chung931107's Profile

今日同朋友去尖沙咀食飯，係isquare對面見到間新既冰室就試下。叫左個欖油蒜香帆立貝意粉，帆立貝份量都算多，煎得香口，唔會過熟，咬落去仲有少少juicy。蒜香味算突出，本身調味偏濃幾惹味。之後叫左個炸雞翼拼薯條，雞翼炸得香脆，唔會太油，皮薄肉嫩。薯條就正正常常，炸完都香脆。之後試咗無骨海南雞飯，雞肉好食過預期，嫩滑唔鞋，唔會有雪味。油飯都幾香，油香味算出，整體好好。飲品方面，凍鮮檸金桔蜜幾解渴，酸酸甜甜，夏天飲好舒服。咸檸雪碧就中規中矩，咸檸味唔算濃烈，飲落去都幾爽。…Read More

我最近去咗一間餐廳食龍蝦海鮮鍋，裡面仲有鮑魚、炸魚皮同餃子，真係令人驚艷！首先話龍蝦海鮮鍋，龍蝦新鮮彈牙，湯底濃郁鮮甜，真係令人回味無窮。龍蝦肉質鮮嫩多汁，同埋同其他海鮮一齊燉煮，令湯底更加鮮美濃厚。每一口湯底都能夠品嚐到龍蝦嘅鮮甜風味，絕對係味蕾享受！而鮑魚就更加加分啦！鮑魚肉質爽滑鮮美，配合湯底燉煮，味道更加濃郁豐富。鮑魚帶嚟嘅鮮甜味道，同其他海鮮完美融合，令整個鍋更加豐富多元。炸魚皮同餃子都係鍋中嘅亮點！炸魚皮炸得香脆，外脆內嫩，加入湯底之後更加入味。餃子熟透多汁，每一口都能夠品嚐到鮮美的餡料，令整體口感更加豐富。整體嚟講，呢個龍蝦海鮮鍋真係一個令人驚艷嘅餐點。新鮮嘅龍蝦同海鮮，搭配豐富嘅配料，湯底濃郁鮮美，每一口都充滿驚喜。如果你鍾意海鮮同濃郁湯底，呢個龍蝦海鮮鍋絕對值得一試！…Read More

連續七年獲得米芝蓮既莆田既大閘蟹節又黎啦，見到佢既大閘餐menu都幾吸引就試下食佢啦！熟醉大閘蟹 $138出乎意料地原來係凍食，非常好食。酒香味特濃，味道偏甜少少，更加能夠帶出蟹膏既鮮味，肉質都鮮甜彈牙。普寧豆醬焗鰻魚 $118鰻魚切得好厚身，食落口感厚實Q彈，鰻魚本身油脂豐富，魚油香味好出，加埋豆醬既微咸，非常好食！咸香黃花魚 $88黃花魚炸到十分香脆，連魚骨都可以食埋，當小食前菜食真係食到停唔到口。福州風味紅糟雞(例) $98原來紅糟既顏色係咁鮮艷，帶有少少糟香，雞肉嫩滑入哂味，拎哂送飯一流。…Read More

今次同朋友嚟到尖沙咀食西餐，朋友話想鋸扒，就揀咗呢間服務式住宅下面嘅扒房，星期六日都仲有套餐可以點，都幾抵食㗎！而且環境仲好寬敞！啱晒三五知己！燒紐西蘭八安士肉眼扒 $188朋友叫咗五成熟，外面煎都好香脆，有少少炭烤味，入邊仲係軟熟，仲好Juicy添！切開真係中間少少紅，廚師嘅工架一流！精選是日魚今日嘅精選魚類係鱸魚，煎個皮脆，識落仲少少煙靭，魚肉好嫩，仲有魚油香味添！下面青瓜墊底，解膩！蕃茄芝士湯 主菜加$18就會有精選湯，今次係蕃茄芝士湯，微酸嘅蕃茄，加埋香脆嘅芝士片，作為前菜真係一流！黑松露薯條 $58即炸嘅薯條好酥脆，加埋豐富嘅黑松露，食落好夾！再加埋個甜品芒果朱古力慕絲蛋糕，上面一層啫喱係芒果製作，食落少少微酸帶有果香，下面係朱古力慕絲，食落唔會太甜！…Read More

