lokyan2mcc的個人專頁

真係未食過一間餐廳可以服務態度咁差，仲要係打正台灣招牌，如果你問我我真係俾10個差。尋晚見男朋友day off，諗住搵下好西食。上次同朋友食過都ok，就諗住帶男朋友去食，點知惡夢就開始。六點入去得兩三台客，我哋就叫咗兩個鍋，一個鍋黎左之後另一個遲遲都未黎，我哋就問下一個男員工啦，點知個男員工睇完之後當件事冇去問廚房點解仲未有，我睇住佢行返去櫃檯繼續同其他同事吹水。我哋睇一睇張單原來係漏咗單，都唔緊要我哋直接行過去同佢地講，佢哋先知原來漏咗單，仲要一句sorry都冇，仲話係我哋冇叫到。果下我真係火都黎！本身得兩台客都可以漏單，我哋話俾佢同事知就當無件事繼續吹水，最尾要我地自己行過去問究竟發生乜嘢事咁耐都未有先知漏單。好！都算！第一個鍋等咗咁耐火都熄埋:(，我哋叫嗰個金色頭髮冬菇頭女同事幫我地點一點返個火，佢喺隔離應都唔應下，我男朋友以為佢聽唔到咁就再講多次啦，個冬菇頭竟然勁大聲語氣勁差咁講話: 先生！未有個膏我點幫你點呀！？嘩果下真係有史以來未見過一個餐廳員工可以差到咁！我哋兩個都呆左！好啦到食完我男朋友諗住投訴返佢哋啲態度同服務，走去櫃檯到問經理喺邊佢哋話唔喺度，我以前都做過呢行，我都知經理喺度都唔會講出嚟，我男朋友咁咪話唔緊要咁會打上網，佢哋竟然勁串話：唔介意你咪擺。點解可以明明自己漏單，我哋仲要話過一句，個冬菇頭員工就已經聲大夾惡咁話我地。呢間野真係再唔好影衰台灣呢個名，人哋台灣好多餐廳啲服務都好過呢度多多聲。呢間野以為自己紅同多人排隊就可以咁樣對啲客？我以後都唔會再黎，我亦都會呼籲身邊嘅朋友唔好嚟，亦希望大家唔使因為食餐飯而受氣！講真成百幾蚊一個鍋又唔係好食到值得去排隊，要食就去台灣食正宗既，尖沙咀又開咗其他類似嘅火鍋店，使唔使嚟呢度受氣？要去呢間食既真係考慮清楚係咪真係要貼錢買難受。…查看更多

沉日得閒去左搵大大撐枱腳，炮台山附近不嬲都多嘢食，呢間香港飯堂大大想試好耐，因為之前次次lunch Time都要排隊，所以都冇食到，今次等下試返我哋叫咗1個常餐a，1個經典常餐，價錢正正常常。但幾好有炸雞翼，通粉足料好食總括來講都幾抵食，有下次！…查看更多

搵大大食tea順便openrice下附近有咩好食，發現左呢間好似幾有特色既冰室，2點到岩岩去到已經有7,8個人排梗隊睇睇原來個個黎食tea，睇睇個牌tea又幾抵食🤔三十幾就有個飯！叫左個焗芝士茄牛飯，好多汁多料仲有呢d餐，都幾得意！…查看更多

次次黎親附近都要買碗佳佳既糖水食又或者坐底食，今次都唔例外。買左碗腐竹薏米糖水拎走。點知坐底滿心歡喜咁一開，竟然份量少左，重點係仲要少左好多薏米好稀好稀真心失望左。希望只係一時疏忽失準啦。…查看更多

成日喺北角搵嘢食周圍行，行行下發現左呢間買糕點嘅鋪頭，但係佢唔單止有糕點，仲會有薏仁水其他野賣今次又黎食斑蘭砵仔GO！真係好香斑蘭味，底仲有好多紅豆，好好食！成日都掛住！…查看更多

