karenman1202's Profile

Dan Ryan’s 係我其中一間好鍾意嘅西餐餐廳，環境氣氛好好，又非常好服務，如果有小朋友真係好啱帶佢地嚟食，成日見佢哋揸住啲氣球，真係好得意，仲有兒童套餐，非常有心思！今日同朋友食晚飯，就叫咗佢哋Chicago set, 一個套餐有齊主菜，沙律，同甜品，覺得都幾抵食！一坐低，已經會送上餐包，餐包配上自家製士多啤梨奶油，士多啤梨味道非常香濃，配上熱烘烘的餐包，好味！招牌凱撒沙律本人超級鍾意食凱撒沙律，這裏出品出色，生菜非常爽脆清甜，凱撒醬汁清新不膩，灑上簡單芝士粉和麵包糠，已經夠晒好食！周打蜆肉湯非常濃稠，每一啖都有蜆肉海鮮甜味！手撕慢烤BB豬肉漢堡賣相超級吸引，漢堡包份量好大個，兩個女仔分享剛好。融合了慢烤豬肉的酥嫩多汁和BBQ醬的濃郁煙薰味，除咗手撕豬肉，仲有牛肉漢堡扒，紅洋蔥，生菜等等，搭配鬆軟漢堡，口感層次豐富！旁邊仲配搭酸黃瓜，一啖漢堡一啖酸瓜，酸酸甜甜的！炭烤封門牛柳炭火烤到外皮焦香，裡面保持粉嫩多汁。牛肉質地超軟，簡單加啲海鹽同黑椒已經好夠味，食落滿口肉香，係牛魔王至愛！ 炸薯條金黃酥脆，內里鬆軟綿密！士多啤梨Panna cotta嫩滑奶凍淋上自家製鮮甜士多啤梨醬，奶香同果香完美融合，入口即化，酸甜可口， 甜而不膩！紐約芝士蛋糕濃郁奶油芝士口感綿密厚實，餅底鹹香紮實，必點經典美式甜品！Dan Ryan’s 作為節日慶祝餐廳，的確係不錯的選擇！…Read More

以前食過「那個」的大角咀分店，估唔到將軍澳都開咗下午茶價錢超抵招牌總匯蛋餅（$42）我揀咗肉鬆芝士味～六塊蛋餅加特製醬汁，肉鬆嘅香加埋好滑嘅芝士，爆曬餡好飽肚，呢個係次次都會嗌嘅台灣街頭美食松阪豬起司蛋餅 （$46）喺台灣嘅早餐店都唔係成日有得揀，香酥蛋皮包裹住松阪豬加芝士都好夾，表皮香脆，內裏嫩滑！大滿足總匯套餐（$56）入面有迷你滷肉飯、蛤蜊米線、香酥脆雞～蛤蜊米線嘅湯頭香鮮濃郁，有點似台灣麵線的豪華版🤭大人細路都鐘意小食另配香酥台南蝦卷，一口鹽酥雞～台南蝦卷咬落彈牙，無論配以肉燥飯或者粉麵都適合迷你嘉義雞肉飯～嘉義雞肉飯係好傳統嘅台式料理，手撕雞肉好嫩滑，淋上醬和油嘅檀香滋味令人回味每次食「那個」都會加$12轉特飲—-黑糖波霸生乳，採用維記無乳糖鮮牛奶。當中波霸Q但又咬口，鮮牛乳中和了黑糖甜味，非常值得一試！…Read More

