Miss Koby 's Profile

記得上月中去西九龍經歷左風雲色變既一日🥹五分鐘前去到呢間好有格調既餐廳坐底叫左杯白酒 唔到五分鐘 成個天黑曬好彩呢度有室外同室內選擇我地可以咁樣係餐廳入面享受下午茶聚🫖餐廳員工服務甜心知道朋友唔飲酒 介紹我地飲鐵觀音 淡淡的有回甘味道 最岩呢D天氣傾傾下又一個鐘 岀番去天清氣朗 仲見到彩虹誠意推介小小楊梅呢個係炸得好鬆脆嘅鹹水角賣相一流，食落去都唔會太鹹彩虹鮮蝦餃蝦餃裏面嘅蝦大大粒 名副其實有鮮味 三粒啱晒兩個人食…Read More

上星期生日週好密既行程底下妹妹仔帶咗我去一間好好食嘅Cafe香蒜白酒蕃茄煙肉煮藍青口 每一次食親西餐都會叫青口，我覺得酒味同青口味道好夾，夠濃郁紅酒燴牛臉頰伴忌廉薯蓉 份量絕對唔使少，啱晒，而家只可以唔食肉海鮮嘅我，薯蓉留返比妹妹食法式西多士．雲呢拿雪糕 朱古力．雜莓．粟米片甜品朱古力味剛好，唔會滯住個肚，細心嘅妹妹喺甜品上面整埋蠟燭🎂Mocktail 紫霞 (檸檬、蜜糖、蝶豆花、梳打水) 晚霞 (柚子、蔓越莓、青檸、梳打打卡一流，我自己鍾意晚霞多d, 有柚子酸酸地幾開胃…Read More

最愛水煮系列 + 無敵靚景 正位於尖沙咀心臟地帶iSquare呢家川菜非常之出色，好適合聚會，閨蜜或者情侶食飯想傾吓，呢個環境計都一流，我哋食嗰日剛好遇上藍天白雲，景色額外漂亮，錦上添花。食物方便佢有唔同嘅午市套餐選擇，今次我哋叫咗個$588套餐。個人最鍾意之選係出品嘅成都水煮桂花魚，乾辣椒配上辣油，辣道剛好，魚片非常足料，質地都好滑，味道可口，賣相精緻。另一度道菜都非常特別，鮮蘆筍配牛舌心，食川菜通常都比較油膩，蒜味可以令成件事冇咁濃郁，蘆筍可以將口入邊嘅辣味同埋油膩嘅感覺降低，食落去好新鮮甜，好舒服。食完之後飲咗杯水果茶，好大杯，配上呢個午市套餐剛剛好…Read More

牛頭角非常密集嘅寫字樓內，沿着海旁呢家餐廳，可以放工之後去輕鬆嘅地方，環境好闊落仲可以望到好遠嘅景，呢度係牛頭角同埋九龍灣中間，地點都非常之方便。香草車厘茄蘑菇蕃茄汁扁意粉🍝.蕃茄汁意粉令人非常之開胃，車厘茄食落去一啲都唔酸，意粉煙韌程度啱啱好如果唔想食到太重口味，呢個都係好適合嘅選擇。12安士美國安格斯西冷扒配忌廉薯蓉.牛扒肉汁濃郁，牛扒都幾厚，五成熟其實剛剛好，牛味非常之香濃，賣相同埋味道都恰到好處。呢個係誠意推介可以叫來試一下！蘋果汁同橙汁加西餐嘅配合我自己係最鍾意❤️如果想飲酒嘅話佢呢度都可以仲有一個戶外嘅平台最適合收工過嚟傾吓計詳談，環境非常之優雅！…Read More

