SpringOnion's Profile

有個中學同學嚟緊要去外國讀書，於是乎我哋就Gather 埋晒本身熟嘅一班中同一齊食飯，而最啱多人一齊食飯嘅地方就係大排檔，貪佢可以俾我哋叫好多餸一齊Share 嚟食，所以我哋今次就揀咗喺妹記食飯啦。我哋有八個人，所以就揀咗咁多野食，有啲係朋友食過覺得好食嘅，而有啲就係我覺得大排檔必嗌之選🥹aka我鍾意食嘅餸。1. 鬼馬油炸鬼 ($88)個名都幾鬼馬嘅。。。😅 但我覺得味道就麻麻咁囉🥲講真一上到枱我哋大家都喺到問咩嚟，完全睇唔出佢係油炸鬼，咁又真係幾鬼馬喎衰鬼😅 然後佢係一個長條形切到一舊舊，入面釀咗嘅蝦膠入去咁。咁其實簡單嚟講，佢係炸蝦餅但出面再加咗層炸皮。然後咬落口嗰陣時，面頭炸皮係幾脆，但入面嘅主角，蝦，係一啲都唔彈牙。。。一啲蝦嘅口感、鮮味都冇。。。淨係有少少蝦肉嘅顏色同調味咁😅妖😅我敢肯定係佢打蝦膠嗰陣時為咗cut cost 加咗勁多粉入去😁難食到癲，一定冇下次。2. 煎蠔餅 ($72)煎蠔餅係我最鍾意食嘅餸之一，亦都係家父嘅拿手小菜之一，所以我要求都幾高🤣。一個蠔餅要做到好食，一定要脆，而且每一啖都要有蠔，蠔要夠鮮甜，調味唔可以蓋過啲蠔原本嘅味道，要相得益彰，廚師嗰煎嘅時候亦都唔應該煎爛啲蠔。而呢個煎蠔餅。。。我真係唔知知講咩好🥴🥴 每一啖咬落去都係成口炸粉，一粒蠔都食唔到，而個餅本身又唔脆，完全唔知咬緊咩🥹🙏🏻難得都咬到一粒蠔，但味道就真係。。我食唔到蠔仔嘅鮮甜，而且啲蠔一啲都唔飽滿🥹妖🥹佢仲要俾一碟仔魚露我哋點嚟食，ok一點完咸到咩其他味都遮晒，正🥹🙏🏻3. 椒鹽鮮魷 ($68)呢個係一道我食落冇咁嬲嘅餸🥴🥲 佢嘅魷魚幾新鮮，食落爽口彈牙，而且調味唔會太咸亦突出到陣椒鹽味，而且亦都炸得好脆。但個問題係佢個炸漿都仲係太厚。。。食落成口粉😓4. 魚香茄子煲 ($78)呢個都唔錯，都幾有鑊氣，而且茄子好入味，夠冧，加上佢嘅芡都幾好味，用嚟撈飯食一流，呢個可以話係咁多味餸入面最好味嗰個。。。5. 咸魚茸飛天通菜煲 ($68)呢個我都覺得唔差，咸魚味嘅咸香好出(p.s. 好鍾意咸魚蝦醬呢啲咸香味十足嘅野🤪覺得臭嘅就應該會唔同意我講嘅嘢！🥹)，然後佢嘅通菜又冇話煮到太冧，咬落仲係有咬口的，幾好味。6. 黑椒薯仔牛柳粒 ($158)Well…我覺得佢係完全唔值呢個價錢。。。佢嘅著仔粒食得出有稍微炸過，但係一食落口一啲都唔脆，而且佢嘅牛柳粒好多都係肥膏位，玩野咩。然後，最重要係我食唔出黑椒味。。。黑椒薯仔牛柳粒冇黑椒味係咩玩法，咁不如叫薯仔牛柳粒算。7. 士多啤梨豬仔骨 (errr 唔記得幾錢)另一個我個friend 提議嗌嘅一個餸，見到個名已經心知不妙伏伏地，但見佢實牙實齒咁就信佢好食啦⋯⋯但真係大伏😂😂😂個士多啤梨汁同個豬仔骨勁唔夾😂😂😂又咸又甜咁😓🥹然後啲肉好韌🥹完全唔知自己食咗咩。。。Overall嚟講唔係好明點解佢咁多人排隊，我個friend 堅持話佢一年前幫襯嘅時候好食好多，所以都會諗會唔會係名氣令到呢啲鋪頭冇辦法維持自己嘅食物質素呢。。。唉🥹🥹btw 開餐廳都幾嘈下lol講嘢完全係要大叫先傾到偈，再加上佢俾咗張大過than enough 嘅枱我哋，所以最後我哋都係冇傾到好多野，廢事喉嚨痛😫…Read More

