eatinglung's Profile

呢間和平飯店係深水埗全新嘅商場V walk 開嘅上海美食店，位於係商場嘅2樓，有人聽朋友講完就。專登去呢個商場幫襯下。商場位於南昌站上蓋，非常方便，交通都唔洗點諗入到去和平飯店餐牌簡單易明，啲嘢食都幾實惠，選擇亦都好多，我同個朋友唔太肚餓嗌左幾樣輕食。首先就係生煎包，一碟三件煎得好香，一黎到就顧住食連相都無影到仲有就係雪菜肉絲炒年糕，呢個配搭其實第一次嘗試，但原來都好好食，清淡得來又唔係乜味都無！最後就黎兩個甜點，個高力豆沙唔算太大件，外皮唔厚，入面啲豆沙亦好多，芝麻湯圓個份量都適中，糖水甜度亦都調得好好。…Read More

去酒吧通常都淨係飲酒，食下啲小食，好少人會去食正餐，但原來有啲吧嘅正餐食物都唔遜色於其他餐廳，辣吧就係其中一間我想推介！辣吧位於尖沙咀諾士佛臺，朋友們想快啲到，可以由美麗華嗰邊上樓梯/斜路，就會近啲！入去店內，見到啲裝潢都唔差，有啲古色feel，不話見佢電視有足球睇，岩晒啲睇波人士我同個朋友見上面餐牌個2-3人大鍋好似幾正，就膽粗粗叫左，點知黎到真係勁大鍋勁多餸😂2-3人份量，可以揀一款麵兩款海鮮三款肉四款菜，我地揀左土豆粉，花甲貴妃蚌，因為身體不適唔敢食麻辣，所以揀左燒烤味，但食落又幾好味，不過麻辣應該更加正！唔好睇佢炒埋一鍋，但味道同份量都係唔差！最後另外叫左串燒韮菜同埋豬天梯，呢兩個都好正，燒得剛剛好！最後 我都係忍唔住叫左杯cocktail 熱情奔放呢個味道相信好多人都接受到 幾易入口😋…Read More

成都老碼頭火鍋位於旺角，嚮地鐵站A出口上去，行大約七分鐘就到，店鋪外表已經充滿濃厚嘅古老特色，不知道內裡是否一樣充滿古色古香呢。與老友相約外店外等候，用膳時間大約1845，不算多人，可能係工作天嘅關係，上班一族未有咁早到，所以唔流排隊👍進入店內就開始感受到嗰種古色，裝潢特別，餐具亦精選精製。研究餐牌發現有優惠，每日有不同食物可以優惠價享用！我地唔食得辣，揀左個香港小辣同埋一個豬骨湯底中和返😂 另外選左一啲想食嘅配料你地睇睇，我都知道成都四川麻辣係唔惹小，你見到個湯底嘅紅，就知佢有幾多辣椒🌶️同辣油，所以唔係大食得辣嘅就唔好充大頭鬼喇！哈哈！我由第一張相介紹啦，首先係草原鮮毛肚，呢個係星期四嘅優惠，放入滾滾嘅火鍋入面十秒就可以放入口了，非常爽口，食落去索索聲，推介！之後就係半份A4牛頸脊，其實都唔洗點講，大家望一望佢啲脂肪分佈，相信都唔會覺得我吹棒，真係正到爆，食落口之後牛肉嘅鮮味濃厚，一點都唔會肥膩！黑毛豬腩肉，是星期二嘅精選優惠，你地唔知我邊日去啦🤣 雖說豬腩肉，但亦無肥膩感覺，反而好有口感！最後仲有老友鬼鬼、蛋餃、手打芝士墨魚丸，呢幾樣都幾有特色，平時啲火鍋店都好少見到呢啲食物，所以大膽一試！不過真係好食嘅、出色嘅！最後想講，呢度店員都幾多，服務真係唔差，想搵人好快搵到，收嘢、幫你加水加飲料都幾快👍…Read More

