cshungpo's Profile

呢盤野$216 (蛋糕仔加d生果）貴過一個set lunch 大家認為合理嗎？😅Sorry, 我去食d西餐廳 一個dessert都係大約$100-150左右（寫哂仔好靚擺盤）呢個甜品拼盤真係有啲過分。訂位時有告知有朋友生日餐廳話佢地得蛋糕仔、加枝蠟燭。直至去到餐廳都無提及呢個項目要加幾多錢。直到埋單時就直接加左呢個$216。如果待應事先有提過要加錢同價錢我覺得絕對合理，但最後好似比人屈咁。貼錢買難受，水魚做一次就夠，無下次。…Read More

和女朋友拍拖都很多年現在最麻煩的就是搵餐廳同禮物咁啱上網見到BB 呢間餐廳食評又唔錯,睇相又唔錯,價錢又唔錯試一試佢真章去到餐廳,因為一早訂好枱.佢比左張卡位大枱我地好舒服要讚點餐後即送上面包微溫,合格個蕃茄醬超好味連平時唔係好食蕃茄醬的女友都讚口不絕焗田螺牛油味好香好濃入口亦唔會太膩水準之上洋蔥湯個湯有半個洋蔥係入面味道好濃好彩我同女友都食開濃味野如果唔係可能頂唔順主菜 : 羊架首先要讚係佢保持到個口感軟熟唔韌再讚係佢個味道好好,唔會話無哂朕羊味三讚佢D配菜都好好味主菜 : 鱈魚鱈魚同羊架一樣煮得程度啱啱好,口感保持到滑而不老味道亦都調配得好好欣賞佢個汁唔會太濃味搶左魚味甜品 : 心太軟&提拉米蘇一早order定亦安排佢寫啲字係碟上寫得好靚亦有心思,好好味道亦係水準之上服務方面,當晚用膳人數唔多所以侍應們都好熱心服務我地中間焗田螺有一隻縮到食唔到佢都會重新安排返比我地服務分5分走唔甩總括而言可能我要求唔高我覺得果晚係我食西餐而來最滿足的一晚…Read More

之前見到呢間餐廳既團購可以係除夕用(加$200)計返個價錢都好合理,啲食物都睇落幾好好!就試一試先!紅酒白酒 : 唔算好識飲 , 但都OK餐廳環境 : 簡單,舒服 , 配上英文歌 , 幾好FEEL頭盤 : 田螺薯蓉好味 , 薯蓉好香牛油味 , 辣肉腸好似overcooked,太硬頭盤 : 芝士蕃茄沙律 , 普通 , 個人唔係好鍾意芝士(除左甜品)頭盤 : 黑毛豬蜜瓜沙律 , 我鍾意佢唔太咸, 蜜瓜唔會太甜 , 岩岩好湯 : 感覺唔夠熱 , 同埋龍蝦湯有少少苦澀味主菜 : 羊架 , 味道好好 , 但我嫌個羊架唔夠"騷",但都好味主菜 : 三文魚 , 魚味好夠 , 同個醬好夾,仲有甜品係 tiramisu 同心太軟 ,兩個都好好食 , 心太軟既朱古力甜度岩岩好, 都夠熱另外tiramisu 係傳統軟軟水水果種, 好正總括上面大部分食物都好好, 環境都好好服務都OK , 好滿意! =]…Read More