適逢家母生日，所以就約咗佢食晚飯，本身諗唔到食咩，但喺朋友推介下就同拉咗媽媽過嚟請佢食Pici。媽媽本身嗰日要返工，而我又得閒，所以我就自己一個人嚟咗攞位先，同埋順便同啲工作人員講話係想Celebrate 媽媽生日🤣🤣佢哋都勁配合肯幫我預備Suprise，至於Surprise 係啲咩就遲啲再講😋😝😝野食方面，我哋嗌咗Dinner set for two ($438)喺上Starters 之前佢會俾一袋法包俾你，都幾香同脆😂我覺得幾好食，但家母就好似唔係咁鍾意🥹Starters: Burrata Cheese我覺得佢個Burrata Cheese 做得幾唔錯的，舊Cheese 奶味好香濃，而且口感好綿密，加埋，食多幾啖可能會覺得好肥膩，有少少飽，但食返佢個火箭菜苦苦地又會中和返嗰種飽濟嘅感覺，整體上嚟講唔錯唔錯。Main:1. Pappardelle Beef Cheek我覺得佢個牛面頰肉牛味好重，係我鍾意嘅牛味，但係肉質方面我就覺得佢老咗少少，好黐牙同埋有少少韌，但係都尚可接受。而佢個bolognese 就好有咬口，幾特別，食得出係手工做嘅意粉，同出面買嘅唔一樣。2. Chitarra King Prawn (+30)呢個係家母叫嘅，根據佢嘅描述，佢話個蝦唔係太新鮮同埋煮太耐😂😂然後個海鮮汁酸酸甜甜咁幾好食喎，然後話意粉都唔差。不過佢唯一Complain嘅嘢就係覺得個份量比較少😓😓😓幾啖食完喎⋯⋯((可能佢比較大食Dessert1. Tiramisu佢哋嘅Tiramisu 真係幾好食！友人推介我一定要試佢哋嘅Tiramisu。食落又真係幾唔錯XD唔會太甜，而佢嘅咖啡味又幾出，口感又綿密😝不錯不錯。而且我唔鍾意酒味！佢呢款冇乜Xd 所以我幾鍾意。P.s. 我有嗌到佢哋兩杯Cocktails🤡但Errr唔太好飲，所以就唔特別講了佢哋Service 都唔差！會主動幫你影相，同埋送咗張即影即有俾我😂😂你同佢Request嘅話仲可以幫手畫碟😂😂😂😂整體嚟講我覺得係一間野食唔太差，但Service 幾好嘅一間餐廳，啱同朋友慶祝生日嘅時候嚟~…Read More

和朋友一行四人去La Vache慶生，因有朋友推薦話呢間幾好所以都幾期待。因為得一個餐所以直接講要幾成熟就得 餐牌都唔洗睇。個餐包1. 沙律2. 薯條(薯條可以任添)3. 牛扒三個人要左medium，一個人要左medium rare。啱上到黎見到牛扒隻色都似overcook，但以為係燈光太暗所以冇為意。結果咬落口根本就咬唔到，好似咬橡筋咁🥵🥵講衰嗰句煲湯豬肉都嫩過佢啲肉，400幾近500食埋啲咁既牛扒，真係搵笨！肉又多筋又老！同waitress反應左扒既問題，可以換，所以三份medium全部換過新既，都照要左medium。不過質素都係咁…咬又咬唔到，吞又吞唔落…冇食曬就走了😑😑薯條係即炸既，好脆。沙律都夠大，係好食，但我比400幾唔係黎食薯條同沙律😡😡主角牛扒真係差到冇得再差！因為朋友生日所以直接係呢到order左一個小cake，幾塊餅加啲cream就成百幾二百，雖然係生日冇乜所謂但係有小小唔抵。cake擺上黎之後就會播生日歌，小尷尬😂不過幾搞笑。總之，牛扒好好好難食，一定冇下次，大家黎之前考慮下。…Read More