🏞西貢世外桃源 酒店高質餐廳🌌適逢四年一度嘅盛事十二月呢段時間有世界盃搵左間酒店裏面嘅西餐廳渡過週末下午而重點係夜晚有得睇波嘅餐廳 餐廳最別緻嘅係佢掛晒唔同國家嘅國旗，非常擁有世界盃嘅氣氛適合三五知己過嚟，除此之外仲有桌球枱，哥爾夫球位置可以比一班朋友一齊相聚晚上嘅時候仲可以喺嗰度睇波今次就帶咗媽咪去試吓！.餐牌上面好多嘢都好想食最後我哋叫咗三款最想食嘅主菜同一款甜品💙黑松露大蘑菇,溫泉蛋意粉💙忌廉煮藍青口💙三重芝士薯條🍟.超濃郁嘅三重芝士味好香口不過真係要建議即刻食影相影得太耐就會變硬變涷就冇咗熱辣辣上枱嗰時到咁好食㗎喇！.誠意推介佢個甜品💙疏乎厘班戟鬆餅🥞加入左焦糖牛油楓葉糖漿同埋唔同種類嘅水果，成日都話減肥一見到甜品就食咗食先唔使減肥住，提子同埋士多啤梨夾埋班cake混合一齊即刻覺得好Fresh！…Read More

上星期去咗旺角突然間好想食sukiyaki星期三嘅晚上都要等自己開心啲🤭呢間餐廳主要係用日本鹿兒島A5和牛/壽喜燒及炸物，和牛配上金黃色嘅蛋黃同蛋醬，感覺特別滋味，員工製作壽喜燒嘅過程，加入大大嘅棉花糖溶化喺壽喜燒裏面，口感及味道相當唔錯。黑毛和牛壽喜燒Sukiyaki (2人前)❤️黑毛和牛西冷/肉眼360g❤️自家製棉花糖壽喜燒醬汁❤️季節野菜盛盒❤️讚岐烏冬/日本米飯❤️巨峰提子梳打❤️白土乳酸梳打另外，如果大伙人去，有兩間房可以選擇，相當日式嘅感覺，性價比高，值得一試。…Read More

下雨天喺公司非常之多嘢做去附近覓食聽朋友講話千之味都幾好食今次紅色暴雨嘅情況之下選擇咗外賣返去公司度食必食推介海膽軍艦海膽非常新鮮 口感好細膩海膽嘅甜度啱啱好 份量都非常充足係落雨天嘅情況之下食特別覺得喚醒味蕾吞拿魚蓉軍艦有吞拿魚嘅油香 感覺Juicy 味道相當之唔錯八爪魚壽司八爪魚鮮甜，都唔會乾身，味道算正常，但係八爪魚唔會話特別肥美。而佢個燒牛舌心我覺得係必食之選，煙靭度剛剛好，牛舌嘅味道足夠，燒得唔會太乾身，絕對適中。性價比非常高，下次可以喺佢嗰度直接堂食，最後提一提，當日紅色暴雨員工好細心，知道我係外賣俾個保溫袋我，拎到返去都唔會有任何問題。…Read More

近期最愛打邊爐既地方今次去左位於銅鑼灣永光中心 紅堂火鍋進入餐廳 覺得自己恍如置身於另外一個境界華麗✨嘅裝修 室內設計以紅色及黑色為基調有著古代與現代之間既穿越感極致視覺感官及四川麻辣🌶味蕾混合於一身個人認為紅堂火鍋店嘅食物質素係令到我最滿意嘅一個地方從湯底，手打丸，水餃包點，手切牛既品質，每一樣都做到好到位。心食推介✔️🔴紅堂和牛牛油麻辣鍋🌶🌶湯底味道濃郁入味，香香既牛油味配上麻辣火鍋，兩樣嘢混合埋一齊，反而令牛油嘅味道更加鮮明。辣椒平均分布喺每一個九宮格裏邊，層板間着令辣椒唔會溜到其他格𥚃，重點係唔同嘅格裏都會配及唔同力度嘅火，客人喺打邊爐嘅時候，可以根據喜好或者配料需要煮既時間同程度，去到選擇不同位置格去烹調，又有得食又有得玩，我哋都覺得呢個做法非常之聰明同埋特別。🔴手切牛頸脊牛頸脊色澤特別粉嫩，油花都好均勻，肉質細緻。配上黃牛牛油鍋，牛肉入口更加香濃。🔴海鮮拼盤🍤拼盤包括鮑魚、聖子、海蝦、仲有帶子片。我哋特別喜歡佢嘅聖子，食落去鮮甜爽口，絕對係高水準之作。不過記得烹調時間唔可以太耐。剛剛好就已經足夠，我同朋友食完仲想叫多一碟。🔴墨魚松露丸手打松露丸爽口彈牙，松露配上麻辣火鍋係另外一種係令一種享受，達致味蕾更加豐富既效果，所以除咗松露丸我仲帶松露餃🥟，呢一個餐牌簡直係松露愛好者嘅專利😎…Read More

