zizi.k's Profile

入座時人唔算多，落單叫左一個牛肉烏冬，一個海鮮烏冬同一杯梳打。等左陣大約13:02牛肉烏冬就到左，一路食嘅時候，亦多左3 枱入座。到我食完，另一個烏冬以及梳打仍未到。過左陣，我地向著白衫嘅侍應查詢，侍應話人多，所以要等耐啲。然後大約13:15，一位短髮著黑衫嘅女服務員問「係咪黎哂野啦？」語氣態度似係想趕我地走，所以我地向佢提出仍有食物飲品未到。再過一陣，約13:20，同樣嘅海鮮烏冬送到另有一枱遲黎嘅客人枱上，大約13:24我就向短髮女服務員查詢，佢以唔禮貌嘅態度同我講「出單機壞左氣張單冇左呀嘛！」我指出隔離枱比我遲黎，佢就唔耐煩地指出「人地同你唔同呀嘛！」明明隔離枱一樣食海鮮烏冬、一樣有男有女，唔同嘅係佢地有4人，我地兩個，佢地係大陸人，我地係本地人，究竟短髮女服務員指嘅唔同係咩？所以我就向當時餐廳經理J 查詢，但J 多次迴避，亦選擇係同我有眼神接觸後於人流不多的時段躲係某張沒有客人的枱後，直至我再次向佢揮手佢先紓尊降貴來招呼我。我向佢查詢咩為之「我同人地唔同」，J聲稱唔好再為呢件事講落去，另外亦聲稱，由於出單機問題，所以就算我早黎，但我張單出唔到，變左要再排過，要排係遲黎嘅人後面。縱使我已經追過問過，而餐廳方面亦知道我等左好耐，但亦唔會有人為我跟進，我只可以等，再由頭排過係遲黎嘅人後面。而短髮女服務員，由始至終只有用極差態度對待我地，一句唔好意思都冇講過。呢間以不知名原因為客人分階級嘅餐廳，仲要自己餐廳出問題，亦理所當然要客人承受佢地嘅錯嘅餐廳，我第一次遇到，亦唔會再幫襯。…Read More

今日因事入錦上路，由於見到呢個餐廳有眾多好評，於是一試，點知中左大伏，完全係一個地獄式體驗。首先，排隊等得耐，我都唔介意，因為真係滿座，等左大約大半個鐘，約13:50 終於入座，入座時職員話，要預上餐時間會好長，如果趕時間就唔好食。我都等左大半個鐘，如果等餐時間長，排隊時應該講一聲，而唔係我排左差不多成個鐘先講。入座後好快便完成落單，但等餐確實非常耐，而由於我地嘅坐位近住廚房出餐位置，令我終於明白點解等餐需時咁長：廚房出餐時會將單據貼係碟邊，但樓面唔去睇下就一手掉張單落垃圾袋，再手執食物走出餐廳，但不久後攞返碟食物返轉頭，走去垃圾袋摷返張單，估計想搵枱號，點知摷唔到就放低返食物，走去做其他野，高峰期見過3碗湯河被冷落至少15 分鐘，甚至有一碟炸蝦餅由我入座前，至我離開後仍未被處理，呢個情況出現左不下數次，所以出餐慢主要原因唔係煮食時間長或講究，而係餐廳送餐方法非常有問題同欠缺效率。另外，樓面看似帶住手套好衛生咁，但係我等位同等餐期間，見佢地執地下嘅野又帶住呢對手套、抺枱又係呢對手套、轉過個用手揸住個新鮮出爐嘅食物碟又同樣係呢對手套。之後再過一排，樓面走黎同我講話冬蔭功冇哂，要轉其他。我睇下錶，原來已經係14:50，距離落單時間已接近一個鐘。冇哂又唔一早講，要等成個鐘先出聲？我唔想再浪費時間，立即轉做炒金邊粉，又再等多大約20 分鐘，見有幾碟炒金邊粉出爐，但樓面兩位女士又再陷入混亂，話唔知邊枱叫左炒金邊粉，咁我地即時話我地叫左啦，但點知其中一位樓面話「你轉左野要由頭排過，你包尾架！」轉野唔係我地要求，係佢地嘅問題，令我地被迫要轉，仲要講到我地錯咁要再慢慢等過。又再過多一排，又見到有碟炒金邊粉出爐，樓面同樣又再陷入混亂，我地又再話我地叫左，但同一名樓面話「人地C5枱都等左好耐，係人地架」咁我地無奈又再默默地睇住佢攞走碟野送俾其他人，但奇就奇在竟然碟野係約5 分鐘後又送返黎我地度，仲話係我地嘅！碟粉係間餐廳同其他人位置放置左咁耐先再返黎，衛生情況都非常嚴峻，但由於已經花左太多時候，我地亦由唔趕時間變成趕時間，唔想再花多個幾鐘等佢再整一碟新，唯有再次默默接受。最後另一碟飯亦於再過約十幾分鐘後送到。小食本身落左兩碟，但唔追問都唔知原來有一款已經賣哂，而另一款唔催就唔整。等都唔係問題，但衛生同食物味道完全唔值得花費3 個鐘。永遠唔會再幫襯。…Read More

