heyyyman's Profile

小妹未食過印度菜，咁啱呢一日約咗喺銅鑼灣食飯就周圍搵吓食咩好啦，通常對於美食過嘅菜式都會特別有好奇心，見到呢間印度菜評分唔錯，環境由事事正正咁，位置又方便，於是就試試佢啦！兩個女仔上到去其實有啲驚🤣🤣🤣 侍應們其實好忙唔係好得閒理你，去到嗌餐嘅時候發現其實佢哋唔止識聽英文，中文都識啲🤣 不過都係照用英文落單啦，仲可以問佢有咩好介紹添本身怕份量好大，所以先嗌咗兩樣嘢，其中一個就係侍應推薦嘅前菜Dahi Puri:我會形容為脆皮乳酪波波😂 本身我鍾意食乳酪嘅，所以呢味菜係凍嘅，連埋脆脆成舊擺落口嘅感覺好得意，有輕微嘅辣、酸酸甜甜咁，兩個女仔嚟講六粒有啲多跟住好多人嗌Butter Chicken，我哋梗係嗌埋一份啦，但係薄餅又勁多款，於是我哋揀咗Garlic Naan，點咖喱汁真係一流，4塊都好夠，咖喱幾好食，好香又唔係好辣，份量比想像中細咗啲啲整體嚟講，鍾意食重口味嘅嘢就啱啦，我自己會想下次試吓佢個sunday buffet!…Read More

一直以來，成日聽男朋友講莆田好好食，但我覺得呢啲菜館應該人多去食先至好，於是趁爹哋生日就帶埋佢哋一齊去（其實父母之前已經食過😂 今次純粹係因為我想試） 一定有嗌出名嘅扁肉湯見到有螄蚶呢味菜式，諗都唔諗就即刻order因為聽到聽得多，但而家唔係好多地方有得食，同埋驚污糟唔敢亂咁嗌，只係我冇諗過係生食嘅🙈 同我一樣未食過嘅就要留意啦！雖然細隻咗啲但我覺得好好食，新鮮得來又好甜跟住呢一味石鍋豆腐係阿媽要求嘅，熱碟上，但係豆腐同蝦唔熱嘅…完全唔係石鍋現煎囉跟住嗌咗馬拉盞通菜，不過唔記得咗影luuu，因為個豆腐實在令人冇晒食慾，最後要叫經理拎入去翻熱…Read More

一睇個名，我完全冇諗過係一間Cafe嚟，仲喺度諗緊點解你個女仔決定去呢度食晏…okay嚟到見到呢個佈局都安心啲，環境唔錯，係自助形式，餐具同埋水都係擺喺出邊，收錢同埋煮嘢食嘅系同一個人嚟，超級忙。不過開放式廚房油煙就大咗啲…我坐正喺出錯位隔離，我覺得成個頭都係油煙味入返正題，佢個Menu設計得好有心思，每一味菜個名就咁睇都未必估到係咩嚟，食材配搭都好新穎，係fusion泰菜!!!!!! 玩味十足😍冬陰功海鮮意粉少少辣🔥 惹味！好出色，冇補充(唯一缺點係有我唔鍾意食嘅茄子🍆) 呢度好多味餸都有茄子..其中有個小食就係燒茄子我哋都嗌咗，成餐飯好多茄子另外我哋仲嗌咗薯條同埋另一個意粉~嘢飲我就揀咗：冧巴溫花生咖啡🥜Pancake方面都有啲選擇困難，諗咗好耐揀咸定係揀甜，最後揀咗甜嘅侍應姐姐好貼心咁同我哋介紹右下角喺啲cream上面嗰舊牛油，話係特製有咖啡味，食嘅時候其實完全唔記得咗係牛油嚟，因為好好味係咁食…食完要減肥lu…Read More

好少去K11 Musea，因為覺得呢度啲嘢貴夾唔飽，朋友大推Chatterbox Café，話呢度嘅海南雞飯好好食同好出名文華海南雞飯本身想嗌二人餐㗎，超級抵食喎，但係可能太晏啦，八點幾已經冇晒，唯有單點一人一個海南雞飯。正！的確唔錯，好滑~ 差唔多點晒啲辣醬。鹹蛋黃雞翼小食嗌咗鹹蛋黃雞翼，超級邪惡！值得一讚嘅係啲鹹蛋黃醬唔會太膩，好惹味 ！招牌椰子雪糕配斑蘭蛋糕明明好飽，但都要試埋另一個招牌，就係斑蘭蛋糕啦，好彩嗌埋個雪糕咋，如果唔係嗰班蘭蛋糕會有啲dry，個椰子雪糕入面有椰子肉㗎 ！真係估佢唔到…Read More