Weekend訓晏左成11點，醒起銀龍早餐好似去到11點半，所以就拉埋男朋友落去食叫左個經典早餐，跟火腿通。個包黎到仲暖既岩岩好個炒蛋炒得好令好金黃，幾出色，又夠大份有下次！…查看更多

有d野做咁岩經過佳佳，又好想食個腐竹薏米前糖水，所以就外賣左碗返屋企慢慢食加左3粒湯圓，有2粒芝麻，1粒花生，入面流流地心，正！薏米同以往一樣咁好咬口，仲好足料只係略有點太甜，如果少甜d更好！…查看更多

話說前幾日食完3多炸脾就喉嚨痛病左，呢幾日都要食得清淡d，所以呢幾日係咁loop一粥麵😂咁岩見北角新開左間就試下啦，雖然應該間間差不多😂🤔叫左個午餐，正正常常。想食炸兩好耐紅豆冰好多紅豆想讚下果到既員工唔錯，問要咩都好樂意幫你…查看更多

食完3多雞脾，熱氣指數爆哂標直攻喉嚨即刻想搵d清熱d既野過下冷河，轉個彎就見到b仔晏就又好似無咁多人排就食啦！同男朋友兩個等左陣就有位次次黎都必食雞翼尖尖！個汁依家好食！仲有雜果涼粉，我地要左鮮果，原來有罐頭同新鮮分。腸粉都算ok！一向地抵食！下次黎再食先…查看更多

自環島返黎後對台灣一直有情意結，周時都返去搵下朋友，或者去玩下食下近排睇雜誌話開左間賣肉焿既小店，就好想去試下！原來係黎自宜蘭門面好地道留意原來無得坐，要外帶。肉焿好入味，個底好似羹咁肉燥飯幾有特色，唔同一般肉燥飯既味道，仲有d豆乾，肉較肥。冬瓜茶有驚喜！唔會好甜，同x班長好唔同。…查看更多

突然諗起好耐無食牛陣，見男朋友dayoff就拉埋佢黎食午市原來仲係咁抵！$52唔洗加一，有碟牛，仲要有Haagen dazs雪糕任食限時1個鐘，不過都夠哂飽。夠鐘前15分鐘仲會提你，食埋雪糕，滿足！…查看更多

周末去行山要係太子轉車，諗住喺附近嘅茶餐廳食完先去搭車，極速openrice下搵到間喺附近又幾懷舊嘅茶餐廳就去試吓佢啦！男朋友叫咗常餐，個奄列好大又煎得啱啱好！入邊有好多火腿！我唔係太肚餓 所以就叫左一碗芫茜豬膶米粉本身諗住唔會太大碗啦！點知黎到原來好足料又大碗！好似芫茜湯咁，豬膶仲要係厚切嘅正！食完之後仲見到有對公公婆婆叫咗芫茜豬膶湯飯，好似好正，下次要試吓！…查看更多

之前去荃灣食過呢間既豆花念念不忘，因為真係抵食，仲要有薏米白果豆腐花！所以係要行完山之後又去咗荃灣再食多次。可能因為星期日所以去到好多人排，但係都好快就輪到薏米豆腐花依然有好多薏米，足料！豆花又好滑！去荃灣必食…查看更多

有日要去九龍灣度搵嘢食，Openrice下見到得寶原來有個牛下嘅foodcourt好似幾有趣就走去睇下入去之前會經過一段好多懷舊小鋪既巷，見到好似好多都未開又冇乜人咁，唔知行入d見到個foodcourt原來都幾多人食我行咗圈見到呢間唔單止有中式飯，仲有其他小食同西式飯我叫左個set黑松露飯加小丸子，有湯飯有驚喜，唔係一pat pat咁，個汁幾好味小丸子都脆卜卜！總括來講都唔錯支持下小鋪！…查看更多

好耐之前買左團購券，醒起好想食啲薯條就lunch順便去食。叫咗個牛肉漢堡餐，個薯條一如以往咁粗，而且又淋淋地我本身唔係咁鍾意食脆既薯條所以呢個真係啱晒我個包既肉好多汁，肉都算厚用優惠券仲平左差不多一半，好抵食！…查看更多