神仙可's Profile

我倆都鍾情沙嗲王，因為三樣野~平，靚，正。最近我倆愛上巨脾，所以沙嗲王係我地時常想去的食店今次又再戰巨脾啦，到了目的地，不用等位，我倆坐在近窗的卡位，坐得十分舒服。(想講講其實這間分店都好大好多坐位) 1.鐵板嬌嫩巨脾飯：我倆揀配咖喱汁，巨脾保持水準依然巨大，質肉嫩滑而且勁厚身，完全沒有肥膏，食落無油膩感，輕輕鬆鬆一刀切開巨脾肉配上咖喱汁加白飯一流，係必食既。2.勁脆厚切吉列豬排配沙嗲湯底拉麵：豬扒炸得好甘香，勁厚勁脆唔油膩，拉麵好有質感，軟硬度適中，但唯一就係沙嗲湯底比較啖，濃一些既話就一絕了。3.蒜香牛油烤餅：熱烘烘的感覺唔會太乾，勁鬆脆，勁鬆軟。4.秘製咖喱薄餅：又係熱烘烘勁鬆脆勁鬆軟，加上秘製咖喱汁簡直係一流，又係必食既。5.士多啤利雪香&熱紫薯鮮奶：兩杯都完全唔掂當，勁啖囉，係完全飲唔到士多啤利味同紫薯味，一個字差。(本人推介特濃牛古力冰沙&鮮芒椰汁冰沙配西米露，包大家話正) 沙嗲王真係平靚正架，係月尾最佳之選。…Read More

期待已久既達人包車終於有時間試一試 我同女朋友12點去到目的地，1個客人都無可能因為食店剛剛開門啦。店內環境一般，但坐得舒服，枱同枱之間寬闊，唔會好窄要留意既係大部份服務生都係講韓文或英，這點大家要留意。     我同女朋友叫了炸蝦蛋衣紫菜包飯同部隊鍋，因為我地都未試過炸蝦蛋衣紫菜包飯：炸蝦食落好脆好香口，紫菜就無咩特別了:(飯唔太軟唔太硬夾來食果時唔會鬆散，要注意係加$3外層先有甜蛋架      部隊鍋：內有紅辣椒，青瓜，蘿蔔，午餐肉，芝士，蛟子，公仔麵。食落有少少辣，食感覺好一般，全部同一般食開既無咩，份量又少，係屋企煮公仔麵加午餐肉仲好一個字差…Read More

新年期間當然少不免去睇下戲年初二尖沙咀睇完馬騮精，女朋友仔話皇室堡最近有間甘味轉左位置一段時間(都係皇室堡) ，我就揀了這間食店食我地既晚餐啦到了目的地，門面裝修美觀，進入食店內發現地方比較細，但坐位闊落整齊清潔帶比食客一種舒服感覺，還有少量卡位1.豬軟骨讚岐手打烏冬：豬軟骨勁淋啊食落好有質感，烏冬雖然又滑又大條，但個人覺得烏冬硬左少少，沒有彈牙感覺湯底惹味鮮甜只係豬軟骨已經值得一試2.燒鰻魚二十穀米釜飯：先講鰻魚，我同女朋友仔見到都話好大件$110係值既鰻魚食落好惹味，鰻魚味道出哂來蛋也比較滑，栗米也香甜，個清湯就一般般 最後講講個穀飯，食落好金香二十穀飯比較健康少糖份硬硬地既二十穀飯食落別有一番風味…Read More

