foodnfactory's Profile

今日約左舊同事午餐，咁耐無見當然食豪d,去試下無老鍋嘅午市火鍋😋以前係台灣試過，印象唔錯，今次就試下香港嘅分店一坐低落個麵包豆腐白湯底，同好多台式火鍋店一樣，豆腐同鴨血無限任加，兩樣材料都好索湯，好食！手機落單，可以慢慢揀，點左個$288嘅午市輕盈組合，包牛小排，日本黑豚腩肉同蟹滑。牛小排同腩肉食落份量充足同夠厚，食入口啖啖肉，蟹滑仲要到一絲絲嘅口感。另外仲加左出面少見嘅瑤柱滑，牛舌同出名嘅濃香豆皮，豆皮食落有D 似響聆，做食落豆香比較濃同厚身😋 之後店員再推薦追加冰淇淋豆腐，其實係豆腐加入魚漿同花枝漿，但要淥耐少少，口感非常特別，介乎少少軟同似雪芭咁店員非常貼心，提去地like埋無老鍋嘅ig 就可以有一客嘅脆炸芋圓黃金球，傳統台式小食地瓜球入面加芋頭係入面，非常Q彈！跟餐送嘅水蜜桃沙冰🍑幾清新～餐廳空間闊落，坐位舒服，非常岩同三五知己嚟嘆個開心午餐/下午火鍋呢！…Read More

去開金巴利街既我通常都係比朋友帶路食韓國野多，最近發現原來開左間花月宮邊爐，假日一於就Book檯試下新野😎餐廳設有VIP房，私人空間十足，有時一大班朋友想搵個地方聚聚亦係一個好選擇🍲芫茜皮蛋鍋湯底非常多料，有芫茜、馬蹄，蘿蔔等等，湯底夠哂甜🔸頂級手切封門柳封門柳厚度十足，份量幾多下👍淥20秒就食得，入口軟淋香濃🔸爽脆鮠魚片夠新鮮，薄切魚片淥一陣便熟，入口充滿魚脂香🔸墨魚滑造型夠哂精緻，墨魚打得起膠，食落非常彈牙🔸唐生菜味道爽脆清嫩，口感清香🔸重慶辣子雞餃饀料豐富，有啖啖雞肉，而且辣辣地夠哂醒胃🔸魚麵以魚肉為主要成份，多以不同種類既魚肉打成肉醬，再加入薯粉、麵粉等材料製成打邊爐必備，質感彈牙，適合打邊爐，仲夠哂高蛋白…Read More

📍九龍城龍崗道33-39號龍翔閣地下A號舖Order左上戶激安二人前套餐，份量岩哂兩個人食～🔹野菜條伴鯷魚醬鯷魚醬好濃郁，配上紅蘿蔔條食，超似去左日本當地既小小居酒屋咁🔹松葉蟹肉青蘋果蟹籽沙律大大份沙律，蟹肉以及蟹籽都好多； 作為前菜黎份量超夠，同老婆食完已經有啲飽🔹櫻花蝦炸豆腐太趕住食無影到相，口感幾豐富，櫻花蝦配上豆腐炸得外脆內軟🔹刺身壽司盛合🍣盛合有好多種野試，例如磯煮鮑魚、赤蝦刺身等等🐠當中油甘魚壽司以及火炙左口魚壽司係我至愛😍超重油香！推薦各位一定要試下，刺身夠新鮮🔹澳洲活龍蝦鐵板燒牛油味好重，上菜時已起晒龍蝦肉，食落超方便，而且新鮮既龍蝦肉質夠哂彈牙，必試🔹串燒拼盤有獨特櫻花木煙熏香，出面比較小食到，幾特別🔹蜆湯野菜鍋配稻庭烏冬稻庭烏冬口感煙韌🍜湯底非常鮮甜，配料方面有蜆、豆腐、菇🔹日本卷蛋兩種味道：香蕉同巨峰味卷蛋忌廉甜度岩岩好，不會過甜 另外仲order左乳酸飲品，酸甜開胃👍🏻…Read More

