leunwing's Profile

家後呢間餃子店嘅人氣唔講得笑，遲少少到都會大排長龍，建議喺6點半前好去到啦🤣📌今次嗌咗一個湯餃雙拼（$40），一個煎餃雙拼（$44），咁就可以試晒四款，以下排名有分先後😂1️⃣洋蔥豬肉餃（煎）洋蔥因為有水份所以食落好juicy 👍🏻即使係煎都唔會好乾～而洋蔥同豬肉都係好夾的🙆🏽‍♀️第一位當之無愧🥰2️⃣雲耳椰菜豬肉餃（湯）都係傳統嘅味道，做得出色，所有配料份量配搭得宜👍🏻3️⃣香菇粟米雞肉餃（煎）同洋蔥豬肉比較，呢種比較乾身無肉汁，香菇味都軟淡～4️⃣韭菜猪肉餃（湯）唔算特別出色，係正常發揮😬📌餃子都真係唔算大隻😅8隻嚟講唔夠飽😗📌湯底方面都係好有家嘅味道，無咩味精味，亦唔會太濃。📌喜歡佢嘅菜甫，夠辣又惹味🥰5️⃣焙茶芝士蛋糕（$33）芝士蛋糕係家後嘅名物🤣今次食唔到開心果味，但焙茶味都出名，芝士蛋糕夠滑～唔會死甜又唔會太膩🙌🏻📍總結：📌老實講無好驚豔嘅感覺，亦有其他餃子店出色過家後😬但都可以一試～排長龍就唔值啦🤪📌個人唔大食嚟講真係唔夠飽🤣男仔可能要食16隻/加麵😗…Read More

呢間餐廳嘅格調簡單得來vibe又唔錯，食物質素都好okay!不過假日嚟就預咗要等位了🥲1️⃣手工蔬菜湯（粟米湯）（+$12）雖然冇一粒粒嘅粟米，但飲落就會感受到由粟米蓉打成嘅湯，粟米味道非常濃郁，唔會好鹹，仲有粟米嘅甜味，係落雨嘅季節或者冬天飲暖心嘅湯會覺得好舒服😚2️⃣椎茸意大利飯（$78）菇嘅份量足夠，而表面嘅菇有烤過，所以味道好香濃。另外意大利飯用菇嘅汁熬製，非常好食🥹再加上蔬菜粒，口感十足都足夠， $78喺Cafe 算係超值。3️⃣虎蝦紅咖喱意粉（$108）味道偏辣，但紅咖喱相對上偏甜嘅咖喱～虎蝦有煎香過，仲有蝦膏，算大隻，但只有三隻，建議有四隻嘅話兩個人share就夠分😆而意粉嘅軟硬度適中，份量唔夠意大利飯多，但都夠食。📍總結：📌好欣賞隻碟都好有質感，唔同碟有佢自己texture！唔係平時圓同滑嘅碟🤣📌係間會回頭嘅餐廳👍🏻👍🏻…Read More

本人一直都喜歡食民族風嘅食物，但呢間尼泊爾餐廳可能真係太地道，香料味甚重，同行嘅朋友都唔太接受到，所以試嘅時候要有心理準備。📍總結：📌朋友最能接受嘅尼泊爾菜式係momo，但注意都係重香料味的～好欣賞佢煎同蒸可以一半一半，兩隻口味都可以試吓。但個人覺得煎係好味過蒸嘅😂📌而最受大家喜歡係墨西哥燒雞，因為係鐵板上所以好香，其次係啲醬各有特色，點薄餅食都有唔同嘅口味。📌比較失望係香料醬酥炸球，食過堅尼地城嗰間同深水埗嗰間，佢哋嘅酥炸球都比較足料，而且個sauce都比較容易入口😬📌而警世嘅菜式係尼泊爾炒米通，有啲米通，媽咪麵，洋蔥同青瓜，配料較簡單都唔緊要，但味道係Wasabi味🫠食落唔太夾…📌飲品方面都唔太推介，試咗包括多推介嘅welcome to the Jungle，酒精味太濃，唔太啱我哋飲。其他Cocktail都同樣比較酒精味重， 價錢就唔太值啦🥲Smoothies 就正常發揮。…Read More

