lilico.leung's Profile

平日食得菜少，今日lunch hour得閒諗住食翻多啲水煮菜，來左打邊爐。其實來到已經近2點，全場得小貓三兩隻，拎檯帶位安排坐左嚮角落。檯面個碗有條短頭髮，冇出聲自己搵濕紙巾清潔過啲餐具。啲牛揀左話最有牛味個款，不過食落都係冇乜牛味。算，便價放題質素唔可以要求咁多。而且今日目標係蔬菜類，本身食得唔多，臨尾提早收錢埋單慣例冇問題。夠鐘前已經熄左火，清緊碗裡面既嘢。得翻兩件南瓜芋頭，因為煲左好耐先軟熟，啱撈上來裡面又熱辣辣，好難食得快，努力食緊。然後超時5min，我口仲咬緊件熱嘢，吞又吞唔到，吖姐企正係面前話要交檯，命令式語氣。我望一望全場，得個兩圍檯，空檯幾十張，又唔係趕住打烊😵道理明既，即時擺低筷子起身走人，落到樓下係超時7min。茶餐廳做法或者繁忙時間，大家理解要準時交檯一定配合。不過當全場9成吉檯都要被催促，咁就覺得好唔人性化。頭先食緊時7/8個人企係我面前圍爐吹水，都唔知原來佢哋對客戶咁有原則同規矩。本來諗住好地地食餐飯，一餐飯中三個雷點。一句講曬，有時間食第間，唔會再幫襯。…Read More

朋友生日揀左尼間酒店既半價自助餐，本來都唔太期待，惗住隨便食飽就算，點知完全中伏。麵包蟹太鹹，係鹹到苦個種。生蠔細都算啦，D肉係灰色，好似雪壞左咁既款。無咩特別好食，除左水果甜點個D還ok。菜色比較少，都唔吸引人，係服務員比較好，有禮貌。無特別期待，所以無影到相。本來便野無好野，食完就算啦，不過我地幾個朋友去食，第二日全部肚痛，出現不同程度既腹瀉（我疴左無10次都有8次）。最後痛到頂唔順，疴到就來脫水，要請假去睇醫生，腸胃炎，又唔見左成舊水。。。完全中伏~…Read More