Yingalicious的个人专页

位於將軍澳 The Parkside food court 的韓虎家，是一家結合地道風味的韓式餐廳，不嬲都有住附近嘅朋友介紹呢間，今次終於試到。🍚 辣豬肉拌飯：賣相吸引，有醃製入味的辣豬肉，新鮮蔬菜，紫菜絲，份量十足，味道令人滿意。🍗 雙拼炸雞：有甜辣炸雞同蒜香醬油炸雞，推介甜辣口味，味道香甜微辣，比韓國地道風味更好味。套餐更附送飲品，性價比相當不錯。韓虎家都能提供令人滿意的選擇。絕對是將軍澳居民與上班族的好去處。…查看更多

翠園位於將軍澳中心 PopFood 二樓，環境高雅，裝修走現代中式風格，週末中午去到，雖然人多，但安排得有條理，等位時間合理，唔算太誇張。我哋三個人叫咗幾款點心同主菜，包括黑金流沙包、蝦餃皇、燒賣、脆皮牛坑腩、鮮蝦腸粉等等。點心方面水準穩定，蝦餃皮薄餡靚，流沙包香甜唔漏油，牛坑腩外脆內嫩，配埋甜醬一流。腸粉滑身，蝦肉爽口，值得一讚。服務方面，職員有禮貌，落單快，出菜速度都唔錯。茶位收費合理，茶品選擇多，普洱、香片都有得揀。唯一小扣分係部分醬料味道偏淡，冇咁突出，建議可以提供辣椒醬或 XO 醬作選擇。整體而言，翠園係一間適合家庭聚餐、朋友聚會嘅中菜館，食物質素高，環境舒適，值得再訪。整體評分：4.5/5 ⭐️…查看更多

Owens 咖啡廳位於將軍澳中心，主打西式同蛋糕甜品，環境舒適。weekend 中午排隊等一張枱，足足要等35分鐘，建議平日來試，避免高峰期擁擠。服務員態度親切，點餐流程順暢，好快就上菜。菜式以西式輕食為主，我地3個點了brunch套餐，套餐包括 湯 / 沙律、主食、餐飲。蜜糖芥末烤雞墨西哥卷（wrap）搭配田園沙律，外觀清新健康，擺盤也頗具美感。不過，口感方面仲有改進空間，餡料如雞肉、蕃茄、生菜有d乾身，唔夠醬汁平衡整體口感。紐西蘭頂級肉眼扒配薯條的主菜，賣相吸引，令人食指大動。牛扒煎至外層微焦，肉質厚實，切開後仍保留肉汁，熟度控制得宜，入口香嫩。但番茄醬味道有點怪，似乎是大陸入口，酸甜度不夠平衡。香烤雞扒全日早餐食材豐富，適合鍾意多樣化口感嘅食客。主菜包括香煎雞扒、香腸、滑蛋、烤蕃茄、香烤大啡菇、蜜瓜片及牛油多士，營養均衡，份量足夠。牛油多士有一面煎得好燶，呢點要扣分。Owens 是將軍澳不錯的休閒選擇，食物品質穩定。整體推薦，俾4/5星 😋…查看更多

Puradak Chicken 尖沙咀分店位於市中心黃金地段，環境舒適，適合朋友聚會或宵夜。今次哎左個4人餐！招牌必哎韓式炸雞外皮香脆金黃，肉質鮮嫩多汁，配合特製微甜微辣醬汁，層次豐富令人回味無窮。韓式炒粉絲加入彩椒和木耳，不過鹹左少少。傳統韓式炒年糕，哎左個唔辣嘅，好入味！薯條拼盤有齊好多個唔同種類嘅炸物，值得一試！最後海鮮薄餅好足料，個皮唔會太厚！店員服務親切，整體用餐體驗非常滿意，絕對值得一試！…查看更多

呢間丸龜開左大半年，第一次過嚟食。我哋3個人分別哎左： - 炭燒雞肉撈烏冬：好夠味，味道濃郁，配菜都好夠，但嗰雞肉太硬，無炭燒味- 和風蜆肉烏冬：蜆肉清甜，份量十足- 和風牛肉玉子丼：肥牛嫩滑，飯量充足- 天婦羅 : 有番薯、蔬菜、年輪天婦羅，值得一試！…查看更多

一直都係Lady Nara嘅捧場客, 見有一排都離港消費，所以特登過嚟尖沙咀食lunch。見open rice 話星期六12點開門，但12點到都未開門，出面起碼有20個人等緊。等到12點09分，先有職員開門，全程冇解釋。坐低想叫一個二人餐，但掃完QR code都唔見有，等咗5分鐘先問到一個職員，職員話佢新來嘅乜都唔知，但唔緊要都肯幫我哋落單。落單等咗30分鐘先慢慢有嘢食，中間全程冇Service，中間想搵個職員，上甜品，哎埋單都起碼要10分鐘。嗌完埋單等俾錢都要等15分鐘。強烈建議有好多時間嘅人先好去呢間餐廳。…查看更多

今日喺冇預約嘅情況下嚟到呢間餐廳食brunch，喺等位期間眼見唔係好夠人手，大大影響出餐同入座時間，有啲位係冇人book嘅情況下空置左10幾分鐘都冇人安排入座，拖長左等候時間，見到好多人都等唔切走咗。除咗唔夠人手之外，侍應感覺都唔係好熟手。呢間餐廳要用app下單，但係服務麻麻嘅情況下仲收加一就感覺有啲少貴。食物質素ok，但唔係好夠熱同有d飲品要催先上，如果之後都係要等咁耐先可以食，我應該唔會再嚟了。…查看更多