疫情最近終於緩和返啲啦，早幾日去咗旺角朗豪坊，旺角飲茶選擇一向都唔算特別多，之前知道呢間位於朗豪坊嘅fusion菜式早前己開幕佢地亦都有中午及下午茶，粵式滬式川式包點及點心，全部有齊。同朋友一齊嚟自己食咗幾款菜式，佢哋嘅小籠包自己覺得特別出色，而小籠包亦都會有套餐。自己特別鍾意以下呢幾種包點酸菜魚湯小籠包黑松露小籠包流沙黃金小籠包黑松露蝦餃佢地既蝦餃除咗用真材實料既鮮蝦製造之外川式蝦餃，麻辣蝦餃及泡椒蝦餃用料新鮮，麻辣味道濃郁刺激將鮮味帶到另一種層次。十十午市除左有得茶飲，仲可以選擇多款午市超值套餐，價錢由$68至$88。另外不得不提佢哋有一個六點前既火鍋🍲套餐川滬一人前鍋物可以選擇雲吞雞，酸菜魚，酸菜牛肉，水煮魚，水煮牛肉或者雜錦海鮮。配料方便可以配上豆腐午餐肉牛丸魚片頭津白等等。如果想再豐富啲可以加多$48就有90分鐘放題升級，有埋肥牛，牛柏葉，雞件等等包羅萬有既配料。今日下午見到好多人都試緊呢一個套餐，抵食衛生亦都好多選擇，下次我嚟就會試呢一個，感覺超級抵食亦都有好多嘢可以食到！…Read More

從一月到四月，已經將這個訂位取消咗兩次再重新訂過。自己真係好期待嚟到呢間位於海港城嘅西餐廳食下午茶，見到網上面嘅相同埋介紹都份外靚！但係因為疫情之前一直去唔到，最近疫情緩和返好多，趁復活節假期就同朋友去咗食個下午茶！假期天氣超級好，我哋一早就訂咗戶外嘅位置，啱啱好有個corner位俾我哋，影相一流。仲要嗰陣三點幾陽光剛剛好唔會太曬。彷彿我哋已經去咗泰國旅行咁樣樣Afternoon Tea Set 呢個餐嘅性價比真係幾高有幾樣食品我特別鍾意❤️-海膽撻係全個下午茶嘅鹹點之中我自己最鍾意食品，而喺出邊嘅下午茶set，我係未食過呢一個食材配上鬆脆嘅蛋撻。佢上邊有兩塊馬糞海膽，入口即溶而味道非常之清新同獨特。- 龍蝦沙律牛油果配牛角包🥐佢啲龍蝦細細粒但係啖啖肉，鮮甜而且爽口，配上牛油果味食落去唔會過分濃郁。餐前食啱啱好，非常之開胃，我特別鍾意佢呢一個配搭。- Lemon 🍋Sorbet 通常食完下午茶餐都會覺得好飽。呢一個檸檬味食落去有啲酸酸地，之後就會醞釀出一啲甜味。完全將所有我哋嘅味蕾從食完下午茶後作重新refresh，另外佢仲有啲海鹽食落去好似鹹鹹地，我自己好喜歡呢一種擁有曬甜、酸同埋鹹嘅感覺。…Read More

