cmstories's Profile

係沙田新城市從來不易，呢排天氣成日落住雨，胃口都冇乜，揀左食較濃味既星馬菜。等位是一定的，好彩2位好快有得入座。食物款式算多，好多都想試，但2個人叫唔到太多，已經心中想下次再食咩咩咩今次只試左馬來西亞咖哩蝦，油酥餅，呢2樣係分開叫既，唔知油酥餅配咖哩，不過2款咖哩味道唔一樣，前者比較重椰味，甜d，後者香料味勁d而且辣d，要比較的話，馬來西亞就冇咁配酥餅了。饅頭配椰香斑蘭醬，醬有驚喜，好香既斑蘭味。上菜速度好快，可能因為要就返90分鐘用膳時間，但其實想慢慢食呢。。最後甜品點左斑蘭Tiramisu，都係好食既偷偷取笑佢放塊生菜破壞左造型未試到海南雞同叻沙，下次有機會再試啦~…Read More

一年總有一兩次食buffet既機會，今次適逄周年紀念，未試過兩個人食buffet，一於就試下。想搵間浪漫D既酒店自助餐，雅苑座環境好似花園咁，又有live music，真係幾好feel!Buffet 6:30pm開始，入座後即刻兜個圈，然後開始攞野食喇…凍海鮮最吸引係法國麵包蟹，好快會比人攞晒D蟹蓋，所以見廚師一拎新既出黎就要快手喇，蟹糕蟹肉非常多，好滿足~ 其他有阿拉斯加蟹腳，都幾鮮又唔會死鹹，仲有凍蝦、翡翠螺、藍青口、蜆…淨係沙律都有咁多款，每樣試左少少，清新之選。去親酒店食自助餐都會貪得意試下芝士，呢度都有4款，仲有提子同2種餅乾配搭。回本位之一通常都有Parma Ham，不過本人唔太好，所以冇試，同時有煙三文魚。海鮮主題每人送一份焗松葉蟹蓋，配一盒魚子醬， 平時都唔會食呢D矜貴野，估唔到buffet會送呀。雖然就咁食蟹蓋都有味，不過加左魚子醬一齊食，竟然味道唔同左! 鮮味好多，真係感受到咩叫畫龍點晴。Carving 有美國prime rib，睇落好juicy，食落好有牛味。仲有濟州豬@@ 上次去濟州食燒肉食過就已經覺得好好味，成條燒又真係未見過，睇落有D dry，但原來食落又幾香嫩。食海鮮我都係中意食熱既，強烈推薦呢個烚海鮮，超新鮮，有蟹、瀨尿蝦、貴妃蜆、花甲、鮮魷…真係不得了! 粉麵都足足有5款，細食的我就冇加喇，不過男朋友有興趣一試，加河粉配冬蔭公湯，惹味又鮮甜。而刺身壽司區都好精彩，除左基本刺身(三文魚、油甘魚等等)，亦有我最愛既火炙壽司同卷物，種類頗多，個人覺得係酒店自助餐黎講算係質素好個D。通常食buffet都唔食太多熱盤，原因係…要留肚食甜品! (非常期待帝苑酒店既甜品! )先講返熱盤，海鮮菜式亦唔少，蒜蓉蒸扇貝(秒速被攞晒-.-)、炒蟹、芝士焗蠔、蒸海斑…又有濟州豬叉燒，蜜香肉軟、印度咖哩加薄餅，香料味出眾、微辣夠地道。多款燒味中，海南雞飯點都要試下，雞肉嫩滑同入味，最出色係個飯好香，香料味重，出面少有。隔離有串燒區，推薦牛舌同鴨肝多士。每樣都食D之後，終於都到甜品環節喇!! (第二個胃要出動) 好多好精美既甜品，基本上所有都想食。首先眼球就比玫瑰花吸引，呢幾款應該係特別推出，因為而家有Canvas 既禮物送，呢幾款玫瑰味好出，布朗尼好好食、玫瑰mousse cake層次好豐富，賞心悅目。另外Tiramisu係男朋友最愛，被感染下都成為心水甜品之一，對Tiramisu有要求既佢都話好味啊! Cheese cake係我不能抵擋既甜品，咁多種都攞晒，一食就停唔到口… 另外竟然仲有排隊都未必買到既抹茶蝴蝶酥同原味蝴蝶酥，果然係名物，非常酥脆，牛油香、抹茶濃~而有第二胃甜品既我見到有10種咁多既M字頭雪糕，立即要心心眼。最愛呍呢嗱味，幸好呢度係供應商用大盒裝，因為近來試過其他地方既迷你盒裝，覺得味道大不如前，都係大盒裝味道如一。除左經典口味，有一種係我接受唔到但身邊個個話最中意既青檸味，所以話口味呢D真係… (只可以話我地唔會爭食啦~) 。其實仲有即整pancake，可加cream、香蕉、紅豆，自選雪糕on side架。同場加影約8:30pm會有一個大拿破崙蛋糕出埸，排隊攞每人一件，又一餅店名物係呢度食到! 酥皮好鬆化有空氣感，又不失酥脆，夾住一層一層吉士同雜果，食落好滿足~最後結論，今晚buffet令我地有個快樂既慶祝節目。食物多元化、新鮮、有水準。食完又有禮物送 (兩人送一份，好彩冇人同我爭~不過要到門士換，行開先換到)，live music 令用餐時間好有氣氛，最可惜係拎野食地方有D逼，但我想以後可以再同家人黎食呢~…Read More