唔講唔知太子依間牧羊少年係本店，裏面裝飾佈置非常有感覺，喺夜晚食真係覺得好chill好relax，食物質素都很不錯喔！1️⃣照燒汁煎乾蒜美國牛柳粒($88)到枱時好香！小食份量嚟講都夠多，而且味道唔會好鹹，空口食都好ok! 牛柳粒有肉汁又唔韌，會推介👍🏻2️⃣香煎鳳尾蝦香草檸檬意大利粉($118)係道好清新嘅主菜🙌🏻🙌🏻食落雖然creamy但又有香草檸檬好fresh口味去中和，所以食多少少都唔會好膩🫶🏾而蝦都一貫爽口，值得一試🙆🏽‍♀️3️⃣炙燒荷蘭汁豬肉排($88)呢道對我而言係必食～但如果兩個女仔食就唔建議啦🤣一男一女都勉強啦，因為份量真係好多！！而必食係因為好少食到咁嫩口嘅豬排👍🏻👍🏻而且個汁好特別，似芝士但又唔完全係，總之人多嚟食就必選啦🫶🏾🫶🏾4️⃣卡魯哇咖啡酒提拉米蘇($68)之前喺k11食過但覺得個cream唔夠滑，但呢間又okay喔～但同樣都係唔太酒味同手指餅太少😬😬📍總結：📌好喜歡餐廳嘅氛圍～約會同談心都相當有feel🙌🏻📌食物質素有保證👍🏻…Read More

因為屋企人唔食得多嘢，又想食自助餐過下口癮，城景就幾啱啦👍🏻價錢平民，款式唔係話好多但咩都有啲～以下總結小小：-海鮮方面有青口、蝦、墨魚仔，青口一般但蝦幾爽但彈牙，墨魚仔會encore-刺身有三文魚、吞拿魚、鯛魚（？）同鮑片，刺生味道較淡，鯛魚仲有啲根😕，不過都本住宗旨：過下口癮-熟食方面最impress係有羊髀，但沒有牛扒～-仲有燴海鮮、魚扒比較得我心，屋企人鍾意食咖哩牛脷，都幾淋👍🏻👍🏻-中菜我就最喜歡魚肚🫶🏾但切成咗好多細粒😂比較難淨係夾佢-甜品款式都相對多～喜歡焦糖燉蛋同桂花十勝紅豆糕🙌🏻-雪糕是movenpick , 有5隻味喔！還可以加薄薄的cone,食起嚟脆口同雪糕好夾😚$268免加一嚟講都真係唔差了，如果親朋戚友滿60歲仲可以減$20！…Read More

食過good day bad day嘅人都知道食物質素好高🫶🏾最啱一大班人嚟食可以嗌多幾款嘢試下😚1️⃣又係黑松露比薩…好悶呀（$118）重黑松露味，批邊薄薄地好脆口👍🏻正正的，每人食1-2塊都唔太飽可以試埋其他菜式😌2️⃣超級污糟大大條魷魚墨汁扁麵（$158）好喜歡這個！因為真係大大條魷魚🦑燒得好香又啖啖肉，成班friend食都夠分🤤另外炸過嘅魷魚鬚勁惹味！而墨汁扁麵調味啱啱好，簡直係一次過有三種享受🤤3️⃣有蟹Go又有蟹肉的蟹蟹蟹意大利扁麵（$145）食過兩次嘅我都想再encore😍麵本身都好好食，亦有唔少蟹肉，肉眼睇到有一舊舊，而蟹棒都算有肉～鍾意食蟹嘅朋友唔好錯過👍🏻👍🏻📍總結：-試過星期日夜晚去食排隊要排個幾兩個鐘，相反星期日中午，無論有冇book位現場都有吉位剩，建議想試嘅朋友可以喺中午試🙌🏻…Read More

喜歡藍色的人必定唔可以錯過嘅餐廳💙完全係為打卡而設，撞啱當日有商業攝影，侍應會提醒客人儘快影相先。可惜我book咗最早12點諗住可以坐卡位，侍應話會有晏啲有人嚟影相，但我坐到1:30都未見有人嚟影…1️⃣鮮蝦慕絲手工雲吞•蕃茄忌廉汁（$128）出於好奇試咗個雲吞，男朋友話個汁有龍蝦味😂就都幾好食，有7隻雲吞，皮包住啲蝦膠而已，當然就唔係幾飽肚啦🫠2️⃣紐西蘭頂級西冷-6安士（$188）Lunch食個扒嚟講，呢個都一樣唔夠飽🫠另外呢個扒嘅切法好特別，會切埋層皮，打直切咁。味道方面就無話特別好食，反而薯菜個味就更出色。7成熟口感ok，唯獨個皮就韌啲。3️⃣餐湯（跟餐送）個湯就真係唔差，蕃茄味濃，偏少少酸但算好飲嘅。4️⃣溫室蛋 •胡麻嫩雞絲沙律（跟餐送）沙律好豐富，雞絲真係嫩，撈埋溫室蛋係好食嘅👍🏻📍總結：-係有啲唔開心，侍應可能比較新，唔記得問我哋餐飲飲咩嘢🥺因為好快收返餐牌，我哋又睇唔返有冇餐飲送，結果就食完飯都無嘢飲😮‍💨到食完飯出咗門口睇返先知原來有嘢飲😵‍💫-較資深嘅侍應主動幫客人合照👍🏻覺得好warm-真係唔好預食得飽🥹真係為打卡先好嚟…Read More

