dalewl's Profile

沙田中心新開餐廳牛太，中午有午市定量燒肉餐，限時60分鐘，係星期五中午就去試下，叫左一個199上級和牛，另一個同樣199和牛三味，每碟有8件，份量唔太多，但有任食bar，沙律生果炸雞薯條咖哩牛肉飯，所以實飽，上級牛肉好有油脂，肥美及好稔，另一個係牛舌2件橫膈肉3件牛肋肉3件，牛舌正常質素，橫膈肉就比較韌，牛肋肉好味，總結一試不妨。…Read More

冬至餐又揀左去食紅磡景逸軒，訂左隻亞拉斯加蟹，今次是採用花雕蒸，隻蟹上枱好靚，件件剪好晒，容易食啖啖肉，好香的花雕酒味，仲有好多蟹膏，肉質鮮甜，叫左碟生麵撈蟹膏，咁鮮味的餸可以連汁都撈埋。西班牙一字骨燒起好香，仲有濃郁的蜜汁味，都算厚肉唔係得條骨，所以很好。糯米釀雞翼是驚喜之作，夠熱又香口，咬入去又有綿滑的糯米飯，外脆內軟，估唔到咁好食，還有薑蔥桶蠔，好大隻是肥美的，咁凍仲加埋個熱辣辣的羊腩煲，滾滾下食左可以暖下胃，個汁調較得不錯，除左羊腩，裡面的支竹冬菇都好入味，最後食埋甜品杏仁茶，圓滿的冬至聚餐。…Read More

有日經過帝都酒店見到自助早餐平日做緊88一位，作為沙田友咁近，第二日就一早起身落去食，未夠8點去到冇乜人，自助餐區有沙律bar，有egg station，有煮麵檔，熱食枱有晒all day breakfast的食材，粥麥皮多士點心生果，樣樣有，唔算極豐富，但都叫乜都有，我食左三輪，中式西式早餐都併了出來，仲歎埋杯即磨咖啡及熱茶，埋單時發現仲唔駛加一，坐左個幾鐘，都同自己講有個開心的good morning…Read More

來到紅磡景逸軒做冬食晚飯，今晚來食手工菜，訂了魚雲𡙡，係我第一次食，師傅用左幾個魚頭製作出來，好滑好鮮，一人一煲，仲有火熱住，夠貼心，另外，仲叫左個特大XL虎蝦，隻蝦由頭食到落尾，有羔有肉，未食過咁大隻，仲好爽，做冬夠體頭，加埋煎米粉底，個汁鮮味，好正，乳豬好耐冇食，真係脆皮來的，桶蠔熱辣辣好香啊，仲叫左鮑魚加海參，蟶子，總評今晚晚飯好滿意，最後甜品是菠蘿包同杏仁茶，太完美了，屋企人又開心，係最好的。…Read More

阿拉斯加蟹做緊推廣168一斤就訂位試下，自己去漁池揀左隻5斤重好生猛的，還有叫左片皮鴨、荔芋蝦、生炒糯米飯及甜品。本人鐘意食蟹，原隻蒸啖啖肉，好鮮味，片皮鴨就脆皮有肉汁，其他餸菜也很好味，可以一試。…Read More