試伏專員零零柒's Profile

去韓國旅行最鐘意食韓國嗰湯飯類，無得去韓國旅行，唯有搵下香港有無類似嘅餐廳，喺尖沙嘴出名好多韓國餐廳嘅範圍有間好fancy嘅新韓國餐廳，menu有韓國湯飯、韓式拌飯、韓式餃子 — 絕對可以滿足鐘意食韓國湯飯類嘅人！薯仔排骨湯韓國嘅薯仔排骨湯係好濃味，又辣又有好多蘇子葉，有時未必適合香港人口味，呢間嘅薯仔排骨湯就應該比較適合香港人口味。味相對無咁辣，亦唔會有好強蘇子葉味，但係又保留到濃厚嘅排骨味道，非常適中，成碗飲曬都唔會覺得好渴口。個湯入面有4大舊排骨，排骨煮到好淋，咬一下就會脫骨，唔會食得太辛苦，又唔會無肉咬。牛排骨湯牛排骨湯相對薯仔排骨湯就清淡得多。呢個湯入面有排骨同粉絲，排骨份量雖然無薯仔排骨湯咁多，但係絕對夠食。個湯底煮到非常白，又有好濃郁嘅排骨味，一食就知道比左好多時間去熬。最特別係所有配湯嘅飯都係紅米飯👍🏻餃子王呢個係一個比正常size餃子大嘅餃子，入面個餡就係standard韓國餃子嘅餡，有肉有蛋有粉絲。Selling point就係大，味道同其他韓式餃子一樣啦。烤牛肉餃子呢個餡係韓式餃子比較常出現，中式就少d，所以既然黎得韓國餐廳，緊係要試d特別d。入面係韓式炒牛肉嘅餡，非常鮮甜，咬開佢仲有好多肉汁。如果真係只有quota order一款餃子，呢個一定係首選。…Read More

疫情好轉，同時難得T小姐冇咁忙，我地就約好去去食日式料理😂 每次經過初見係都見到都排哂隊好多人，每次睇完menu都因為太多人就放棄話下次先食😂 但今日放假，可以早啲去排隊等位，終於食到喇！初見香草吉列牛飯 半熟蛋真係好鍾意好鍾意好鍾意食吉列牛，有師傅炸好既外層吉列，之後再自己係石板到燒，可以自己控制火候，每件都熱辣辣襯熱食，真係好正！呢度既整法好到特別呀，加左香草落個吉列度，之前係其他地方食既吉列牛都無加香草，今日先發現原來加左香草真係更加惹味架！呢個配搭絕對值得下次再過黎排隊食😝個半熟蛋都非常好味，食得岀師傅既用心！安格斯牛肉鍋味噌湯底 烏冬 朋友食左安格斯牛肉鍋，係味噌湯底，我偷飲左幾啖，覺得有啲古怪，點解個湯底特別好飲既呢？食到最後既時候先發現，原來湯底加左白蘿蔔呀，大家都知白蘿蔔同牛肉好夾架喇，所以呢個湯底真係好好飲！配埋超有肉味既安格斯牛肉真係無得彈呀！咁既價錢，咁既份量，性價比極高，值得一試！+$35 有得配魚生同湯加35蚊就可以頂下我既魚生癮喇！魚生好新鮮，我已經諗定下次去要試壽司拼盤😝 仲有是日既湯，特濃南瓜湯，$35 有多兩樣野食，好抵…Read More

因為疫情既關係，好耐都無岀過去食飯喇，日日都係屋企煮飯，今日有事終於要岀下去，就揀左c小姐好需要食既牛肉，補充下佢最近缺少左既營養。鐵質真係好重要，有性價比高既牛扒做補充真係幸福😂牛極都幾易就行到，八點幾仲有人等緊位，不過等左15分鐘到就有人走，所以都唔算等得布耐。一入到去侍應姐姐就教我地點樣係部自動售賣機度買野食，好方便！我地揀左最平既180g 牛肩排同肉味唔會過濃既200g牛柳 ！等緊既時候，我哋就岀左去牛極既另外一個賣點：自助bar 。有醬汁、白飯、牛肉湯 ，仲有沙律添。任食真係超級有心！先講醬汁，有三種味：辛味燒汁、蒜蓉同自家製燒肉汁，三種都好惹味。不過最正最正最正既就係個牛肉湯，一定一定一定要試！唔係普通既罐頭湯，係好足料既自家煲牛肉湯！一個唔小心我就飲左2碗😝180 g 牛肩排侍應姐姐拎黎既時候得兩邊表面係有微微煎過，因為每一份牛都係同熱石板一齊上，所以可以按照中意既熟度自己係熱石板上面煮牛肩排超強既牛味完全係我既至愛呀，唔會有好多根，肉質又實，$80 真係性價比超超超高，日式石燒牛扒好似真係完勝呀！200g 牛柳開頭仲以為c小姐會食唔哂，點知好味到佢之後掛住食無講過野，默默地補充哂體力😂牛柳一啲都唔粗，好嫩，再加上自己可以控制住火候，真係好正！再配埋每張枱都有既鹽、黑椒同燒烤既seasoning ，唔怪之得c小姐食完面色都比之前好😂😂😂…Read More