因限聚令4人一檯一直冇咩機會全家人出去食嘢，適逢開返8人一檯，嬤嬤生日又過去冇幾耐，屋企人決定去食泰國野。之前去開泰簡單，但今次有人推薦九龍城泰仔美食，一於就試下。我地前幾日就訂左檯，當晚去到都好多人等位，成個場滿曬，都建議提早打電話留檯🤣我地分左兩檯，樓面姊姊搞到有啲亂，我地兩檯都有叫燒魷魚，我呢檯等左好耐都未有，同樓面追單佢地話一早比左，原來佢以為得一檯有叫燒魷魚😓😓搞到我地食完好耐都一直係到白等。除左呢樣嘢其他都冇得談😆嘢食超好味😋😋😋😻皮蛋呢個皮蛋唔係簡單既皮蛋😹😹外皮出面包左一層炸蝦餅，十分煙韌同彈牙！加埋皮蛋既香氣，非常好味👍🏻👍🏻😻飛天炒通菜我最鍾意既泰式炒菜🤩🤩去到任何一間泰式餐廳既必食😋通菜火候好好，食落口好脆，係啱啱好斷生既口感，鑊氣十足，加上微微既辣，好開胃！😬燒魚我本身對燒魚冇乜特別鍾意，不過屋企人鍾意食，食完我又唔覺有乜特別😂😂但我爸爸話好嫩好甜。我覺得主要係個沾汁好味😂條魚只係得魚皮既鹽燒味。😻香葉肉碎炒飯最愛係呢個！平時屋企附近既餐廳賣既香葉肉碎飯都係白飯加肉碎，碟頭飯咁上。呢個係炒飯🤩🤩肉碎同飯炒埋一碟超級超級香！加埋豆角碎係入面，食落都好有口感，真係超級鍾意呢個炒飯！😻串燒拼盤我地前後叫左兩碟，第一碟係豬雞牛各兩串，雞牛一般，豬最好食，擦左一層蜜糖去燒，又好嫩，所以第二碟靜係叫左豬。我一個人食左三串🤣🤣呢個串燒既汁偏甜，我鍾意串燒本身既味，試左一啖個汁咩味就冇再點過。😻泰式生蝦必食！我地本身兩檯都叫左一碟，點知另外一張檯啱落完order人地就賣曬🤣🤣睇黎好heat。蝦夠大隻，上面有一片薄蒜片，沾汁食超級好味！燒魚、串燒、生蝦都有配汁，生蝦既汁最好味！唔會太酸又唔會太甜，微辣，用呢個點燒魚或者串燒我覺得仲好味😆😆😻鳳爪酸酸甜甜既開胃涼菜，已經去左骨，唔洗自己去骨啖啖都食到膠原蛋白咁🤣🤣😻炒軟殼蟹好香口！份量都好多，滿滿一碟。炸蒜既香氣配軟殼蟹一流。😬小食拼盤除左蝦卷其他都麻麻，但叫蝦卷食就得，其他咩味我都已經唔記得左😅😅泰仔美食位置都好方便，一出宋皇臺站直行過條馬路就到。老細都係泰國人，正宗既泰國美食。份量比足價錢都合理，老細好好人添，最後送左我地兩碟芒果糯米飯🥰🥰有機會一定會再食😋…Read More

難得嚟到九龍城，緊係玩穿越，返去秦國食秦國嘢食🤪🤪😋 前一晚上網做定Research 望到OpenRice 評價好似唔錯，於是就拍板決定嚟呢邊食Dinner。-我同友人去到嘅時候係六點幾左右，但係門口已經排晒長龍，可見呢間餐廳係幾咁有吸引力，前後我哋排咗差唔多兩個鐘先至入到去🥹真係喊三聲😅😅😅 不過佢又有set 用餐時間嘅限制😅🥹可能因為我哋係週末嚟先至咁，平日過嚟可能唔會咁多人😋😋😋😋。-入到去嘅裝修都偏舊，而且因為生意比較好，所以座位都安排得比較窄，坐得唔有少少唔舒服🥹😩呢個位扣分。我哋前後嗌咗好多好多野食，因為好平🥹，分別是泰式炒金邊粉、酸辣鳳爪沙律、鹹魚炒芥蘭、小食拼盤、燒牛肉同埋泰式皮蛋炸蝦餅😭😭仲有兩杯野飲😅講真我哋得兩個人。。。呢度真係泰多了，但因為想試晒所有想食嘅野，所以就🥹🥹🥹🥹嗌咗咁多。———————————隔開———————————泰式炒金邊粉 ($78)上到枱真係勁大碟🥹冇諗過佢份量咁多，多到黐線🥹🥹🥹味道係酸酸咸咸咁，應該落咗少少秦式酸辣醬同埋魚露落去炒，好惹味，但味道就偏淡咗少少，建議可以落多少少魚露令佢嘅鮮味更突出，而且佢都俾咗啲花生碎我哋撈個金邊粉食！！！花生炒得勁香！！I like it🫶🏻-酸辣鳳爪沙律($88)我真係好鍾意食酸辣鳳爪嗰種酸酸辣辣嘅味道🥹好惹味，再加埋鳳爪嘅口感簡直係世一。呢道嘅鳳爪冇骨，啱晒我呢啲懶人，但佢嘅調味偏辣😋😋😋啱晒我呢啲hot girlssss但唔食得辣嘅就要留意返啦！佢酸酸地咁勁開胃！同埋地，佢嘅份量都。。。大到嚇人🥹-咸魚炒芥蘭 ($78)份量同樣地好多多多多多，但係今次食落口就覺得佢嘅調味偏咸口咗少少，可能係因為咸魚嘅關係😫比較失色！但係佢嘅芥蘭都係炒得好爽脆的好好食的，亦都Keep到菜翠綠嘅顏色，唔會炒得太老咁。-泰式小食拼盤 ($108)errrrr 好普通的炸物拼盤，如果想熱氣的話可以試吓order🤪🤭如果唔係特別鍾意炸物的話可以skip咗佢😫-燒牛肉 ($88)呢道係我覺得最有驚喜嘅一道菜，佢嘅燒牛肉外皮燒得好香，簡直係香到喺出面排隊嘅時候已經嗅到佢嘅香氣飄出嚟，再加埋佢唔會將牛肉燒得過份熟，生熟程度大約係喺medium rare至medium左右😋好嫩！好有牛味！加上佢嘅醬汁酸酸辣辣咁！好好味！-皮蛋炸蝦餅 ($88)呢個菜式本來我係好期待的，上到嚟亦仍然好期待的，因為我本身好鍾意食皮蛋同埋蝦餅類食物，但呢個真係令我有少少失望。。。兩樣嘢嘅味道都唔差，但係就係冇將兩樣野融合埋一齊嘅感覺，蝦餅還蝦餅，皮蛋還皮蛋，有啲普通，亦有啲失望。-兩杯沙冰 (各$35)我哋叫咗菠蘿同青檸味，兩個都好refreshing 同埋都偏甜，份量都好多！個人比較推薦青檸味！！！成件事refreshing 多好多！————————————————————————另外順帶一提，佢每樣食物都好大碟，所以叫嘅時候最好量力而為。。。唔好做大晒鬼，啲staff見到我哋嗌咁多嘅時候都震驚咗哈哈，食唔晒記住帶食物盒裝走！！！🥹…Read More

