Pompom Foodie's Profile

韓式炒粉絲 （有得簡牛定豬） 我簡左牛肉野菜韓式炒粉絲，呢碟炒粉絲有牛肉同埋多款野菜，炒得香噴噴，粉絲吸收咗好多味道，牛肉嫩滑，口感一流。鰻魚蛋蓋飯 🐟 半條鰻魚搭配炒蛋，佢唔似平時既日式蛋蓋飯，口味簡單但又好滋味，鰻魚用左好少同蛋嘅香味真係無敵！芝士蟹籽蛋卷 🍳味道豐富，蟹籽嘅鹹香味同芝士嘅濃郁感，搭得好好。甜辣醬炒八爪魚 🐙甜辣醬炒八爪魚就係另一番風味，八爪魚煮得剛好，口感彈牙，甜辣醬又唔會太 overpower，恰到好處，令人一口接一口。黑糖珍珠奶茶 🧋手打檸檬茶 🥤飲品方面，黑糖珍珠奶茶好香滑，珍珠又Q彈，略嫌黑糖味不夠手打檸檬茶就酸酸甜甜，特別解渴，兩杯都好大杯，真係超值！…Read More

今日同朋友係尖沙咀嗰頭，試咗個雙人套餐，有個勁出色嘅主食！一定要分享俾大家。首先有暖笠笠嘅餐湯同麵包去暖下胃。佢嘅餐湯係勁濃郁嘅南瓜湯，完全feel到真材實料。跟住個主食配嘅烤波多貝羅蘑菇都好有驚喜，菇味超濃郁，上面鋪滿鮮甜嘅蟹肉，一啖食落去個口感勁滿足。主菜先係戲肉！我哋將個烤乳豬升級做半隻，呢個決定太正確啦！塊皮燒到卜卜脆，肉質又嫩滑。食落仲要好有豬味。另一道松露千層面，都唔輸蝕，松露香氣撲鼻，夾埋蘑菇同茄子，層次好豐富。如果鍾意食蘑菇嘅朋友一定要試吓。…Read More

今日同朋友喺元朗食中午，見到一間好日式風格嘅舖頭，我地就叫左啲日式定食去試下。首先我地叫左個-和牛漢堡扒定食，塊漢堡扒超厚身，肉汁又豐富同埋和牛味勁濃。配埋甜甜地嘅日式咖哩🍛，撈飯一流！最得意係個「貓飯」，簡單嘅木魚絲加豉油。食落勁特別。仲要配咗個炸芝士，食落勁香濃。另一叫左個-蒲燒鰻魚定食，都好有驚喜！鰻魚燒得焦香，醬汁甜度適中。最正係可以食勁日式嘅「茶漬飯」。最後叫左個大大粒嘅章魚小丸子，佢同我日本食過嘅口感勁似。加埋勁多嘅紫菜同木魚絲，食落勁滿足。…Read More

在紅磡有間貴洲米線，嘗試了貴州筍尖肥腸涼麵。這道涼麵香辣可口，雖然我本想嘗試涼皮，但店內已經售罄。涼麵的筍味濃郁，若能接受這種風味，可以一試。另一道小食涼拌豬耳則給人驚喜，口感脆彈，加上小小辣，十分惹味。香辣魚片米線同樣不容錯過，味道酸辣適中，微辣的口感讓人食欲大開。這裡的魚片非常新鮮，完全是無骨而且彈牙，搭配米線的滑順，形成絕妙的口感對比。整體來說，這家店的菜品口味獨特，無論是主菜還是小食，都展現了貴州料理的精髓。平均價格也不貴。…Read More

今次係尖沙咀食左間，超高質嘅日本料理。由頭盤到壽司都非常咁出色。一開場就有隻大山縣生蠔，已經夠晒新鮮，仲要喺上面加上柚子檸檬汁，鮮味係口入邊爆曬出嚟。三文魚籽北海道海膽杯，依個真係不得了，海膽鮮甜勁creamy, 三文魚籽喺口中爆開，最特別係加咗柚子皮，口感即刻清新晒！之後刺身方面，最令我深刻嘅係燒黑鯥魚，魚油勁豐富，入口即溶，超香口！我最期待嘅壽司環節，更加係估唔到嘅驚喜。銀鱈魚壽司配上黑松露醬，估唔到咁夾。個香味勁濃烈中拖羅壽司嘅油脂甘香就更唔使講，入口即化！而成場令我最深刻嘅就係海膽壽司，輕輕灑上淡雪鹽，將海膽嘅鮮甜味提升到極致，完美作結！…Read More