今次同一班朋友去食晚飯，當然唔少我最愛既女朋友仔啦 朋友推介了位於銅鑼灣南華體育會既inn side out。（同行當中要有一位係會員先入得）由銅鑼灣步行約5分鐘便到，當晚到了目的地，地方都幾大 由門口室外坐位至室內最尾坐位都行左1分鐘  但裝修佈置就唔係好掂  同埋店舖特色係花生任食，花生殼可掉哂落地下 愛整齊清潔既我就感覺麻麻 服務員服務也一般。炸雞翼：雞翼熱烘烘的，炸得好脆好香口，點少少辣汁食簡直係頂瓜瓜 係必食既 洋蔥圈：炸得好油，食落無哂洋蔥味，仲好硬添又凍，唔掂唔掂 芝士薯條：正到爆 薯條外層包滿芝士，好重既芝士味，薯條炸得香脆，過了一會兒都仲係唔淋 大家都清楚薯條淋左係唔好食架啦 無得輸 kirin beer:泡沫似屎形狀 飲落原來泡沫有冰沙的，好特別 T肋骨：比起出面好食好多，感覺唔會得d骨勁多肉，食落肉汁流哂出來，仲好淋好有質感添 芝士煙肉焗通粉：焗既時間恰到好處，每粒通粉內都佈滿芝士，煙肉香噴噴又淋，通粉食落軟硬度剛剛好 pizza：pizza就麻麻地，因為佢用左餅乾做底，食落感覺好差又硬，料又唔夠死得 …Read More

我同女朋友仔都係車仔麵大愛 但女朋友仔巧耐都無食過了 於是便決定當日下午去食車仔麵，然後再去睇戲啦 今次我倆既目的地係位於銅鑼灣糖街既榮記粉麵，女朋友在openrice楝了這間榮記粉麵，睇d食評話巧正，就帶了我去試食啦 身為食家既女朋友仔當然無介紹錯啦                              去到目的地，發現食店人流爆滿，我地等了幾分鐘便安排了入坐，店舖內比較細路窄又迫   我同女朋友仔不約而同地點了四個餸 我就點了豬大腸，魚蛋，豬紅，豬皮（幼麵）。女朋友仔就豬大腸，魷魚鬢，豬紅，豬皮（粗麵）女朋友仔話上openrice時巧多人都話豬大腸同魷魚鬢正爆，所以係必試既魷魚鬢好大條又淋，豬大腸仲正，好厚身絕對唔韌超淋好惹味豬紅好大舊又紅又滑，魚蛋好大粒又滑又彈牙，唯一既係豬皮，豬皮比較硬無咩味道粗幼麵都巧正，淥得好彈牙配埋濃湯超正我同女朋友仔滿口福 …Read More

在女朋友仔屋企樓下，有間食店名叫越中意想試好耐，當天我倆下午去完荔園，女朋友仔話行到腳痛近近地便去越中意食晚飯啦，女朋友仔仲話，成日經過見到都好多人食架，使我更加想去試一試，但小弟忽然肚仔痛，所以試左小小咋，女朋友仔話行完荔園巧肚餓，啱哂啦食埋我果份。1.菠蘿咕嚕肉飯:菠蘿鮮甜美味，紅椒青椒都好爽口，咕嚕肉汁甜酸拾到好處，肉質好滑又淋，食落又唔會覺得太粉，但去越中意食中式飯類好似怪怪地2.越式豬肉米紙卷：賣相巧靚有豬肉，生菜，紅，白蘿蔔絲，食落好脆好香口，絕無油膩感覺，彈牙非常，係必食既，小弟極力推介      …Read More

今次又到女朋友仔介紹了一間泰越餐廳，為食既我當然會陪女朋友仔試食啦現在百德新街同90年代初，大部份地舖都係食店，但今時今日既百德新街，食店只有兩，三間，可惜可惜。。。但環境依然係絕靚既到了目的地，由於我倆都巧怕熱，所以我倆選擇了室內位置坐門面簡單得來整齊清潔室外環境優雅美觀，附近鄰近海傍，秋天的最佳位置。室內環境美觀，坐位舒服，燈光明亮照人。餐具極有越南feel1.越式春卷:供給生菜給食客包住春卷來食，食落感覺完全沒有油膩感，春卷都好脆香口，點上碟上既酸汁食，別有一藩風味。2.越式菠蘿海鮮炒飯:食落都幾辣下，有腰果，雞肉，肉鬆作配料，但特別既係，菠蘿係特別處理既，菠蘿係燒完分開上，唔係一齊炒既感覺美好，食落仲好食過一般壽司店既燒菠蘿添。…Read More

