Anson 889's Profile

天氣凍凍地，嚟到船記梗係要叫燉湯滋補一下。呢款淮山杞子三寶燉螺頭湯，材料唔嘢少，除咗螺頭之外，仲有雞肉鴨肉豬肉一齊燉，啖湯想唔鮮甜都好難。船記叉燒皇賣相吸引，咬落滿口油香，軟硬適中，可惜只得六件，如果再多兩三件就好喇。雞油花雕蒸中蝦，配上一份烏冬，擺埋一齊好有睇頭。 蝦肉沾雞油汁入口好香酒味，烏冬Q得嚟好滑。上湯蒜子浸豆苗翠綠鮮嫩。蛋白杏仁茶，好香杏仁味，夠熱夠滑又唔太甜，好好味！服務好，上菜快，環境潔靜光猛。…Read More

第一次食意菜，餐牌全是意大利文，就請職員發辦。結果意料之外地滿意，果然冇介紹錯，全部好好味。尤其是PROSCIUTTO E MELONE，意大利火腿加哈蜜瓜，一碟有四件，我居然連食兩件，實在太好味。贈送嘅餐包口感似上海蔥油厚餅，不過冇蔥，但好香口。其他菜式亦唔錯，例如 ：PIZZA、墨汁意大利粉、牛骨髓焗意大利飯、甜品TIRAMISU⋯⋯⋯⋯ 全都非常惹味，日後再幫襯，就可以照叫同樣菜式。侍應服務周到，換碟速度快，環境乾淨企理。…Read More

下午茶餐由兩點至六點，通常我都會三點半後入坐。因為避開中午飯市，到時冇咁多人通常都有位坐。 這間餐廳係掃碼落單。落單後都好快出厨房。咖喱雞髀飯可以加多汁。咖啡都可以加多啲奶。 椰香咖喱汁好香，嗰咖喱汁不是太辣，一般香港人都可接受，雞髀大隻，炸得香脆好嫩滑，有薯仔番茄粟米配菜。咖啡熱辣辣好香濃。 好似我噉樣三四點先食飯呢個下午茶就啱啱好！其實餐廳裏邊都有好多特價嘅野食。 特價有蒸魚啊有冰室白灼蝦半斤啦，金牌燒乳鴿，豉汁或/清蒸時日鮮魚，都係抵食架！…Read More