火點's Profile

晚飯時間一條友唔知食咩，路過一間泰國菜小店門口貼住有海南雞飯就行左入去試下。泰藉店員問我幾多位時本身有少少怯佢會介意我一位，換來一個微笑+一句隨便坐係有少少驚喜。講番食物，我除左叫左個碟頭海南雞飯之外冇再叫飲品，雖則只係碟頭飯但擺盤一啲都唔求其，最估唔到係店員仲奉上一杯暖水俾我！嗰份人情味以香港食肆嚟講真係少見！但由於食食下先想幫呢度寫個食評讚賞下就冇影到食左一半嘅飯出嚟啦…不過就影左少少menu。下次會約朋友嚟試下佢其他野～埋單$59冇加一，真心覺得好過好多hea爆茶記多多聲！…Read More

一向太興早餐喺我心目中都係好食！特別係塊多士！今日我係第一次遇到相信係全港太興分店嚟講最難食嘅一間…食物除左唔熱之外仲要偏硬或爛，估計可能係整定一有柯打就夾出嚟…大佬呀！我唔係食緊快餐啊😫算了…我以後都係喺飛機食飛機餐算😒…Read More

史上最難食似泰菜嘅泰菜！中伏度x100000!小人才疏學淺，睇少幾隻字同評價，誤以為係置樂嘅小曼谷😩😩😩飯有生水味！一入口就想嘔！豬頸肉充滿隔夜味！求其熟左加個奇怪獻汁撈埋咁！鳳爪冇味只有陣陣雪味！撈左啲汁後又有生水味！海南雞似恰雞加求其超市買到嘅泰式汁咁！勉強入到口嘅就得個通菜都屬於係難食之最！食到底仲有油益味！本來仲諗住叫多少少野帶飯都要即刻倒番晒出嚟！非常非常之要慎勸各位開飯友，想挑戰最難食泰菜可以一試！不過就要預左冒住浪費食物之名囉！！！永遠blacklist!…Read More

好耐冇食過魚肉碗仔翅，心血來潮之下就嚟左元朗舊區範圍試搵，真係俾我搵到！鋪頭係舊啲，環境草根啲，但味道就正正係我想要嘅😍除左魚肉碗仔翅外，仲加左碟咖哩雜錦，好味😋 相信會偶爾掛住再翻食…Read More

最近總見到人龍排門外嘅餃子店，終於喺早早放工機會下唔使排隊就直入有得食！與朋友商量後就決定叫佢餐牌上「所謂」招牌野葛菜煲生魚豬骨湯+煎韭菜餃+白菜湯餃。我地每人飲左一小碗湯，都不禁有同感...「好大陣美極味」非常非常失望！簡直係衰過普通一間茶記嘅例湯尤如美極+水咁嘅味真心奉勸各位勿隨意相信什麼招牌菜講番餃子，韭菜煎餃大大隻又香又脆白菜湯餃配上旁邊嘅辣菜甫+醬油+醋 好好味總算將難飲過例湯嘅美極水感覺蓋過！另一朋友到埗加入再點多一份雲耳椰菜肉餃，即刻被比下去！難怪枱枱大部分人都點白菜餃呢！餃子偏大，份量有7隻10隻選擇，如果你係細食嘅就唔好為左5蚊多3隻去點個10隻份量啦整體餃子好味嘅，係皮偏厚但我本人就接受到嘅～至於服務就...你予左係街坊阿姐呼喝feel咁囉🤣如果門口只有幾個人嘅都值得排隊試下嘅～…Read More