去完附近行山，就出發去太安樓揾嘢食。呢間餐廳喺油站隔離，門面幾靚，可以坐得好小小同耐小小，menu有好多選擇，各式拌麵、臭臭鍋、蛋餅、台式火鍋都有。今次叫左慢煮雞肉併滷肉飯，有小食同飲品都係$72。 因為慢煮嘅關係，雞肉非常腍而且鮮嫩多汁，加上一大碗滿滿嘅滷肉飯，多汁多肉，送飯一流。飲品都有好多選擇，因為天氣凍，所以我揀熱冬瓜茶。食完有滿滿嘅飽足感，強烈推薦想食台灣嘢嘅人來試試，一定有surprise。…查看更多

好耐無返來香港，日日都fully pack 有好多task 要做，今日難得有少少空閑時間，lunch 可以有d me time。呢間Starbucks已經有好幾年歷史，以前喺度返工嘅日子，每個星期總會喺呢度spend 幾餐。今次哎左mocha latte 同chicken mushroom muffin。食物保持一定水準，impress 嘅係員工服務態度，令我覺得喺xmas 感到一絲温暖 ❤️…查看更多

星期六做facial 前只有好短時間食lunch, 見都幾多選擇，所以就入咗去呢間試吓韓國菜。佢嘅份量都幾大份，男仔都一定夠飽。每個set都一定會跟碗例湯，湯就正正常常。試咗三個main:🥘烤肉石鍋飯：石鍋飯配上濃濃嘅烤肉泡菜汁，豬肉燒得好入味，用醬汁撈飯完全係可以食晒兜飯🍛牛肉石頭飯：比起其他店家，呢度嘅食材份量好豐富，牛肉都有好多🍲韓式雞肉拌飯：店主以自家製嘅韓式辣醬加芝麻油整成醬汁，雞肉超級入味呢間餐廳性價比高，短時間都可以返兜…查看更多

屋企人有幾年喺外國，無食過沙嗲王，今次返香港指名要食返呢個童年回憶。我哋3個人試咗幾款野:❤️必食白咖喱香茅豬扒飯: 同細個食嘅味道同份量一樣，都係有3塊大大舊嘅香茅豬扒，豬扒冧得來好有質感，白咖喱多汁，送飯一流😍另一必食沙嗲肥牛粉絲煲: 沙嗲王另一招牌之選，有濃濃嘅沙嗲，食完成碗都唔會覺得漏👍🏻小食方面就嗌咗海皇焗蟹蓋，XO醬炒蘿蔔糕，脆蝦棒。呢幾款都係經典小食，全部都冇令人失望佢都仲有推出好多新款式，期待下次再encore…查看更多

星期五晚去牛大人，要早一個月book定！😋 湯底有唔少選擇，我哋揀咗鳳梨雞湯同麻辣鍋兩款。我鍾意鳳梨雞夠清。🥳 牛就揀咗極上和牛套餐，大概三百幾蚊，大力推介牛肩同牛小排，肉味重小油脂，食極都唔膩。☺️ 試左幾款飲品，但最值得推介都係牛大人自家製冷泡茶，為咗響應政府走塑，牛大人推出自家環保水樽，方便循環再用，值得一讚。😍 甜品系列當然唔少得雪糕，佢有好幾款dreyers 甜筒、movenpick雪糕、kitkat 脆皮雪條系列，大推佢近日同dreyers聯乘嘅新出開心果雪糕，可以食無限雪糕，簡直係回本之選。…查看更多

呢間潮館主打潮州菜，都有點心，星期五嘅晏晝都唔算好full。重點介紹呢四樣: 👍🏻 迷你滷水小四拼: 有滷水鵝、豬耳、豆腐同魷魚，滷水幾入味😍 XO醬炒蘿蔔糕: 重點推介XO醬炒蘿蔔糕，賣相唔錯，外脆內軟。唯一缺點係冇乜XO醬味，肉眼都唔係好覺有XO醬😋 瑤柱珍珠雞: 而家好少地方有得食，珍珠雞幾入味⭐️ 白灼菜心: 分量比起其他酒樓多，呢樣值得一讚可能地方大，枱同枱之間都比較迫，環境比較嘈，六人枱都要大大聲講嘢先聽得到。呢點要扣分。…查看更多

星期一中午經過天后，想揾嘢食，見到呢間門面ok，唔使等位，就一行3人入去食。😍 豚肉泡菜鍋定食 ($108): 定食有茶碗蒸、麵豉湯同白飯。茶碗蒸好滑，夠熱又足料。豚肉泡菜鍋定食 大大份，好多豚肉，男仔都一定夠食。😋 牛肉壽喜燒定食 ($148): 壽喜燒好夠味，牛肉好滑。❤️ 吉列豬扒便當 ($88): 吉列豬扒新鮮炸起，非常脆口。店員服務態度良好，夠主動，而且會不斷收碟。唯一係冷氣唔夠，食嘅全程都出汗，呢點要扣分☹️。…查看更多

朋友想試呢間吉列牛，早幾日可以成功電話預約。星期五嘅晚上都唔full。原來唔full係有原因嘅😢。3個女仔哎咗呢幾樣，份量ok:🫠 吉列牛定食套餐 + 香辣忌廉烏冬 ($256): 好耐以前食過銅鑼灣總店，d吉列牛大大舊，又夠厚。今次發覺d牛薄咗好多，無乜牛味，份量偏小。十分一般。忌廉烏冬比較漏。😐 蕃茄濃湯黑豚肉shabu shabu ($126): 另外加$18 烏冬，夠熱，但十分普通☹️ 雞軟骨餃子 ($48): 有新意，仲唔太夠熱，而且太油，後悔哎咗成個用餐經驗麻麻，冷氣無開，我哋一路食一路標汗。服務態度一般。個人唔介紹呢間。…查看更多