自前之前經團購試過 TT party 後都覺得呢度係值得再次食的咁情人節要搵個靚靚地方同女友撐枱腳見到TT party 既情人節套餐睇下都幾吸引好 , 打定電話book 位 . 當日分左上下半場 , 都正常既615-815 同埋 830打後我就第一個timeslot唔算好多人可能啲人都未放工所以都算靜,幾好feel電話request 要啲private 既位置都有做到十分好.食物方面 :1. cocktail 一坐低無耐就送杯cocktail 比我地 , 好似同上次果杯差唔多 , 好易入口 , 不錯2. 面包 無咩特別 , 略嫌很硬 , 我鍾意軟包多啲3. 三文魚撻with香檳啫喱我個人鍾意佢酸酸地醬汁同香檳連埋一齊既味道 , 作為頭盤幾好 不過女友唔鍾意酒味 , 就唔太ok.4. 蟹肉撻未食已經聞到好香 , 不過個皮唔係好夠酥脆同埋個醬(好似係士多啤梨醬,酸酸地)唔係好夾連續兩道都係帶酸味有啲too much.5. 黑松露菌湯(相在上) 幾香 , 滿口菌類既味道 , 不過我都菌類無咩大喜好6. 鵝肝蝴蝶粉鵝肝既味道好rich , 入口即溶但味道last好耐蝴蝶粉就無咩特別烤明蝦伴龍蝦醬蝦肉都幾大隻幾新鮮 , 口感唔會好霉好散肉眼扒配橙皮酒上次係度食既牛扒好普通 ,五成熟都過韌今次塊扒既位置好脂肪位多叫五成熟可以輕易切開同埋入口既口感好好 , 唔會咬得太辛苦唔錯芒果&士多啤梨慕絲蛋糕ok , 普通甜品既感覺但手字好靚 , 最岩我影相總括而言今次無上次咁驚喜亦無上次咁好味不過再有機會都會再來…Read More

女朋友早早為我安排的生日晚餐睇到呢個餐廳好評不絕又咁啱有團購佢就決定係呢度為我慶祝生日了環境十分幽靜佢平時就係好入基唔上唔會有人行過咁滯佈置都幾靚不過都幾多人又有細路仔,就有dd嘈啦但都ok既食物方面 , 個團購真係有好多野食雖然每樣少少 , 但對我地黎講試多d唔同野仲好cocktail - 咩都未有就先黎一杯cocktail 好易入口, 以利賓納為主 4/5蕃茄伴不同的醬(鵝肝醬etc) - 精美 , 醬濃 但味道唔係超特別 3/5大蝦西瓜沙律伴檸檬汁 - 幾特別既配搭 但蝦同西瓜又唔係特別夾既感覺 但係幾好既嘗試 3.5/5迷你羊膝撻 - 香味濃郁 , 羊味雖然又唔係好突出 , 但個味唔錯的 4/5香煎北海道扇貝伴菠菜忌廉汁 - 呢個係成餐最好味既 扇貝味濃, 配上少少既ham加添一點風味 而菠菜汁正好作一中和 4.5/5 (扣0.5分係因為佢得一舊)法式香包 - 面包外膽內軟 , 味道一般無特別 值得讚揚既係佢夠熱 3.5/5原隻蕃茄雜菜湯 - 好誇張既一個湯 一啖蕃茄一啖湯既感覺十分滿足 不過佢蕃茄味其實唔係好濃 雜菜味重d 但個樣都有呃得下! 3.5/5香煎三文魚伴檸檬忌廉汁 - 魚肉結實 , 味道幾好 但唔係點解我會覺得佢好似未夠熟 不過佢煎/燒得塊魚皮好脆好好味 配菜薯蓉都幾好 3.5/5安格斯肉眼 - 叫5成熟就為防太韌 但都係唔夠軟熟 可能我唔識食啦 3/5芒果草莓奶凍 - 好好味 估唔到奶味同水果會咁夾 奶凍同水果又唔會太甜 十分好 4.5/5心太軟伴雪糕 - 朱古力味濃郁 係我鐘意既少甜味 不過內心既朱古力醬就唔夠熱(可能整好放左一陣? dont know) 雪糕就正常囉 手字都幾好 4/5講完食物就講服務整體而言係幾好的感覺專業但當中有位侍應生就係我地食完扇貝後講左句"點解唔食埋d菠菜忌廉汁呀 , 用成棵菠菜煮成的"雖然佢語氣並唔係惡 , 但感覺都有d odd 因為我地又無諗個d汁都要食埋不過佢都係帶笑容既,可能真係想提點我地都未定而另外,本身我女友就打電話book 位順便 request 想係甜品碟上寫字咁當時電話果位都話無問題既而我地到左甜品時間時發現就無個奶凍上無寫到字啦我地就覺得"算啦,可能隻碟細寫唔到掛"誰不知侍應生拎左個心太軟連字連蠟燭當堂覺得呢間餐廳好好啦但直到要埋單一刻就發現價錢同所想既不同睇返張單先知原來心太軟同加字係要收錢其實都幾唔滿意佢咁樣既做法電話上無講明加字要收錢我女朋友係電話上更加無講過要心太軟如果我地食朱古力會敏感咁點算呢(雖然我地無敏感)所以我諗呢一點餐廳雖然檢討一下總括而言食物質素絕對值得再試服務都唔大問題但某d事上面既處理就要諗一諗了…Read More

