呢間唔掂's Profile

係網上見到好多好評，於是遠道前來，黎呢間餐廳食野。一入到餐廳，燈光暗暗地，好有氣氛，只係位置唔多，好快滿座。d野食好好味，服務又好好！野食係按次序上枱，唔會一次過上哂，一黎張枱放唔哂，二黎野食會好快凍哂，當你食完前菜，先會上主菜。而我地就叫左個炸魷魚圈，海膽意粉，同埋豬仔骨，同埋甜品tiramisu。魷魚圈同豬仔骨夠淋，唔會煙韌難咬，而海膽意粉好好味，食完下次會想再黎食，非常推薦呢個海膽意粉！食完飯，整體都非常滿足！…Read More

係尖沙咀國際廣場行完，搵餐廳食，見到有拉麵🍜店，就入左鋪頭試下。但係似乎中哂伏，8點幾入到去，鋪頭好似冇哂員工咁，特別係玻璃位睇到廚房入面，好似收哂野準備收工咁，冇人係入面，而食客都係得番兩枱。叫左個三文魚飯，迷你飯黎，但熟既三文魚係凍既，係雪櫃拎出黎就咁鋪係飯上面，係煮定放雪櫃備用，咁樣收$60加一，三文魚仲要有骨，而同行叫左個過百蚊細既套餐，份量都係好少。味道冇話特別好食，但係份量太小，價錢太貴，試過唔會想再去。…Read More

見到Openrice咁多好評，就過去試一試，點知又係比Openrice的好評欺騙了，或者咁岩我食唔到該店名物都唔出奇，又或者咁岩果日失水準，可能平時係好好食既，唔知啦。咁我去到，就叫左個有綠豆沙既糖水，芝麻糊拼綠豆沙，但係個綠豆沙唔好食既，一團野，冇咩平時食綠豆沙既料之餘，仲夾雜左其他材料，令我覺得唔係食緊綠豆沙，味道一般，甚至覺得係怪怪的綠豆沙。最近屋企都有煮綠豆沙食，屋企煮仲好食，足綠豆又有陳皮香。可能咁岩間鋪唔係主打綠豆沙，又或者咁岩失準，希望食物味道同份量有待改善。…Read More

我係OpenRice度見到上左收藏榜，而且間餐廳又冇咩負評，於是去試下，去到叫左個撈檬，個撈檬同其他餐廳唔同，個汁係餐廳落定先，冇咩味，撈檬配料很多菜，都係冇咩味，有少少唔知食緊咩既感覺，肉既味道又一般般，食哂成個撈檬冇飽肚既感覺。今次既總結係，餐廳既價錢唔係特別平，而食物的味道，質素一般般。不過，去到既時候，見到間餐廳坐滿人，唔知點解有咁多人去食，可能係睇到冇咩負評，所以去試。大家既口味要求唔同，可以自己親身試下。…Read More

睇相，有一片生菜，一片蕃茄，一小片雞肉，但賣緊三十二蚊。我當時都比唔到反應，又懶得落街換，就在這裏比下評價。香港既野食愈來愈貴，但貴極都希望係值得個價錢，依家個三文治入面咁少料賣緊三十二蚊，出面好多咁既價錢既三文治應該都唔錯吧。老實說，我非常失望，所以在這裏留下評價，以免有其他人中伏，我希望這個是個別事件，同時，也希望餐廳能有所改善食物質素，不過經過今次，我諗都會盡量少幫襯，以免又再一次中伏……！…Read More