今日同屋企人去食飯，見到一間又有雞煲又有烤魚嘅餐廳，仲要呢排有優惠四人同行一人免費。我哋就嗌咗烤巴沙魚，胡椒豬肚雞煲。再加啲小食。烤巴沙魚，除咗勁大條魚，佢仲有勁多配料，佢個酸菜湯底入晒味將啲食材。胡椒豬肚雞煲，個湯勁暖胃，胡椒嘅辣令到啲雞更加惹味。食完啲雞煲仲可以係出邊拎啲任食嘅材料。可以將胡椒豬肚浸香味繼續帶落去。麻辣肥腸-呢個餸係我有私心叫嘅，作為一個肥腸愛好者，覺得呢個麻辣肥腸完全合格,唔會有豬臊味亦都好爽口。蒜泥白肉-大大塊嘅白肉，配上勁香濃嘅蒜泥。大大啖勁滿足。 依個價錢，依個質素真係超級抵！！…Read More

今日同朋友去咗尖沙咀食一間西式餐廳。如果鍾意食牛嘅朋友應該會好鍾意食呢間。牛肉他他- 頭盤先嚟一個我最愛嘅牛肉他他加焗薯，牛肉新鮮嫩滑，一啲都唔會有腥味，加埋個焗薯口感勁特別。西冷牛扒- 大大塊嘅西冷牛扒，配埋佢特製嘅紅酒醬汁，又唔會太韌，肉味濃郁亦同個紅酒醬亦都非常之夾。M4和牛-和牛嘅油花真係無得輸，入口即溶嘅感覺太幸福了蕃茄闊麵牛腩肉- 最估唔到我嘅，反而係呢一個闊麵，每一條闊麵都好有酸甜嘅蕃茄醬汁味，牛腩燜得超軟熟。…Read More

今日同朋友係尖沙咀食咗一間高質法式餐廳。法國田螺- 田螺肉彈牙，好吃到停不下來！仲要佢有個香草蒜味牛油汁，蒜蓉牛油香噴噴。煎鴨肝油封鴨腿意粉 - 外脆內嫩的鴨肝入口即化，油封鴨腿軟嫩入味，配上彈牙意粉，口感豐富！依個係我食過最滿意嘅意粉之一，無論係個食材定係煮法都非常之一流。澳洲和牛牛脊肉 - 鮮嫩多汁入口即化，加埋佢個鵝肝白蘭地醬汁，牛肉的鮮甜在口中爆發。我叫咗五成熟覺得啱啱好。最後仲有個法式泡芙甜品做尾，酥脆朱古力外皮包裹香甜奶油雪糕，幸福感滿滿！🥰 …Read More

今日去咗西九龍food court，1眾多美食入邊，我揀咗呢間有Pizza有韓式嘢食嘅舖頭。🍕 千島海鮮Pizza- 呢個Pizza真係好啱同朋友開心Share！餅底勁脆，上面鋪滿咗鮮甜嘅海鮮，加上甜甜哋嘅千島醬，簡直係Perfect Match！ 唔會太heavy，食完一塊又想食多塊！鍾意海鮮嘅朋友仔千祈唔好錯過呀！🌶️ 辣炒年糕公仔麵- 想食啲惹味嘢？呢個辣炒年糕公仔麵就啱晒你啦！煙韌嘅年糕加上彈牙嘅公仔麵，撈埋香辣嘅醬汁，真係超級惹味！辣度適中，但唔食得辣嘅朋友可以叫唔辣試吓。🇰🇷 焗韓式醬烤牛肉紫菜飯- 呢個焗飯真係好有驚喜！係咁多樣入邊我最鍾意食嘅。飯粒又夠乾身，紫菜令到個口感更加豐富，牛肉加埋韓式醬好惹味。…Read More

這家沾面愛好者必試，味道超濃鬱。🥘海膽沾麵：入口充滿濃厚的海膽味，海膽汁十分濃鬱，喜歡海膽的人絕對不容錯過。🍲正宗全料東京撈麵：麵條加了獨家醬會略帶小辣，整碗麵料豐富，配有糖心蛋、紫菜、叉燒以及流心蛋等配料。🍹日本水果冰茶：我非常喜歡這家店的飲品，種類繁多，既美味又好看。冰茶搭配沾麵，飲用時清涼可口，十分搭配。🍵🍦抹茶雪糕抹茶拿鐵：我喜歡這個飲品，因為可以吃到雪糕，茶味恰到好處，不會過於苦澀，是我喜歡的茶度。…Read More

