SingWong2's Profile

同朋友9點半入去，入到去開始叫食物，等左10分鐘左右食物就到，夠快。但食左唔夠15分鐘，職員就開始黎收野！其中一碟我地食剩1/3，佢照想收走，我地話未食完，職員竟然叫我地夾埋佢，因為佢要收走，咩態度。坐低又要問先俾水，叫加水又唔願意咁，未食完野，又收走我地支水。食物味道咸，其他都算係正常。我地叫左個大雜錦串燒，個爐下面明明有2個蠟燭淨係點一個，上面d野又唔熱，洗唔洗慳到咁呀。佢寫限時90分鐘，點餐時問左職員話收1045，結果餐飯食左45分鐘，1015左右就趕客...價位又唔算好平，食物，尤其係服務對唔住個質素。 好後悔冇睇食評先入座…Read More

全餐舖2個人，負責下單執枱煮食洗野，服務唔要求咁多。叫左個泡菜拉麵，叉燒沾麵，加埋130左右，平就平，但嘥左個肚。自問自己要求唔算高，拉麵有蜆水味，插入去係一個麵餅，唔係一條條，麵質好淋。沾麵個湯汁，我只可以評為"拉麵湯另上", 而唔係沾麵，其他野唔想評咁多啦。…Read More

下午2點幾去食，客唔算多。係門口呆企左3, 4分鐘都冇人理（對住門口既甜品飲品吧侍應見到係我地），我地見唔對路，入面大把位，就自己行入去叫待應帶位啦。點知待應見我地行入黎就截住，問幾位，然後叫返我地出門口等，5分鐘後先黎帶位，唔係冇枱，又唔係未執枱，點解要客企10分鐘？想食西餐，選擇又唔多，算！待應安排左係商場走廊既坐位，多人行過個人唔太鐘意，要求轉餐廳入面既空位（仲有好多位），但佢話冇得轉。放低水，又等左5分鐘先拎menu過黎。 叫左個lunch set, 一個蟹王意粉，意粉過百，唔平，但味道值得一讚！兩人加埋食個lunch近2百蚊，食物質素係唔錯既，但呢個價錢換黎咁既服務質素，我覺得唔太值。…Read More