亞士厘道嗰度多嘢食就係人都知，除咗地舖之外，響兩邊嘅大廈，都隱藏左唔少樓上美食，北海道爐端燒就係其中一間，店舖位於捷利商業大廈3樓，有升降機上唔需要撐樓梯店內環境優雅舒適，有兩種位置選擇，我同個朋友就揀左日式啲嘅地台座位，不過唔鍾意除鞋嘅朋友都可以選擇正常嘅餐桌。坐定定之後就研究餐牌，餐牌亦有圖片供參考有很多不同選擇，其實平時去放題嗰啲，食到好多日本嘢，但去呢啲居酒屋feel嘅先食到特別啲嘅日本菜式，最後我們點左以下嘅食物。海膽刺身好新鮮，配合紫菜包住真係一流明太子蛋卷熱辣辣送到埋黎要即刻食，先會食到佢最美味嘅一刻。浜燒蟹蓋，呢個真係正到唔知點形容，我係有啲怕生雞蛋嘅人，但撈完啲蟹膏蟹肉真係好難抗拒。特別想推介嘅係呢一款食物，「串燒拼盤」真係驚喜之作，因為係由廚房師父隨意配搭，當中會有餐牌上無嘅嘢食。最後，呢兩個稻草燒安格斯牛扒同烤塩鰹刺身都好好味，餐廳將牛扒分開幾部份，將最好食嗰啲放嚮葉上面，唔怕肥嘅話可以食埋底部嗰啲較肥嘅部分。個塩鰹刺身好正，好有口感，連埋個蒜同啲蔥，一啖放晒入口真係正到爆！…Read More

18樓養嘅唔係牛牛，變左養雞仔喇荃灣大鴻輝中心嘅18樓，就係呢間18樓雞煲火鍋專門店，之前已經聽過幾個朋瘦話上去食過，話任食火鍋黎講評價都唔錯，今日專登約左個朋友一齊上去！好評餐廳自然客人多，由於想避過人群，我地選擇左較早嘅時段，下午五點幾就入坐，上到18樓已經見到有人食緊英雄所見樂瞳店內環境幾寬廣，基本上全部都卡位，有兩排窗口位，可以一邊食一邊睇下風景，我雖然唔係坐窗口位，但𥄫左兩眼個景都唔差好回歸正題，18樓雞煲嘅雞煲真係唔錯，唔係！係好食至真，佢一拎個煲出黎已經九成至全熟，好快食得，有啲雞煲店要等佢煮多10分鐘，等到頸都長！我食過唔少雞煲，個雞煲嘅醬汁都係大同小異，最好食嗰幾間，就係要用差唔多配料但同其他雞煲店有啲唔同，呢間雞煲就做到，佢嘅醬汁味道濃郁，味道亦冇被辣味掩蓋！食完啲雞，就加湯食其他配料，呢度啲湯係自己加，所以你想啲湯濃啲淡啲可以自己調節。其實配料間間都差唔多，不過呢間令我驚喜嘅係個響鈴同埋啲蝦，仲有個櫻花蝦片，個響鈴係呢間自家製，外表都幾獨特之餘，食落係幾鬆脆！另外啲蝦好新鮮，煮完係唔會霉左咁款，爽口的暖後係個櫻花蝦餅，其他地方未見過，有啲特色！最後，呢度嘅飲料都係免費，有幾個雪櫃任大家去拎！同埋菜、雪糕都係要自己親手去拎去整！…Read More

上星期同朋友行過又新街，見到呢間泰豪燒入邊嘅裝修幾特別，就望一望個餐牌睇吓有咩食，見應該都唔差就一齊入咗去！ 一入到去坐低店員就俾咗呢個外表獨特嘅餐牌我哋，最喜歡有誠意嘅餐廳海鮮砂鍋粥 佢有一個海鮮menu 比我地揀 有啲要加錢 我地㨂咗花甲同蟶子 都係唔駛加錢 花甲同蟶子都好鮮甜爽口 粥底鮮甜用上湯煮唔係一般白粥 二人份量比預期多 我覺得三人都夠食😂 砂鍋好夠熱我地食到尾都仲暖泰豪燒當然唔少得燒煮嘅食物，我地都點左好多款，我鍾意食下圖嘅燒豆卜，有啲似平時BBQ燒嘅豆卜，但呢度啲燒豆卜脆脆的，加埋佢啲調咪粉然後就係呢個燒韮菜，啲韮菜燒到岩岩好，唔會好乾，吃落好爽口，食完真係忍唔住叫多碟!開始懷疑自己變左素食者，宜家食串燒都離唔開菲韮菜同茄子！你無睇錯！下圖係燒原條茄子，望落好似唔係茄子，因為佢面頭舖滿左蒜蓉啊愛吃蒜燒茄子嘅朋友真係走唔甩最後，呢個燒雞翼啲外皮好脆，平衡返我菜同肉嘅比例🤣 小編推薦大家來元朗一定要來吃呢個泰豪燒啊!…Read More

