Crema crema's Profile

話說當突然心血來潮想飲淡啤酒，但又唔想食火鍋，中菜，酒吧果d, 朋友提意炸雞啤酒，只從前年係韓國食過，就無再係香港食。人在旺角枱頭四圍望下，搵左一陣，真係比我地見到有一間，就上去睇睇，禁左飛仔就等兩個號碼就到我地。限時90分鐘，除了烤雞仲有年榚等其他食物，啤酒都生啤及枝裝，不過只有一款韓國啤酒，其他都係香港普遍飲到果d, 有小小失望，而且比酒吧還要貴一點點。講返主角先，168或者188就有一隻烤雞，視乎你選擇邊一款口味，我就選左有一隻辣椒辣度的烤雞，跟雞有幾粒醃蘿蔔同兩款醬，味道很好，不過烤雞的辣粉唔太均勻，其中有兩件辣到利都痛，Overall都算唔錯既…Read More

凍凍地的晚上9點幾，想食碗熱辣辣的面食，即刻諗到豚王，好彩佢收晚上11點。可能都夜了，完全不用等位，但赤王同限定王都無lu, 咁我同朋友就叫左一客豚王同翠王，雖然明明係想食赤王。熱辣辣的拉麵轉眼就送到我面前，tick左2的辣，感覺都唔係好辣，下次可以試下3；我特別鍾意豚王，可以選擇面的硬度同湯的濃度，亦可以選擇多garlic, 讓我選擇自己喜歡的口味，感覺上亦比較似在日本食拉麵的味道。枱上有辣粉可以自己加辣，另外有蘋果調味醋。日式拉麵一般都比較咸，豚王亦同日本的拉麵店一樣有一壺水係每枱，不會迫你叫野飲。…Read More

六位晚餐，由於一早已訂枱，所以不用等，西灣河呢間太湖，鋪仔細細招呼亦不錯，很有街坊feel, 又唔會催你走做下轉，當晚消費少於一千，係家庭聚會的好地方。食物都一如以往的好，除了士多啤梨骨外，未有什麼驚喜，反正一家人食飯簡單開心就好了。由於唔係我埋單，所以細數都唔係好知。可能年尾時間，餐牌都係冬至套餐之類，但又唔多合心水，所以最後都係散叫，平日就應該會再經濟d, 因為會有特價推介的。桂花魚炒飯是太湖的得獎之作，每次來都食，絕對值得一試。…Read More

下午餐時間到達，朋友話好正，咪去試下，好似話切腩撈粗係好出名，又多明星幫襯。我覺得以40蚊黎講，都算幾抵食，腩又林又入味，粗面就好咸，已經撈好哂先拎比你，鮮油奶多好厚好脆，不過一見到食左，無影相。呢個價錢，一場去到，都值得一試…Read More

食過多間韓式的烤肉店，呢間係比較小 marketing gimmick, 無蛋邊, 亦無超級大聲的K-pop, 但食材真係無得頂的好食，特別喜歡烤五花腩及醃牛肋排，米酒的選擇亦多-真露，清河，初飲初樂都有。除了烤肉亦有烤海鮮，我地叫左魷魚及扇貝，呢兩款都係有水準的食材。服務員都有禮貌又快捷，叫佢幫手refill 生菜小碟等，都很快手，面內抽風亦好，離開時有除臭劑可以用，唔怕吸到烤肉味。*掛住傾計，只有朋友影的食物相一張…Read More

已經唔係第一次來，上次朋友帶我來，今次帶屋企人來，維港真係夜景超級靚，等上菜時仲走左出去露台影相，同行有吸煙人士，外出露台食煙都方便的，亦有坐位。其實兩次來我最欣賞係佢地的服務，每問佢地野都好用心回答，而且亦好細心，例如佢見我地片皮鴨未食哂，但係mor mor (包住片皮鴨食個片白色皮）食哂又會建議我地多加mor mor；點菜時又怕我地點得太多，建議我地先食到唔夠先再叫，總之服務超級好，同行各人都食得好開心。我地都無叫好多野食，冷盤食左個鴨舌，片皮鴨就兩食，龍仔大蝦球，慢煮牛助骨，再加左枝最平的紅酒。片皮鴨係幾值得試的，佢的配料除了有大蔥，青瓜，仲有pineapple 同哈蜜瓜， mor mor 亦分唔同顏色，幾有特色，鴨片又脆又香不得了。龍仔蝦球賣相好精緻，酸酸甜甜，蝦球爽滑又彈牙，蝦球外面有塊好似紫蘇葉咁的葉，包住咁放入口，有唔同的味道層次，不過六隻一碟，我地4位分唔勻；慢煮牛肋骨又係正野，個個都讚不絕口，賣相又靚又啖啖肉，而且入口即溶，真係好好味前菜叫左個鴨舌，抵食之選，真係好鍾意鴨舌果種質感，而且個醬又超好味，唔會太咸，絕對係開胃小吃。…Read More