最近因為疫情關係，少左岀去食飯，不過是夜有事外出。係荃灣行下行下見到the base nature ，好耐無食過好味既肉喇，見至有扒食😍好快就決定好要支持下呢間新餐廳🤤我地坐二人座，同其他食客隔左個走廊，身後面既枱都隔開左，感覺安全，餐廳好貼心！菜色頗多，花多眼亂，最後揀左個牛扒同米形粉，無食過米形粉，見侍應哥哥介紹，就信佢試下新野啦！餐湯: 咖哩粟米湯飲之前以為會好奇怪，邊有人飲咖哩架，點知飲左第一啖之後就停唔到手😂 咖哩加粟米幾襯喎，粟米仲好甜！想encore 添呀！真係要時時提住自己唔好限住自己，要試新野先得。黑安格牛橫腹扒8(oz)配煙燻岩鹽 牛肉燒汁有5款鹽6款醬汁，我唔識揀呀，好彩我朋友識煮飯，所以佢揀哂。我比較鍾意兩樣野都分開點，如果唔係會太濃，試唔到舊肉好唔好味。橫腹扒唔係和牛個種食落口會溶既feel ，佢係行肉味路線架！燒到個面微焦，就鎖住哂肉味！正正正！黑松露博多地雞肉雜菌米形粉配63度溫泉蛋溫泉蛋加落去個米形粉到，令到全部野都更香更滑，絕對係重點呀！米形粉好得意，好似米粒咁，但係又好似risotto 又好似意粉咁，要食過先知係點，好特別，我都幾鍾意，冇試錯呀！…Read More

今日因公事入左元朗，見到有間台灣餐廳同平時食開既台灣野唔同既，望落好似朋友講話係台灣見到個啲local小店，即刻入去試下。是夜八點左右已經滿哂要等位，睇黎幾受歡迎咁。一個人既晚餐，兩餸加野飲，超飽，大滿足！麻油雞麵線($67)聽朋友講過係台灣好受歡迎既本地菜，冬天食就最好，咁就岩哂今晚因爲真係好凍呀！濃濃既麻油味，黎到一聞到就流哂口水😂 雞肉整得非常滑，唔會太老，啱啱好！麵線份量都幾多，差啲飽到食唔哂！一路食麵線加飲麻油雞湯果然好正。夜市鹽酥拼盤($63)有香酥甜不辣片，炸澎湖花枝丸，椒鹽四季豆，台南鮮蝦捲，四樣野，份量適中，樣樣野都試到，啱哂我呢d貪食既人:)，我自己最欣賞炸澎湖花枝丸，丸個肉質好彈牙，仲有花枝肉碎添！冷泡無糖高山茶（$15)雖然今日好凍，但係我都係鍾意飲冷泡茶，茶味好濃，同平時沖完茶先加冰唔同，要多少少工夫，$15 性價比好高呀！鮮草芋圓3號($35)一個人既晚餐已經算係好豐富，但女仔就係有第二個胃食甜品架嘛，食完甜品心情就會更加更加好😂3號芋圓有三色芋圓，波霸白玉珍珠，爆珠。波霸真係好大粒，好咬口，而啲芋圓都幾韌，好味！食完真係超級大滿足！…Read More