媽媽於買餸時發現了這間餐廳，因此特意於國慶翌日的假期與她品嚐。餐廳門口有巨型蟹裝飾，跟日本專門食蟹的餐廳很相似巨型蟹下面是活蟹缸蟹午膳共有5個course，份量有點大，女仔會太飽或吃不下，幸好餐廳方面容許我和媽媽兩份點一份午餐。除了點了一份蟹午膳外，我們還額外各點了一杯飲品，但忘了拍照。 蟹午膳約3百幾元。媽媽點的是apple cider, 無酒精的日式玻璃瓶飲料，蘋果味很濃，像加入了梳打水的蘋果汁，味道不錯；而我則點了melon cider, 同樣是無酒精的日式玻璃瓶飲料，但顏色看起來很重人造色素，味道是很濃郁、像小時候那種全糖唧唧冰的蜜瓜糖水味。第一道菜是松葉蟹蒸蛋。蒸蛋很夠熱且滑，蒸蛋上放了一條蟹肉，蒸蛋中間放入薄薄的日式魚蛋一片，蒸蛋的底部則有一粒白果，跟日本吃到的蟹蒸蛋很相似。（下圖左上的盅為蒸蛋，但忘了拍照）第二道菜是松葉蟹天婦羅一籃共有七件天婦羅，包括三件松葉蟹、兩條露荀、一塊茄子及一片蕃薯；並附有醋及海鹽。以一人份量來說，算是很大。味道不錯，我覺得配上醋來食松葉蟹天婦羅會搶走蟹的味道，但配上海鹽的味道就不錯。第三道菜是蒸北海道毛蟹我平日對連殼上碟的蟹，感覺一般，因為不想在外面食飯時要動手剪/拆蟹殼。但原來這款蒸蟹已剪開了蟹殼，只要使用筷子或食蟹專用匙杓便可輕易取出蟹肉，旁邊附有蟹醋。這隻松葉蟹味道很鮮，點醋進食會蓋過蟹的鮮味。這一道菜是全個蟹膳最美味的。在我們仍努力食毛蟹時，waitress 已忙於上第四道野菜鍋，並為我們煮好及分好。野菜鍋同樣跟日本所吃到的日式蟹膳很像，有各種蔬菜及蒟蒻麵，及一份烏冬，不怕吃不飽。味道其實跟一般的野菜鍋沒太大分別，不過不失。最後一道菜是雪糕雪糕共有綠茶、海鹽及柚子三款味選，我選了海鹽。雪糕甜中帶鹹，雪糕裡有點冰粒，由於這裡的冷氣不太夠，在此情況下食這款雪糕，份外舒服、好味。總括來說這餐蟹午膳，以每道菜的份量及質素多說，算很優惠，環境也很舒服，服務亦很好，但冷氣真的略嫌不足。…Read More