同老婆去左天后試新開既六六六六火鍋；一入店門環境夠哂精緻光猛，而且值得一讚係私穩度幾高！📃餐牌款式都有幾多選擇，各式各樣既海鮮、肉類等等都應有盡有前菜店員比左一小盤梅漬蕃茄仔🍅味道酸甜開胃，夠哂refresh湯底揀咗鴛鴦鍋🍲分別係台式養生人參白湯鍋以及秘製沙嗲湯底最特別係台式養生人參白湯鍋⚠️真係有原枝人參做湯料，飲落夠甘香🔹即炸響鈴卷、炸魚皮食落果然係唔同啲，魚皮係由師傳每日新鮮即炸，誠意滿分🔹手打丸分別有黑松露丸、蟹籽蝦丸、芫荽丸以及墨丸，每一粒都食得出足料，值得encore🔹本地手切牛肉嘅色澤紅潤，淥完唔洗點醬料已經食到超濃牛香，肉汁JUICY🔹黑豚肉紋理夠分明，食起上黎特別有油脂香同埋爽脆🔹鮮蔬拼盤，出黎打邊爐一定要嗌菜食，order 拼盤就乜款都可以試到啦🔹海鮮order左幾款，海中蝦夠鮮味，肉質彈牙；鮑魚同樣夠爽口而且處理得好乾淨！🔹餃子拼盤可以試到３款唔同既餃，皮薄餡多，口感一流。總得來講，物超所值，我會推薦朋友去食。…Read More

今日同老婆行開銅鑼灣，天氣寒冷，打邊爐都最啱，一於帶老婆食餐好嘅。打邊爐來講我地就諗到呢間邊爐餐廳，上次已經食過一次，覺得食物質素幾好，餐廳環境亦都唔錯。餐廳環境異國風情，仿佛置身土耳其，就算年尾去唔到旅行，都要來個異國邊爐風情。餐廳職員大玩cosplay，扮演飛機師，就像來左一趟旅行✈️。胡椒豬筒骨湯煱打邊爐最重要係個湯底，今次我地揀左胡椒豬筒骨湯煱。啱曬唔食得太辣嘅我地，湯底用料十足，幾大舊豬筒骨，濃郁嘅豬骨湯味，必須首先飲啖暖胃熱湯。牛肉拼盤打邊爐點少得，牛肉🐮，我地叫了一個極上手切牛肉拼盤。有A4 和牛、頂級安格斯牛肉、封門柳等. A4 和牛，油脂入口融化，可以試到肉質嘅鮮甜。安格斯牛肉油花分佈均勻，肉質鮮嫩。鳳尾鮮🦐餃 蝦餃每日新鮮製做，鮮蝦肉質結實，保持鮮味，大力推薦。瑤柱乾貝滑 手打蟹籽滑（雙拼）雙拼可以試下兩款滑，一次滿足兩個願望。 大大條瑤柱絲，證明用料十足。蟹籽單從表面已經見到滿滿的舖滿滑。豆苗豆苗新鮮翠綠，好嫩口，唔會食落有渣。竹蔗茅根打邊爐點少得佢，清熱解渴。餐廳價錢對得起呢個食物質素，我會再次幫襯.…Read More

銅鑼灣嘅希雲街出名多嘢食😆今晚收左工就同朋友過嚟覓食🤪揀咗間店面幾catchy嘅西餐廳，聽講朋友之前嚟食過lunch，質素唔錯店內得一個卡位，如果想坐卡位就記得book枱時講埋啦🥸先打頭陣係蟹膏多士，賣相不討好但真係入口香到不得了🤪值得一試！Slow-Cooked Miso Pork夠哂Juicy兼入味，調味方面好濃厚，點翻小小紫薯蓉一齊食中和翻，Perfect！同朋友2個清哂成碟😎Seafood in basil tomato sauce🍝蕃茄味嘅酸味非常特出，濃郁嘅醬汁配埋本身較淡味嘅海鮮同意粉，搭配出來剛剛好👍🏻Grapefruit Red-tea🍹入口清新，有鮮香嘅紅葡萄柚味，望到層泡沫就知水吧沖得幾用心，抵讚👍🏻 …Read More