觀塘出名多嘢食，今次因為呢間Cafe有貓貓，所以吸引咗上去🐱炸蝦便當($48)炸蝦係即炸嘅～食落熱烘烘又夠脆，好評👍🏻而滷蛋入味，但得半粒唔夠喉🫠滷肉飯嘅肉偏瘦，適合唔食肥肉嘅人，切得大粒，啖啖肉。整體都好唔錯🙆🏽‍♀️意式牛肋條配蕃茄洋蔥湯蒟蒻烏冬（$98）+$5餐飲蕃茄洋蔥湯味道較淡🥲而蒟蒻烏冬係用蒟蒻「唧」成一條條嘅烏冬樣，口感爽口彈牙，幾清新。牛肋條比較韌，可以煮淋啲😅不過啲汁就幾夠味，適合配埋烏冬食。鹽酥大雞髀配薯條（$68）+$5餐飲雞髀都算大隻，外皮鬆脆，內裡都保留到雞肉肉汁，好係好食，值得推介👍🏻另外薯條夠粗，亦都係啱啱炸出嚟好脆，但可能因為健康而冇落好多鹽，味道比較寡，需要點茄汁。📍總結：-除咗便當嘅餐飲係奉送之外，其他餐嘅餐飲要加錢🥲本來我都冇諗住嗌，但一個妹妹（真係小妹妹）幫手落單嘅時候，連小食個餐都問我飲啲咩，冇為意就嗌多杯😮‍💨佢又冇話要加錢🥲本來兩個人兩個餐，嗌兩杯就OK，但因為以為小食都送埋餐飲（心諗都幾好），嗌多杯之後原來要加錢，講得有啲唔清楚。-食物方面炸物就最出色～-menu 寫6點後要加一，但無寫星期六日都要，到俾錢嘅時候，店員先話門口有張紙貼住咗要加一😵‍💫又係一個我冇為意就中咗嘅伏，唔係話唔想俾，但menu上寫得清楚會好啲。-唔記得講隻貓貓，原來係困住咗嘅，只可以喺玻璃度睇，冇得玩。…Read More

去到何文田有唔少嘢食，但今次到想試吓呢間平民嘅日本餐廳🤣雖然外表其貌不揚，但裏面嘅質素對得起個價錢有餘🫶🏾1️⃣香蔥海膽拖羅茸丼飯（$130）呢個價錢仲有湯有前菜有嘢飲，分量方面，有一大舊拖羅茸，海膽都唔少🙌🏻食落去海膽都有鮮甜味，雖然唔係咩高級嘢，但都唔會苦同腥👍🏻拖羅茸都唔錯，發揮同出面嘅日本餐廳一樣🤤2️⃣蒲燒鰻魚定食（$75）鰻魚夠多，而且燒得好味😋而且個汁好適合送飯😍雞蛋絲亦好好味🙌🏻🙌🏻📍總結：-日式小店嚟講發揮中上，價錢合理，款式又多，推介大家來一試。…Read More

因為一心一意嚟打卡同坐下，對佢嘅食物其實冇乜期望🤪🤪提醒大家而家嘅人均最低消費已經到$80 ，請計一計自己嗌夠數未😂🫶🏾環境：因為嚟打卡，環境梗係重要過食物😝環境設計得非常之靚，非常有日式嘅感覺，好似去咗京都嘅Cafe咁。注意唔係每一個地方都可以坐喺度食嘢，但每一個地方都可以打卡影相📸最喜歡係打卡嘅樓梯，原來仲可以上閣樓，有種探秘嘅感覺。另一個喜歡打卡嘅地方係一個小窗，非常有feel🥰十分推介想嚟影相嘅大家。1️⃣Miranda Tart ($58)呢個榛子撻非常似金莎嘅味道，如果鍾意食朱古力嘅人應該都幾鍾意，如果唔係就會覺得佢甜同埋好膩。2️⃣Caramel tart ($58)焦糖撻有啲驚喜，佢係比較淋身，甜度唔算好甜，味道有啲驚喜，所以會想推介俾大家食Caramel tart!3️⃣ice milktea bottle ($46)正常發揮嘅奶茶，因為唔飲咖啡，所以冇咩飲品嘅選擇。打卡嚟講呢個樽都可以做到道具🤣📍總結：-都是個消閑好地方～不過記得先喺IG預約～-menu 上唔係所有tart都齊，個人想試下lemon tart🥲-而家已經可以食一個鐘或以上，可以慢慢打卡了…Read More