同C小姐好耐無見，今日終於約到食飯啦，咁耐無見就去食好西啦！上網search 完好想食日本野，不過又擔心太貴，不過C小姐話有一間chef’menu性價比高又唔會食到破產喎，咁我地就決定去試喇！ 稻乙日本料理係尖沙咀寶勒行，好方便亦都好易揾，門口好低調！香箱蟹 用細細隻既蟹蓋裝住已經拆好肉既蟹腳、蟹膏同滿滿既蟹子！唔好睇少佢好似細細隻咁，蟹膏同蟹子都係冬天當做，非常鮮味呀！一啖食哂蟹腳、蟹膏同蟹子，就好似成隻蟹都一啖品嘗緊咁呀😍鮟康魚肝聽講有好多煮法，侍應姐姐話今次係好簡單咁配少少醬汁加少少辣椒蘿蔔蓉就帶岀到魚肝既味，不過其實我又食唔到有咩味，淨係知道好滑好似鵝肝，好啱慢慢放入品嘗！雷魚一夜干開頭上菜既時候仲以為係無咩特別，點知一食落發現不得了，以為會有魚腥味，點知少少都無，淨係有好味既煎魚味，皮煎到好脆好香口，而肉質因爲好新鮮，所以好有彈性，唔會一夾就碎！西京燒鹿兒島豚肉通常西京燒都係配鱈魚架嘛，好少係配肉，今次配燒到微焦既鹿兒島豚肉係另外一種感受呀，燒得好香口，鹿兒島豚肉又好高質，侍應姐姐建議我地同沙拉醬同菜食，會無咁‘膩’，所以會唔覺唔覺就食哂。九州真蠔通常食蠔我都係鍾意食海水味濃d，無咁creamy 既蠔，九州真蠔雖然係肥美Creamy type ，不過因為好爽口，所以完全無我怕既creamy 味呀！配埋檸檬汁辣椒蘿蔔蓉，就好prefect 啦！白子天婦羅聽完個名都唔知係咩，所以上網查左，太特別啦，我見識少，原來係鱈魚既精巢，有豐富既蛋白質，係補身既佳品喎！今次既煮法就係天婦羅，炸皮唔會太厚，好考師傅既工天，咁先炸得香脆，入面既質感比起鮟鱇魚肝更嫩既白子，真係有入口即溶既感覺！好正自家製魚湯烏冬侍應姐姐話係每日自家制既魚湯烏冬，煮到好奶白色，飲落好鮮甜，無味精架！最後有綠茶雪糕作為甜品😍…Read More

例牌Early dinner都唔洗等位~ 是晚去左灣仔同銅鑼灣交界的 Ember其實唔係朋友介紹的話，平時好少會行咁出大馬路搵食先講野食:1. Ember Dinner Menu 烤美國黑安格斯西冷牛扒 $258熱上的洋蔥湯配脆口的麵包片，係一個唔錯的開始（有時好怕餐廳上溫／凍左的湯＋林哂／硬哂的麵包，會令你對成餐飯冇哂期待）是晚點左７成熟 (medium well)  ，西冷上碟時真係做到外層熟而肉心偏紅，唔係亂黎要讚👍🏻西冷肉味都算出，唔係淡某某的無味肉👍🏻2. 八爪魚串燒 $68八爪魚口感彈牙，有炭香味！配埋兩款一甜一辣ＧＥ醬好正3. 烤西班牙黑毛豬腩肉 $158首先望住個擺碟已經食慾大振。雖然係豬腩肉，但配上青綠色的凍蘋果汁，口感唔會油膩，一片接一片不過一個人食哂都幾邪惡 hahaha ! 要share 😈環境方面餐廳樓底好高（應該有２層高），感覺好寬敞舒服。而且牆身設計有時代感，仲有Ｄ似音樂廳的牆，可能真係襯埋角落的Live Band設備。當晚我地好早食飯，夾唔岩表演時間，有興趣可以去佢地ＦＢ留意下咩時段有表演（非賣廣告）。整體價錢相宜，match突食物質素同餐廳裝潢，值得同朋友/情侶一齊去…Read More