第二次黎到位於觀塘站附近既The Wave 🍴晚市時段推出左性價比極高既Semi Buffet~ 臨近聖誕，約埋Best Friend 過黎食野相聚下裝修夠哂grand，大大既SOFA坐得舒服，生蠔區有來自唔同既產地OYSTER 比你揀，仲有酒品專區～今次食飯因為有book位，比左間類VIP房比我地，見出面員工fill野勁快手，服務態度都仍然超好，物超所值呀~海鮮方面都有數款選擇，翡翠螺、青口同凍海蝦都幾新鮮，如果種類再多啲就好了；刺身有甜蝦同三文魚， refill得都幾密港式咖喱小食有燒賣、魚蛋，炸物、蜆、時蔬同滷水拼盤當然唔小得其中一個主菜叫左北海道帶子意粉，意粉好重蛋香，而且加埋SAUCE幾惹味，配料又多，唔錯金桔檸檬冰茶係隨餐跟送既，味道酸甜，夠哂解渴整體黎講價錢同食物質素成正比～如果想有舒服既地方聚會，呢間係個唔錯既選擇～…Read More

非常異國風情既餐廳，一入門口已經見到好多藤制品同熱帶植物最like靚靚打卡位 一個圓形獨立空間 仲有拱形花環 岩晒情侶同姐妹(可惜當晚有人）前菜係紅蝦刺身配泰式醬汁，紅蝦好大隻，配上酸甜既汁，好開胃。加上佢地用左紅蝦而唔係平時見到既泰式生蝦，多左d紅蝦既鮮甜，非常refreshing!另外仲試左個帶子刺身配三文魚籽&海膽，非常甜，魚籽粒粒都爆汁又唔腥，加埋海膽淡淡的海水味，超值得一試。主菜試左大河蝦芝士意粉，隻蝦大到好似龍蝦咁，意粉軟硬度岩岩好，唔會過硬。芝士用左三種mix (parmesan, mozzarella, cheddar)，但佢一！d！都！唔！膩！唔會食兩啖都濟到食唔落其他野，一個人食晒都carry到！另外一款主菜係泰式fusion 菜，生菜包肉碎mix taco。多左一層taco，成個層次好唔同。微辣的肉碎會越吃越想吃，停唔到口😂。仲有一個隱藏meun，係當晚職員推介。一個超好食既煎魚柳（唔知佢叫咩名🤦🏻‍♀️🤦🏻‍♀️），個底一邊係truffle 薯蓉，一邊係cream source。加埋一齊食好似食緊周打魚湯咁。（佢魚鱗冇去到，煎到勁勁勁勁勁脆，唔介意可以食埋）最後當然唔少得甜品，一款係pecan tart 配青檸雪芭，另外一款係椰子mascarpone parfait。Pecan tart 細細粒，好易入口，nuts味都好濃。Sherbet 超青檸，鐘意酸野既必點！椰子mascarpone parfait 椰子味好出，食完即刻好有衝動去返轉泰國。Parfait上面既芒果果醬都甜，一啖接一啖，好快就吃晒😜。整體感覺好好，地方雖然細，但枱與枱之間有足夠距離，唔會好迫。個人大推帶子刺身、大蝦芝士意粉同Pecan tart!…Read More

同老婆一齊覓食，今次佢就帶咗我嚟呢間樓上鋪——船渦，話試吓蒸氣火鍋🍲入到去先知原來係一人一鍋，幾特別套餐方面有四款不同選擇：🔖九品芝麻🔖內務總管🔖八府巡按🔖九五至尊每個套餐單所包嘅海鮮都唔同，老婆減肥中，咁我一於就試吓貴啲嘅set☺️每個set都有包嘅「三點刺身」，有北寄貝、帶子、甜蝦🥢隨餐亦會跟餐前小食，志在比你填下肚八府巡按套餐基本海鮮全部有齊，有海蝦、鯇魚、蜆、沙白，八府巡按個餐單重點係有龍蝦🦞蒸果時仲郁緊，超新鮮，蟶子皇同蚌一樣夠哂鮮甜！主食揀左烏冬，放落吸哂海鮮鮮甜味嘅湯底，點煮都好食啦❗️價錢幾公道，2個人$600左右，重點用料新鮮對得住價錢😎可以再encore！…Read More