當日下午我同女朋友仔係太古城UA睇完戲，我地就開始諗諗係邊樹食晚飯好呢?我就提議去王家沙，因為有女朋友仔最愛既擔擔麵同埋高力豆沙她當然話無問題啦，快d行過去。所以食評我改名叫最愛是誰我倆到了目的地，我為了安全起見，先問問門面接待員今天有無高力豆沙先，接待員回應話有，我倆就立即急不及待地入座了，因為高力豆沙唔會有太多，賣哂就無架啦。:(由於我倆6點去到比較早，人流唔多，但到了6點半左右，之後食店就坐絕無虛席。門外都開始有食客拿號排隊啦，所以打電話訂位比較安全。店內環境裝飾美麗，坐位也比較濶，令食客坐得舒服。1.王家沙擔擔麵$38:我擔擔麵分別有辣或不辣，我同女朋友仔都選了不辣擔擔麵份量夠，都幾大碗下，麵質爽口彈牙，面上灑了大量花生碎和蔥菜，湯底有好濃花生醬味。2.糯米燒賣$34:糯米係超正囉，熱烘烘的，皮又夠薄，但可惜份量比較少得4粒，仲要都幾細粒下:(3.高力豆沙$38:大大件軟淋淋好好味，豆沙熱烘烘的，但表面沙糖如果多返d比較好，豆沙也比較少，同埋件高力豆沙凹既唔係漲，唔夠美觀。…Read More

期待以久既鼎泰豐終於有機會試啦女朋友仔知道我想去，一定陪我試食既點知又老點了女朋友仔我當日下午1點到目的地，發現門外好多食客拿號等位，等了15分鐘左右，有位便入座了點知入到食店，我地已經感覺好有問題，問題就係點解無冷氣既大拿拿3x度叫我地熱烘烘咁坐係到食，一路食一路流汗囉，開住果幾把爛鬼風扇好啦一場來到，唯有食完拿拿淋埋單走人。。。。1.排骨蛋炒飯:排骨炸得超級淋，厚度剛剛好，又唔會覺得好油膩，好可惜既係，d飯炒到好黏，唔夠乾身，蛋同飯又唔均勻。2.小龍飽:差到爆$6x得6粒，仲要勁細粒囉，皮又唔夠薄，內埋豬肉勁少，食落感覺好肥膩。…Read More

早已同女朋友在網上發現了一間價錢平既酒店泰國菜下午buttet，於是女朋友仔就係網上買了團購試食了。平野無好野又發生係我地既身上。當日到了目的地，由於進食時間係12點至2點半，時間其實好足夠，酒店經理安排了我地坐近窗口位在場每個服務員既待客服務係一流我同女朋友仔當然立即影下相留念同寫食評啦，發現。。。。食物種類好少囉，菠蘿炒飯，金邊粉，馬拉盞通菜，沙嗲串燒，雞翼等等。。。好多都無囉 今次中哂伏。。。食物質素啦:蟹餅:無味又凍既，春卷:就好好多，炸得金香可口。多春魚:好入味，係比較叫做好既。酸辣鳳爪:無味既，唔酸唔辣唔知佢想點，我最鍾意食既菜式質素咁差咖哩牛腩西蘭花:咖哩有少許辣，西蘭花同牛腩都好淋芋頭粟米露:勁好食既糖水，係必食既。冬蔭功湯:熱烘烘都幾辣但材料好多，雞肉，蝦球等等係落足料既至於甜品同生果都係款式少，但出奇地好食喎。椰汁西米糕，綠茶西米糕，朱古力毛士，奶凍都好正生果菠蘿同西瓜都好甜。…Read More