流水蝦唔係好多地方可以食得，今次就黎左荃灣既蝦蝦燒食佢地既3小時流水蝦放題，雖然佢係流水蝦放題，但係其實仲有好多其他海鮮，肉類，蔬菜同熟食可以選擇，種類都幾豐富。餐廳既空間闊落，即使有好多海鮮，地面都唔會好濕好跣，非常乾淨。入到去每枱有個爐，有分兩層，枱邊會有個水缸放住養住好多超生猛既大頭蝦，可以自己揀邊隻新鮮就夾邊隻。雖然越生猛就越好食，不過生猛通常都好難夾到，所以要好食就真係要有返咁上下技術先得。捉完之後要拎去個冰筒度冰暈佢先，以免佢係個爐度彈下彈下。基本食親每隻大頭蝦都係肉質爽彈鮮甜，而且大部份都係有好多膏，好香。另外，每枱一坐底店員就會放低一碟白鱔串，肉質爽口得黎仲有d油香味。出面任拎既海鮮仲有帶子，原條魚，鮑魚，唔同既貝同蜆，魷魚等等。當中最吸引就緊係帶子啦，呢度最好既地方就係可以自己調味，可以淨燒食帶子既原味，或者自己加調味燒出自己想要既味道，不過最緊要都係帶子本身既味道都係鮮甜，好好食。除左海鮮之外仲有好多款肉類蔬菜可以燒，基本常見既種類都有，好似牛仔骨，牛粒，雞翼，羊架，豬扒等等，唔會感覺好單一。飲品方面都有好多選擇，除左有常見既紙包飲品同汽水無糖茶之外，仲有幾款啤酒燒酒。…Read More

係將軍澳南海旁呢度有間台式餐廳好吸引，裝修靚之餘仲要性價比超高，一定要試一下。牛肉拼盤 $288呢個牛肉燒肉拼盤既性價比超高，牛肉份量不在話下，與羊火都十份之高，當中最好食就係牛小排，肉質細嫩牛味都十足。鹽酥大大雞扒刀削麵 $88雞扒香脆，調味偏濃，加埋刀削麵食岩岩好。松茸燉雞湯 $48幾足料，味道濃得黎唔會油。鴨屎香檸檬茶 $28比起出面既鴨屎香檸檬茶，呢度既檸檬味會比較出，所以唔洗篤太多下。桂圓紅棗茶清甜解渴，同時又可以解燒肉既膩。…Read More

身為麻辣火鍋控梗係周圍搵火鍋食啦，今次嚟到尖沙咀嘅方叔叔，試咗鴛鴦鍋底，胡椒豬肚雞鍋，麻辣火鍋。好足料嘅鍋底！豬肚同埋雞都份量唔少，麻辣鍋更加越煮越辣！姬松茸菇係限定嘅菜式，一片片菇插喺冰上面，打卡一流！呢個又好濃味，識落又軟又滑，好味！可惜春季龍蝦拼盤賣晒，成隻龍蝦落去打邊爐一流！下次再食過先！仲有海蟶，隻隻都好新鮮，咬落爆曬汁！蝦滑彈牙，仲有啲蝦打到好膠，用麻辣湯底都食到鮮味！手切牛肉係必食，冇冷藏嘅味道，仲有返咁上下厚，食落有口感又有牛味！打邊爐，當然唔少得鵝腸，新鮮爽口嘅鵝腸，食落真係好爽！呢間餐廳嘅飲品好大杯！唔使就住嚟飲！仲有餐前嘅糖水俾你墊胃，一啲都唔傷胃啊！…Read More

