LiveForFoods's Profile

其實呢間餐廳，每次去isquare睇戲都會見到，每次都話下次試吓，下次左好多次，今次終於真係食了！ 今次叫左個"牛極品" 套餐小試牛刀！今日去到啱啱好有個新湯底，係龍蝦湯加脆米，好好彩！個湯底都幾鮮甜，加埋脆米當湯飯食好好味，仲有半隻龍蝦食，真心推介呢個湯底！肉類選擇唔算多，但我地覺得質素都幾好，美國頂級肩胛肉同埋牛板腱係我地encore嘅肉～除左肉類，出面仲有好多任食嘅邊爐配料可以拎～我地就最鐘意丸類，因為呢到嘅丸類係平時比較少食到，尤其係金沙魚丸同豬肚丸，特別又好食！ 當然唔少得仲有台式小食，飲品同哈根大師雪糕任食！ 真心講，呢到嘅小食比起好多任食邊爐都好～ 鴨血個汁都調較到幾惹味，午餐肉都煎到香脆，真係幾有heart。總括黎講，我都幾推薦～…Read More

呢間餐廳係我encore得最多次嘅上海菜！ 每次食，D食物質素都keep得住～今次試左新野，叫左松鼠桂花魚，招牌海鮮炒飯，海膽醬柴火老豆腐，同埋蘭梅桂花拉糕。佢個松鼠魚炸得好靚，睇見都開心～ 醬汁酸酸甜甜，皮脆肉嫩，我自己一個人KO左大半條！ 老豆腐原來唔係平時食開嘅硬豆腐，原來佢本身帶有煙燻味，所以味道都幾濃，幾特別～海鮮炒飯都好好食！米飯粒粒分明又唔會太油，令人想一啖接一啖。桂花糕有d 糯米酒味，飲酒釀丸子feel, 都幾好食～整體都唔錯，會繼續幫襯…Read More

尖沙咀不嬲都韓國嘢食，今次又俾我發現間新嘅餐廳咁就入去試吓啦～今次呢間係主打食釜山嘅韓國料理，見餐牌好多都係豬肉為主打，今日就一於試一試佢啲豬肉料理～首先叫左個南浦洞特色燉煮拼盤，入邊有章魚蝦同埋五花肉。 未煮之前睇落好似好齋冇乜色水，但係撈勻啲醬料再煮多一陣就會聞到陣陣嘅辣醬味，啲粉絲吸晒個醬真係好好食，而且漲了同成個鍋嘅配料味道都好夾。 跟住就叫咗個釜山粥湯麵，湯底食奶白色，豬肉同面嘅份量都好多，清清地都唔錯。最後仲有一個釜山白切肉，就係將啲豬肉切片，然後點個醬汁。 好少咁樣食豬肉，可以食到豬肉本身嘅味道，都幾好～…Read More

第二次食啦～上次食左佢嘅set dinner有鮑魚魚翅，今次就食吓嗰啲潮州小菜～餐牌嘅選擇好多，好多嘢都想試，揀完一輪就嗌咗個鵝肝，煎蠔餅，韭菜粿，魚露浸花甲，奴才脯燉豬肚湯，同埋甜芋泥！覺得每一樣嘅質素都幾好，其中最令我覺得好食嘅就煎蠔餅！佢嘅粒粒都好飽滿，而且份量好多煎到勁香脆，真心值得推介！鵝肝亦都幾香，口感係粉嫩粉嫩～老菜脯燉豬肚湯雖然細細碗，但係豬肚份量勁足料，老菜脯嘅味道幾特別係第一次試，幾暖胃～花甲同韭菜果就正常發揮，冇其他咁印象深刻，但係都OK~芋泥控必食呢個甜芋泥，整到好香好滑亦都好杰身，好滿足！…Read More