女朋友仔期待以久既喜喜冰室，今次終於有時間去試一試。女朋友話好想試下雞批同黑白多士啊作為男朋友既我當然會陪佢去試食啦，我地下午在尖沙咀看完電影後，便前往目的地了。點之。。。中伏作為食家既女朋友都唔好意思門面好有懷舊feel店內裝飾佈置也很懷舊1.黑色多士:多士厚厚的洪得好香脆，但可惜唔熱既。。。多士面上加上黑芝麻同煉奶，食落感覺真係一般，正宗既西多士好食d.2.B仔鴛鴦:這個係柯華田加好立克，面上仲有粒棉花糖添。一個字講哂。。。勁甜囉3.雞批浮台:雞批加豆豆湯，雞批麻麻地，雞肉同菇勁少，火腿直頭係無既，本來都算，個豆豆湯係完全唔夾個雞批囉，我睇見個豆豆湯就唔想飲。4.香蕉班戟:這個算係最好食的，但比我既感覺係，好似係m記食物，軟雪糕好好味同m記一樣，班戟都好軟淋淋熱烘烘的，但係又勁似m記既熱香餅，仲有香蕉其實好新鮮好香。可以一試…Read More

食壽司通常會同一班朋友食任食既食店，所以我同女朋友決定去d高級又唔係任食既食日本壽司，女朋友就話睇openrice食評話千兩好食，於是我地就睇完電影就選擇去了銅鑼灣希慎廣場分店，去到目的地，人流都好多，我地要排號等了20分鐘才有位。門面設計特別且美觀店內裝修華麗寬敞1.左口魚裙邊.$38: 可能燒得耐左d,感覺上左口魚裙邊溶左d。  2.三文魚.$36三文魚肥美鮮甜，色澤夠深，係必食既    3.江户前甜蛋.$28。蛋巧甜，但食落係ok既。   4.蒲燒鰻魚.$38:鰻魚燒得剛剛好，好香又美味。   5.吉列廣島蠔.$65:這個係同三文魚最好食既，熱烘烘，炸得好金香。  至於馬刀貝壽司，加州卷，吞拿魚，牛油果軟殼蟹卷。。。。。真的一般…Read More

知道女朋友仔想試食這間韓國餐廳很久，身為男朋友既我一定要陪愛人去食好野啦 於是我就計劃好當日下午我們去完淺水灣觀光後就去這間位於灣仔既韓國餐廳試食啦 7點到了目的地，店內裝修設計好有韓國風情，牆壁上掛著一幅幅既韓國風情畫 同埋發現原來有一大班韓國食客 大量卡坐位，坐位寬闊坐得舒服 牆壁掛上韓國風情畫。坐位寬闊，清潔又整齊。餐牌介紹招牌菜。餐牌也有中文，英文，韓文三種語言。1.前菜:有泡菜，西蘭花，豆腐，芽菜，蓮藕5小碟 泡菜女朋友仔話好辣，所以小弟無試到，西蘭花好淋，芽菜也淋，豆腐有少許辣，但係好味既，蓮藕甜甜地，又唔會太硬，係5種前菜之中最好食既 2.芝士豬排骨:女朋友仔推介的 我地叫左small size,但芝士份量都好多，豬排骨都有8件，同埋都有幾件韓國年糕，服務員幫我地煮溶了芝士，再將芝士捲落豬排骨面上，然後將件芝士豬排骨放係你碟上，服務超好啊，我同女朋友仲係到左諗右諗，d芝士點整添。 食落好重芝士味，又多又厚，熱烘烘香噴噴，豬排骨就有少許辣，仲好多肉添，肉質滑溜又淋，勁正囉，韓國年糕就麻麻地了，好韌同埋唔辣又無味，女朋友仔的確無介紹錯。 3.辣炒八爪魚:中左招女朋友仔知我鍾意食八爪魚仔，點知食落口有兩種感覺，就係好韌同好辣囉，食到我同女朋友仔流哂眼水米粉仲差，超級淋，淋到好似公仔麵比湯浸了半小時先食果種感覺，問你死未…Read More