最近天氣涼返少少，就即刻約朋友去打邊爐，黎到popcorn入面既大將火鍋放題，今次我地叫左澳洲和牛牛小排火鍋放題，認真唔錯。澳洲和牛牛小排火鍋放題 $368我地叫左雞白湯同日高昆布湯，昆布湯清新清甜，雞白湯香濃鮮甜，兩款配肉類都幾適合。揀完湯底之後店員會先送一碟嘗味頭盤，有廣島蠔兩隻，鮑魚，牛舌同牛胸腹。蠔既味道十分鮮而唔腥，鮑魚都好爽口，牛胸腹既油脂分佈得好好。之後重點就緊係要叫佢地既澳洲牛小排黎食啦，佢地既牛小排質素唔錯，有肉味得黎肉質嫩滑，又唔會有日本和牛果種油膩感，食多幾舊都仲得。除左和牛之外佢地仲有好多海鮮可以揀，我地就試左日本帶子，沙白，海蝦同花膠。帶子鮮甜，size都算大粒。沙白漲卜卜得黎無沙，值得一讚。海蝦肉質爽口彈牙，唔會霉哂。出面自助區仲可以各種小食，蔬菜，醬料，飲品同甜品，種類十分豐富，分區都幾清晰。佢地既特別之處係可以有即整窩夫，自己整既果然係好食d。…Read More

今次黎到九龍城搵d特色野食，經過見間呢間意大利餐廳既裝修都幾靚，就一於試下佢！一到去見到佢有set同a la carte，因為唔知佢地既份量係點所以我地都係單點就算。當中最出色就係佢呢條海鱸魚。香煎智利海鱸魚 $328原條海鱸魚煎香之後上碟，煎得十分香脆，而且唔會乾身，食落每啖都係好香既魚味。調味方面用左少少香草，食落味道更加有層次。同埋最緊要就係佢唔會太多身，岩哂我呢d懶人。另外，店員都好親切，每次上碟都會解釋返個菜式，服務非常好！…Read More

最近去坑口食天丼，試咗佢哋嘅巨星天丼，真係cp值高。首先，天婦羅飯嘅主角：黑虎蝦、帆立貝、魷魚同蟹柳。呢啲海鮮材料炸得香脆，外脆內嫩。黑虎蝦肉質鮮嫩有彈性，帆立貝甜味十足，魷魚有啲嚼勁，而蟹柳鮮美多汁。每一口食落去，都能夠品嚐到呢啲海鮮嘅鮮甜風味。除咗海鮮，紫菜、本菇同四季豆嘅加入令天婦羅飯更加豐富口感同層次。紫菜帶嚟脆脆嘅口感，本菇散發出香氣，而四季豆則帶嚟清爽嘅蔬菜口感。呢啲配菜同海鮮嘅結合，令呢道菜更加豐富多元。…Read More

最近我哋去咗一間專門賣正宗日式燒肉嘅鋪頭，佢哋嘅菜單上有好多款牛肉選擇，包括牛肋肉、薄切香蔥牛舌、牛胸腹同埋蒜蓉牛油本菇。首先，我哋揀咗牛肋肉，佢嘅肉質好鮮嫩，燒烤過後散發出迷人嘅香氣。每一口咬落去都能夠感受到肉汁嘅鮮甜同埋濃郁嘅口感，令人好滿足。其次，我哋試咗薄切香蔥牛舌，呢啲切得好薄嘅牛舌片入口即化，加上香蔥嘅香氣，味道更加豐富。呢款料理真係好經典同埋好好味！牛胸腹係我哋另一個揀選，佢嘅肉質鮮嫩多汁，燒烤後更能夠展現牛肉嘅原汁原味。每一口都帶來滿滿嘅滋味，好令人回味。最後，我哋品嚐咗蒜蓉牛油本菇，呢款燒烤過嘅菇類散發出濃郁嘅蒜蓉同埋牛油香氣，口感鮮香細緻。佢哋嘅香脆質感同埋燒烤嘅香氣真係令人驚艷。…Read More

