AnnieYeung0206's Profile

兩個待應態度差x到咁，間餐廳遲早玩完。我問吓食物入邊係咩成份，個待應已經黑你面，其實唔想返工可以唔使返，冇人逼佢。呢間餐廳真係可一不可再，再食我不是人。態度差到咁，啲嘢食再好食都冇用。其實入邊真係咁唔憂做咩？位大把，都唔使咁樣黑晒面，冇人培訓啲經理，遲早比大陸啲餐廳超越。講真呢個價錢、呢個質素，我返大陸食到好多嘢了，佢繼續啲態度係咁，我諗我以後唔會再喺香港幫襯佢，返大陸性價比好好多，又開心，食完個人都冇咁燥！…Read More

因為好耐冇去食唐宮小聚，所以今日就同男朋友去食。.我地叫左一碟午餐肉黑松露炒飯、黑金流沙包😍、熊仔朱古力包🐻、煸四季豆、同埋紅油炒手，兩個人食分量啱啱好👍🏻。.午餐肉黑松露炒飯係新菜色黎😍，難得一場黎到肯定要試下新野😆。個粉飯味道好好食，食落好香黑松露味😋，同埋個飯入面有啲燕麥，食落口感豐富。美中不足係果兩塊午餐肉好咸，食下食下有啲苦😣。.每次黎唐宮小聚我都一定食黑金流沙包👍🏻，一咬落去啲奶黃即刻流出黎😍，啲奶黃唔會好甜，絕對係必食之選🥰! 至於個熊仔朱古力包，真係太甜喇，甜到漏，我覺得唔係幾好食，相信下次唔會再叫😅。.個紅油炒手我真係覺得好難食😵，佢有麻醬又有辣醬，食落果陣係完完全全唔覺得自己食緊紅油炒手，似係食緊小食店啲腸粉咁，太難食了，個紅油炒手唔會再有下一次🤮!!!.如果下次再黎，我都會再食多次佢地既黑金流沙包，食過保證你都話好食🤭!…Read More

今日紅日放假就同男朋友去葵芳食晚飯，前果排上網見新都會廣場入面開左間新餐廳，所以一於去試下😆。.餐廳環境都幾靚既，好多綠色植物做裝飾🌿🌱。我地因為食既係晚餐，所以我地揀左A+A$208，價錢就咁睇都算叫做抵食既👍🏻。.我地叫左一個黑松露野菌意大利飯、一個明太子帶子意粉、同埋一客小食併盤🍤。飲品就叫左一杯藍橙皮沙冰。.個黑松露野菌意大利飯好好食😍，啲忌廉味好重，又唔會話煮到個飯好濕，煮得啱啱好😋。但個明太子帶子意粉反而麻麻地😅，完全食唔出有明太子味，成個意粉都係極重沙律醬味😥，食落怪怪地🙄!.杯藍橙皮沙冰既味都唔掂，成陣藥水味，飲落係超甜，我地飲左幾啖就飲唔落喇😵。.至於個小食併盤就真係難食😭，啲小食炸得太乾喇，唔係好掂。個麥樂雞口感仲怪怪地，入面咬落係一pat pat咁😖，真係麥當勞都好食過佢。.我覺得呢間餐廳價錢係抵既，除左個意大利飯好食🙄，其他食物既質素同味道都麻麻地。如果下次再黎既話，可能都淨係會試下佢其他款式既意大利飯🤔。…Read More

今日趁lunch唔多人，我就去拾味食碗刀削麵。本身見呢間店平時都多人食，咁我就以為質素都唔差喇🤔，點知我去食左次就中伏喇😱!!!.我叫左一碗竹笙刀削麵，點知佢一碗麵先得3條竹笙😫，係吖，你冇睇錯，真係3條咋😢，竹笙依家好貴架咩😵，一碗麵得3條竹笙又真係食水深左少少喎😣😭.......本身我諗住一碗麵得3條竹笙咁都算喇🙃，點知啲竹笙仲要係未洗乾淨🤮，有啲污糟咁，係泥定咩黎😥??? 聞落仲有陣酸臭味🤮! 我到底今餐食緊啲咩野😭.......雖然拾味係黃店，但質素就真係見人見智喇🤗。…Read More