女朋友仔今次介紹了一間名叫大自然素食既食店，她之前同屋企人食過話好好味，d菜式又特別所以復活節假期，我地下午同一大班朋友去完山頂觀光後，我同愛人就拍拖前往大自然素食啦大約5點半到了目的地，發現食店環境唔算太大，裝修裝飾都唔算太特別，但勝在整齊清潔。 環境算ok,但裝飾無咩特別，勝在齊整。1.芋頭魚:我同女朋友都係超想試既，因為賣相特別又靚囉成條魚咁樣彷真度極似一條魚，芋頭魚熱烘烘的，成條魚都係用芋頭做既，炸得好香脆，但又唔會覺得佢好油膩喎好重既香芋味散發出來食落口即溶化，啖啖既芋頭好食到不得了囉點埋個酸酸甜甜既五柳汁食仲有令外一種感覺芋頭魚2分鐘比我地ko左係必食既2.黑椒西蘭花牛扒:用了猴頭菇當牛扒本身女朋友仔係唔食牛既，今次可以試食啦猴頭菇食落口感差韌到不得了，彷真度差唔似牛扒，西蘭花同一般既西蘭花無咩分別 黑椒汁好淡，唔辣又無味既，都唔知佢想點，一個字形容。。差3.沙嗲羊肉串（齋）:又係彷真度極似，食落好淋，質感同味道都好似羊肉串燒沙嗲好辣好惹味。4.芝士牛油果焗法包:巨量級既size即叫即烘烤的，法包好香口好脆，外脆內軟，包面焗焦了點，芝士味好重，加上牛油果食落別有一返風味.5.芋頭蓮子糖水:糖水夠熱（我係會加分既）同埋都幾多芋頭蓮子花生幾入味又夠甜，最重要既係，糖水係送既唔洗錢…Read More

知道女朋友仔想試樂天皇朝既八色小籠包 當晚就我下定決心一定要帶女朋友仔去試一試聞名天下既八色小籠包，我倆下午6時正去到目的地，不用等位就可入坐了，食店環境清靜美觀 裝修得非常華麗，場內兩邊卡位既中間佈置左一個漂亮又長既水池  水池內也放滿了很多蓮花，而且水池中間位也裝飾了一件大大既透明皇廷服裝，帶比食客一種好像在皇宮內一樣的感覺。 講到食店既裝修真係無得輸囉，100分 門面美觀，帶給食客一種賓至如歸既感覺。7一條長長既水池再掛上大大件既透明皇廷服，能夠帶給食客一種身在皇宮既感覺。1。皇朝小籠包:樂天皇朝招牌菜。有原味、人參、鵝肝、黑松露、芝士、蟹粉、蒜香及麻辣八種味道  小籠包雖然皮薄，多水多汁，但食落係無味既 女朋友仔話最好食係黑松露，食落都有濃烈既黑松露，我就覺得人參較好，起碼帶有少許人參味 其他味道就一般了 原味:完全無特別。鵝肝:直頭食完都唔知道咩來?芝士:係就係有芝士流心，但係芝士味不強烈。蟹粉:又係食完都唔知咩味道 蒜香:唔知道d蒜香係邊到囉 麻辣:都算ok,起碼有得出有少許麻辣味。食完女朋友仔大感失望。 2。菠蘿咕嚕肉:菠蘿鮮甜美味，紅椒青椒都好爽口，咕嚕肉汁甜酸拾到好處，肉質好滑又淋，食落又唔會覺得太粉。3。芺蓉賽螃蟹:大大個蛋黃，加上滑溜既蛋白，打勻佢食，但食落無蟹肉既原來江湖傳聞係黃花魚做到像蟹肉的，看來是真的了，同埋我係食唔到有瑤柱囉4。高力豆沙:女朋友仔至愛大大件，面上加了大量沙糖，軟淋淋好好味，內埋仲有香蕉添，好香既香蕉味流哂出來，紅豆都好美味，但紅豆份量比香蕉少好多。…Read More