KwokHiuWing's Profile

我喺嗰邊返工所以成日食呢間大快活，但係個收銀成日㩒錯嘢，fine我唔計較，當佢係新人所以間中打錯掣，不過佢知道左都會即刻道歉同幫我改。到去水吧攞嗰時，有兩次好有印象嘅不愉快經歷，一次係去食火鍋（要牛），個經理就比左豬肉，我同佢講返比錯嘢我，佢就成份牛肉掟出嚟，好在我避得開先冇比佢整到成身污糟哂；另一次係食其他嘅餐，嗰次係出漏左我張單，我要走去催單先至出比我，仲要藐嘴，不過隔離嗰個水吧姐姐就好好人係咁同我講唔好意思。食物方面，大快活嗰啲預左放得入口就算，但係有幾次食到嘅咕嚕肉就嗱喉嚨嘅，而每次食嗰啲白飯一係超似食漿糊，一係似生米。不過都有嘢要讚嘅，有個執枱姐姐，每次見到呢個姐姐勁好笑容，令我覺得佢好似想當所有客都係VIP，但係呢幾個月都冇見到佢喺度做，不過佢嘅服務態度真係好好，有機會見到佢好想喺佢面前讚下佢。…Read More

我係呢間分店嘅管制文員，呢間個早餐真心係難食到喊出嚟，叉燒包又硬，我食得比較多嘅牛尾湯通粉得D湯係叫做放得入口，其他嘅早餐都幾難食。。。而午餐更加慘，燒味飯得上面嗰幾嚿燒味放得入口，但係D飯唔知煮左幾耐先至裝比人食，D飯係爛㗎！唔駛咬都可以直接吞㗎！而肉燥飯更加衰，一次食左個唔知擺左喺水吧幾耐嘅雞扒肉燥飯，成個飯係得個雞扒嘅味道係正常少少咋！如果真係要講可以食嘅飯嘅話，呢間應該淨係得個粟米肉粒飯係可以放得入口，因為大部分嘅粟米肉粒飯係即時整，所以得呢個飯嘅味道係正常D。…Read More

如題，剛去這裡食lunch，收銀的對我的態度極差（PS:那時我穿校服），其他分店的都有禮貌，就是這間的人這麼寸，而我沒有穿校服去時，則對我較有禮貌。而食物方面則還可以，但對於學生而言，價格偏高。…Read More