見難得放假，所以今日就同男朋友去咗呢間餐廳食個漢堡包🍔，點知係嗌餐嘅時候個服務員態度都幾差，個人覺得要改善下😒，今時今日咁嘅服務態度點樣去開餐廳啊？！今次嘅用餐體驗真係非常之差，如果大家都想感受一下佢哋嘅服務態度，即管去食吧！😆…Read More

今日放假, 就訂左檯午餐去Morokok食飯。我地係出面都見到入面裝修係幾靚既😍, 不過入到去坐低食飯其實都唔係幾影到打卡相☹️。.講番食物質素, 我地叫左一碟冬陰公意大利飯伴照燒原隻筒魷🦑, 同一個美國帶子菠蘿千島醬薄餅🍕。個意大利飯口感不錯, 但味道偏咸😵, 個筒魷燒得啱啱好😋, 個人認為筒魷比啲飯更好食😂。.而個薄餅都算足料👍🏻, 用既菠蘿係新鮮菠蘿🍍, 唯一缺點係個薄餅真係太薄😅, 好似張紙咁, 食落都幾硬下😖。.我地仲叫左一杯紫薯鮮奶🍠同一杯玫瑰蘋果紅茶🍎。杯玫瑰蘋果紅茶我覺得係超級好飲🥰, 有想飲多杯既衝動😂。.兩個人埋單計埋加一差唔多成五百蚊😳, 對於一心想打卡影相既我地黎講, 唔算抵😓, 但如果大家中意去啲裝修靚既餐廳食飯, 呢間餐廳我都會推薦大家去🙌🏻 (若覺得價錢不是問題的話)!…Read More

話說好耐冇去打邊爐, 所以我同男朋友就趁星期日去二鍋頭食飯😆, 依家openrice仲做緊折, $188加一就同時食到雞煲同火鍋, 算係性價比👍🏻。.我地叫咗兩轉雞煲, 第一轉叫左中辣, 但覺得唔夠辣🌚, 所有第二轉就叫大辣😂 (不過都係依然唔夠辣🤭)。個雞煲幾好食😋, 唔會好咸, 值得推薦😉, 但如果啲肉滑啲就更好👏🏻!.火鍋湯底我地揀左蕃茄薯仔湯底🍅🥔, 食到一半加湯, 我地仲問老闆可唔可以加湯, 老闆幾好人, 比咗幾個蕃茄我地加落去😆, 呢樣野值得一讚🥰。.火鍋既自助配料選擇唔多, 啲蔬菜望落唔太新鮮😨, 但呢個啲肉類既質量好好👍🏻, 食落唔會韌, 中意食肉唔食菜既人好適合黎呢度😂。.如果想同朋友平平地食個雞煲同打邊爐, 二鍋頭係一個唔錯既選擇❤️。…Read More

今日收工同男朋友去Macky's食飯, 一入到去我地咩都未講🙄, 個員工就已經黑哂面咁🌚, 搞到我同男朋友都驚咗佢😵.......我同男朋友叫咗一碟煙三文魚意粉, 一碟帶子青醬燴意粉。兩碟意粉個粉質都係超超超硬😵 (重要野要講三次🙃, 但可能真係有人會中意食到咁硬既😅, 但我係一般人口味, 就唔係幾接受到既🤭~) .再者, 佢兩個意粉都係咩餸都冇😓, 我同男朋友完完全全感受到生食硬意粉, 然後又冇餸食既感覺☹️, 個感覺真係好特別吖😬, 大家睇完我篇食評記得mark低呢間小店有硬意粉食🤓!!!呢個價錢去食啲咁"正"既野, 值唔值就因人而異喇🤗。.仲有就係, 我地問佢拎杯水🙇🏻‍♀️, 佢一句就話餐廳唔可以提供水比顧客😨, what???我地已經有叫野飲, 想再飲杯水都冇😢? 唔緊要, 再唔係我比錢買杯水好唔好吖🙇🏻‍♀️, 都唔得, 咁你開咩餐廳吖😅?.雖然呢間係黃店👍🏻, 但呢間餐廳既服務完全係-差到一流吖👏🏻! 如果大家唔想影響拍拖心情😞, 真係諗清楚先好決定好唔好去Macky's食飯喇😣!…Read More

