今次同老公亞仔去咗一間之前老公食過幾推薦的韓式燒肉店，坐低時已經送咗餐前小食同埋韓式年糕，年糕嚼落好有口感，唔會好辣。我哋叫咗個SA套餐，真係唔使落手整，完全享受！套餐入面有烤牛排骨、五花肉同埋豬頸肉，專人幫我哋烤，簡直係懶人福音。先講講主菜，牛排骨烤得啱啱好，肉質嫩滑，味道香濃。五花肉脂肪適中，唔會太膩，一啲脂肪都冇不過好重肉味，燒到金黃酥脆，好想再嚟多一份！至於豬頸肉，更加唔使講，口感十足，每一口都好滿足。另外，我哋叫咗個大醬湯，味道稍微偏鹹，但撈飯就一流，飯同湯一齊食，簡直係絕配！韓式粉絲同雞蛋羹都好好食，粉絲有啲Q彈，雞蛋羹好好食，真係一試成主顧。飲品方面，我哋叫咗杯洛神花柚子梳打，唔叫好甜好解膩，仲叫咗市面少有嘅米漿飲品，味道似豆奶，清新又好飲。整體來講，今次用餐體驗非常愉快，以後一定會再返嚟！…查看更多
