ra1116's Profile

哩排係尖沙咀返工, lunch time 同同事周圍走搵好野食. 尋日食完呢間嘅排骨菜飯，我引唔著今日返工嘅路程要同大家分享。就係呢個菜飯... 真係好鬼正!!! 首先係排骨份量，十分之多，起碼有六、七舊 排骨炸得一的都唔油膩，仲係酸酸甜甜咁，食得多都唔怕濟呀 見舖頭七成人都係食呢個飯! 大力推介另外午市有得跟餐，55蚊，一係配野飲，一係配小食(西芹豆腐絲，青瓜粉皮，荳芽). 建議嗌野飲，因為三個小食都試咗，唔係特別好食。尖沙咀食晏，55$ 包晒仲有野飲真係算平。 推介…Read More

係加拿大返香港之後，成曰都想搵間多啲唔係集團式的好食餐廳. 今日同事介紹在呢間餐廳，就一於嚟試下啦。番茄焗蠔意粉睇張相應該都見到，用料超多。有番茄，蘑菇，煙肉，洋蔥，香草做配料，加上上菜時個意粉仲出緊煙, 真係無得輸。再嚟過汁，甜甜地 creamy得嚟又唔流嘅汁。好鬼正 之前成日覺得意粉係屋企都得啦，但係是完呢個之後發現天外有一個超大嘅天老闆娘落單落都有啲亂，不過如果嚟個碟唔係你嘅你同返佢講，佢一定會搞返清楚嘅。整體價錢非常合理，舖頭係舊在少少不過咁先夠味道嘛。十分大力推介 …Read More

今日難得出去太子搵老豆。一去到已經俾佢拉左去食呢間有名氣既山東餃。由於我真係好鐘意食餃子，所以去到鋪頭已經十分興奮嗰日禮拜四下晝，去到都唔多人，好多位坐。第一道餸 雞絲粉皮。味道好好，麻醬溝青瓜，永遠都咁好食 ^^ 唯一一樣野，個粉皮要咬好好好耐先斷。唔係太建議大家叫呢碟。第二個餸呢個超好食! 肉好嫩! 味道岩岩好，個feel有啲似豉油雞。正!!!最後上埋碟西洋菜豬肉餃我地叫左煎餃，香口啲。除左油左少少外，呢個都係very good!!大家行開附近可以黎試下，整體都唔錯:)…Read More

星期五晚，同媽媽行開新港城。大概七點，見到上海姥姥出面大排長龍。見到佢咁受歡迎，就試下佢啦。入到去都坐得幾舒服，唔會太逼。等左大概十分鐘就上菜啦。蒜蓉白菜。油唔算太多，味道都適中。唔錯 :) 擔擔麵。份量十分之多。一個女仔一定食唔晒! 肉碎略嫌太少。整體幾好食!冷盤三拼，薰魚，豬手，醉雞。最好食呢個! 薰魚唔會太多骨，細骨都可以食落肚。醉豬手既味道十分好，酒味岩岩好，食落精神! 醉雞就反而比較多骨，而且肉唔多，有少少食到成口骨都未食到肉。建議各位可用燻蛋去取締呢個。招牌小籠包都好正! 皮不會太厚，肉質彈口，一咬穿皮已有湯流出。正! 食物味道不錯。兩人食咁多野係食到超飽! 埋單$200。價錢公道。…Read More