Kaka_foodie's Profile

鋪仔細細，服務好好，餐廳好有理念，Menu好有溫度，主打少鹽少糖無味精，但啲野食好夠味！試咗招牌燒雞、咖喱羊膝、手作蟹餅、大蝦沙律燒雞鮮嫩多汁，味道剛剛好，雞胸位都係滑身嘅。咖喱羊膝配Naan，好好味，羊膝好滑，咖哩味剛好，裡面有薯仔紅蘿蔔條，Naan凍咗都酥脆好食。蟹餅外脆內香，同秘製沙律醬好夾，又唔膩。大蝦沙律好多料，個秘製沙律汁味道又係剛剛好，超refreshing。仲叫左兩杯飲品，百香果香檸蜂蜜冰世一！超好飲，仲要用熱情果嘅冰，溶咗都唔會變淡，令一杯乳酸飲品，食完肉解膩一流。總括而言，十分推介！…Read More

食過幾次了，第一次寫食評，因為真係太好食，水準又keep到！一定要趁熱食，凍左會錯過最好食嘅moment。肉骨茶味道平衡得好好，唔會太重藥材味，又有肉味(其他店好多都冇乜肉味)，裡面嘅一字骨、豆卜、杞子同龍眼肉都一定要食，全部都有驚喜！肉好淋，豆卜索晒啲湯，杞子同龍眼肉超甜，可以配飯或者米粉，個人認為飯好食啲。串燒就真係不得了！牛舌！顛覆左我對牛舌嘅認知，超Juicy超嫩滑，一定要試！燒菠蘿又係超好食，出面食嗰啲有好多筋，呢度係冇，仲要有焦糖面，係我食過最好食嘅燒菠蘿。其實所有串燒都好好食，五花腩、牛肋骨、翠玉瓜、燒豆腐外脆內軟....不能盡錄生蠔好新鮮，法國海水味濃，我中意淡啲，所以我中意食韓國同愛爾蘭多啲。老闆娘Apple好好人，好好招呼，會經常嚟食(觀塘返工😅）…Read More