適逢一田減價, 沙田人山人海, 想坐得舒服d, 就要食貴ddd, 點知1點15分到都要等半個鐘呀。我好間中先黎一次, 貪佢坐得舒服，服務又好, 起碼唔會係用溝通唔到的侍應, 點知今次有ddd失望, 服務水準似乎下降，侍應都無乜禮貌, 好在最後last order 時間, 來左個幾有熱誠的男仔侍應, 好啦拉平均當合格。食物就一如既往的好食, 啖茶亦保持水準的香, 比相各位睇睇先…Read More

晚上九點幾, 想食啖啖肉又唔想太貴, 花園餐廳真係一個好選擇。第一次黎銅鑼灣的分店, 同其他分店一樣都係舊式的扒房格局, 我同朋友都係牛扒fans, 一個點蝴蝶 ribs eye, 我就食西冷。餐包送到係暖笠笠的, 餐湯都如其他分店的水準一樣, 主菜上場, 差d忘記了落汁會滋滋喳喳的彈汁(要用紙巾擋)。牛扒有一定水準, 唔會太差, 畢竟只是百幾蚊的餐, 絕對係值回票價…Read More

星期六, 6點幾鐘的德福超級多人, 餐廳都開始現人龍, 即刻飛身去Don Don Ya 食個靚飯, 店內位置都唔多了, 坐到個位咁岩係壞燈的下, 又光又暗都幾浪漫(好似係), 向店員詢問過又無位可調, 咁就算數啦～照坐。我同友人都點了刺身飯, 朋友點了特盛果款, 我就點了三文魚親子都係單點的, 咁岩有HSBC credit card , 小食牛油粟米帆立貝免費。刺身飯新鮮, 店面人手較小, 但都非常有禮貌及耐性, 要比讚…Read More

第一次幫襯，朋友介紹的，book 七點唔駛等，坐坐下都滿坐，現場有live band, 氣氛很好，當晚勁勁勁多人生日，靚女主音唱happy birthday都唱左4次。由於得兩個人都食唔到大多野，叫左Franziskaner 啤酒，幾岩我口味，甜甜地好creamy 的感覺。食物就叫左豬手同面包圈，個面包圈可以自己選兩個醬，我就要左芝士同牛肝醬豬手個皮超脆，肉又唔會干，好好味比d圖出黎引誘下大家先~…Read More

行到肚餓，見買一送一poster 問下門口靚女話，498兩位用，就咁就行左入去，見旁邊各人都用緊呢個餐應該都係抵既，跟下風先點知一柯打就有話，無跟餐的紅白酒得果汁，well小妹身子有點不適，果汁都好，之後又話starter 無蟹腳換左隻蠔，都唔打緊啦，我都想食蠔。去相先~我最鐘意係個湯同 海鮮starter, 而食牛扒果時靚女侍應仲有兩款黃芥辣比我簡，我自己就鐘意英式的比較辣d, 法式的則比較酸。隻龍蝦好多膏，不過肉就稍為削左d，味道不錯last 甜品上埋， 開大冷氣趕客，不過無計啦，搵食難，晚市趕住做多轉。ok la…Read More

遠遠見店舖人頭擁擁，點知兩個人又唔駛等位，店內都係好多客迫迫果種，想傾計就未必適合。我自己就麻麻地甜品，叫左個比較傳統的雪耳燉木瓜，清甜又夠凍；朋友就食彩虹明珠，材料豐富，認真價錢平，比起其他4/50蚊一個甜品的糖水鋪，松記絕對貨真價實。…Read More

之前都聽朋友介紹過，但係深水埗店，原來長沙灣都有一間，就入去試試兩個人叫左蝦籽撈面同埋豬手蝦籽撈麵，麵未到的時候發現枱上有一大樽醃蘿蔔供食客食，我勁鐘意食，夾了幾舊，酸酸的又開胃，感覺貼心。麵到了蝦籽滿滿的在麵上，實在有貨真價實的感覺，南乳豬手蝦籽撈面的賣相也很好，跟的小蔥花碗湯亦很香，可惜在豬手，其實應該說是豬腳吧！ 換個角度諗，35蚊蝦籽面，40蚊南乳豬手蝦籽撈麵，差價5蚊，當然比唔到肥美豬手你啦～…Read More

尖沙咀茶仔，第一次食呢間，見門口4x蚊午餐set, 但入到去就改變主意食特餐45位，沙爹牛肉出前一丁，仲有奄列加牛角包同野飲，我覺得咁的價錢算幾抵食。環境舒服，而且侍應好有禮貌，做野又快手，比個讚先。…Read More

4個人的飯局，當日下午才致電訂枱，亦訂晚上19:30，剛入店時亦未坐滿，坐的位置比較窄，如果幾個大男人坐應該都好迫。一坐就tick刺身就係指定動作，等了十分鐘上菜，來的係熱食。。。再等一等刺身登場，有乾冰效果，刺身都新鮮大片，個珍寶赤虎蝦係一流，三文魚亦正。不過我想推介的係熱食，一口牛，燒鰻魚，串燒蝦，一tick 再tick, encore 再 encore. 另外朋友推介炸榴槤，燒羊架。…Read More