想食烏冬嘅話，嚟大門橫丁就有好多選擇👍🏻第一次嚟食，真係花多眼亂😵‍💫🤣1️⃣胡麻軟殼蟹沙律手打烏冬（$88）夏日炎炎好適合食冷盤！所以就揀咗呢個胡麻醬撈沙律烏冬食，胡麻醬係分開上嘅，唔怕太多或太少醬👍🏻軟殼蟹都算好多，而且夠脆，啲醬分開上就唔驚將佢整淋。沙律有蟹籽同青瓜，撈埋一齊食口感十足。手打烏冬非常彈牙，可以滿足鍾意食烏冬嘅人🙌🏻2️⃣豬骨湯極上牛肉手打島冬（$84）呢個湯烏冬可以自己揀湯底，有魚介豬骨湯、豬骨湯、蕃茄湯等等。由於呢個極上牛肉湯烏冬實在太多牛，湯底嘅牛肉味多於豬骨湯味🤣🤣所以有少少對湯有失望。不過正如上述所講有好多牛肉，食得好滿足，烏冬一樣彈牙👍🏻👍🏻配料亦都有半隻糖心蛋，做到基本發揮。另外想讚一讚配料嘅四季豆都非常新鮮，冇渣，配合粟米粒一齊食，非常有口感。📍總結：-會再次嚟食，因為佢嘅手打烏冬真係冇得彈🥰另外亦有非常多嘅烏冬選擇，下次嚟會想試芝士烏冬同撈烏冬。…Read More

呢間cafe由開張至今已成為赤柱必到嘅地方之一！即使唔入去食嘢，都會喺門口打個卡😍因為真係好糖果色好少女心嘅cafe呀💕1️⃣SIGNATURE CROISSANT BOMBOLONI （$45）正正因為signature就試下啦～佢好似蝸牛殼嘅外形但其實係牛角包嘅享受～一層一層撕開就會食到吉士醬嘅內心🥰吉士醬唔算甜，不過橙味都唔太濃🤔但凍凍地嘅醬加埋一層一層嘅酥皮食就好滿足啦☺️2️⃣MARITOZI STRAWBERRY（$58）這個是因為外形吸引了我，好像有滿滿嘅士多啤梨cream加三粒士多啤梨～啱晒cafe嘅少女心設計😆但入口就頗失望🥲首先strawberry jam cream就是cream，感覺太似忌廉賓🫠而士多啤梨就係得三片🥺再者，麵包唔夠鬆軟，忌廉賓好似仲口感好啲…就是不會推薦～～📍總結：-雖然對食物有點失望，但下次還會來到訪，因為裝修太靚💕-每個位置都好適合打卡呀～希望下次又有其他烘焙種類啦～…Read More

是第二次到訪，今晚好好彩walk in 等5分鐘就可以坐土耳其地氈🥰問過店員，地氈係唔可以預先預約嘅，只有walk in😶‍🌫️而時限係兩小時，所以如果想坐到就要睇運氣啦🫶🏾不過第二次去冇第一次咁多人等位，可能熱潮有少少減退，想坐地氈都未必咁難🤪1️⃣TURKISH BREAKFAST 土耳其早餐。附士耳其茶（$148）3 types of Turkish cheese | Turkish jam | acuka | honey & Turkish cream |Turkish Simit egg with Turkish sausage cherry tomato cucumber Turkish tea最喜歡土耳其早餐嘅嘢係呢啲碟色彩繽紛🤩睇到已經覺得好靚，打卡真係一流。而食物方便都係比較獨特，就好似佢嘅包其實就有啲似我哋嘅炸煎堆，但點四種唔同嘅醬就有四種唔同嘅享受🙌🏻🙌🏻而佢三種芝士就一種先係鹹嘅，就係午餐肉樣嗰塊🤣其他芝士可以當小零食食😆有淡淡嘅芝士味，但一啲都唔鹹～至於土耳其茶有少少似香料茶～而我最鍾意係蜜糖棒，一到攪一到溶真係好治癒🌼用晒成支棒係有啲甜，記得趁佢熱嘅時候放枝棒入去自己調校個甜味。2️⃣SriLankan Annasi Thel Dala With Shrimp Serve With Biryani斯里蘭卡辣炒菠蘿大蝦配長米飯（$138）pineapple shrimp chilies onion curry leaves biryani啲大蝦好大隻，夠爽～而長米飯就似印度米都，好長形嘅。辣度適中，有好多菠蘿，而菠蘿較甜，亦都吸曬啲辣味，所以撈飯食都好惹味。但唔係好知個飯同斯里蘭卡嘅關係🤣我諗都係用嗰邊嘅香料整成個sauce~📍總結：-真係真係好適合打卡，因為餐廳設計好靚，而且用具全部都好有民族色彩💕-推介鍾意旅行同睇書嘅人，因為餐廳有書借來睇，書嘅種類多數同去一啲少數民族地方旅行相關，我都睇到樂而忘返🫶🏾…Read More