有一日行過金馬倫道，見到呢間串王之王，覺得幾有特色，前幾日就約咗我朋友去依度聚一聚！呢間串王之王主打麻辣火鍋，同埋一串串用竹簽串好嘅食物！唔同時段任食都會有唔同價錢，另外好似有兩個時間選擇，食兩個鐘/個半鐘，不過聽個價錢都係抵食！下面兩款小食都想推介俾大家，第一個係煉奶糯粑（應該無記錯）😂，第二個係串王酥肉，不過一個係甜嘅外脆內軟，一個係咸嘅，呢兩款都建議大家嗌黎食。我同個朋友嗌左鴛鴦鍋，一邊係小辣麻辣火鍋，一邊係清啲嘅湯底（純粹怕太辣）😂由於我地都係鍾意食麻辣又怕辣，所以呢個辣度真係岩岩好！出到去拎嘢食位，見到一串串嘅嘢食已經流晒口水🤣好多唔同嘅肉串我不斷拎佢嘅牛肉同埋豬頸肉，特別想推薦大家拎豆卜、魚皮、魚腐同埋響鈴，真係好入味😍😍最後一提，呢間嘢係任飲架，都有好多唔同款嘅嘢飲！…Read More

位於元朗嘅倫哥私房菜，相信住元朗嘅人一定會識，亦有唔少人慕名而來！早兩日約咗出邊嘅朋友去咗呢度食嘢，食完已經要計劃下幾時再食🙂我哋一坐低就即刻有人的招呼，問我地雞煲要咩辣，好快就有一盤熱騰騰嘅雞煲送咗過嚟，啲店員仲會不斷提醒幾時要翻一翻啲雞，同埋幾時食得！係等啲雞熟嘅期間，店員就攞咗一盤好新鮮嘅刺身俾我哋食先，有大蝦 三文魚 帶子，全部都好鮮甜。食完刺身，啲雞食得嘅時候，又放左一個煎pan同一碟嘢黎，原來係鮑魚 花膠 蒜蓉聖子，啲花膠煮得夠軟，一啜落口嗰下成日都係汁，好正！啲聖子上面鋪滿左蒜蓉，將啲蒜蓉連埋隻聖子放晒入口，雖然成日蒜味但超出色食完上面講嘅嘢，唔好以為就咁完左，隨即店員就會問你使唔使加多次雞或者轉火鍋，我哋揀咗一個牛奶豬骨鍋但走左牛奶然後店員就連埋日本海鮮、一盤頂級肥牛送左上黎，部份海鮮同埋呢種肥牛，之後加就要額外加錢，唔想加錢就要珍惜每一嚿喇！另外一提，仲有好多唔同嘅美味配料可以落單，我本人就鍾意食呢度嘅墨魚滑、魚皮、響鈴！最後想提提大家，呢度嘅嘢食真係食極都有，同埋嘢飲又係任飲，要去食嘅話要留返一個空空嘅肚去！…Read More

Lockeroom 係一間以足球為主題嘅餐廳，位於旺角朗豪坊旁邊，店內貼左好多唔同嘅足球員相，另外牆上都掛住一啲阿仙奴波衫，相信店主係一個阿仙奴忠粉一上到餐廳揀咗個靚位，隨即就睇個餐牌，就連個餐牌都費用球場黎做background，幾得意！最後我哋揀咗兩個晚市套餐，g同埋h，包一個湯、一個沙律、一個蒜蓉包、一個主菜同埋一杯嘢飲。餐湯同埋沙律嘅盛器好精緻，就咁望已經覺得會好好食，依個蒜蓉包好脆，而且蒜蓉味適中都主菜啦都主菜啦，首先嗰個西冷牛扒，我食開七成熟，熟成嘅程度岩岩好，而且個西冷牛扒好大塊，食到好滿足！到黑毛豬梅肉拼元貝，未食過呢種豬肉，但口感質感都唔差，又無煮得太過火。最後係加左個甜品心太軟，外脆內軟，我最鍾意食就係朱古力！整體來講我哋呢間野唔錯，價錢中規中矩，環境氣氛都唔錯！…Read More

