Yiphang's Profile

早一星期中午時間打算去呢度食lunch 因為之前無book 枱，所以走去walk-in ，去到岩岩開門 ，但因為我朋友未到 ，而店員同我講話入座起計一小時，之後佢就建議我轉頭返黎，我之後過左大約20分鐘左右再返去 ，點知同我講無位，話要等到一點後，話所有walk-in 都要係門口等 ，我就問佢點解一開始唔講明要係門口等，而係叫我轉頭返黎，店員一直回避我既問題，之後我同朋友一直同佢理論，但佢堅持話要門口排隊先可入去，最後我地就走左，呢間野好有問題，如果我當初知道係門口等既話，我唔會走開，亦都要同客人要講清楚walk-in 既情況要點做，而唔係叫客人走左去後黎又話無位俾你，真係無下次😡😡😡…Read More

十月一日趁有假期，一行四人去呢間食 。因為之前食過一兩次覺得味道唔錯，所以諗住晚市訂定位先，點知一去到，八點，晚市包埋我地竟然可以只有三圍枱⋯⋯好啦叫野食，叫左個溫泉蛋肉餅定食。湯有d太咸都算，重點係個肉餅。佢係細舊但厚，一開始食我食上面果d肉只係覺得無咩味，食左一半多少少，下面果一半豬肉係生架!因為燈光好暗，我本來諗好似粉紅應該係剛剛熟......再食多再啖，真係生到吐出黎！佢絕對唔係煮唔熟，佢係無煮、全生、生過刺身......但因為太遲先見到（肉餅上半部分熟的），所以我無換.....至於朋友叫的定食味道都係一般，大家都覺得唔值呢個價......唔夠飽唯有叫甜品，想叫一個窩夫一個pancake 。點知又同之前一樣，又無pancake，真係好唔明點解無論午市定晚市都唔會有.......pancake 賣相ok,但全部生果都好酸,得藍莓唔酸，因為藍莓係直程無味！好耐無食過咁差嘅店舖，仲要d 店員成日玩電話，叫落單都無人理.....最重要係最基本連豬肉都可以係生！呢間野一定無下次！！！…Read More