本身要去伊利沙伯醫院攞嘢，攞完嘢之後就喺佐敦附近，於是就Google 下有咩嘢食，本身諗住試吓下小清新coffee shop，但因為嗰間野好多人😭於是就去咗佢對面，啫係呢間鋪頭食飯，但入到去就。。。中咗伏😅😓-我哋入去之前就有個姐姐喺門口招攬我哋，明明假期午市都咁少少人都覺得奇怪。。。不過是但啦。入到去佢會問你想食石燒定係燒肉，我哋揀咗燒肉~ 揀好咗之後就要喺佢哋嘅自助機到付款先，再上去餐廳上面，上到去發現成間餐廳十二點幾得我哋一枱客。。。都覺得伏伏地。。。-我哋叫咗兩個餐，一個係封門柳set 另一個係A5 和牛set，兩個嘅價錢都唔算係好抵食，但係whatever啦🥹仲貴過牛角tea set 嘅價錢——————————separate—————————封門柳set ($158)佢嘅封門柳牛味都算係幾重，而且肉質都唔差，唔會係嗰啲好韌好老嘅牛，但係佢嘅門題係啲牛嘅顏色似係啲好唔新鮮嘅牛，而且係解凍完再雪返佢嗰隻，再加上佢158但份量真係少得過份🥹友人比較大食，話攝牙罅都唔夠，雖然有跟一碗飯。。。-A5和牛set ($268)呢個都貴得好離譜🥹🥹🥹268得幾塊牛🥹🥹🥹🥹🥹🥹 雖然佢和牛油脂分布都唔差，同埋都好食，但係都係個句，佢解凍處理得唔好，黑黑地咁，而且飯嘅份量都好少。。。😓erm 佢跟咗杯檸檬薏米水都唔差嘅。。。—————————呢餐我覺得唔算話真係非常非常之差但係會話佢哋有進步嘅空間，同埋佢三點就話要收鋪趕我同友人走??????完全係問晒號？？？？？？🥹…Read More