今日星期日, 同左男朋友去たまご園食飯👫, 前幾次黎都勁多人, 我地因為唔想等位😢, 所以一直都仲未試到, 但今日就冇咩人, 我地就決定試下😎。呢度啲既職員唔知係太早未訓醒😅, 定平時做野果陣都係咁唔專心🤔, 明明成間店得三個人, 但我地舉手想落單, 佢地係完全冇反應架😨, 好厲害🤭!!!講番啲食物質素, 我地叫左生雞蛋拌飯🥚同埋海鮮蕃茄蛋包飯🍅。我覺得呢間餐廳既生雞蛋拌飯係超好食😍, 雖然搞好啲飯之後, 食落係有啲水水地既口感, 但味道係好食既🥰。而個海鮮蕃茄蛋包飯整體質素都幾好, 雖然個飯係唔夠熱🙄, 暖暖地咁, 同埋份量偏少☹️, 但食落味道都係好食既👍🏻。我超中意食梳乎厘😍, 所以我叫左個菠蘿珍珠梳乎厘黎試下🥰。呢度既梳乎厘超級好食, 夠空氣感👍🏻, 味道又唔太甜, 我下次黎一定會再食😎!!!排除左佢地服務方面既問題, 食物質素係幾好👍🏻, 至少係令我之後會再去食既😆!…Read More

今日突然想食日本菜, 所以就去左屋台試下。間店環境唔算大, 啲人都係叫外賣多, 而我就揀左堂食。係主食方面, 我叫左個花之戀丼。賣相係幾靚😍, 不過原來都係得個樣, 佢啲醋飯係一啲醋味都冇😅, 仲要好熱😨, 食落口感極差🤢。而且, 啲三文魚極薄🙄, 同埋冇味🤢。所以呢個花之戀丼, 我自己就覺得係難食🤮。我另外叫左個蟹籽沙律做小食, 個沙律啲蟹籽勁少🤫, 少到咁, 不如唔好俾......🙄同埋啲沙律醬又少🙄, 又係唔好食既......🤮飲品方面, 我就揀左黑糖蜂蜜綠茶, 杯野係完全冇味架🤢!!!如果係藥水味都算喇🤭, 但你話冇味既, 我不如飲水好過......🤫順帶一提, 收銀個阿姨都幾多野做下, 又要收錢, 又要負責冲野飲, 但收完啲錢, 手都唔洗既情況下去整啲野飲😨, 大家可以諗下係有幾咁"衛生"🤓。如果大家係想挑戰劣食🤓, 不妨去屋台試下🤗, 保證你話難食😆。…Read More

今日放假, 我同男朋友就去左蟲二食lunch😆。本身上網見到餐廳環境同埋裝修都幾文青😍, 所以一心諗住去打卡影相, 點知原來下lunch都幾多人去食, 搞到冇得影相, 覺得有啲可惜😢。呢間餐廳服務超貼心, 本身佢地係開12點, 但我地因為早左去😟, 佢都可以預早幫我地留台, 而且仲比左兩個口罩套我地, 服務值得一讚👍🏻!我地叫左兩份定食, 分別係鯖魚飯同埋鰻魚飯🥰。我男朋友話條鯖魚好濃豆豉味, 食起上黎都幾咸😅; 而我既鰻魚飯我覺得係超好味😍, 而且條鰻魚又好大條❤️。飲品方面, 我地叫左桂花蜜同佛手柑茶。杯佛手柑茶男朋友話好似藥水味🤔?? 所以佢飲左幾啖就頂唔順了😂。杯桂花蜜都算幾濃蜜糖味, 但啲桂花其實多得濟, 飲到痂住哂喉嚨😵。如果大家中意食鰻魚既, 都可以去試下呢間餐廳☺️!…Read More