是晚同7哥想食燒味, 就去左尼期大熱GE棋哥燒鵝 地點方便唔難搵, 而且燒味店黎講, 棋哥光猛地下唔油唔跣 (同細個去開傳統果D進步左好多)打開餐牌有1人/2人精選套餐~ 不過散叫餐牌更吸引 (而且唔係貴好多)1. 乳豬5寶飯 $85唔好以為棋哥只係食燒鵝, 其他燒味都絕對有驚喜尤其係乳豬同叉燒!切雞又滑嫩乳豬皮脆之餘，同油脂同肉平均分佈 (1/3)，口感非常好（不過要留意有骨，唔好一下子咬太大力）叉燒冇特別叫，就上半肥瘦。正！2. 乳豬拼燒鵝飯 $80燒鵝有柴香味，肉實足料。配上棋哥燒鵝醬，酸酸甜甜！3. 龍鳳檸七 & 龍鳳檸樂特飲都係+$8咋! 抵! 4. 郊外油菜 $20出面食咁大碟油菜都只係$20, 絕對唔貴。而且青BB新鮮唔算油!…Read More

久仰大名呢間餐廳！大家都話佢啲裝潢好用心！野食又好食😆黎到見到真係冇講錯！好多角落都有用心搞笑位！最特別係見到呢張紙巾！亂世中令人笑一笑☺午餐時間黎到有lunch set😈我地叫左個避風塘style肥牛蛋包飯！黎到賣相已經好吸引😆成個配搭好特別！好開胃🤤叫左個呑拿魚牛油果麵包沙律！呢個賣相好colorful好吸引🤩呑拿魚好足料 絕對抵食！😊另外想特別讚一讚呢到既多咖啡！好香好滑！一間餐廳offer到咁多野真係好抵讚🤓強烈推薦大家都多多支持😆…Read More

平日夜晚放早，又係時候同J小姐見一見，食下好野！由於最近真係熱愛麻辣既關係，J小姐話只好捨命陪君子✌🏻七點幾去到，都有八成滿，好彩有book到，唔駛驚，一坐低侍應姐姐就俾左熱茶同一碗紅棗雪耳糖水我地墊胃，暖暖地甜甜地，等我地陣間唔會辣到胃痛，好貼心呀！枱面有齊䜴油、醋、蒜蓉同蔥，唔洗出去拎咁麻煩，又好乾淨喎，加分😬叫完鍋底(麻辣普通辣同山珍菌湯)之後，經理叔叔話今日有自家制洛神花茶($18/杯)，我地就一人杯試下啦，又酸又甜，好開胃(仲好解辣添) ，因為真係唔識咩係洛神花茶，所以佢見佢咁解到辣，好驚喜呀，決定左下次食麻辣鍋都要叫佢先得！美國安格斯優質肥牛（$119）半份切得好薄，係鍋底度涮兩下就食得，肉質新鮮，好有牛味。曉宇嫩牛肉（$42）半份份量啱哂細食又想試好多唔同餸既我地，大概半分鐘至一分鐘就食得，名符其名，好嫩！牛心椗($32)半份本來想食黃喉，結果今日賣哂，所以侍應姐姐介紹另一款俾我地，我地無食過架，諗住試下新野。試完覺得唔錯，同黃喉一樣係爽口既，大概三分鐘就食得啦。重慶炸酥肉($32)半份另一樣新野，聽講重慶好多地方都有。炸好左既肉條可以係湯底度浸一浸先食，等啲湯底既香味滲入去，或者就咁食都得。我自己就鍾意浸一浸喇，黎得食麻辣鍋梗係想樣樣野都有因為有麻辣味架嘛🤣萵筍條($32)一份最近既至愛，去到邊都嗌黎食，配濃郁既菌湯，好清爽呀。鮮竹笙($59) 一份好新鮮，唔係好細個種，配兩邊湯底都好入味！呢度既侍應叔叔同姨姨都好sweet好細心，唔會因爲好忙或者係咁叫佢地就唔係好應人，仲好好笑容☺J小姐都話下次要再黎呢間分店先得！…Read More

平日夜晚，因為下晝食得太多野，所以諗住係太子食少少野就番屋企瞓。點知行行下，見到一間食西班牙tapas 既餐廳，滿哂好似好勁咁，都係受唔住誘惑要試下！7哥話Tapas bar 既意思就係有好多西班牙既佐酒菜，所以叫下叫下，唔覺意叫得太多野食 🤪1. 黑松露菌醬炒野菌($68)好入味又好香黑松露菌味，大份夾抵食。好少見到炒野菌既份量咁大份，正呀！2. 香燒乳豬仔($78)全晚最鍾意既tapas，每份有四件，每件有香燒乳豬仔、小蕃茄、青瓜同多士，一兩啖就可以食哂，乳豬既皮好香脆，啲肉又無燒到好乾，加上有小蕃茄同青瓜夾住乳豬食，完全唔會油膩。3. 黑毛豬火腿配多士($118) 蜜瓜(+$20)係另一個好鍾意既小食，24個月既西斑牙黑毛豬火腿，唔會太濃或太油，鹹鹹地，最理想係同啤酒一齊飲，可惜今晚揸左車，所以唔飲得酒，好可惜😖 鍾意飲啤酒既朋友，記住配呢個tapas呀！…Read More