最近我去咗gram，試咗佢哋嘅豚肉咖喱蛋包飯同埋雜果朱古力班戟。真係一個令人驚喜嘅用餐體驗！首先，豚肉咖喱蛋包飯，真係好好味！蛋包飯煮得軟綿，配上豚肉煮得剛剛好，肉質嫩滑多汁。咖喱醬汁香濃，唔會太辣，啱啱好味。食落去，咖喱嘅香氣同埋豬肉嘅鮮甜真係好搭配。仲有啲蔬菜同埋配菜，增加咗口感。整體嚟講，呢款蛋包飯係一道好滿足嘅主菜！其次，雜果朱古力班戟，真係一個令人驚艷嘅甜品！班戟煎得金黃鬆軟，裡面夾咗雜果同埋朱古力。每一口咬落去，朱古力嘅濃郁味道同埋雜果嘅酸甜味道都好突出。仲配埋啲新鮮水果同埋朱古力醬，增添咗層次同埋口感。呢款班戟係一個絕對令人垂涎嘅甜品！…Read More

呢間泰國餐廳嘅食物真係好正，我食咗佢哋嘅冬陰功虎蝦意大利麵、大蝦炒金邊粉同埋泰式棕櫚糖炭燒雞。首先，冬陰功虎蝦意大利麵，真係夠辣夠鮮香！佢哋嘅湯底好濃郁，有酸辣同埋香辣嘅味道。虎蝦好鮮甜彈牙，同意大利麵一齊煮，令味道更加豐富。食落去真係又辣又麻，好過癮！其次，大蝦炒金邊粉，真係好正宗嘅泰式風味！金邊粉爽滑彈牙，炒得香口，配上大蝦同埋新鮮蔬菜，味道鮮美。佢哋加咗啲特色嘅調味料同埋香料，令味道更加突出。好開胃同埋好滿足！最後，泰式棕櫚糖炭燒雞嘅風味真係獨特！雞肉炭燒得剛剛好，外脆內嫩，啱啱好熟透。佢哋用咗泰國特產嘅棕櫚糖醬汁，帶出咗甜而不膩嘅味道，令味道更加特別。真係一道令人回味無窮嘅菜式！…Read More

係尖沙咀厚福街既元祖沾麵專門店，聽人講話係陳奕迅最鐘意既沾麵店，咁我地就一於唔執輸去試下佢有咩特別。特製八代海赤海老沾麵 $99石鍋上碟果時仲係十分滾燙，能夠保持滾燙既溫度係食沾麵既最基本要素，佢地呢樣做得非常好。沾麵上面有好多配料，分別有叉燒，筍，紫菜，溏心蛋等等，其中叉燒有稍微火炙過，焦香味十分出。沾麵汁上面有好多櫻花蝦，入面都有好多豚肉，成個湯底極重蝦味，材料認真唔馬虎，配搭上黎味道十分夾。 麵質方面係偏彈牙，如果平時鐘意食爽口既口感既話呢度既麵岩哂你。極上芝士蟹皇沾麵 $148沾麵同配料同上面果碗係一樣，不過個湯底唔同味道，帶有少少龍蝦既味，而且入面仲有龍蝦肉，真係非常豪華。另外呢個麵最緊要緊係個芝士蟹蓋，芝士下面就係蟹膏，非常惹味，十分滿足。…Read More

好耐無去過d cafe食下輕食西餐，今次黎度呢間ocio，裝修好清新，用木系色調做底，十分休閒既感覺，趁今次時間尚早就入去試下免得排隊。 嫩菠菜蟹肉南瓜意大利飯 $148 呢個意大利飯煮得岩岩好，有少少口感得黎又唔會太硬，再用埋南瓜打成汁，軟綿細滑。上面既蟹蓋有蟹膏同蟹肉，十分鮮味，混埋係意大利飯度味道岩岩好。 柚子檸檬比目魚扒配焗新薯雜菜 $168 比目魚扒既size十分大，而且魚油味好香，一放入口就覺得火侯煮得岩岩好，再加上口感嫩滑，真係好耐無食過咁好食既比目魚，薯菜既份量都好足，食完非常飽。  …Read More