前排復活節有連假冇事做，朋友又有空得閒，於是便建議一齊去長洲揾食，本身都只係諗住揾下啲小食食下咁，啫係長洲大魚蛋嗰啲，但係後尾上網google 揾到呢間餐廳評價好似都不錯，於是乎就一齊去咗呢度排隊嘗鮮啦😝😋-去到長洲之後，呢間鋪唔算難搵嘅，不過喺橫街窄巷入面，要留意番。但係個問題係勁多人排隊🥹可能係因為假期啦，我哋去嗰日勁多人，本身店面已經唔大，我哋又冇book位，於是乎就等咗差唔多兩個鐘先有得食😭😭😭不過好嘢是值得等待的！！！！-漫長嘅等待過後！等緊我哋嘅係美食！！！😋 入到去店員嘅服務態度都幾好幾friendly😝 問佢哋嘢都肯答你，我哋叫咗三樣嘢，分別係真•卡邦尼意粉、土製炸蛋同埋All day breakfast🥹—————————我係分界線—————————土製炸蛋($49)我哋一入到去坐低嘅時候店員就問我哋會唔會叫呢個，可能係因為製作需時 🤔🤔所以我諗想食嘅話就要一早叫定好啦。上菜嘅時候隻蛋仲係有少少煙！應該係新鮮煙炸好！切開入面係流心蛋，蛋味好濃，出面嘅肉碎調味亦都不錯，有肉味得嚟亦唔會蓋過入面嘅蛋味。佢係跟配薯條嘅，但因為嗰日我哋食得太飽，所以都冇食晒啲薯條🤭但薯條係幾脆幾香嘅。-All day breakfast ($80)要知道，出面食一個all day breakfast 閒閒地都要過百蚊，喺呢間鋪頭見到咁平，緊係唔執輸！！！叫返個全日早餐試下順便打個港女卡🤪🤪errr個all day breakfast 包幾樣嘢，分別係蛋、多士、焗豆、香腸、煎薯餅同埋沙律，蛋可以揀炒蛋or 煎太陽蛋，我哋就揀咗炒蛋。炒蛋嘅蛋味幾濃，而且啲蛋都幾滑，唔會整得太老，而佢其他嘢就同出面嘅all day breakfast 差唔多，多士烘得好脆！！- 真•卡邦尼意粉($80)呢個係咁多樣嘢入面我最滿意最鍾意的！要知道我哋平時食嘅港式西餐廳入面嘅卡邦尼意粉都係加哂cream嗰啲，但真正嘅carbonara 係用蛋黃嚟整個汁！要揾到間正宗嘅carbonara真係唔易，好彩呢度俾我揾到😭一上碟嘅時候店員會細心咁同你講要食咗呢個先，因為凍咗之後啲汁會好難撈，然後佢會喺你面前刨返啲parmesan cheese 落去！食落口嘅蛋味好足同啱啱刨上去嘅Parmesan cheese配合得好好，唔會互搶！！果然冇改錯名🤭🤣🤣然後佢嘅意粉亦都好彈牙好有咬口，唔錯唔錯！-整體嚟講好滿意！但排隊時間真係太長😭😭如果去嘅話真係要平日排會好啲🥹🥹🥹…Read More

前排中咗Omicron，喺屋企抑鬱咗半個月先至好返，所以好返第一件事當然係揾frd 一齊食飯啦，於是乎佢就推薦咗呢間餐廳出嚟，我又諗唔到食咩好，於是乎就拍板去咗呢間人氣日式丼飯店~😋😝😝-我哋去到鋪頭嘅時候咁啱係lunch time 所以人流都比較多，我諗如果lunch time 想嚟食就應該都要預多少少時間排下隊咁，因為我哋嗰日都要排隊😂😂🥹等咗大約15分鐘先有位食飯。- 入到去嘅座位就比較窄，入面亦都冇卡位嗰啲，不過勝在牆上面都會有啲勾俾你掛起個袋，所以都冇話坐得好辛苦。- 我哋入咗去之後就叫咗三樣嘢，分別係乜蟹都有丼、海鮮丼同埋焦糖三文魚卷。————————————————————————焦糖三文魚卷佢嘅三文魚食得出好新鮮，魚油香好重，亦都唔會腥，壽司飯嘅温度合宜，飯亦唔會太鬆散，加上佢嘅甜甜地苦苦地嘅焦糖，為味覺帶來衝擊，本身以為又咸又甜會好奇怪，點知味道都幾夾，頗為特別又幾好味的。店員上菜嗰陣時仲會點著隻碟令佢有睇頭啲😂😂😂-海鮮丼海鮮丼就比較冇乜特別啦，入面嘅刺身都係平時日式丼飯入面會見到嘅刺身，味道不錯，都頗為新鮮，飯係用珍珠米，醋飯調味得不錯，幾好食的。-乜蟹都有丼呢個係一個都幾啱打卡嘅丼嚟，一上枱嘅時候佢會連埋個蟹蓋俾你，雖然個蟹蓋入面咩都冇😂但係就感覺店家有比心機去裝飾下食物，務求令佢更打卡able。至於入面嘅餡，包咗蟹籽、蟹肉、蟹膏，仲有唔知點解會出現嘅蟹柳😂明明唔係用蟹整。。。不過蟹嘅味道係幾好的！有海水味又鮮甜，呢個價錢嚟講已經好收貨！！！…Read More

