麗麗4723's Profile

好嬲囉😡😡事故:我上星期去綠林食咗碗楊枝甘露加芒果布甸$55，覺得好好味，份量又足，食完好滿意，呢個價錢，抵俾。掛咗好多日，諗住今晚收工搭車出去買碗糖水返屋企食，好好享受下，點知⋯⋯個外賣一攞到上手，我呆左😳同一個價錢，但細碗咗大半，咁點解收我$51（上次俾咗張$5優惠券，滿$50就可以用)，係咪我用咗-$5，我碗糖水就細咗，咁我俾番5蚊你，你俾足我丫。我而家見到碗糖水都嬲，咩胃口都冇哂😤😤😩😩…Read More

我終於抽到時間過嚟APM Reserva lberica試一試 ☺️☺️餐廳環境好靚，仲有我最鍾意窗口位🥰好適合同屋企人或朋友慶祝食飯，呢間係唔錯嘅選擇👍🏻👍🏻我之前已經去過尖沙咀海港城Reserva lberica食過好好食，而尖沙咀侍應同我講話APM逢星期六晚都會有Music show，氣氛非常之好。我聽到之後勁開心，就決定揾一次約埋朋友一齊過嚟聽歌食飯。嗰晚我哋去到餐廳門口，侍應帶到我哋坐低，之後俾兩杯水我哋，之後講解一下佢哋餐牌，態度非常友善。之後我同朋友決定叫咗個晚餐二人set，我哋仲升級左伊比利亞火腿拼盤😋值得一提，佢哋有個主菜：威靈頓西班牙豬，好好味🤤威靈頓牛就食得多，冇諗過西班牙豬都可以咁樣做法，我同朋友都大讚好食。我哋一面食一面聽住浪漫抒情英文歌，一首一首又一首相熟歌曲，自然就會跟住唱起來🎤🎼咩煩悶心情都放鬆晒😌今次體驗果然冇令我哋失望，同樣野食好好味😋現場仲有歌聽，我同朋友用餐都好開心。…Read More

今日一個人收咗工好想揾個地方放空一下，行到銅鑼灣利園發現到一間伊比利亞火腿品牌Reserva Iberica，見佢環境咁舒服就入坐低左。侍應好窩心，第一時間安排咗一杯暖水俾我(當時天氣只得11度)嚟到西班牙餐廳，當然要叫Tapas小食同Ham😋❤️西班牙可海鹽小辣椒🌶️(真系出乎預料之外唔辣好入味)❤️64個月+伊比利火腿配番茄多士(口感好味道好~百分百橡果餵飼伊比利亞豬火腿肉甘香而不硬，入口帶果香味)❤️蒜香蝦🍤(肉質爽口彈牙，一碟有八件，抵食）下次會帶埋朋友過嚟試吓其他西班牙菜式，而且環境真係好寧靜同舒適，好適合同朋友傾偈聚會下☺️☺️…Read More

今日喺海港城發現一間西班牙🇪🇸餐廳，裝修得好精緻，餐廳裏面掛住好多西班牙火腿，所以就忍唔住入去試吓。雖然餐廳細細，但都坐得舒服😌入到嚟當然要試下唔同月份西班牙火腿，而佢哋嘅餐牌都好細心，教識我對西班牙火腿喺唔同區分嘅分別。我叫咗一份迷你火腿拼盤，有3種不同月份熟成火腿試吓，裏面有30,36,48個月，好得👍🏻唔夠喉😂再叫咗個西班牙卡邦意粉🍝(食咗幾啖先發現唔記得影相😋)好好味，意粉好有口感，味道好入味。…Read More