好耐冇行過葵芳新都會，原來商場食店都轉左唔少～仲發現有The Pantry,之前係太子食過覺得唔錯，所以就試吓新店～因為已經食過，所以上次食完覺得好味嘅海膽帶子蟹肉忌廉意粉，今次二話不說encore! 海膽同帶子都好新鮮，而且個汁都creamy,好味～跟住就叫左個鵝肝牛肉burger! OMG 呢個超超超邪惡，但又係好好味！鵝肝嘅油再加埋牛肉嘅油令到成個burger 勁香，真係必食！而且薯條都好香脆，好正！最後，都叫左個菠蘿椰子pancake~又一令我食完想再食嘅甜品，因為我本身鐘意食菠蘿，佢呢到唔單止分量多，而且好juicy, pancake 又鬆軟，不得了！最後飲品叫左兩杯梳打，我覺得檸檬好似d,但就冇食物咁驚喜～…Read More

朋友之前食過呢間嘅灣仔分店覺得唔錯，所以咁啱見到銅鑼灣開咗新嘅分店，就同我嚟試吓～晚市有個特價套餐，除咗個主菜之外，我哋兩個人嚟仲可以揀多三個自選菜式，選擇都幾有彈性。上菜之前有個功夫茶，真係幾唔錯幾香濃～厚菇焗鮑魚：鮑魚好厚身，口感軟得來都保留有少少彈性，冬菇同埋鮑魚都問得好入味，幾好食。紅燒魚翅：有個爐㷫住可以保溫，而且魚翅份量好足又大大條，個湯羹有金華火腿嘅味，好香濃～本身諗住叫魚露浸花甲，但係當日冇花甲只係得花螺～花螺一早起左螺肉出黎，好貼心，只係覺得味道更濃一點兒會更好。生醃海蝦真係必食！醃得真係好入味，肉質爽嫩，好好食！最後叫左個方魚蠔仔粥，蠔仔粒粒飽滿，整體清清地，食落好舒服～呢個價錢食到呢d 野，都真係可以一食！…Read More

銅鑼灣一直都係美食匯聚嘅地方，周不時都會發現新嘅餐廳，我今次食嘅就係喺Fashion Walk附近嘅Mercury Recalls!餐廳門口好顯眼，入到去嘅裝修亦都好靚，周圍都佈滿晒黑膠唱片，感覺上好chill。食物方面選擇都唔少，更加係有唔同種類嘅Cocktail同Mocktail。我同朋友就叫咗蟹肉墨西哥薄餅，黑松露薯條同烤豬柳。 墨西哥薄餅材料超級足，啲蟹肉鋪滿晒成個薄餅，而餅底係薄脆嘅，食落去真係啖啖肉。黑松露薯條仲加咗巴馬臣芝士，鹹香味十足，炸到每條都係十分之黃金香脆，真係好惹味！豬柳就正常發揮啦，豬肉係好淋，冇筋，肉味都不錯。今晚叫咗一杯雪糕起泡焙茶同埋冰釀氣淘玫瑰花白茶，雪糕個杯並唔係真係有一球雪糕係上面，但係味道雪糕嘅味道幾得意～最後甜品叫咗個焦糖燉蛋，感覺三五知己或者情侶黎食呢間餐廳都幾適合…Read More

又食泰國菜啦～！今次就近近地去公司附近嘅Apinara~首先叫左個泰式椰子雞湯～呢個真係好啱我口味，味道係有香料味得黎，又好酸咪咪好開胃！小食叫左炸蝦餅：蝦餅好足料，食落係新鮮彈牙，正！ 仲有個沙嗲豬肉串，肉質唔會乾，配埋沙嗲醬都幾惹味～主菜叫左個馬莎文咖啡牛腱，味道偏甜，牛腱份量都幾多，仲叫左份印度薄餅點汁食～飲品叫左兩杯椰子沙冰，賣相靚之餘仲好真材實料，好飲呀！整體食物都唔錯，值得encore~…Read More