今日心血來潮想食辣野，所以就同男朋友去左大埔食山城小麵☺。我叫咗碗麻醬雞絲涼麵，雞絲配麻醬既味道好夾😋，而且呢碗涼麵既份量超多😗，價錢都好平，另外仲跟套餐送咗一碟郊外油菜比我地，真係好抵食😝!而我男朋友就叫咗碗渝港擔擔麵，我坐喺我男朋友對面都聞到碗擔擔麵嘅花生醬味，真係好香😍，我朋友仲話碗擔擔麵既辣度啱啱好，就算唔鍾意食辣嘢嘅人都會鍾意食😎。喺小食方面，我哋仲叫咗麻辣手撕雞、手拍青瓜同埋口水雞翼😌。啲手撕雞嘅肉質好嫩滑，配埋佢哋嘅麻辣醬汁食真係好惹味🤭，而且啲手撕雞撕得好幼細，完全係考心機😳，撕得一啲都唔馬虎；青瓜嘅口感好爽口，食落嘅感覺完全唔會覺得有青草味👍🏻； 口水雞翼啲雞翼配埋佢哋自家製嘅麻辣汁，味道超夾，辣得嚟又食到雞嘅鮮味🤤。食辣既嘢一定要配冰粉，咁先可以解到辣😆，所以我黎到食山城小麵，當然都有叫冰粉黎食，聽聞呢間店嘅冰粉仲要係老闆每日親手製作既，真係好有心機😃。冰粉入面唔單只有提子乾仲有山楂，真係好足料。山城小麵嘅菜式唔單止好食，仲非常之抵食，一個字“掂”😝!…Read More

今日放假，所以就去咗黃埔Aeon行下街，咁啱經過呢間拉麵店，所以就去坐低試下😋。我真係非常鍾意食豚肉，所以我就叫咗一碗有辣味嘅豚肉拉麵😍， 另外再追加咗一份蔥花同埋筍絲😎。拉麵嘅湯底非常濃郁，而個拉麵未追加之前，入面已經有超多配料😶，例如有流心蛋、紫菜、木耳等，啲配料同拉麵一齊，食落嘅口感真係超夾👍。 而且我追加嘅蔥花同埋筍絲嘅份量真係超多😆，啲荀絲食落仲要非常爽口，價錢咁平就有咁多嘢食真係物超所值😝。拉麵入面嘅豚肉份量都超多，每一塊豚肉都有我手掌咁大👋，而且啲豚肉係即叫即燒，所以食落口感真係入口即溶😍，唔會話好韌。我覺得拉麵轉為套餐嘅價錢比較抵🤓，因為佢仲會另外送埋小食同埋飲品。所以係小食方面我就叫咗碟餃子，呢間店啲餃子真係皮薄餡靚😀，啲餃子配埋佢哋嘅醬油去食，真係超級好食😊。呢間拉麵店嘅水準真心高😙，下次經過Aeon，我都一定再會去食。…Read More

今天放工後，就跟了同事一去拉麵Jo吃飯🤤。一進去，店員就已經給我們遞上了水，非常好的服務態度喔😳～而且餐廳的裝修真的很有日本居酒屋的風格，令我感到就像置身於日本一樣😍。我本來不知道拉麵Jo是米芝蓮餐廳，是同事告訴我，我才知道，難怪拉麵都這麼好吃😋。一向愛吃辣的我，點了一碗辛味豚骨拉麵🤭。我還額外為拉麵加了粟米及蔥，這家店的豚肉真的很大片，而且肉質細嫩，吃下來的口感非常棒😆。吃拉麵當然要配餃子，所以我還點了一客餃子，餃子的餡料非常豐富，而且都不會很油膩。我覺得自從吃過拉麵Jo之後，以後對吃拉麵都應該會有一份執著了😎!…Read More

今日放工之後，就同男朋友左去筲箕灣食飯。因為好耐都冇食過粉麵，所以就去咗潮丸食碗麵🤤。餐廳嘅裝修格局好靚😍，好有復古嘅感覺。而且店員都好有禮貌，一坐低唔夠五分鐘，就即刻幫我地落單👍。我叫咗碗潮州魚三鮮河粉，個湯底好濃郁😋，啲魚蛋好彈牙，好爽口，最緊要係啲魚蛋一啲魚腥味都冇😳，非常好味。而我朋友就叫咗碗招牌牛爽腩，我男朋友都話啲牛肉一啲都唔韌，不愧係招牌菜😎!我哋仲叫咗兩個小食，因為呢度嘅炸牛丸好出名，所以我哋一場嚟到，梗係要試下😝。佢哋嘅炸牛丸仲配左自家製既泰式辣醬，配起上嚟嘅味道真係好match😆。啲炸牛丸炸完都仲會有好多汁，炸得一啲都唔乾，仲keep到牛丸嗰陣鮮味。另外，呢度嘅炸雞翼我都非常推薦大家食，因為佢哋嘅炸雞翼真係炸得非常之有水準，而且仲好有蒜香味添🤭。潮丸既粉麵真係做得好出色，鍾意食粉麵嘅人一定要嚟試!…Read More