tonyjacat's Profile

同太太喺過年前食個晚餐順便拍下拖，見到呢間餐廳好似幾抵食所以決定試吓我地見個二人晚餐1 main course 1飯份量好似幾適合，所以就揀咗佢，再跟餐加1個煙三文魚芒果沙律（+$60）是日餐湯係蕃茄忌廉湯，有好多蕃茄粒好開胃芒果雖然唔係好甜，但一啲都唔酸，已經好滿意個飯睇相好似好細碟，但其實份量十足，而且仲好美味燒春雞係我決心寫食評嘅原因，真係做到皮脆肉嫩！唔落汁都已經非常美味！強烈推薦！全隻除咗雞髀同翼之外全部去骨，咁厚嘅雞扒都依然嫩滑，真心正原來跟餐仲有個薯條果汁唔使加錢餐廳環境舒適，加上呢個二人餐埋單都唔使$400，非常適合拍拖或者同朋友傾計慢慢歎…Read More

上晝11點幾經開呢頭，忽然諗起$3豆腐花，就過嚟幫襯喇呢度有2間豆腐花店，2間都賣3蚊，平時嚟親都排晒隊的，今日可能早少少冇乜人，好好彩。我選贊和嘅原因，係因為佢唔用即棄餐具，比較環保，淨係呢點已經贏晒啦$3蚊碗都滿到就嚟瀉... d糖係自己加的，除咗黃糖仲有幾款樽裝糖水擺喺度俾你選擇，我就只係落咗少少糖水同一羹黃糖，唔食咁甜喇。整體嚟講碗豆腐花夠晒熱，又夠滑，份量十足，雖然冇乜香味同豆味，但$3蚊碗仲想點吖？嚟開呢頭要排隊都值得試…Read More

呢日同朋友嚟食lunch，地點好方便，出樂富地鐵站行3幾分鐘就到。午餐都好多選擇，可選配湯或沙律，同跟一杯餐飲。從每個餐旁邊嘅圖案可以睇出餐廳好細心，會照顧到素食、環保、甚至係追求無激素嘅食客由於即叫即做，服務員提醒要等約25分鐘。不過好快都會嚟咗餐包先。:)我選咗沙律，如果再多d酸醋會好d, 不過都唔錯。食吓傾吓個主菜已經到咗，影張相先我點嘅係焗肉醬千層麵配薯蓉，味道唔錯，夠晒熱，而且份量啱啱好。餐飲選咗熱檸水，唔落糖，檸檬完全冇苦味，非常好，抵俾5粒星整體而言環境唔錯，食物水準中上，唔介意價錢稍高嘅值得嚟試吓。…Read More

做咗吉野家會員，今日就試吓佢個手機app外賣自取，見到有個牛雞雙拼飯餐$39咁平，就佢啦！一路行一路落單，加飯加牛汁加薑加辣椒，選埋10分鐘後攞即刻用手機俾錢。之後去到餐廳完全唔使等，去取餐處同個職員講聲，掃個二維碼，就可以攞個餐走喇。返到去一開，個餐果然好大份，飯量多之餘（我選咗多飯），2款餸都份量十足，加埋牛汁、薑片同辣椒，非常惹味！ 食完歎杯日本茶，抵食！可惜外賣餐盒唔環保，如果唔係真係值得經常幫襯！…Read More