星 South Beauty 位於中環南豐place, 喺呢度嘅餐廳大多都係名人飯堂。位置方便，環境清幽，上樓已覺得非常有氣派。餐廳佔有一整層，空間感闊落，裝潢亦都融入山東特色。這裏有不少VIP包廂，私隱度極高，今日同場還有其他年輕上班族齊齊品酒，寫意又享受！熗拌濰坊白菜絲傳統山東特色涼拌菜，清脆的大白菜切絲後加入醋糖等調味。口感爽脆，酸甜開胃 。水晶垛子黃牛肉又是一道冷盤傳統名菜，選用優質黃牛肉，經過多重秘製工序，定型後再切成薄片，牛肉汁冷凍成為果凍，啫喱狀Q彈，又帶有陣陣牛肉香。酸辣花膠烏魚蛋湯非常鮮味，集鮮、酸、辣於一體。整體湯品濃稠，膠質豐富。酸味來自醋和胡椒，帶有辛香但不搶鮮味。魚子醬烤鴨配山東煎餅傳統和創意的融合，烤鴨皮脆肉滑，鴨皮薄脆透光，再配合魚子醬的鹹香，一啖食落口，酥脆，肉汁豐富！膠東蔥燒渤海灣帶魚用上大量山東大葱，蔥香濃郁撲鼻。渤海灣帶魚切段煎成金黃色，在燴入魯味濃郁醬油，魚肉細嫩，加上蔥香非常入味！傳統魯味爆三樣是魯菜經典菜式，三樣包括豬腰、豬肝、豬肉三樣主料，賣相超級吸引，醬油上色，但不會過鹹，口感脆嫩，醬香味濃郁！蟹對蝦醬非遺饅頭濃郁蝦醬加入蟹絲，非常鮮味。香烤過的手工饅頭。外面酥脆裏面充滿麥香。加入蟹醬，口感鬆軟，又帶出濃郁滋味。膠東鍋燒大燴菜砂鍋中有豬肉、白菜、豆腐、粉條等豐富食材，燉煮後湯汁濃郁醇厚，所有食材都好入味，尤其是白菜和粉條，好味！膠東海鮮熗鍋麵湯底有濃郁海鮮味，加上香蔥段，濃稠程度像湯汁，麵質有筋道，吸收湯底的濃郁鮮味，好食！阿膠絲滑酸奶酸奶香滑，在上面加上阿膠汁，阿膠的甘香和酸奶的酸甜使得層次豐富，滋潤養顏！每逢生日盛宴或者慶祝節日，絕對值得再來！除了味覺，整體服務，環境都係一種享受！…Read More

平時去開美麗華商場都會入去espresso alchemy飲杯咖啡，原來而家佢轉咗喺新位置，環境舒適，帶有一些綠化植物，感覺舒服寫意。烤雞菠蘿漢堡配檸檬乳酪醬加焗薯烤雞肉鮮嫩多汁，嫩滑，帶有微焦，而且有成兩大塊，份量十足，搭配炙烤菠蘿，烤過後香甜多汁，酸酸甜甜，淋上清新開胃的檸檬乳酪醬，酸甜解膩，口感層次豐富！旁邊的焗薯，外皮香脆，內裡軟綿。法式西多士配自家製雜莓醬法式西多士外層金黃酥脆，內裡鬆軟濕潤，浸透蛋奶香。淋上自家熬煮的雜莓醬，酸甜果味平衡甜膩。伯爵茶鮮奶朱古力濃濃的朱古力帶有伯爵茶香，會減輕甜味，感覺比較輕盈。微甜中帶點可可甘香，味道平衡，容易入口。有時行街行到攰，喺度飲番杯咖啡食個tea，都係一個唔錯嘅選擇！…Read More

Tea time 食台灣嘢👍👍就嚟到將軍澳廣場桂花小幸！酥炸排骨米線呢款米線嘅靈魂就係塊酥炸排骨！排骨炸完外層金黃酥脆，咬落裏面嘅肉又嫩又多汁，我加左$6轉蕃茄湯底～米線吸晒蕃茄味，脆同軟嘅口感搭配得好正！另一樣必食嘅就係手工芝士蛋餅🥞（揀咗肉鬆配料）裏面夾住融化嘅芝士，咬落會有淡淡嘅芝士香，蛋香好濃郁，芝士嘅鹹香又唔會蓋過蛋味，熱辣辣食最正，當小食都好適合。滷肉花枝丸米線，媽咪繼續加$6轉蕃茄湯底，茄味超濃！帶住滷肉嘅鹹香，滷肉肥瘦均勻，炖到入口即化～花枝丸咬落彈牙，仲食到一粒粒嘅花枝碎，鮮味十足芋頭麻薯～外層係蒸到軟糯嘅芋頭，帶住天然嘅芋香，裏面包裹住Q彈嘅麻薯。咬落先有芋頭嘅鬆軟，再嚐到麻薯嘅嚼勁，甜度唔會好高，食起身唔會覺得膩，熱食定凍食都ok!期間限定櫻花蝦滷肉飯，滷肉飯的香甜，加上櫻花蝦鹹香，更加香口惹味。雲岩流金帶有堅果香味的珍珠奶茶，開心果碎增加了整體口感。桃夢雪影厚實濃郁的奶蓋入口香滑，茶底清香。…Read More