去到旺角周街都係嘢食，花多眼亂，最近聽朋友介紹呢間神戶屋日韓放題，所以今日同個朋友行我都專登去試一試。喺兆萬中心搭電梯上到8樓，入到去已經見人好多，都相信唔會中伏。店內環境唔錯，光線又充足，座位枱面都整潔！我同個朋友一坐低，當然係睇餐牌，話明係放題，食物種類當然係好多，有刺身、壽司、手卷、天婦羅、一品料理等等。我認為食放題最緊要係個刺身，刺身唔好食就會影響成餐，呢間放題都無令我失望首先種類唔少，第二就係個新鮮度都好足夠，佢嘅帶子同埋海膽刺身一啲腥味都冇，雖然個蟹棒比較失色，但係佢嗰幾款蝦我係最鍾意嘅，有泰式生蝦、甜蝦、天使蝦、有頭甜蝦、好大隻嘅赤蝦！呢啲蝦我嗌左幾round！除咗刺身之外，你其他嘢食都係唔錯嘅，我比較鍾意嘅係燒羊架、牛舌，蟹棒、蝦天婦羅，同埋啲迷你手卷！另外，有一樣想特別介紹嘅係「鐵板炒銀芽」，佢用左蝦醬黎炒，雖然呢個菜式有啲辣，但嚮其他地方就未試過，好特別！最後，呢度食物種類真係好多介紹唔晒，而且飲品亦都係任飲好多選擇，亦都有免費嘅雪條雪糕，價錢亦唔係貴嗰隻，另外一提佢有一間房有啲大枱可以容納一大班人，就算一大班人亦都可以一齊去食！…Read More

前日同朋友去路德圍附近搵午餐食，見到呢間越味皇，就突然好想食越南菜。午餐餐牌有兩邊，一邊係飯，另一邊就係檬粉嗰啲，我朋友叫咗個雞翼撈檬，份量都唔少，雞翼有四件，撈檬嘅湯水都好夠味道，落左成半樽，差啲變左湯檬而叫午餐可以另外加錢嗌啲小食，我哋好為食，乜都想試所以呢啲選擇啱晒我地，我哋先加咗一個牛肉串同埋一客酸辣鳳爪，串牛肉望落黑黑地以為燒得有啲燶，但原來實際食落又唔係咁！燒得啱啱好，配合佢提供嘅沙嗲汁絕對無得輸而個酸辣鳳爪，一上菜已經覺得個色澤好靚，食完就真係知道應該有花時間去醃製，好入味，啲味道唔係得表面有我就order左個餐廳推薦嘅招牌炒飯，雖然味道淡左啲啲，但除左兩隻蝦之外，入面啲料都好足架，都算物有所值嘅！最後嗌左多個越式炸蝦餅，蝦味濃，新鮮炸出黎，點少少酸辣醬，正！飲品方面就嗌左珍多冰同埋益力多沙冰，珍多冰比較淡，但都唔算差。整體黎講呢間餐廳唔差，價格都唔算昂貴，嗌左咁多都係二百幾蚊，服務好上菜亦快！…Read More

依間西餐原來同元朗劇院個邊係同一間，兩間風格一致，鋪頭座位不多，有張長檯可以坐到6-8個人。有需要可提早book位晚市有最低消費130一位，經常有手工啤酒或者生啤特價，間中更有海鮮放題任食，近期仲有朱古力火鍋，價錢不貴，不過只有1430-1630有。餐包依舊出色，有咬口。而餐湯係雜菜湯，好多料比較清淡。3個女仔，叫左個2人餐再加1個羊架。dinner set $388，前菜有兩款，叫左冬蔭公煮鮮蜆，味道不俗，偏辣，蜆亦都好新鮮大大隻而同樣係冬蔭公蟹肉意大利飯，份量岩岩好，夠creamy，飯亦都軟硬適中，而蟹肉分量都唔少而豬手係真好大隻，旁邊燒菠蘿真係又甜又多汁，同埋啲配菜都好好味，好抵食而羊架叫左7成熟，岩岩好，羊味唔重亦冇酥味坐得舒服，不過燈光可以光小小就好…Read More