適逢生日月份，朋友們就開始不停約食飯😝咁啱我之前冇試過呢間鼎鼎大名嘅蘇媽蘇媽，友人就建議前來試吓馬來西亞菜，而我亦都冇咩preference，於是便在收工之後和友人來了旺角這間餐廳。-餐廳的格局十分有東南亞懷舊餐廳的感覺，座位亦十分寬敞，而餐廳亦有兩層，但可惜的是，當天只開放下層給我們。- 一進到去店鋪，店員就為我哋送上咗兩碗肉骨茶。肉骨茶嘅藥材味適中，唔會話太重，蓋咗咗肉嘅咸香味，加上少少辛辣嘅味道，真的是不錯。更令我有驚喜的是，佢哋嘅肉骨茶可以任飲，最後我和友人都齊齊飲咗幾碗😋😋😋————————————食物方面，我哋叫咗幾款招牌菜，分別係咖央多、老鼠粉、螢光魷魚炒通菜同埋佢哋嘅豬手肉骨茶，我哋都叫咗兩杯野飲🤣🤣🤣但我已經唔記得佢哋嘅名係咩。-咖央多我覺得佢嘅多士烘得幾脆身下，又唔會燶咗咁樣，而佢嘅餡料相對嚟講份適適中，唔會太甜或者太膩，相對比較甜，咖啡味都幾香。缺點係佢份量比較少。-老鼠粉老鼠粉嘅口感有少少似銀針粉，不過我就冇話特別鍾意食銀針粉嗰啲嘢嘅，所以我個frd 嗌嘅時候我都係持觀望態度的。不過送到嘅時候我就完全改觀。首先，個老鼠粉用砂煲上，送到嘅時候仲係熱辣辣咁，保留到食物嘅温度；其次，佢有隻蛋黃喺中間俾我哋撈，令到整個老鼠粉更加濕潤；第三，佢個醬十分惹味，亦都好足料，不錯不錯，我同友人都食指大動。-螢光魷魚炒通菜佢比較辣，食唔到辣嘢嘅人應該食唔到，不過魷魚好彈牙，肉質都唔差，而通菜亦炒得好夠火喉，好味。-豬手印象中佢嘅味道比較辣，亦都幾重肉骨茶嘅菜材味(which i like )，幾好味，肉質都比較嫩，唔會話好柴好老咁。-嘢飲方面我哋叫咗美碌恐龍同埋咸柑桔，兩樣都冇乜特別hahahaha …Read More

小妹二月生日🤣咁啱有限聚令，搞到晚市冇哂堂食，唯有同朋友一齊出嚟食個lunch 飲杯野當小聚一刻，本身諗住食間素食buffet 但點知要排好耐隊🥹無奈之下唯有轉戰其他商場鋪頭睇下，於是就去咗呢度啦-本身都冇話好抱咩好大期望嘅，因為通常商場入面嘅餐廳大部份好多都平平無奇，所以我哋就每個人各自嗌咗自嘅嘅主食之後嗌多兩個餸咁，因為係我生日😋所以我就叫多咗杯嘢飲，係牛油果smoothie，嗰兩個餸一個係牛油雞翼，另一個就係炒通菜😋😋😋因為我哋四個都鍾意食酸酸甜甜嘅嘢😂🤣於是我哋四個都叫咗撈檬食🤣🤣🤣—————————香茅牛肉撈檬-唔知係唔係因為我第一次食嘅嗰間檬粉(同時亦都係我食得最多嗰間XD)味道比較濃，我覺得呢間味道比較淡口，檬汁嘅魚露鮮香比較淡，亦都唔算好酸，可以落多少少醋咁；不過佢嘅葱油好香，帶得出葱嘅香味，而佢嘅檬粉亦都唔錯，幾彈牙；至於牛肉方面，佢嘅牛肉調味不錯，咸咸鮮鮮咁，但係牛味就不太突出，有待改善，不過呢個價位都收貨！！—————————牛油雞翼-第一啖咬落去嘅時候俾佢驚艷咗一下，雞翼嘅皮炸到好脆身，亦唔會話皮太厚粉，厚薄適中，而雞翼本身都好重牛油味，好香，而且炸完嘅雞翼都冇話好乾，鎖住咗雞翼本身自己嘅肉汁，整體上有乜嘢好挑剔。—————————炒通菜-一碟好簡單嘅炒通菜，冇乜嘢特別亦都冇咩記憶點，不過佢嘅蒜有事先爆香，食落好香蒜味，而家佢嘅菜亦都冇炒過龍，亦是不錯的—————————牛油果Smoothie-飲落口嗰下係好順滑的，亦都好重牛油果嘅香味同時又冇令人討厭嘅草青味，不過飲太多會好濟，所以最後我都飲唔哂杯嘢飲🥹—————————Service 嚟講佢都ok嘅，不過不失啦🥹叫佢哋幫手影相都冇say no!!🤣仲要我哋坐咗勁耐😂阻住晒咁🥹…Read More

