Puresoul's Profile

第一次幫襯，原本被餐牌上既可麗餅吸引但原來今日冇可麗餅。叫左芝士茄醬蘑菇多士配沙律菜，菠蘿素火腿咖喱炒飯，鮮榨蘋果汁，檸檬撻。多士焗得好脆，脆得黎又唔係好乾，當聽到用刀切開份多士時發出既聲音已經係一種享受。菠蘿素火腿咖喱炒飯有少少辣，入面有荳角，紅蘿蔔，蛋，醃蘿蔔，面頭仲有芫荽!(我是芫荽黨員)好欣賞佢有咁多種食材在一份食物中，令味道同口感都好豐富。而且多士同炒飯呢兩款食物都係非常好味。下次黎南Y島都會再幫襯。…Read More

點左Fish Kebab同Four seasons pizza。食Kebab時，店員介紹正確食法係用手拎住食，又主動比多啲紙巾我包住條烤卷。呢度烤卷塊皮食落係有陣特別既香烤味，我好鍾意。Pizza 白色乳酪上面淋左泰式甜辣醬! 呢個組合好新穎。熱奶茶有濃郁香料味，又係我好鍾意。…Read More

Book左枱晚市，6人，原本想食蒸汽鍋，但原來要向餐廳預早訂，我地冇訂，結果食火鍋。火鍋料好新鮮，當中最出色有3樣：1)珊瑚蚌好爽好新鮮。2)頂級安格斯小牛排口感好好，滾得耐左都唔韌。3)響鈴係新鮮炸出黎，又熱又脆口，我地全枱人都點醬食，唔捨得放落火鍋。…Read More

星期四晚同朋友慶生，第一次光顧此分店。沒有訂位，但由於食客不多，都可即時入座。嗌左個豬肚湯底，清清地又幾好味。油麥菜，娃娃菜等蔬菜都新鮮。最欣賞係墨魚丸，口感味道都很好。男友話小肥牛既響鈴唔放落火煱，即食都好味，亦唔會食到油益味。我即管試下咁食響鈴，唔差，但唔覺佢講得咁好食。食到9點半，全店都冇十枱客，就係因為咁，店員可以好週到咁服侍我地。同枱幾位朋友都很滿意這分店的食物。最後唔知食左幾錢，因為男友請。…Read More