有日同朋友講開韓國燒烤，朋友介紹左呢間oppa韓燒放題俾我，話旺角同大埔都有分店，所以今日去開大埔呢邊就入去食下！大埔oppa由太和站行過去只需5-10分鐘，店舖內好有韓國嗰啲燒肉店feel，店內有兩種放題選擇，兩種都係任飲任食，368同238嘅分別係368有海鮮揀，我咁識食梗係選擇368食埋海鮮🤤一坐低店員就根據人數，幫我地拎左一盤牛出嚟，另外仲拎咗一盤海鮮，入面有蝦、鮑魚同埋帶子，見到都心郁郁想即刻燒黎食！唔好誤會，以上所講嘅兩樣野都係可以食完再嗌食完再嗌！我哋選擇食咗啲牛先，啲和牛每一個部位都好新鮮！肉紋好均勻，唔會有超大片肥膏嗰種！平時去啲燒肉店，一次過落咗好多單，有啲部位都分唔清邊種打邊種，但呢間oppa嚮每種牛肉上面都放置左一張紙介紹返果一種係邊一個部位，起碼燒完大家都知食緊邊個部位而幾種海鮮，帶子同鮑魚，建議大家用鉸剪將佢剪出黎燒不連殼，因為咁樣省時好多，限時燒烤大家都唔想浪費每分每秒！除此之外，大家亦可以點一啲韓國小食，炸雞、海鮮餅、炸醬麵等等。整體來講，雖然時間唔係太足夠，但呢間韓式燒烤食物款式同價錢方面都唔差，我都覺得滿意，會再來幫襯！…Read More

一向都知道荃灣大鴻輝中心多嘢食，假日排隊搭lift都打晒蛇餅，近日知道相馬日式火鍋嚮呢度開左分店，就即刻約朋友嚟食。呢間日式火鍋分午市同晚市，如果想平啲可以考慮午市光顧，如果想長時間啲慢慢食，就建議選擇晚市120分鐘放題。相馬日式火鍋出名特上澳洲和牛，即係下邊餐牌$348一位嗰款，當然，選擇得最貴嘅同時，你就可以隨意落單揀晒上面咁多款嘅牛肉，另外呢個套餐加埋任食嘅海鮮（鮮蝦、蠔同埋帶子）。相比起其他日式火鍋，相馬呢度有差不多10款火鍋湯底，以下幾款需要加些少收費，亦有一啲不用收費嘅湯底，例如泡菜、甜豉油、豚骨等等，可以雙拼！我同個朋友揀咗赤豚同埋山盛香菜（即係芫茜🤪）湯底，一邊濃啲一邊清啲。我哋嗌咗啲黑豚肉、上級牛小排、澳洲和牛，啲肉全部都好新鮮，切得厚薄適中，一夾落個爐淥8-10秒就食得，鮮味十足🤤。牛小排比較多肥肉，而澳洲和牛商隊肥瘦均勻，啲雪花紋好靚好平均。海鮮方面我特別喜歡海蝦，夠大隻又新鮮，食落好爽口。最後，除左肉類同海鮮，相馬亦俾左好多其他食物顧客選擇，有丸類有菜類，建議大家選擇佢嘅芝士丸芝士狗。另外一讚，相馬嘅員工反應好快，有一下我唔少心打翻左罐飲料，佢用九秒九嘅速度拎左毛巾同一包紙巾過黎幫手🤣…Read More

位於朗屏嘅雲貴軒，令朗屏邨居民多左個吃個便飯嘅選擇，最重要係佢仲可以嗌外賣，啲宅男宅女可以買返屋企邊食邊煲劇！另外，一個飯嘅價格係4x，唔算好貴。餐廳餐牌內有面同肉燥飯揀，要吃台式風味嘅嘢當然要揀肉燥飯！本人光顧左好多次，佢嘅肉燥飯好多肉碎，醬汁看似好濃但入口又唔會俾嗰陣味覆蓋其他味道！我食過蒜香雞翼、豬頸肉、鎮江骨、豬軟骨，好多款都試過，但最鍾意係佢豬頸肉肉燥飯，啲豬頸肉佢整到個邊有少少脆口嘅感覺，極力推介！補充返呢間店由落單至有嘢食嘅時間真係好短，好快就有嘢食😂…Read More