有綠見到尚館又有團購作為呢間餐廳既第一個食評家當然要再食下啦1. 黑醋 + 油2.忌廉蠔湯 - 呢個湯就無上次果個咁好了 , 只係普通料子 2.5/5 個包就幾好食,脆脆地又夠熱 3.5/53.酥皮焗田螺薯蓉 - 好味! 田螺有咬口, 唔會太硬太軟, 同酥皮&薯蓉十分夾 4/5巴馬火腿伴沙律 - 巴馬火腿一直食開都比較咸 但呢個就咸得岩岩好 就咁食都無問題 味道岩岩好 沙律就一般啦 , 普普通通 加埋都ok既 3.5/54.白酒 - 唔夠清爽既感覺 而葡萄味都唔係太出 可能係我唔識飲吧 2.5/55.香橙魚伴黑松露汁 - 魚味ok , 唔會比醬汁搶左個味 但煎得唔算特別好 , 個人喜歡香口脆口d 不過都ok 3/56.保雲酥羊鞍 - 食羊有時都想佢有少少騷味 但呢個就無乜, 哈, 而佢口感真係幾好 叫五成熟佢都燒得唔錯 見血得黎又唔會太韌 而保羅酥既味都幾好 整體黎講都真係唔錯 3.5/57.奶凍 - 味道ok , 但諗起第一次係呢度食果個甜品 又大d , 又靚d , 又好味d 就覺得呢個失色不少 普通啦 2.5/5服務方面我個人係十分支持尚館請長者工作而佢地都好有禮貌係有時講野大聲左少少咁囉但overall 都好好總括黎講今次都唔算失望但亦無驚喜不過再有團購都可以再試既…Read More

女朋友生日當然要搵間比較有情調既餐廳啦咁岩搵到呢間見到都幾多好評下就試一試你啦ps 當日二人都係半飽咁去食可能會有d影響都未定1. 可能係星期三關係都比較少人但非壞事丫靜d仲好2.面包配油&醋 - 面包都新鮮 ,熱辣辣 醋同油就正常野3.蘿蔔湯 - 湯都好濃厚蘿蔔既味道 但唔係話超級好味,中上啦4.三文魚沙律 - 好好好大盤! 三文魚幾好, 菜都好新鮮 , 配上既少少酸醬汁亦唔會太搶走菜既鮮味5.比目魚包煙肉蘆筍 - 幾特別既組合 , 比目魚入面包住煙肉及蘆筍 , 增加佢既口感 , 配上薯蓉及紅黃椒及南瓜6.芝士焗蝦&牛扒 - 芝士焗蝦都幾新鮮 , 佢簡單配上芝士反而令蝦既味無被搶走 但牛扒就唔太ok , medium well 都有出血 ,但都係比較韌 都有配上薯蓉及紅黃椒及南瓜7.朱古力布朗尼&雪糕 - 朱古力都幾濃味 , 女朋友話雪糕好似雀巢果d 其實唔錯,但太飽,根本食唔落8.柚子cocktail(free) - 酸酸甜甜既味道十分好 , 酒味岩岩好, 唔會太濃服務方面 , 一開始我同女朋友都覺得d待應生有d囂張都係非香港人一口流利英語有時唔係好好笑容但後面因為我會request 佢係個甜品上寫字就同佢地傾下計咁佢地原來都幾nice會幫我諗下點解寫點解講咁之後上菜收碟都有笑住咁finally 都ok題外話, 表明係無惡意 , 當中有一個男待應生個樣好妖感覺似泰國人哈, 其實似人妖 , 不過佢好nice , 而且佢好靚仔我係男都覺得佢有種特別既魅力哈ps. i am not gay…Read More