十二月尾適逢考完最後一科final，於是就約咗朋友一同聚餐，大家都話想食牛扒，於是就上網揾咗有咩牛扒餐廳係好食嘅，咁啱見到呢間榜上有名，於是就膽粗粗帶住朋友入嚟試吓呢間餐廳((ps 大家都係學生🥲食唔起啲好貴嘅扒房同朋友大約六點左右到埗，餐廳當時冇乜人，我哋冇book位都即時有位坐，呢樣嘢係幾抵讚嘅，冇話為咗造勢而唔俾人入座😂😂😂。一入到去店員就好熱情咁同我哋簡介返個menu有咩扒，主打都係牛扒，一人一份咁，包任食薯條，限時個半鐘🥹。而我同友人三個人都係叫咗一模一樣嘅扒，所以試唔到唔同價錢級數之間嘅分別係點🥹🥹🥹🥹不過我哋一個叫咗medium rare(我)；一個叫咗medium；另一個叫咗medium done，但係我哋一致都認同呢間牛扒嘅質素唔錯，牛扒嘅牛味好濃，而且佢唔會切筋位俾你，唔會有牛扒咬落硬過自己條命嘅事情發生😅講返自己舊medium rare 牛，我覺得佢嘅牛味好突出，而且佢嘅口感好軟糯，真係做到medium rare 嘅口感，而且佢嘅牛扒面面都煎到好香。不過佢有樣嘢唔好嘅就係佢上菜之前已經幫你切好哂一細舊一細舊😂唔知佢係唔係餸頭餸尾用嚟煎牛扒😂😂😂errrr同埋我稍嫌佢有少少太油，乾返少少會更好haha至於佢嘅薯條，係松露味嘅薯條，truffle 味好重，而家店家炸到好脆，仲要任食🤣🤣😋搞到我哋添完再添變大肥婆🤣😝😝 P.s. 用餐期間發生咗件趣事，就係食食下飯成間鋪頭停電，仲要聽到廚房大叫出嚟話，連爐都熄埋😂😂😂笑咗，都算係一次幾特別嘅經歷嚟…Read More

適逢同朋友入大埔親親羊駝做義工👍🏻就諗住睇吓大埔有啲咩好嘢食，打開open rice 嘅附近，排第一名嘅就係呢間餐廳，我同友人又諗唔到有咩其他想食，所以二話不說就揀咗去呢間餐廳食個Lunch! 入到去先知原來呢間餐廳唔收credit card 🤣🤣😵‍💫我同朋友又冇帶夠cash 喺身，所以唯有急急腳去7仔到撳錢🥲下次一定要記得帶夠Cash 😭😭😭😭講返正題先，入到去餐廳，環境都唔錯，裝修幾有格調，啲格局同擺設都好明顯係有花過心思嘅，唯一美中不足嘅地方係佢嘅地方比較淺窄，坐得比較逼，不過就有兩層所以都還好，不過最好嚟之前都係book 定位先，哈哈。我同朋友一個叫咗佢嘅漢堡包，我就叫咗佢嘅蜆肉意粉🤪🤪因為聽講佢嘅意粉係手工意粉，好似都幾出名。佢一個lunch set 仲包埋沙律同埋一杯嘢飲🤣🤣呢個質素同價位嚟講都幾好嘅。叫完嘢食之後啲嘢好快就上菜，兩份食物份量都適中，啱啱好。而我叫嘅手工意粉都好好食，意粉好有咬口，而且比較粗同圓身嘅，同出面坊間買到到快熟意粉或者其他餐廳嘅意粉都好唔同，而且佢嘅調味都唔錯，少少辣辣地咁幾惹味，再加埋佢嘅蜆都好新鮮！冇一隻係有沙同埋隻隻都開哂口的！幾好幾好。至於沙律就係普通沙律啦🤣🤣冇乜特別嘅~…Read More

喺大坑上急救班，放飯又唔想行大遠去食飯，咁緊係揀銅鑼灣嘅餐廳啦😛😛😛咁呢日我京貿貿然同友人行咗入呢間餐廳入面試吓佢哋嘅越南嘢🤣🤣🤣個名好搞笑 唔知志明喺唔喺入面呢？Lmao 我哋一去到門口，個企喺門口嘅姐姐就勁熱情咁招呼我哋入去🤣🤣所以我哋就入咗去lu，仲要俾咗卡位我哋坐！佢嘅裝修都好有越南特色！可惜我冇影低到🤣座位都寬敞嘅，坐得幾舒服。佢落單係用手機Scan 張單上面嘅QR code 去落嘅，非常之方便，可以大家一齊睇Menu，方便咗啲時間嗰啲。 叫完嘢食我諗大約都唔駛五分鐘啲嘢食已經出咗嚟🤣🤣速度快到有啲嚇親我😂😂😂不過都好嘅，本身好肚餓，咁快就有嘢食都幾開心。不過我諗佢應該係一早整定咗好大份量先可以咁快出到餐啦，所以食物都相對上冇咁Fresh。我叫嘅係香茅豬扒撈檬，本身中學嗰陣時已經好鍾意食撈檬㗎啦，因為學校附近有一間又平又大份又正嘅小店🤣🤣所以成日幫襯佢哋，成為咗我嘅飯堂，所以呢度嘅評價都係以嗰度嘅檬粉為標準😋 首先講下個豬扒，我覺得個豬扒就有少少凍咗😢😢食得出香茅味，但係好明顯就一早炸好咁放喺到，食落口嘅時候仲有少少餘温嘅，但係就相對上冇咁脆口囉😮‍💨不過佢調味都唔錯，幾有喊香幾惹味至於佢嘅粉，我覺得都幾彈牙，同埋佢嘅配菜都俾得幾足吓🤪🤪🤪感覺上好似健康啲咁哈哈但佢個汁就令我有少少失望lu，因為本身我以為佢個汁會好重魚露味同酸啲，點知食落口勁淡，仲要甜味重啲😮‍💨😭對一個重口味嘅人嚟講，呢個檬汁係完全唔ok!!好彩佢喺隔離放咗啲魚露啊醋啊嗰啲🤪加完就即刻好味哂 yeah!…Read More