真心推介無蝦有蟹鍋！ 有4隻鮑魚4隻蟹仲有蜆，材料真係好足呀，我地兩個人食完d 海鮮都已經飽左一大半！值得一提嘅係佢個湯底，本身係蕃茄薯仔湯，一開始比較淡，但煲煲吓d海鮮同蕃茄味出晒黎之後就勁鮮甜，搞到我都飲左兩碗😍火鍋配料方面，我地就全部都係牛： 細嘅招牌手切牛，牛骨髓同埋牛柏葉！ 最好味係個手切牛，肉味香之餘又唔會鞋，淥耐少少都仲係嫩滑。牛骨髓就比較特別，係滑嘟嘟嘅口感。羅漢果茶都好真，係我飲過最濃嘅，打邊爐飲清熱一流～…Read More

到我啦! 到我啦！係社交平台見人食得多，今次終於到我食！我去左佐敦分店，餐廳比我想像中大，而係裝修得好靚，好有香港特色。野食方面我地叫左個美顏花膠雞鍋～個湯底有成半隻雞，而且花膠份量都唔少，飲落去都清甜，所以我都飲左兩碗先打邊爐🙊肉類方面叫左個太極兩儀，賣相真係整到太極掛咁，一邊紅一邊白。 紅色係紅酒安格斯牛，白色係黑松露牛乳豬頸肉片。 兩款肉都醃得夠入味，但紅酒個款真心值得推介！ 佢個紅酒味真係好出，淥完就咁食唔點醬都好好味！火鍋配料仲叫左：一帆風順，七色丸，皮蛋蝦滑，花花綠綠同埋天倫鍋心。一帆風順個賣相整到一隻帆船仔咁，佢係用秋葵釀左蟹籽墨魚滑，蟹籽粒粒都好爽口，墨魚滑都好彈，好食！皮蛋蝦滑都值得試，上菜個陣有半隻皮蛋比你自己搞勻落蝦滑到，估唔到皮蛋同蝦嘅味道完來咁夾～天倫鍋心就係d 酒樓點心，有蝦餃燒賣同埋d奶皇水晶包咁。好少將呢d用黎打邊爐，但我覺得個奶皇包又幾好味 🤣最後仲叫左兩杯飲品：奇幻歷險同花月豪庭。兩杯賣相都好靚，我飲個杯係花月豪庭，飲品面頭仲有個焦糖燒蛋糕卷，飲落就飲淡淡地藍莓乳酪～…Read More

本身都有興趣試吓南非菜，咁啱返工個邊又有一間新開嘅小店，中環Lunch Set 3 course $135, 冇理由唔試吓～前菜揀左個幾特別嘅Spinach Fritters, 其實係菠菜同青豆整成嘅煎餅，食落去係似蔬菜薯餅，但就比平時嘅薯餅重香料味，配埋個自製杏甫醬，好傳統嘅感覺。其實佢地主打係燒烤，所以另一個前菜要左燒大蝦，而主菜都叫左個燒牛肉串。不得不說，佢地嘅串燒真係好好食，個联炭火味好香！而且個牛肉串真係好嫩，燒到7成左右都仲係好多汁，配埋佢地香料同埋自製香草醬，真心推介！另一個主菜就叫左個sea bass, 魚皮煎到有少少脆，魚肉都嫩滑，唔錯呀都。呢到其實都再唔少cocktails飲，但我地仲要返工，所以淨係試左兩杯mocktails,一杯係熱情果，一杯係西柚，酸酸地幾開胃。lunch set仲可以揀甜品或者咖啡。我地就叫左甜品再散叫杯咖啡。甜品係類似一件磅蛋糕，再係面頭加d 吉士醬，簡單得黎味道都唔錯。整體都幾滿意，而且店主好nice 會主動黎同你傾計，同埋見佢都有主動幫客人影相，幾多heart。…Read More