係百德新街既Coedo taproom，算係繁忙既銅鑼灣裏面可以偷得半日浮生既一角。日本手工啤酒主題既餐廳，有住貓頭鷹標記，主打啤酒配串燒同日式料理，因為好耐無飲啤酒吹下水喇，咁啱約到TT小姐可以陪我放鬆下🤪 Coedo taproom 有室外同內座位，岀面既枱大d 適合一大堆朋友飲啤酒傾下計，裏面就啱兩三個朋友仔歎冷氣😝 我地兩個人坐左係裏面，一坐低，梗係要叫啤酒先啦。draft beer 有六款，係自己brand Coedo 黎架😛 有瑠璃(pilsner) 、白 (hefeweizen)、毬花(session IPA) 、伽羅 (India pale lager)、紅赤（imperial sweet potato amber ale ) 同漆黑(dark lager) ，仲有 beer platter，有齊咁多款，好想一次過試哂！不過聽日要早起番工，唯有等下次先試😍今次叫左鍾意既pilsner 先，TT小姐鍾意甜d既，所以侍應哥哥就介紹左好特別既Zeffer apple crumble bottle beer ($75)，真係好似食緊apple crumble 咁好香！唔太鍾意飲酒既TT 小姐都覺得好好飲！（無錯，係我好想飲啤酒，佢陪我黎飲🤪)之後叫左幾款串燒，差唔多每款串燒都配一個唔同既醬，搭配得好好，食起黎好夾仲好啱餸酒。安格斯牛肉肉眼配COEDO漆黑醬($80)上呢個串串既時候，肉汁仲流緊岀黎，唔會好韌之餘仲有特配醬汁，好惹味！牛脷串配阿根廷酸醬($50)食串燒梗係要食牛脷啦，絕對可以試到師傅燒烤既功架呀。呢個牛脷稱得上一流呀，食完會好想再encore ！豬腩肉 ($38)大葱雞肉 柚子胡椒($40)串燒飯棒 ($32)呢個係TT小姐既當晚最愛，最面層燒到金黃色，咬落地又脆，好香口！（我問佢佢先俾我食細細啖咋😂）柚子香味雞湯拉麵 ($85)如果鍾意食拉麵既朋友就要試埋呢個拉麵喇，麵條好彈牙，唔會太軟，湯底裏面柚子同雞湯配合得啱啱好，唔覺唔覺食食就會飲埋啲湯😍…Read More

聽同事講最近有間好多人去打卡既網紅店，今日下晝見完客忍唔住去睇下究竟有咩咁特別。一去到就明哂啦，成間舖頭外牆係全白色，有大大個% logo，好吸晴，加上坐落係海邊，坐係度望住個海，又真係幾寫意既，咁既組合唔紅都唔得啦😍 見到好多遊客都特登黎打卡，由外牆到海邊都有好多ig husband幫擺左十萬個pose既女伴瘋狂地影相🤣 不過應該係太多人係馬路中間影相既關係，欄杆張貼左告示叫大家唔好企係路中心😅下午三點左右，超級超級多人！上層既幾張大檯都坐滿哂人，好彩下層都仲有一兩個位，係岀邊靠窗都可以坐下咋。成間鋪都係濃濃既咖啡味，未飲個人都醒一醒先呀。我叫左西班牙咖啡，係有煉奶係底既，拎既時候咖啡師有提醒我地要搞渾，如果唔係就會太甜喇。咖啡好濃，個深度烘焙做得好好，成杯咖啡加左好多分。同事個胃受唔到好多咖啡，所以佢叫左咖啡師推介既檸檬特飲蘇打水，夏天飲岩哂啦，佢話望住個海景咁歎梳打水係一大享受，個人都清新啲喎🤣…Read More

