kcmelody's Profile

聖誕節前夕，約會朋友去食下午茶就最好不過了！傾傾偈影影相有一個下晝今次揀咗W Hotel Woobar呢個下午茶set。Booking嘅時候備註了想坐窗邊位置，到現場嘅時候可能陽光仲係好大，同想像之中嘅有效果有少少出入，可能因為網上嘅相片大多是夜晚有feel d但坐坐下陽光開始冇咁猛烈，就開始enjoy了依個下午茶set好正，首先會每人有一杯特色雞尾酒🍹，飲完之後仲可以點多每人一杯咖啡或茶，最啱雞啄唔斷嘅朋友仔，唔會太口乾其他每一part小食都非常有特色，最開初第一眼係會俾啤牌做型嘅甜品搶fo，好靚好吸引！同埋好鍾意佢個乾冰托底的魚子醬拎過黎嘅時候好有仙氣好鮮味配埋一個小香餅、酸忌廉同埋香蔥一起吃過癮呀自己其實相對實係比較喜歡食咸點除咗魚子醬，佢有車厘茄朱古力蛋奶酥、鵝肝配辣椒黑朱古力、黑椒牛肉塔塔牛油果泡芙、西班牙火腿松露三明治而甜點就次次都要慢慢搣佢嗰下午茶 set嘅層架，真係做到sti魔幻森林嘅感覺，金色樹幹同樹葉好High Class，都幾似藝術品。仲有個閃令令嘅波波！襯埋，影相打卡一流餐廳內在環境都好靚，忍唔住都係吧枱頭呢度打咗個卡超有feel的！食完Tea，仲可以睇日落超級浪漫！呢個位睇到鹹蛋黃超巨型！第一次見！而且呢個下午茶set時間係三點至六點！時間非常之充裕，亦唔會趕人走日落時候就咁坐喺梳化抖抖都好舒服，好chill 好寫意！美食美景推介食完下午茶之後餐廳門口仲有棵特色聖誕樹！鍾意影相嘅朋友們啱曬另外想讚一讚餐廳經理嘅態度，非常友善，不時會走過來問我哋需唔需要幫手拍照亦好有禮貌好勤咁幫我哋收走啲嘢服務態度好真係要讚因為如果態度差真係會好影響假日享受嘅心情架整體非常滿意嘅下午茶☕️…Read More

成日經過都見到呢間餐廳個藤籃椅好eye catching但一個人去食又好似嘥咗因為一個人無得影靚相終於有次同友人行過入咗去食份輕盈tea set因為唔太肚餓關係，主要主要都係飲杯啡雖然當日咖啡師只係拉咗個可愛心形，唔係典型拉花心，但收到個刻都好開心因為有時轉下都唔錯cute後來網上見到原來係可以拉獨角馬如果早啲知道，都可能會要求呢份輕盈all day breakfast味道不過不失！鐘意食啡菇嘅我，佢煮得原汁原味！多士仔脆！蛋香！整整齊齊，乾乾淨淨，無野要挑剔…Read More

今次係第一次打食評，因為覺得真係值得推介之前網上見過呢間餐廳，裝橫唔錯，一路都未有機會去，今次帶媽媽去試食，咁啱睇到OpenRice Booking brunch menu 有九折，就試試它。大概下晝三點去到，安排了對坐的座位，開頭以為坐唔到打卡位有啲失望，但係原來都好好影，好靚食物有驚喜，以為地方OK，食物就會一般，但係意想不到好味！卡邦尼做得有誠意可能鍾意食肥豬肉，個卡邦尼用嘅肉有炸香左好好味！仲有招牌全日早餐！每一樣都整得好味！即使我地影咗一陣相，再食嘅時候都仲係熱！同埋仲係好脆！影出嚟都好靚！天花板有大水晶燈，同埋牆身用咗雕花效果，感覺有歐洲風幾享受媽媽都好開心假日嚟講都唔算太多人！可以傾計唔錯！出面入口位可以打卡，非常之靚！下次有機會都會再嚟過，因為門口嗰兩張枱，背景都好靚，邊食邊影相感覺應該唔錯！最緊要係食物OK好味又唔算貴！九折咗之後即係免+1…Read More

