Mochim's Profile

經過鋪頭比佢個鎮店之寶大魷魚吸引，買左個辣粉既炸魷魚黎食下，點知期望愈大失望愈大，啱啱炸完出嚟個樣仲呃得下人，一咬落去成口都係油，舊魷魚嘅炸粉仲多過魷魚本人，而且食落係完全冇任何鹹或者香既味道，剩係得辣粉味，30幾蚊嚟講可以話係完全唔抵👎🏻，難食到咬咗兩啖就忍唔住掉左，油到成個人都唔舒服要扣喉嘔番出黎，完全唔明點解普通炸物都可以整得咁難食，建議大家去旺中千祈唔好係呢間度買，完全有大把差唔多價錢更加好食嘅嘢…Read More

叫左個廣島蠔雜菌意大利飯，個飯黎到係未煮熟的，咬落去係粉狀半生咁，會碎開一粒粒個種， 明白意大利飯係會有咬口啲，但我諗未至於會去到比生米我食，個蠔食落冇overcook既，但味道係腥臭，感覺好似唔太新鮮，整體個飯都冇乜味道，一大堆野炒埋一碟但完全各有各味又冇提升到個味道，似食緊個唔好食既健康餐，以120蚊黎講真係唔太推薦大家食，性價比勁低，以同樣價錢相信係附近可以有更好選擇。至於個咖啡，正常味道不過不失咁，冇乜特別。…Read More

喺附近買完嘢求其入咗呢間茶餐廳度食，見佢舊舊地以為係老字好，結果食完就知佢純粹只係冇乜裝修嘅舊茶餐廳😅首先講衛生情況，一坐低侍應會擺低一杯茶同插住啲餐具，唔認真睇都冇乜野，睇真啲就會發現杯茶勁多油同勁多一粒粒唔知乜野浮係面，啲叉中間既罅有啲疑似係食物殘渣既野癡住。啲野食黎到一拎起隻刀叉，個刀柄同叉柄完全係黐粒粒咁🤮勁嘔心，用濕紙巾抹咗幾次先繼續用。到野食質素，啲野食可以話係我食過最差既茶餐廳🤮我叫左個西多士加紅豆冰，諗住呢個組合通常都唔會中伏。點知個紅豆冰一嚟到，飲咗啖，杯野勁大浸酸味，同個侍應講杯嘢有問題，佢乜都冇講就拎去倒咗，我叫到先換咗杯好立克比我，味道正常，但個杯一樣咁污糟。不過杯紅豆冰要加$4，所以佢後尾幫我轉返個價錢。到個西多士，個西多士炸完出嚟唔熱，勁油勁腍，似係食咗一嚿比油浸過嘅花生醬麵包🤢食落勁大浸油味。個frd叫咗個公仔麵，味道正常。總括而言，我個人唔太推薦呢間茶餐廳🤢嘢食味道難食啲餐具又勁污糟咁🤮 $42去食個大快活下午茶都冇咁嬲😅…Read More

餐廳環境係唔錯，有啲打卡位，啲位都坐得舒服，但燈光比較暗一啲黃燈一啲白燈咁😥有打卡位都好難影得靚🥲嘢食方面就真係要睇運氣😵‍💫上菜速度都算快👍🏻嗌咗個pizza算係最好食，嗰邊夠脆中間夠薄同埋味道都正正常常咁，同埋份量比較多，算係抵食😇 炸魷魚味道都ok，送到嚟都脆嘅，但唔係好熱，除咗呢兩個菜式其他都係災難咁😵‍💫👎🏻首先係個前菜，人哋啲沙律一般都係撈沙律醬或者柚子醋等等，佢個沙律落柚子蜜🤢浸味勁奇怪，仲要食到尾會有啲柚子皮浸苦味🤮總之成件事就係勁甜，甜得黎又有浸苦味！然後係佢個燒春雞，真係乾到cls🤮仲以為隻雞係沙漠行咗幾年先整比我食😵‍💫隻雞勁乾勁鞋一啲肉汁都冇，然後點雞嗰個汁又好鬼死鹹🤢 完全唔知食緊啲乜！隔離啲小菜又係佢嗰個柚子蜜沙律🤦🏻‍♀️個薯條都算係最好食，食到最尾都仲係脆嘅。仲諗住飲下嘢飲解解浸鹹味，嘩__!兩杯嘢飲都甜到cls，嗌咗少甜都好鬼甜，杯荔枝紅茶甜到緊糖水咁，兩杯最後都冇飲晒😓😓最後呢餐埋單$294🙁以呢個嘢食質素黎講真係唔係好抵，建議大家試下隔離幾間餐廳🤣🤣或者可以嚟食但係唔好叫燒春雞同沙律😂😂😂…Read More