Airside有超多餐廳選擇，尤其是日式餐廳較為居多。之前已經見過橫濱家系町田商店，見佢裝潢係紅色好搶眼，就吸引咗我今日入去食午餐。餐廳主打日式拉麵和丼飯，價錢唔算貴，所以我同朋友就入去試吓。好鍾意食拉麵嘅我就揀咗佢人氣之選E.A.K拉麵！麵底仲可以揀粗麵或者幼面，我鍾意多啲咬口，所以選擇了粗麵。配菜就有一大塊叉燒，鵪鶉蛋和菠菜，湯底超級濃厚，帶有鹽味鹹香，入口香濃順滑，粗麵亦都很掛汁，好惹味。我差唔多飲晒成碗湯！豚肉丼份量比拉麵細一啲，醬汁幾惹味，是燒汁甜口的味道，豚肉碎上，容易入口和滷得更入味！章魚小丸子味道不錯，醬汁夠多，加上上面的木魚碎，令章魚燒帶點鹹香，口感軟腍，內裏軟綿。海老天婦羅$48 5隻性價比幾高，炸得非常脆口，正常發揮。整體來說，環境坐得幾舒適，而且餐廳彩光亦都很好，二百幾蚊食到咁多嘢，推薦E.A.K. 拉麵，性價比不錯！…Read More

位於Popcorn 嘅Espresso alchemy 非常方便，將軍澳地鐵站上一層就到！ 環境舒適，燈光柔和，餐廳門口已聞到濃濃咖啡香。早餐選擇都好多，賣相亦都好吸引！早餐嗌咗牛油果碎蛋bagel配沙律🥗，烘咗底嘅Bagel外皮帶有少少焦脆口感，質感緊實綿密，有些少回彈👍中間夾住雞蛋+新鮮嘅牛油果，有淡淡嘅果香，加上mayo sauce, 奶香軟滑！Flat white 奶泡薄身但夠細密，飲落似絲絨咁柔軟。 咖啡味突出，牛奶嘅甜中和咗濃縮咖啡嘅苦，唔會搶味，比例啱啱好。法式多士配mixed berries 表面煎到金黃微焦，入面係濕潤綿密嘅蛋奶香，撞上莓果嘅清新果酸，加上糖霜，層次豐富又唔會太漏！…Read More

位於太古城美食廣場apita eatery入面，food court有好多位置，因此平日唔難攞位平時已經好鍾意食日本嘅咖喱，見到apita都有北海道札幌湯咖喱🍛好多人排隊，即刻食～Apita 分店限定：雜錦海鮮湯咖喱飯，自選季節限定嘅蕃茄湯，咖喱帶有少少甜味，～辣度level 3配菜有兩隻青口、四隻八爪魚、西蘭花etc，海鮮同埋菜類嘅比例適中食日本嘢梗係要試埋炸物啦，雞皮餃子同香辣單骨雞翼的皮炸得好薄，值得一試！特選湯咖喱suage express signature ~配烏冬蕃茄湯湯底非常吸引，好似羅宋湯有厚切豚肉，日本南瓜、茄子、粟米、薯仔、紅蘿蔔，仲有最惹味嘅洋蔥粒粒～signature有超巨型嘅脆皮腸😍糖心蛋醃得超入味，如果有一整隻就好啦❤️食熱辣辣嘅湯烏冬梗係要配埋飲品啦❤️果茶比較健康，所以嗌咗金橘百香果茶，味道酸酸甜甜抹茶奶入面嘅士多啤梨好甜，加埋少少苦澀嘅綠茶味～是健康之選！…Read More

Unnie位於銅鑼灣樓上嘅特色小店，環境舒服，喺個傾偈嘅好地方～職員服務態度良好！由Times Square 行過嚟2分鐘，地點方便～今次揀咗一個Chef’s choice:黑松露意粉配煙三文魚，意粉口感少少煙靭，黑松露味道好濃郁，黑松露嘅油融入咗意粉度～加埋煙三文魚嘅鮮味，唔會覺得過於油膩蒜香辣椒蜆肉意大利粉配軟殼蟹，軟殼蟹炸得好鬆化, 蜆肉意粉帶有少許嘅辣～加埋蒜香更加惹味特別鍾意佢哋嘅特色檸檬茶，係用柚子蜜作為糖漿。每個main加$48可以upgrade有粟米濃湯、精選蛋糕六揀一、lemon tea/ americano原來平日一至四仲可以+28有蛋糕放題，包括原味芝士、朱古力芝士、抹茶芝士、柚子乳酪、伯爵茶慕絲、Tiramisu可惜今日係星期五，冇得瘋狂食蛋糕😍今次揀咗原味芝士同埋tiramisu，有少少乾玫瑰花同nuts做伴碟，連埋一齊食蛋糕都帶有淡淡嘅玫瑰味！如果想同閨蜜食吓嘢傾吓偈，呢度絕對係一個好地方！…Read More