聖誕前夕和朋友來個即興聚餐網上Booking 8:00 ，去到等咗一陣就有位啦，同店員要求想坐卡位，因為我哋其中有一位小朋友，店員都好好，一有卡位立即安排服務態度讚！到咗8:30左右我哋終於點晒餐啦！因為手機落單，而且第一次過嚟，唔係好熟知道點樣order。因為之前網上睇係有套餐嘅，原來夜晚過嚟全部都係散叫真係要集中精神去揀首先要揀咗一個煮食餸，然後另外點一個飯，飯都有好多款式，有牛油木魚絲飯，有雪山款飯團，有蛋黃醬油漬飯，仲有好多選擇第一次嚟食真係要思考下自己鍾意食咩飯先至揀到建議有個晚餐餐牌，整到一set set，貴啲都冇所謂，最緊要容易揀不過經過一輪order之後就好期待食物到枱啦小妹揀咗呢個日式滑蛋煮豬扒！仲有啲小啡菇正丫，影咗一陣相再食，豬扒都仲係脆！叫咗呢個小食share，呢個係三色免治雞肉棒好過癮，我哋三個人食，將呢三條切成九粒每人一粒，可以食晒三隻味道，推介仲點咗呢一杯Extra shot, Nutty Blend Latte！好好飲不過影相影得太耐到佢乾咗水先再補影返佢本身係好飽滿好靚仲試咗呢個蛋黃醬油漬飯！嗰粒蛋黃好正小朋友點左呢個飯，見佢都食得津津有味仲有個豬軟骨燜到好淋好好味不過原來餐廳收9:30 ，我哋點完餐嘅時候係8:30左右，影埋相，食得都比較趕啲不過整體感覺都非常之唔錯，係會再黎食嘅餐廳…Read More

有天想和朋友聚聚舊，朋友找了這間簡約風Cafe。第一次過嚟呢一邊，喺希慎商場出嚟之後都要行一段路先到，有啲遠離繁囂嘅感覺。來到嘅時候俾開放式窗門吸引眼球！喜歡這種通爽的cafe!！因為已經有放鬆嘅感覺👍Chill~~~~點餐要去counter ，今次揀咗烤雞胸扁意粉，再加杯latte正！賣相擺盤都唔錯望上去就係一種健康嘅感覺！最近注重keep fit，但係又成日忍唔住好想食嘢！就揀啲貌似健康一啲嘅餐慢煮雞胸！唔錯！杯latte嘅拉花真係好靚，加埋奶好飽滿好漲，係令人有立即好想飲晒佢嘅感覺但係又要忍住慢慢嘆餐廳外面個石壆見到都有擺設咗圓形咕臣軟墊，同埋小圓枱，非常Chill但因為當天都有啲大風，我哋都冇坐到出去呀而友人點了這個卡邦尼短管通粉但我哋掛住傾偈，都未有訪問佢好唔好食添餐廳內在環境感覺乾淨整齊，店員態度都好nice，即使我哋想點嘅all day Breakfast現在沒有做，都好友善叫我哋揀吓其他全程都保持微笑餐廳仲設有戶外位置，是有蓋遮頭的！適合需要’呼吸‘的客人門口仲有個招財貓擺設，寫了日文字好有feel…Read More

12月頭嘅時候已經book定呢個tea set，之前夏天已經好想試吓，因為諗住食完Tea嘅話可以去沙灘嗰度玩吓不過因為上次優惠做完左，改咗行程！思思念念，趁着聖誕節睇吓有冇特別版T set！點知真係有聖誕期間限定松露蜜糖下午茶立即Booking！開頭係俾佢下午茶個層架吸引咗，覺得好特別，深刻！唔同平時三層款，今次係一個蜜蜂巢嘅形狀！加上佢今次主打係松露同埋蜜糖，兩樣都係我鍾意的，所以非常之吸引！長途跋涉終於嚟到咗黃金海岸酒店，餐廳就喺酒店地下！因為當日去到嘅時候未夠鐘，所以在酒店附近行逛，仲影咗聖誕樹添！非常之靚呀Tea set有分鹹點甜點，最好就係鹹點啦！尤其是蟹肉松露蜜糖撻！同埋脆炸手指配蜜糖黑松露沙律醬甜點實在太甜啦，尤其是係黃色同紅色嗰粒，多數最靚，而且有造型嘅，都係比較甜啲服務態度都超級好，仲可以按我要求安排窗邊位置超級讚！感覺呢個係全場最靚嘅位置打卡食完個T，兩個人都飽到頂到上心口份量真係好足夠！咖啡迷嘅我！食咁多野再飲杯凍latte真係太正！整體真係好滿意，加上酒店大堂，空間感十足！休閒咁過咗一個下午…Read More

好耐冇唱K啦，差唔多年尾同朋友一齊去。以往唱K都係比較鍾意去ceo多啲，因為比較乾淨同埋食物比較OK。今次叫咗呢個三文魚扒配薯菜，其實好抵，因為有餐食同包埋唱K。三文魚扒煎得好香，點埋個汁都幾正！包埋餐湯、餐飲同埋沙律幾抵！打去Booking嘅時候話可以由12點唱到3點，好少可可以唱咁耐！兩個人嚟講間房仲要唔細添！有意外驚喜…Read More