朋友就黎生日 ，梗係要同佢食餐好嘅～店內裝修同日本居酒屋差唔多，仲以為自己飛左一轉鄉下🤣✨野菜條沙律伴鯷魚醬鯷魚醬以多春魚以及沙甸魚製成，魚鮮味重；野菜則有紅蘿蔔、沙葛、青瓜，口感清新爽脆味道有小小似韓國蟹膏醬✨鹽燒三文魚鮫去到居酒屋，當然要點一客燒三文魚鮫黎送下酒～✨深海池魚薄切刺身肉質爽甜帶油，點酸汁食落仍有豐富魚香味✨朴葉火灸醋鯖魚壽司在鹽水以及醋裏浸漬製成既醋鯖魚，含豐富鐵質，入口後魚油香充斥口腔✨時令皿貝燒味道鮮甜，一人一隻真係唔夠喉✨味噌牡蠣土手鍋鍋邊塗上味噌，可隨客人口味調整濃淡✨鹽燒牛舌串牛舌芯串燒，食起黎口感特別軟嫩，鍾意牛舌嘅你一定要試💡清酒做緊買一送一優惠✨約埋成班酒友暢飲一番就岩哂🍻🍶大嶺Ohmine 純米吟釀 (三粒米)🍶農口尚彦研究所ひやおろし無濾過原酒秋酒🏮磯野水產📍銅鑼灣軒尼詩道525號澳門逸園中心19樓…Read More

今個禮拜係小弟生日，老婆安排左呢間餐廳幫我慶祝生日，食完之後都幾滿意。🥗*日本蘋果沙律*蘋果絲 MIX 蟹柳 MIX 沙律醬呢個組合都幾特別配上蟹籽一齊食口感更為豐富，夠哂開胃🦪*日本令和之怪物生蠔*來自日本大船渡灣既生蠔，同手掌差唔多咁大🤲🏻肉質爽口鮮甜，海水味重，在日本更有「海中牛奶」既美譽🌊🐠*秋刀魚刺身*秋天最具代表性嘅魚鮮食材，當然唔少得秋刀魚啦每年9月至11月係秋刀魚嘅當造期，魚味濃郁鮮香，魚質亦特別肥美師傅將秋刀魚切成長方狀，再配合精緻擺盤，打卡程度爆哂燈呀！秋刀魚入口滑膩，細嚼之下散發魚脂香，超好味～🍶*清酒煮蜆*日本居酒屋常見菜式之一，天氣轉涼就更加想嗌黎試下清酒經過煮熱後，味道更加香濃突出，配上新鮮又大隻既蜆簡直係絕配餐廳更係湯底中加入左七味粉，飲落有淡淡辣味，幾岩我😂🐟*池魚薄切刺身*薄切池魚晶瑩剔透，質感偏爽口，但有住豐富魚香味記得點埋附送嘅酸酸醬料，魚味會更突出🍜*牛肉湯烏冬*作為一個傳統既亞洲人，總係要加多個熱食先夠填飽肚仔😂湯底清清地，食完成個人都暖哂🤤…Read More

今日同老婆參觀完M+博物館，附近又無咩好食，就上網搵到呢間開係文化中心嘅西餐廳。餐廳地理位置方便，從尖東站L6出口 步行幾分鐘後就到達。大家用餐完畢，還可以漫步尖沙咀海傍，欣賞維港夜景🌃。我地傍晚時分，直接walkin入去，座位都幾多，唔需要等位。餐廳裝修設計以文青風為主，方便顧客打卡影相，室內放置了幾棵裝飾樹🌴，環境更加令人寫意，透過大玻璃可以望到窗外嘅流水，用餐時別有一番意境。餐廳嘅座位亦都好闊落，一班朋友收工之後，可以暢所欲言。挪威三文魚柳魚柳煎得啱啱好，唔會過熟，肉質仍然保持鮮嫩多汁。肉質細膩、魚油甘香味美，蘊含的Omega-3和蛋白質，啱曬健康人士之選。而且一啲都無腥的味道，配合埋檸檬蛋黃醬，味道更加佳。海膽黑魚子醬蟹肉貓耳朵粉呢到菜簡直用料十足，用上了海膽 黑魚子醬🦀️肉做醬汁，味道鮮而濃郁，喜歡濃味嘅朋友，值得一試。 因為意粉的外型像是小耳朵，故稱貓耳朵意粉，中間的部分柔軟、外圍彈牙，相比貝殼粉較厚身，更有嚼勁。總的來講，餐廳無論環境、食物都係高質的，值得大家一試。…Read More