適逢朋友生日，但大家朝早都有事要做，所以唯有約夜晚🤡但夜晚又冇咗堂食🤡🤡🤡🤡咁唯有約夜晚買外賣去野餐慶祝啦😅 我哋約咗去添馬公園野餐，所以諗起港島區有間pizza 好出名🤣同埋淨係港島區area 先有，所以就特登去咗買呢間Dough bros 外賣，喺佢開咗冇耐嘅時候其實我已經食過，Keep住斷斷續續都有幫襯下佢，水準開咗咁多間分店之後都Keep到！我今次係用Food panda叫咗Pepperoni 😋😋which 其實係我每次基本上都會叫嘅Pizza 嚟😛因為真係好好味！！！我係外賣自取嘅(有九折🤣) 然後去到之後攞外賣嘅時候個店員哥哥都好Nice，仲問我想要咩Sauce 同埋俾多幾個Sauces 我😭😭😭真係勁好人😂前後俾咗三舊Sauce 我😂😂😂😂😂😂 但我淨係叫咗一個Pizza個Pizza 食嘅時候唯一可惜嘅位係我哋拎完之後等咗一段時間先食，凍咗🥲🥲🥲但其他位都好出色！佢嘅餅皮Keep住都係Sour dough 底，勁Chewy。另外佢個pepperoni 嘅調味味都好好，係有辣味，先係真正嘅pepperoni 辣肉腸嚟㗎嘛！之前Pizza Hut 嗰啲一啲辣味都有😅😅😅而佢個Signature truffle dip 都仲係好正😭😭😭😭truffle 味好出！我哋忍唔住dip 完再dip 然後再用埋本身已經買咗嘅薯片點落去😛勁邪惡，但勁好味😋😋😋正！…Read More

喺大坑嗰邊上急救班，放飯又淨係得一個鐘🤣都唔知有咩選擇，所以最後開咗openrice 睇下有咩好食，點知發現附近有間Burger好似唔錯，所以我哋就過咗嚟食Burger lu~ -行到過去差少少會ignore 咗佢🤣因為佢嘅鋪面好細！大約淨係俾到小貓三四隻喺到堂食😛而我同朋友見入面冇其他客，所以就坐底咗用餐，我諗佢都係主打外賣生意🤣🤣🤣所以其他人如果特登去試就要留意一下Lu~不過鋪面裝修都係行簡潔風，有少少壁畫同埋有啲字啊擺設咁樣放咗喺度🤣🤣都幾得意-講到服務🤣因為鋪面唔大，所以都係得一個人一腳踢哂waiter 嘅位，收錢、落單、上菜都係佢，但佢都好友善咁答我同朋友對於菜單方面嘅問題🤣唔錯唔錯！-食物方面，我哋分別叫咗個Mushroom hamburger 同埋Homie American Hamburger，兩者嘅分別在於，一個有bacon 一個冇，而我哋都加咗Set🤣🤣coz $12only!!有埋薯條同一杯Soda~-講吓個burger 先，我叫嘅係有Bacon 嘅American Burger，個包份量都幾大，而且好足料，啲配菜，例如蕃茄、生菜都好新鮮同好靚！而且佢嘅漢堡扒煎得恰到好處，鎖住咗肉汁之餘仲又有煎過嘅香味，包又香又脆，明顯有烘足過，佢嘅芝士選材亦都好好，芝士味好濃郁！啱哂芝士控！不過唯一失色嘅位就係我覺得佢嘅芝士味太重蓋過咗啲牛嘅牛味有少少失望🙍仲有！佢嘅洋蔥亦都好好味🤙🏻👍🏻👍🏻好焦糖化，不過份量多啲我會開心啲🥺🥺🥺Bacon亦都好香好脆🥺🥺😋😋令人回味無窮🥺-薯條方面我覺得不過不失啦~ 食得出係即炸嘅薯條，熱辣辣咁送到枱面，不過應該係薯蓉壓成再整急凍嘅薯條嚟🤣🤣唔係手切嗰啲薯條，不過我自己就鍾意食呢款薯條多啲😛同埋佢嘅調味都唔錯嘅，不過佢配埋個千島醬真係好邪惡😭😭😭😭😭😭😭😭不過好好食！！！！😭😭😭😭😭😭😭😋😋😋😋😋-Ermm Soda 就冇乜特別🤣🤣🤣普普通通咁…Read More