今日收工同朋友去左觀塘一間日式居酒屋。見到佢有串燒又刺身就決定試下，最後叫左個set黎食。䐁肉沙律：一開始就有一個豚肉沙律，佢個豚肉好軟熟，豚肉嘅口感，令到成個沙律豐富咗好多。刺身： 再黎就上四款刺身，油甘魚，赤蝦，三文魚同醬油鲍。每一樣都係厚切，可以大大啖咁食。 特別鍾意佢個赤蝦，好鮮甜爽口。海之幸海擔卷：食完刺身，個口充滿油脂嘅時候再食返一個海膽卷。有啲飯中和一下，再加上好Creamy嘅海膽。真係忍唔住食完一嚿又嚿。牛舌串，免洽雞串： 食完刺身海鮮類就食串燒類，佢個牛舌勁厚身又大塊，加上小小嘅海鹽調一調味，爽口得來又有牛嘅香味。A4和牛薄燒：成晚我最鍾意食嘅就係呢樣A4和牛，和牛再包住蔬菜葉，和牛嘅油脂再俾菜葉中和，加上和牛鬆軟口味真係冇得頂。…Read More

今次試咗滷水鵝肉飯，真係好正！鵝肉切得啱啱好，唔油膩，滷水味道入得好透，食落去有種香味。飯粒鬆軟，吸咗鵝肉嘅味，個底仲有啲椰菜，真係一流。沙薑雞飯 雞肉嫩滑同入味，沙薑醬汁多得嚟唔會太鹹，正正好味。飯底有啲雞汁，食落去好有滋味，每個飯仲有酸菜同調味料，特別推介有個辣椒醬，加埋落去相當惹味！仲送老火湯，好足料，追加左菜$102盒飯都夠3個人食，超飽肚同豐富！服務都幾好，雖然好多人排隊等外賣，但都好快就拎到！…Read More

魚肉春卷米線 麻辣 小辣 ($42)走青米線口感滑順，魚肉春卷外酥內嫩，麻辣的調味好鍾意小辣唔算辣，加左豬頸肉 ($18)，豬頸肉質嫩滑。小窩紅薯粉 ($38)紅薯粉特別Q彈，墨魚頭爽口彈牙，紫菜和螺旋草本身諗住拎黎吸湯，唔記得左外賣太耐會發脹，吸晒d湯，紫菜同經薯粉同螺旋草會痴埋晒一齊，d紫菜入晒味🤣 小香腸 ($33)小香腸的香氣濃郁，每一口都充滿台灣風味炸春卷 ($26)炸春卷外皮酥脆，係用網紋皮，餡有芋頭豬肉菇等，搭配泰式辣醬更加美味。…Read More

平日120分鐘晚市$384 就食到咁多美食，超過100款新鮮食材！同飲品，大滿足！🥘 有8款特色湯底可簡，我簡左冬蔭功湯底，好濃又唔會好辣，酸酸辣辣好正，呢到係一人一鍋，每個人都可以食番自己想要既湯底，又衛生～澳洲200日穀飼牛、肉質好鮮嫩，油花分佈均勻，點埋醬食一流。芫茜和牛串、露筍和牛串、金菇和牛串 呢3串 超香，用和牛配埋蔬菜可以減低油膩感，可以簡番自己鍾意既蔬菜去點。油揚午餐肉串🤣 會包住個午餐肉好特別。仲有好多台式小食，大家都可以試。麵食方面試左韓•酸辣拌麵，酸辣味道好開胃，麵條彈牙，夏天食岩晒。特飲試左TOPPOT滿滿桃膠牛乳，超濃既牛乳😍 好補，衝住桃膠去叫🤣鍾意飲啤酒既仲有黒|白神泡生啤簡。其實仲有好多手沖台式特飲，同平時出面得罐裝好唔同🤣多選擇好多～ 值回票價！…Read More

今日真係大滿足，食左個戰斧扒嘅set 仲食埋3種唔同種類嘅生蠔。一開始就食左3種唔同國家嘅生蠔，每隻都有佢嘅特色，例如有啲食物係會有奶香味，有啲會蠔味重啲。再嚟就係前菜，一濃濃嘅黑松露忌廉湯同煙三文魚火箭菜，仲有個蒜蓉大蝦🍤。真係食前菜都已經好滿足。主菜黎到嘅時候，更加係見到嘩嘩聲。 勁勁勁大塊嘅戰斧牛扒。勁香嘅味道，切開勁濃嘅牛味，煮到啱啱好嘅五成熟，食落冇血腥味，亦都一啲都唔韌。每一啖都大大啖，想要調味嘅仲可以點吓佢唔同嘅醬汁。個人就最鍾意，本身配嘅黑椒汁。最後仲有一個冰火兩重奏嘅甜品，熱辣辣嘅鐵板上邊淋上朱古力同雪糕。非常特別好味嘅口感。食完真係飽到捧住個肚走。…Read More