閒日到赤柱逛逛真係好有旅行度假feel🌻特地揀咗呢間可以望住海景食飯嘅餐廳。🐝相信大家嚟過赤柱都見過呢幢黃色建築物，其實就係Beesy Bay呢間海景餐廳🍴🐝Beesy Bay有三層，我揀咗坐3樓嘅露台，雖然冇冷氣，但夏日炎炎底下比我想像中涼好多🥰因為有海風吹埋嚟，一啲都唔覺得熱，仲可以聽住海浪聲食飯😚1️⃣Egg Benedict 🐝首先個egg Benedict 真係整得好正！切落去嗰下蛋黃流心好治癒😍加上english muffin軟硬適中，口感煙韌，配合埋牛油果+三文魚真係好正(配料choose any two: ham, avocado, spinach, mushrooms, salmon)牛油果熟嘅程度都係啱啱好，而且個牛油果好明顯好夠大個🥹三文魚亦都俾好多！鹹度也是剛好😋🐝薯餅好夠脆而且唔鹹，空口食亦好合適🙌🏻2️⃣炭燒西冷扒配田園沙律和薯條（配餐湯/沙律+餐飲+甜品）🐝好想稱讚一下！因為我揀咗餐湯，侍應見我哋兩個人主動問我哋使唔使split開，之後分開咗兩碗上俾我哋！好細心嘅舉動👍🏻🐝西冷牛扒上枱時覺得好厚身，薯條都好大份！而入口時略棄個炭燒味太重😅似燶味～不過牛扒汁都幫到少少😆但非常欣賞medium well都好淋而且做到啖啖肉👍🏻邊邊位仲燒得脆脆地，好正🙌🏻🐝跟餐有個小甜品，類似lemon tart的～📍總結：-有呢個海景嚟講價錢真係唔貴，而且服務態度好好🙌🏻-無諗過三十幾度坐露台都唔曬唔熱😍推薦想chill的人…Read More

經常經過coffee break但都無大衝動入去食，剛好遇上Ian生日月見餐廳佈置得靚靚～所以去試一下💕1️⃣酥炸雞球蕃茄意大利飯雞球好食🤩雖然話係酥炸，但比較似韓式炸雞球，雖然好熱氣，但因為唔似韓式炸雞咁大舊，所以感覺唔太邪惡🤪蕃茄意大利飯味道同樣正🙌🏻唔會好濃味，但蕃茄味配合得剛好。而意大利飯質地唔太硬，但保留到意大利飯嘅感覺，好食👍🏻👍🏻2️⃣菠菜三文魚忌廉意粉好喜歡意粉嘅質地🥰好有口感之餘又唔會好硬，同菠菜三文魚嘅質地相映成趣。另外忌廉份量落得好好，唔好食到好濟好膩😋😋。而菠菜三文魚呢個配搭本身都好鍾意，三文魚嘅少少鹹味加菠菜嘅清新，真係想再encore🤤3️⃣黑松露薯條薯條真係幾大份！而黑松露係落咗去沙律醬度，都有黑松露味，但沙律醬味道偏濃，有少少蓋過咗黑松露味。4️⃣cake set ($69加一）因應Ian生日而有呢個cake set，揀咗一杯朱古力同藍莓芝士蛋糕～朱古力好飲，濃度足夠，而且唔會好甜，最鍾意上面灑有樹熊同生日日期嘅圖案😆。芝士蛋糕正常發揮，都係因為Ian生日而應節🤣📍總結：-Dinner set幾抵，加$18有餐湯/沙律+飲品，餐湯都係高質嘅，但沙律就正常發揮。-因為食物高質，而且係冇滿座嘅情況下可以任坐，所以同朋友聚會真係好好嘅選擇。-留意到餐廳有boardgame可以借，配套都唔錯🤣…Read More