餐廳用心製作，環境又舒適，服務又體貼，價錢又合理，一定會再嚟。…Read More

餐廳裝修輝煌，出品正宗，價錢合理。啟德區現在餐飲業很興旺，競爭好激烈， 食物出品相對有競爭力，以後食好嘢，可以考慮呢一區。特別推介，軟殼蟹咖哩包，軟殼蟹炸得好酥脆，配搭黃咖哩和農夫包，好和味。豬頸肉 都好出色！甜品拼盤，形形式式，好睇又好食。用餐感覺好滿足！…Read More

鍾意嚟芽莊食午餐,因為鍾意佢$118可選主食+小食+飲品。可以揀嘅主食有1.牛肉或雞絲湯河2. 雙拼河粉加$253. 燒牛肉/燒雞或蔗蝦檬粉4. 燒牛肉/燒雞或蔗蝦越式濱河5. 越式香茅豬扒煎蛋飯 6. 綠咖哩田園秋葵飯7.鑊仔牛柳粒飯 +$28小食可以揀係：1.西貢牙車快沙律2.河內魚餅3.芥蘭苗4.牛肉丸湯5.椒鹽脆腐皮魚卷飲品有青檸檬紅茶 /汽水 /蜜桃熱柑桔/ 越南有機花茶 。我就食咗牛肉河粉同埋魚餅,芥蘭苗,腐皮魚卷,仲加$28要咗兩隻雞翼。今日食嘅嘢通通都好味👍…Read More

四點金喺土瓜灣好多年， 應該有十幾年，我 經常都過來食飯。食物水準穩定。餐廳名物 係鬆脆嘅蛋散， 鋪上碎黃糖和煉奶，包你食過返轉頭。今日仲點咗潮州春菜煲，靚菜冇渣，而且好夠味。蜜汁鱔球，一碟有8大舊, 魚皮處理得好好,炸到香脆，燒汁味道香甜，但魚肉有少許泥味。墨魚卷味道可以，但不夠彈牙。水瓜落就好好食，鍾意佢唔油膩。餐廳裝修係舊左啲，但座位寬闊，員工態度積極，價錢合理。就係位置差咗啲， 所以唔使等位，個人認為呢個都係好處。…Read More

我哋全家都鍾意沾麵，今日嚟apm嘅神山麵屋，試咗佢哋嘅沾汁麵。首先，神山沾汁麵嘅豚肉，煮到好似紅燒肉咁，但係好好味，一啲都唔漏。至於麵嘅質地，很奇怪一係煙韌，一碗係淋，有改善空間。不過麵條本身係有香麵粉味嘅。其次，神豚燒沾汁麵，其實係叉燒麵，味道好但係肉質好韌，咬起上嚟有啲困難。相對地，赤神山叉燒拉麵用嘅叉燒係另一款，塊肉大而且好食，夠腍。另外，我哋仲加咗個小食牛舌，佢有兩種做法：清湯嗰個較為林，燒汁嗰個則太鹹同埋都欄咬。總括嚟講，神山麵屋嘅拉麵出品都算OK，小食就一般。不過，下次如果路過apm，應該都會再嚟試下佢哋嘅拉麵。…Read More

咕嚕肉，外皮好酥， 豬肉 juicy ，芡汁有拉絲，真係咕嚕肉嘅天花板 👍野菇雜菜，材料新鮮。椒鹽鮮尤，脆漿處理得一樣好，就係太大份量，人多先好叫。砂鍋炆魚腩，味道可以，但是龍躉不夠新鮮有 魚腥味。燒乳鴿38蚊一隻， 熱辣辣， 唔好挑剔。總括來說，酒樓吃飯必定嘈吵，但地方寬敞， 雖然沒有殷勤嘅招呼，但是服務都不算惡劣，小菜來得快，每款都好大碟，適合多人聚餐。…Read More

下午茶兩點到六點， 飲品可以在餐牌裏面任選一杯 。其實真係幾抵 👍我今日食咗生牛肉河，河粉ok，牛肉合格， 湯底係冇鮮味嘅， 醫肚就一流。 見佢平平地， 又近自己 ，下次會試第二款。…Read More