又有一段時間冇食韓國野，今晚就同朋友去呢間新開冇耐嘅餐廳試吓！懶人嘅我地唔想諗，見到個「水潤人蔘饗宴」幾吸引，而且仲有雪花秀sample就揀左佢～個套餐其實真係好豐富，而且真係每道菜都有人蔘！ 淨係配菜就已經有成7碟，佢嘅泡菜真係好爽口好開胃！前菜係糖拌人蔘沙律，味道甜甜地但又唔會蓋晒人蔘嘅甘味，幾特別～人蔘牛骨鍋原條人蔘同牛骨一齊燉，人蔘味唔重，整體味道都係韓式醬汁甜甜地，牛肋骨又軟淋入味，唔錯呀～綜合雜錦煎餅同我想像中嘅煎餅好唔同，同份量亦比想像中多好多！ 佢係用蛋液包住各種蔬菜/肉/海鮮，再拎去煎。特別一提係佢d 蔬菜入面係釀左牛肉，有d似煎釀三寶，第一次咁食，都幾特別。人蔘鮑魚雞湯好足料嘅雞湯，雞湯味香濃，再帶有人蔘嘅甘甜，正！最後仲有個沙蔘拌飯，係類似韓式拌飯，比左幾種蔬菜同埋醬汁，自己撈黎食。整體都好滿足嘅一餐，都值得一試～…Read More

邊個話黎呢到就一定要食酸菜魚？今次我同朋友就特登黎試佢嘅麻辣香鍋！佢最少要叫5款配料，我地要左：魷魚鬚，嫩牛肉，蓮藕，肥腸，芝士豆腐同埋薯粉！ 痴線，估唔到每樣配料份量都咁多，好似食極都食唔晒咁，我覺得嫩牛肉，魷魚鬚同薯粉係必點，牛肉真係好嫩滑。 仲叫左小食同前菜，麻辣牛展不過不失。 醬蘿蔔用黎清一清味蕾解吓辣都唔錯。脆炸小酥肉都幾好味，外脆內軟。甜品仲叫左彩虹烏龍冰粉，又係好大碟，但我覺得唔係太夠冰凍。飲品試左沙棘原汁，因為係好健康又未飲過，味道有d似紅蘿蔔溝橙汁芒果汁咁，比想像中好飲。…Read More

今日去開日出康城個邊，就搵左個住附近嘅朋友食飯～佢話新開左樂天經典有胡椒蟹食，就提議食呢間～食星咖坡野必叫黃金魚皮，海南雞同埋黑胡椒蟹！黃金魚皮充滿鹹蛋黃味，又香又脆，百吃不厭！黑胡椒蟹叫左細份嘅，胡椒味好香濃，但又唔會太辣，蟹肉都鮮甜，幾好食！海南雞套餐，海南雞都幾嫩滑，雞油飯都唔錯，可以一試。蝦味魚子蝦球炒飯，D炒飯都做到粒粒分明蝦球大粒又爽彈，都唔錯。仲叫左個冬瓜排骨湯飲，D排骨煲到勁淋，軟骨都淋晒，勁似食豬軟骨，湯渣都食左好多。餐廳價錢唔貴，整體都幾好～…Read More

終於都去左九龍城呢間昭和風嘅Cafe啦！ 成間Cafe都勁日本feel, 門面靚不特止，入邊啲枱嘅燈啊枱櫈都好有feel~其實本身對佢哋嘅嘢食冇乜期待，但係食完之後又覺得未唔錯，唔係得個樣嘅嘢食~鰻魚玉子燒伴炒麵： 原來個炒麵同鰻魚玉子燒係分開上,鰻魚勁大條，鰻魚汁甜甜地鰻魚肉質又唔會乾，份量都幾多而且價錢又唔貴，幾好~九州青蔥豬肉丼飯： 相比起鰻魚，呢個比較普通，但係啲豬肉肥瘦分明，燒得都唔錯, 但因為個飯冇乜汁，食落有啲dry和牛可樂餅： 牛肉味幾香，炸得啱啱好又唔會油，好味最後仲叫咗杯特飲同個布甸~杯特飲個柚子雪芭好好味，而且成杯嘢飲酸酸甜甜咁樣好開胃~我覺得整體都幾好，又可以打卡~…Read More