因女朋友生日特意放半日假同佢周圍食周圍行諗起好諗無食過California pizza kitchen 既宮寶雞丁意粉好啦! 午餐就揀你啦! 1. 檸茶&可樂 - 糖係自己加, 飲開自己加既檸茶都係麻麻地 但呢杯都幾好 , 最鐘意佢係可以refill ! so good 2. 粟米湯 - 其實唔可以稱之為湯 , 因為佢似醬既口感多d 比較"杰"身 , 但味道方面都ok3.沙律 - 唔太好食 , 主要因為佢個沙律醬太濃而且有d酸 所以都食唔到菜既新鮮4.宮保雞丁意粉 - 食過好多次架啦 , 都一樣咁好食 可以我地都喜歡濃味既食物 而呢個意粉帶辣 , 刺激得來又不失佢本身既味道 真係好好味!!5.辣肉腸pizza - 一般吧 , 醬較甜 , 個人口味唔配合吧 但個餅底都ok 鬆軟嗯 , 雖然唔係各樣野都好食但我地係擺明車馬食意粉而佢都無令我地失望價錢仲好抵添另外都要讚下果位女經理佢好好笑容我地有需要時會留意到 非常好場地方面 , 當日天氣好好我地坐係都算近窗位置可以享受自然光正…Read More

女友話想食泰國野諗起之前都食過呢間都唔錯就早一日BOOK 定台book 左台就唔駛等位十分好不過都唔算full,出面都無人等位我地叫左 1.椰青 - OK啦2.拼盤 - 有 春卷+炸蝦餅+煎蝦餅+炸番薯+串燒 春卷OK,夠脆口,炸蝦餅都夠彈牙,煎蝦餅就弱D,炸番薯帶微甜十分好,串燒有D韌3.豬頸肉 - 感覺唔似炭爐,風味不足 , 但味道都OK4.冬陰功 - 好味! 但略微太辣,有點蓋過其他味,but for女友就岩岩好 , 足料 , 5.柚子芒果大蝦沙律 - 我個人覺得好好味 , 生果甜 , 但佢係配上一點點辣 , 將味道吊出來, 第一次食既我十分喜歡6.生菜包 - 唔太好 , 太過咸7.咖哩大蝦 - 咖哩汁幾好 , 少少辣帶甜 , 感覺好溫和 , 但大蝦一D都唔新鮮, 蝦肉十分貼殼 可能佢覺得配咖哩唔洗咁新鮮掛8.馬拉盞通菜 - OK啦,無咩特別要提9.明爐鱸魚 - OK啦, 同正常果D差唔多, 無咩特別要提10. 南瓜蝦炒飯 - 甜甜地既炒飯 , 可能食慣咸既 , 覺得唔多配合不過我地都真係叫左好多野今餐仲要計少一個人頭都幾貴, (窮人一名)…Read More

之前食過都覺得好味道見到佢有團購..仲要都幾抵添!當然立刻買返幾張旁下身啦$1281. 水煮魚 - 都算正常多 , 味道OK , 但香味不夠平時食開第二間香2. 黃金皮蛋 - OK , 唔會有怪味3. 干炒四季豆 - 普通..唔算夠味 , 可能其他野辣, 所以呢個特別無咩味4. 口水雞 - OK , 都算滑5. 酸辣粉 - OK , 6. 可樂 X2 張相影得唔係咁好但份量十足..兩個男既都飽一飽…Read More