將軍澳嘅元朗冰室位於寶琳站對出行3分鐘，因為佢營業至凌晨12點，我地夜晚成日快閃揸車過嚟買外賣！地點好方便，正正是茵怡花園對面，商場落電梯轉左就到 宵夜會食元朗冰室嘅招牌Double厚豬扒飯，每塊豬扒都有手掌咁大，勁厚！食完兩塊大豬扒已經飽到上心口，加埋佢哋嘅秘製豉油撈飯，must try！奶油豬個size係比手掌更大，搽滿咗牛油同埋煉奶，加埋烘底～表面金黃色非常香脆，內裏鬆軟，聽到隔籬枱話淨係食個奶油豬都飽🤣港式茶餐廳又點可以唔嗌法蘭西多士呢😬入邊濃厚嘅花生醬就係我哋嘅童年回憶平日早餐/tea都慣左食茶記嘅沙嗲牛麵～必點～價錢唔貴，包埋炒蛋同埋蒜蓉厚多士（唔使加錢），香濃嘅沙嗲味加埋濕滑嘅炒蛋超級豐富焗意式厚豬扒意粉🍝，好有香港風味，超多茄醬加埋焗溶咗嘅芝士踏上解膩的菠蘿🍍，配上啖啖肉的厚豬扒，甜甜酸酸勁開胃!乾炒牛河又係必食！超有鑊氣，配料夠多，香氣十足！星洲炒米雖然係下午茶，但係份量都唔少，米粉爽滑，咖喱黃薑味好濃郁，加上洋蔥紅椒等等，好惹味！XO醬揚州炒飯揚州炒飯又係懶人必點，有菜有叉燒有蝦，超級豐富！炒飯粒粒分明，確係不錯！…Read More

第一次食陳鵬鵬潮汕菜館，之前已經聽過佢嘅大名，今日午餐突然醒起不如就試下。餐廳環境十分寬敞，好舒適。餐廳標榜「七不收」，包括唔收茶位，唔收+1，唔收紙巾費等等。值得欣賞！🤩南澳蠔仔烙$98$98這個價錢真係好抵，因為份量超級多，蠔仔粒粒飽滿肥美，而且炸得酥脆，一點都不油膩！淡淡蠔仔鮮甜！😛精瘦上莊 $98金獎鹵鵝，果然係招牌菜！肥瘦剛剛好，肉質嫩，味道濃郁。好多時出邊食到嘅都會味道過鹹，但呢度係一種滷水清香，加上豆腐非常入味！🥰海鮮砂鍋粥$98原來係叫即叫即煮，除咗海蝦，仲有肥美嘅蠔仔同埋蜆！整個湯底都充滿海鮮鮮甜！芫荽嘅香味，更提升鮮味！小食拼盤 $68最鍾意就係佢個月亮蝦餅，超級彈牙，皮夠薄，蝦味濃郁！😍潮汕七樣菜 $68有韭菜，白菜，菜心，芥菜等等總共七樣菜，第一次食咁樣嘅菜式。加上肉碎令菜帶多點甜味！😝值得一提，這裏的服務超級好，好友善，絕對值得再來！💪…Read More

古今二位於觀塘工廈，距離地鐵站出口1分鐘路程，位置非常方便！前菜揀咗章魚燒，平時都鍾意食～上面鋪咗勁多木魚同埋紫菜碎，醬汁夠晒份量，每一啖都超滿足九條蔥汁燒豚腩 配上芥辣八爪魚做前菜，牛油果莎莎醬粟米沙律，甜品係日本黑糖麻糬燒豚腩的脂肪比例適中，唔會切得好厚令感覺過分油膩，芝麻加埋dressing食落有少少鹹香龍蝦湯麵配卷物蝦湯味道非常濃郁，配上半熟糖心蛋，每條彈牙嘅烏冬都掛上蝦湯，湯底仲有好多蝦仔～飲落非常鮮味前菜係日本溫室南瓜沙律，日本南瓜嘅味道特別鮮甜龍捲風沙律配梅素麵套餐係特色沙律拼蕎麥麵或者梅素麵～入邊有龍捲風沙律、章魚小丸子、鱈魚乾～沙律入邊有蝦、中華沙律、柚子配飛魚子…仲有我最鍾意嘅牛油果加蘋果，整體嚟講酸酸地幾開胃，卡路里亦都唔高出面未試過梅素麵，麵條有梅味，少少柚子碎帶啲清新嘅感覺火山🌋價錢絕對對得上視覺嘅享受😋擺盤嘅setting好吸引，再點埋火，靚到隔籬都望住😆上面有好厚嘅芝士，仲有無數嘅蟹柳包住，真係可以當飯食飲品方面，揀咗柚子蜜同埋熱情果芒果特飲，熱情果梳打入邊有清新嘅薄荷葉加埋檸檬，味道好濃郁…Read More