早前同客食飯，老細話book Rosewood，西餐冇晒位，咁食中餐啦，就Book左呢間食過嘅同事就話一定要試吓呢度嘅黯然銷魂飯，我心諗有乜咁巴閉呀？嚟到睇完成個Menu，樣樣都想試，包括海南雞飯同埋「神級叉燒飯」，好啦既然個名都咁誇張就放手一搏嚟到個樣真係好靚仔喎，亦都唔係某啲餐廳嘅Mini size蜜汁叉燒、日本有機煎蛋、葱油、古方秘製陳年醬油叉燒我鍾意食瘦叉嘅，呢度用西班牙黑毛豬梅頭肉，厚切得來肥瘦適中，肉質豐富入口即溶太陽蛋煎得好靚，邊邊係脆架！仲有流心嘅蛋黃汁，配埋豉油撈飯一流…Read More

聽同事講呢間西餐好好食，終於有機會try try！咁啱呢日lunch嘅時間好匆忙，但都照去試試FUFA Life~ 搵嘅時候要花少少心機，同等𨋢嘅時間比較耐。上到去環境燈光昏暗，有啲情調，所以當日同啲高層食有啲尷尬🤣 不過格調就襯返佢哋lunch set揀咗豬鞍，好有驚喜！上菜好快，配Salad同果茶，唯一係想飲咖啡要加錢，anyway會encore！驚喜之處在於個焦糖醬，同豬鞍出奇地夾，本身唔食薯蓉嘅我都因為個汁而食咗唔少，當然個豬安都超級Juicy啦😋…Read More

原來舊舖喺長沙灣廣場，喺呢邊開分店走cafe小清新風，環境幾好，望出去個景有酒店lobby lounge feel！嘢食都唔錯，即刻煮，多人嘅話要等一陣，整體有驚喜！卡邦尼義大利粉配豬面頰肉好正！我覺得係香港少有正宗Carbonara，唔係落普通煙肉，店主話豬面頰肉係古老做法，比煙內咸，啱我口味意大利流心牛奶芝士卡布里沙律配蒜蓉包Burrata Cheese一流😭 好滑好好味沙律份量多啲就perfect挪威三文魚扒煎得啱啱好冇overcook，配埋香蒜橄欖油意粉啱啱好，呢個意粉就香啲清啲，會想食完再食紅菜頭湯本身唔like紅菜頭，但打出嚟又ok! 新鮮…Read More

留意咗這一間餐廳好耐，看到可以帶狗狗去，食物也美美的，一直心心念念想去。今天早上終於決定拜訪，由於天氣寒冷所以想著下次才帶狗狗，抱著興奮心情在郊遊後前往，怎料到埗後發現關上了門，以為是天亮才關上的，按鐘也沒有人回應，心情跌落谷底。幸好冇帶狗狗來…Read More

既寫開食評就一次過，補返呢個係上年年尾仲有堂食嗰陣時嘅，好有水準！侍應生話當時啲蟹當造👍🏻 所以整咗唔同嘅菜式，唔知而家仲有冇得食呢？見唔見到我隻空咗嘅燒酒杯🤣🤣🤣 每人嗰隻杯嘅造型都唔同個蟹鉗已經幫你拆咗個殼！方便到呢個殼好似冇乜蟹膏，但係已經超級惹味，個煲上枱嗰陣仲係啫啫架！當日啲服務都好好，又會比信封我哋入口罩同埋消毒雙手，濕紙巾齊備唔會整污糟，我覺得最好嘅就係有免費泊車！超級方便👍🏻👍🏻…Read More

第一次寫食評，就係要比劣評🤬🤬 7點半左右等位入座，睇定晚市食d咩意粉，等咗好耐終於有人走，但係門口個侍應哥哥完全冇留意，淨係掛住低頭㩒電話send msg同埋放空，唔提佢都唔知有人走執枱俾我哋入去。最後坐低8點鬆d然後出去cashier，嗌餐嗰陣見到有位姐姐遮咗個晚餐牌，然後收銀話過咗last order喇喎，我表示驚訝「頭先比我入座嗰陣冇講過喎！等咗咁耐都冇人講，啱啱都仲有個牌」cashier「廚房要睇下夠不夠食材...你睇吓啲sandwich啱唔啱 我幫你問吓」唔止意粉，最後連麵包都冇激鬼氣！咁就要咗一杯雪糕、一個蛋糕、一杯咖啡，cashier同我講話蛋糕要等因為前面有幾張單，俾咗個牌會送過嚟我張枱，但我等咗半個鐘都唔到！完全唔知點解拎個蛋糕出嚟同沖杯咖啡要沖半個鐘咁耐！最後問佢佢話同事寫錯咗個冧把，依家即刻送上，「即刻」都要等🙄🙄🙄 好明顯連號碼牌出錯，極度唔專業😓我用coupon姐，唔代表我冇俾錢，簡直係貼錢買難受😣 前前後後浪費咗我成個鐘，明明都唔係好多人！完全唔明點解間野咁出名，垃圾！…Read More