琴日係同女朋友拍拖紀念日咁岩之前買左呢個團購咁就book 定台慶祝去都唔易搵因為d 號碼唔順序但打電話問就好易搵到呢間係主張請年長人士工作既餐廳一去到就見到待應們都係年者人士但佢地都係有禮貌,有招呼不過可以再多一點笑容餐廳環境係古典型式用上六七十年代既掛牆畫配以英文舊歌格調都跑出來了十分舒適既環境入正題講返食物. 1. 團購送一支紅/白酒我地叫左白酒 , 女友唔太鐘意咁重既酒味咁清爽既白酒應該會岩佢d咁支白酒都ok , 易入口 , 香氣都清新2. 三文魚多士 拼 水果配ham 三文魚都ok新鮮 但就咁配多士就唔算最好配搭水果配ham 就幾特別3. 沙律 新鮮蔬菜永遠都係好味的爽口, 配上 酸酸既醬汁不錯的開胃菜4. 湯 & 包呢個湯十分香濃放係台面已經聞到果種香味入口同樣無令人失望滿口都係美味湯內有似是帶子既肉而面包配以紫菜烤焗香脆鬆軟5. 主菜 - 安格斯牛 為怕太熟太硬叫5成熟 ,而切口尚見血紅軟熟口感, 但牛肉味唔算特別好配以整個既烤蒜 ( 係成個 切半,不是誇張)同埋薯仔味道幾好6. 主菜 - 魚 配咖喱汁魚係唔錯但總係感覺配咖喱汁有少少唔夾而薯茸有淡牛油味,不錯7. 甜品 - 朱古力蛋糕&雪芭(不能確認)朱古力唔會太甜但入面既果仁唔係好夾如果淨朱古力可能仲好而雪芭口感好特別 , 芒果味 , 凍凍地總括而言餐廳係環境一流服務不錯食物ok以$299團購價品嚐到此水準算係物超所值亦令紀念日加添回憶…Read More

係團購見到呢間餐廳做promotion價錢方面算ok又撞正同女朋友拍拖7年半紀念咁就決定去呢間結果非常令人滿意第一點要講既係服務簡單一句 : 十分好餐廳既captain 安排座位我女朋友本身唔鐘意坐中間位,靠牆或靠邊會好dcaptain 佢可以察覺到我女友既眼色然後主動幫我地換靠牆既位thats good!其他服務員都好好,好有禮貌第二點要講既係食物我地就叫返團購既一set,因為我同女友都唔係十分肚餓都唔駛點加其他野總括而言,呢一餐十分開心無論係環境,食物同服務都好好…Read More

早前係雜誌見倒介紹呢間野....極喜歡雞煲既我梗係要試下啦.....我地4個人叫左一個麻辣雞煲(小辣)...一開始食好已經覺得好夠辣......因為有朋友唔食得太辣...所以要加湯.....加完湯就好好多啦......d 雞唔算好入味....但勝在夠新鮮同夠滑!!我地仲叫左好多配料打邊爐....雪花肥牛 ($78) - 好正!!!好新鮮...響鈴 - 索左d湯好好味....最後要叫多碟手打墨魚丸 - 好爽口, 彈牙:)炸魚皮 - 都好脆:)薯粉 - 佢呢度又係好似恰左先比我地, 不過都ok, 薯粉質地夠煙un... 總括黎講...我地都好滿意呢間野既食物質素...服務唔錯....因為佢地不時會幫我地較/細個火.....食完仲會比一杯清水我地.....:)一定會再黎...不過下次會試醉雞...因為我地後面張台有人食醉雞....d香味湧哂過黎,好吸引!!!!…Read More

呢間舖係我上openrice咁岩睇開發現既...見咁多好評就即管一試啦!!!果日晏晝打去book位,本身book8半...但個姐姐話無位...最快都9點...咁我就照book啦......點知8點半左右老舊打比我話有位留左比我地...咁就即刻去啦...我地2個人叫左一個細水煮魚, 麻辣雞煲同一個酸辣粉....首先,要講水煮魚.....好似$8x一個(細)....但佢好大鍋,好多魚味道十分好, 魚肉好滑, 有大豆芽放底....好好味....係我係香港暫時食倒最好味既水煮魚....麻辣雞煲...就一般....d雞好細件,肉質唔好...唔入味可能佢唔係主打雞煲....所以唔建議叫...但我下次會試下個田雞煲...最後,酸辣粉都十分唔錯...薯粉質地煙un, 索倒d湯既味!!服務方面...都幾好.....個老闆最後會問我地d野岩唔岩食....幾親切.....:)…Read More

秋天來臨是食蛇的好日子試過幾間蛇店.最好都係呢一間蛇羹 + 蛇湯 + 糯米飯 = $42蛇羹 + 蛇湯 = $231. 蛇羹 : 足料! 夠味!2. 蛇湯 : ok . 但無咩特別:)3. 糯米飯 : 算足料 , 飯香 , 呢度既老細係成日捉蛇既專家估唔到煮蛇羹都有一手!價錢大眾化有興趣可以一試…Read More