記得之前問過食盡天下既朋友HH，佢話尖沙咀海運大廈有間中菜，片皮鴨個主廚師傅好猛料，之前係全聚德學藝喎。尼間北京老字號，去北京必食！既然今日話明豪食，咁我就唔客氣啦，一坐低就叫左呢度既羲和三寶之一：羲和烤鴨 $328師傅會係隔離即切，見到成隻烤鴨個種深棗紅色係度閃閃發光咁，我地已經流哂口水啦😜烤鴨分為三部分咁上: 首先係鴨胸皮 ，個皮超級香脆 ，師傳教落因為好香，所以唔駛包住食，點藍莓醬再點跳跳糖就可以喇。細細塊一啖食完，我同7哥隻眼都發哂光咁，從來都無食過咁好味既烤鴨呀！！入口即溶，再加上藍莓醬同跳跳糖，口感超特別，驚喜程度保守啲講都係100分！再黎就係鴨胸肉，都係唔駛包住餅皮食，只要點呢度既秘制黃芥辣醬就可以。個秘制黃芥辣醬無平時食既個啲咁攻鼻，酸中帶甜，同皮脆肉滑既鴨胸肉好夾！最後就係鴨腿喇。鴨腿肉比鴨胸肥，不過放心係唔會膩既，啲肉仲甜甜地咁添。師傳教我地兩個食法，可以好傳統咁包餅皮、蔥同青瓜食，或者試下佢地個做法咁包山楂條同紫洋蔥 ，然後點藍莓醬。我地兩種食法都試過，結論係個藍莓醬真係調製得太好，配鮮嫩鴨腿肉食除左完美我諗唔到點形容🤤避風塘脆皮豬手 $428無食過依個煮法既豬手，豬手皮又脆又香，啲肉鹹鹹地好惹味，再加埋避風塘既煮法真係無得輸！份量超級大，大食同好多人去食都唔駛驚唔夠食張氏獅子頭（另一個羲和三寶）$48啲豬肉煮得岩岩好，軟熟得黎好入味，個張氏汁係秘製既，好中意呀。張氏汁鮑魚 $118 同獅子頭個汁相似，但配落鮑魚之後個汁變得更有鮮味，啲鮑魚都好鮮甜，好似糖心咁。牛油芝士焗大蝦 $188超濃既牛油芝士，冇得輸。大蝦好新鮮，肉質彈牙，食食下有啲似龍蝦肉，好得。松茸素佛跳牆 $138好啱唔想食太多肉既朋友，飲左一啖就停唔到！松茸味好濃，不過唔會太‘傑’。黃扒魚肚 $148 黃扒魚肚原來係羲和三大名菜之一，用左南瓜同花膠經過好多好多程序煮成，食落好滑好順喉，再加上南瓜汁就變得好清新！果然係推介之選呀。今晚真係食得有啲誇張，兩個人都挺住個肚行出餐廳門口咁。多謝7哥今晚同我食好西，大滿足呀！…Read More

今次係我地第三次食啦！第一次誤打誤撞係佢開業無耐就食過，一試難忘，之後就番唔到轉頭，仲試過放工揸30分鐘車去買外賣添呀😂 之前未有放題要逐樣點，而家既放題就更抵食，可以食到好滿足先走！是夜放工七點幾去到，生意好好，餐廳大概有三十幾個位都滿哂，等左陣先有位。有六款麵同三十幾種串串揀，同平時個啲要自己行去雪櫃拎既餐廳唔同，點完菜侍應姨姨會送到張枱。每次差唔多食完，姨姨仲會問我地仲想食咩，搞到越食越多😂我地食左三轉，每轉都二三十串，好爽！個麻辣燙汁會同第一轉既串串一齊上，之後就係師傅煮完再擺落自己枱既麻辣燙汁度。我地最推薦既串串有: 千層肚、萵筍、土豆、肥腸佢地真係好入味，個汁真係好香好麻，我中意食辣但又唔食得太辣，覺得岩岩好！另外，我地仲叫左兩個小食：蒜泥青瓜同鐘水餃，份量啱啱好，唔會太少但又唔會食到飽哂食唔到其他野。個青瓜好脆，個餃皮薄餡靚，正！最後，加$30 就野飲就有得任飲！食辣野飲汽水既重要性相信大家都明，所以任飲真係好緊要😂 唔中意汽水既朋友可以揀冇咁熱氣既茅根竹庶水同啤酒呀。…Read More