單車館呢間牧羊少年咖啡館自從裝修後都未嚟過。環境比之前更靚，更有木系風情，以呢度嘅價錢有咁樣嘅餐廳環境，我覺得性價比很高！晚餐更有set dinner選擇價錢更抵！今日加咗$58升級自由自在一人套餐，包咗一個前菜、飲品及甜品～抹茶牛奶係每次必點，雖然我鍾意飲熱野，不過牧羊少年嘅抹茶牛奶就會揀凍～有超多奶泡😍😍老公揀咗水果茶，有西柚同埋橙在杯面，味道好清新Pizza係每次嚟牧羊少年必食嘅main，批底又薄又脆今次揀咗千島海鮮薄餅🍕上面有墨魚、蟹柳、超爽嘅大蝦，濃濃嘅芝士同海鮮醬令到薄餅非常Juicy，三個人食啱啱好!appetiser 揀咗希臘沙律伴初榨欖油意式黑醋汁，有蕃茄仔、芝士粒、火箭菜等等，juicy嘅生洋蔥加埋黑醋汁酸酸甜甜，夠晒健康另一個小食係士拉差醬雞翼，爆汁又入味佢嘅晚市menu有煙辣腸蜜糖南瓜忌廉長通粉，通粉加上較為creamy的醬汁，帶有少少南瓜同埋蜜糖嘅甜，亦有南瓜清新嘅味道另一個係比較濃味嘅金沙鹹蛋黃鳳尾蝦意粉，蝦肉好爽，鹹蛋黃味道夠晒濃郁，亦唔係好多地方可以食到～加埋鮮味嘅大蝦🍤，係我每次去牧羊少年都會食嘅意粉~甜品要咗兩個cookies and cream Häagen-Dazs雪糕杯，非常滿足！…Read More

凍冰冰想食麻辣川菜～去咗將軍澳廣場「撒冒」小食有麻辣鍋巴土豆，加少少甜辣醬～炸薯仔又軟糯又易入口冒菜揀左藤椒湯底，連同蓮藕、萵筍、豆卜、豬頸肉、牛肉作配料，主食嘅寬粉超級大片，一人食一碗已經好飽紅油抄手用辣椒、醋、蒜調味，味道鮮香，可當主食又可以當開胃小食，咬落啖啖肉😍朋友同我都未聽過重慶碗雜麵呢啲當地嘢～有蜜豆，大量蒜蓉，蔥以及肉碎嚟乾撈麵，份量超多！叫咗好多款串燒同friend邊食邊傾，其中坨坨羊肉串勁推！羊獨有嘅臊味好正！特別粗嘅竹籤穿住間肥間瘦嘅羊肉，好有街頭小食嘅感覺黑椒香豬肉串食落好Juicy!所有菜式同埋串燒下面有蠟燭keep住食物溫度加$9仲可以任食紅糖冰粉，以桂花蜜同埋紅糖作主要調味，配料有我最鍾意嘅提子乾+桃膠!…Read More

聖誕放假，當然要出去食個早餐，感受吓聖誕氣氛同慶祝呢一年嘅付出。講起西式早餐，我就幾鍾意去呢一間Espresso alchemy。早餐有唔少選擇，環境又坐得舒服。雜菌黑松露醬芝士意大利三文治麵包鬆軟，外面烘得香脆，黑松露醬好香，Mozzarella cheese有拉絲效果。雜菌多到滿瀉，每一口都有雜菇香氣。套餐仲可以加$22有勁大份沙律。沙律菜好新鮮，加上酸甜檸檬汁，清新好fresh。香蕉蛋糕估唔到呢度嘅甜品都唔錯，香蕉蛋糕係偏向濕潤厚實，蛋糕口感實在，係會有飽腹感，香蕉味道亦都香濃。Mocha一早起身一定要飲杯咖啡提神，味道香濃，朱古力味濃厚。…Read More