早三星期之前訂咗瑰麗酒店嘅呢一間西班牙餐廳，碰上非常之好嘅天氣，差唔多下午茶時間嚟到我哋食咗幾樣嘢，你想像之中好食性價比都幾高Steak with Firtes個人覺得個肉質非常之好，煮出嚟唔會非常之硬，而牛扒嘅味道都幾濃郁，我朋友就特別欣賞佢嘅薯條佢係屬於幼細嗰種薯條🍟，烤岀黎啱啱好熱辣辣食就最好不過。Paella of the day 嚟到就一定要食西班牙海鮮炒飯，我自己好欣賞佢入邊嘅八爪魚🐙，配搭落去個炒飯非常之香口！Garlic Prawn 最後誠意推介蒜香蝦，我食唔停口，本身已經好鍾意食蝦再加埋佢啲香蒜片，佢嘅份量亦都唔會太少，兩個女仔食啱啱好！下次我一定會再到訪呢一個地方，環境優美性價比非常之唔錯🌸😍…Read More

週末同好朋友黎到將軍澳海旁搵間餐廳食個下午茶，嗰度全部都係外國嘅侍應，佢哋好有禮貌本身戶外冇座位佢哋話轉頭傳俾我哋，最後我哋仲可以對住過海食住Pizza同雞翼。兩個女仔都食得晒味道啱啱好，Pizza唔會太油膩，水牛芝士加蕃茄醬嘅配搭永遠都係一流！啱啱炸起岀爐嘅雞翼非常之香，個皮好脆，啖啖肉，兩個女仔咁樣坐一個晏晝傾吓計非常寫意。…Read More

荃灣地道東南亞泰菜圍威喂 超滑海南雞🐥外賣自取必選 套餐低至六折特別要提員工態度非常之好，有耐心推介二人餐 - 六折優惠 $198/$248分別兩個任君選擇而我自己特別推介以下幾款食物- 馬拉盞通菜馬拉盞配合蒜蓉洋蔥加辣椒炒通菜味道不錯 惹味香口。- 無骨海南雞自己最鍾意係呢一個無骨海南雞，雞皮同雞身非常之滑溜，海南雞亦都啖啖肉雞髀同埋雞翼最好食，亦都有甜酸醬同埋薑蓉配搭，辣道亦都剛剛好，個人覺得呢個係必食之選。最後連配菜嘅青瓜都通通俾我哋食晒。- 扎扎跳蝦🍤餅蝦餅其實掃大家都知道其實幾參差，呢家店的蝦餅即使係外賣都唔會太冧，肉地夠紮實，唔會炸到好厚既一層粉，份量亦都剛剛好。- 青咖喱雞本身夜晚唔食飯，但有呢個咖喱汁，我係食左一碗飯🍛外賣套餐會看到四月尾都仲會有得食，我自己覺得二人份量就非常之足夠，價錢亦都好恰當，外賣返到屋企都唔會話唔好食，本身食物質素不錯，荃灣同埋荔枝角都有分店，方便而且性價比高。…Read More

最近去咗裕民坊之前新開嘅INN，訂左去戶外嘅位置 我特別鍾意尤其是好似法式嘅小花園同埋噴水池位同朋友嚟食咗個下午茶我哋叫咗意粉🍝，飲咖啡佢帶咗小朋友嚟另外叫咗一個士多啤梨雪糕俾佢食嗰日日光非常之足夠亦都有影咗好多張靚相疫情冇咁勁希望再去多一次好似有Happy Hour有啤酒飲 下次再去Chill…Read More

自從今年疫情後已經好耐冇出過去食下午茶啦早幾日嚟咗啲Dear Lily下午茶都係包括左日常有嘅嘢自己就覺得而家呢幾樣野都唔錯英式鬆餅配草莓果醬/奶油鮮蝦蟹肉雞尾酒巴拿馬火腿配車打芝士忌廉另外 我自己就好鍾意佢個環境有室內同埋室外 今次因為好朋友生日嘅關係我一早訂咗位可以坐到室內心型椅既位置都屬於佢哋嘅signature員工服務都唔錯佢哋亦都有過嚟問吓啲嘢好唔好食啊等等 有種好似去咗外國咁樣遲嗰好天疫情冇咁勁嘅話我就再嚟食過啦…Read More