陪老婆出黎行街，最煩惱係咩？一定係泊車🚗K11 出名抵泊，每期都有唔同鋪頭參加Promotion，平日消費夠$50就可以泊足成個晚上；正正因為咁比多左機會我地試下K11內唔同既餐廳😂Arte by Padaria 聽講係區內最近新開既Cake鋪之一，岩啦係時候試下新野😮➰抹茶卷蛋抹茶蛋糕鬆軟，捲住有淡淡紅豆嘅忌廉，入口夠哂輕柔，而且甜得黎唔膩，幾好幾好👍🏻➰法式焦糖牛油酥焦糖牛油酥 (Kouign Amann)來自法國布列塔尼，表層有薄薄焦糖包裹，外脆內軟，每啖都有非常濃嘅牛油香味，搭配埋咖啡或熱茶就正正子了✌🏻➰法式朱古力布朗尼酥香脆酥皮外表配埋濕潤軟稔朱古力布朗尼，充滿口感，嗜甜女仔必試每件平均消費$50左右，質素中上，值得下次再黎試下其他款式😎…Read More

作為抹茶愛好者梗係要叫返杯鮮奶抹茶一黎到忍唔住飲啖先！ 好濃既抹茶味 Like！（孜然原味原隻單骨雞翼）聞落同食落都有淡淡既孜然味，調味調得恰道好處，唔會太咸。（慢煮牛肋條配香煎上海年糕）大力推介！牛肋條炆得啱啱好，唔會淋到夾都夾唔起，食落口仲有少少咬好。第一啖食落口覺得黑椒味太濃，但之後連埋年糕一齊食又唔會覺得太濃味。年糕煎咗少少，脆脆地再點埋個汁食，好夾！老闆話年糕無再額外調味，費事成道菜式過於濃味，依家咁就剛剛好，食到各種食材既味道。（煲仔番紅花海鮮虎蝦意大利飯）另一推介！落單時老闆問想食淋D定有咬口D，我地話有咬口D。果然無令人失望！意大飯仲帶有少少咬口，米粒唔會煮得太耐淋哂，同時啖啖入口都有海鮮湯既味道。隻虎蝦更加無令人失望，仲係彈牙架，可見用料新鮮，用心製作。（話梅菠蘿醬配窩夫及雪糕）Topping既菠蘿醬唔係用Syrup溝出黎，係用新鮮菠蘿整，清新 Fresh，唔會係死甜既味道。總結，用料新鮮，menu設計都用心，老闆員工服務態度都十分好。整個用餐體驗都十分好。下次會再黎試佢既其他菜式。…Read More

係中環老蘭附近，原來開左間火鍋撚喎😌岩哂我呢啲附近放工既人一收工就覓食，如果撞正星期五，仲可以直落同朋友飲下野，夠哂chill😈是次book既呢間分店係樓上鋪，特色就係夠大，私隱度亦夠高，岩哂一班朋友上去聚會👍🏻最近食得熱氣野多，既然避唔到打邊爐🤪就叫個素之滋潤湯鍋，簡簡單單又夠哂滋補👍🏻極品黑豚肉：黑豚肉係日本黑豬肉嘅一種，肉味上乘，有人仲話過佢可以稱為豬肉界既神戶牛柳✅肉質鬆軟，入口夠哂鬆化， 打邊爐必叫⭐️滑雞件：雞肉肉質嫩滑唔乾柴，正！鴛鴦雙蚌：超爽珊瑚蚌＋鮮甜桂花蚌，一碟滿足你兩個願望！記得唔好淥太耐，如果唔係就會唔夠爽脆架啦!菜心苗 & 皇帝菜 ： 皇帝菜營養價值相當豐富，熱量低纖維高，減肥既你都任食唔嬲呀🤪瑤柱乾貝滑：呢個滑用料較為特別同高級，除左有魚肉外，仲有滿滿瑤柱以及乾貝，食落鮮甜、彈牙手切肥牛：邊爐唔少得既配料之一😌丸類方面叫左手打特色丸，當中流心鹹蛋黃豬肉丸最深刻，彈牙之餘又夠濃味，最重要係出面小見🤣腐竹雞蛋糖水：餐廳送既飯後甜品；造型夠哂特別，每啖飲落去都好似真係食緊糖水咁，誠意之作…Read More