幸福肥豬的個人專頁

經過見到我最愛嘅芋泥，仲有芋圓，即刻忍唔住買嚟試下！仲要叫咗加大！芋泥小芋圓厚奶($33)第一啖真係嘩！厚奶真係好濃厚，加埋大量芋泥，所以成杯質感都幾杰身，好似食緊一碗糖水咁！加埋做成珍珠形狀嘅芋圓，佔了差不多1/4杯，飲完好似食咗一大碗飯咁飽好滿足呀！…查看更多

辣死你阿媽-配怡保炸雞髀($64)辣死你阿媽其實即係nasi lemak 😂所以係椰漿飯，有魚乾仔，蛋，同花生，重點當然有參巴辣椒醬。個醬好似甜辣醬，好開胃炸雞髀雖然皮脆，但肉炸到乾晒，一般辣死你阿媽-配冷當牛腩($64)，其實冷當亦都稱為巴東，印尼嘅一種咖喱，牛腩切得較細，睇落好似好多辣油但食落又唔會好辣，而且牛腩都炆得好林，整體不錯沙嗲雞肉串($30/2串), 好大串，肉質正常，但個沙嗲醬唔夠香，欠缺了串燒嘅靈魂烏打烏打($34/4串)，係魚蓉用一啲微辣香料製成，再用蕉葉包住燒，魚蓉質地都幾實，香料味道偏向似咖喱，都幾得意…查看更多

番薯蜆虎蝦魚湯湯飯($105)，蜆有6隻，但感覺不太新鮮，每隻肉質好林無彈性，仲有少少腥味，虎蝦有兩大隻，都係一般雪藏貨。雖然食材質素一般，但鯛魚湯湯底係出色嘅，濃厚，魚味突出而無腥味，飯上面散咗少少飯素同埋大葱絲，增添風味另外叫咗原隻波士頓龍蝦湯烏冬($155)，烏冬揀咗羽衣烏冬，質地係一片片又薄又滑嘅烏冬，配咗木耳絲，豆卜絲，津白菜，整體麵底係好味嘅不過又係個餸唔得，龍蝦好明顯雪藏，肉質縮水無膏無鮮味，唔值得晒錢食龍蝦…查看更多

今次係經外賣平台訂嘅，但去到自取時發現餐廳餐牌有好多抵食套餐錢會更加抵食鮮菠蘿咕嚕肉($86), 菠蘿真係食得出係真菠蘿，而且夠熟夠甜，咕嚕肉亦都切到一口大小，粉漿不會過厚或者脫落，可惜係外賣所以完全唔脆了，如果新鮮整起一定好好食表哥海鮮豆腐煲($108)，豆腐鬆軟幾好味，海鮮有蝦，魚塊，魷魚，帶子，整體都幾足料，不過就無乜鮮味，同埋個人就唔鍾意個獻打得太杰，同埋料頭爆得唔夠香自取時影嘅餐廳部份餐牌…查看更多

一直好想食手抓餅，今日終於嚟掃街試一試食呢度全部餸都係自己剔紙仔揀嘅，所以好唔好食某程度上都睇你點樣配搭所以今次我就唔揀啲穩陣嘅蟹柳，粟米同芝士，仲免費加咗沙律醬，酸酸甜甜，好正 不過估唔到咁樣加一加已經$40，都有少少貴重點當然要講下個手抓餅，見到煎餅姐姐將一舊好有粘性嘅粉團放喺煎板上，再用一個圓嘅嘅壓模壓成手抓餅形狀，全程唔見佢落油，可能本身粉團都有油份，而煎出嚟手抓餅一啲都唔油，袋住手抓餅嘅紙袋都唔會油立立，very good…查看更多

呢間蝦麵嘅蝦湯底真係一試難忘，喺其他地方食唔到，惹味得嚟有濃郁蝦味，見到有辣椒皮碎但又唔會辣我叫咗蝦片魚片蝦湯底摻摻麵($75), 亦都可以揀淨係油麵或者淨係米粉，麵入面仲配有通菜，蝦片好多塊，但每塊都係再片開一半嘅，魚片就厚切，整體份量都好滿足老公就嗌咗一樣嘅湯底，餸就揀咗海鮮($90), 入面有蝦，炸魚片，青口，魷魚，性價比好似我叫嘅蝦片魚片抵啲呢另外叫咗個小食，沙嗲醬魷魚翼($50)，沙嗲醬似平時一串串魚蛋個啲，魷魚翼每塊都幾厚肉同大塊，墊底嘅芽菜就正常。不過份量半碗仔都無，呢個價錢偏貴咗少少…查看更多

叫咗個中size嘅牛雜($45)，份量都幾大，夠2個人分，所有牛雜都炆得入味同無腥味，連墊底嘅蘿蔔都入味無渣，值得推介P.S. 左邊係甜醬，一定要落多啲右邊係辣醬，都幾辣，唔好落咁多…查看更多

今日係星期六都預咗多人，所以一早11點45分去攞飛，已經要等200張枱，之後就返屋企坐，再喺YouTube睇住直播，仲有50張枱就出門口，最後2點45分，即係足足等咗3個鐘終於俾我食到啦可能等得太耐，點咗超級多野食，我就重點講下我最推介嘅食物吞拿魚腩，呢個唔洗講，$12實在太抵，必嗌，不過都食到有筋呢個係期間限定嘅特盛帆立貝，雖然帆立貝嘅size係S size，但有足足4塊！好滿足！呢隻海膽唔記得叫咩名，但極鮮甜，相比另一款一碟兩件嘅海膽壽司(嗰隻啲海膽係苦嘅)，所以一定要叫呢款海膽！左口魚邊，魚油香，推介卡達拉娜係必食嘅甜品，口感係比較實身嘅Creme brûlée，上面加一層膽焦糖最後宇治金時芭菲，牛奶雪糕好滑，紅豆都好大粒好甜，麻薯煙韌，但綠茶味欠奉，墊底嘅粟米片同抹茶味cream唔係好夾，淨係嗌牛奶雪糕性價比會高好多…查看更多

呢間相信大家嚟開太安樓嘅都好熟悉，一檔好有霸氣有好多炸物嘅檔口，今日經過叫咗煎釀三寶同埋炸大腸。煎釀三寶魚肉厚薄同調味適中，但大腸雖然味道幾好，但竟然好韌好韌，除咗最外皮之外，其餘個啲咬咗成分鐘都唔斷，最後都係要吐咗佢，好可惜…查看更多

今次揀咗豬肉腸，再加芫荽同雞蛋($32) 豬肉碎粉量都幾多，蛋就加咗都唔明顯，但可能係因為芫荽味太出，所以遮蓋咗，當然如果芫荽可以再澎湃啲或者加啲新鮮芫荽碎喺面會仲正，重有就係腸粉都幾滑，整體性價比都唔錯…查看更多

今日突然想食粥，喺OpenRice見到呢間有魚腩粥就試吓啦今次叫咗魚腩拼牛肉($64)，粥底係經過調味，菜甫味都幾明顯，食到尾會覺得咸咗少少。粥亦配上2塊油炸鬼。魚腩厚肉大塊，不過無乜魚腩嘅油香，味道只係一件正常的魚肉，牛肉片都幾多，不過切得比較薄，但不會有鬆肉粉味，整體係一碗幾足料嘅粥，但如果你係想要一碗清清地嘅白粥粥，呢碗就未必啱你啦P.S. 自取時順便影底堂食餐牌，價錢同OpenRice預訂的價錢相若…查看更多

今日同老公去太安樓掃街，呢間沙嗲佬已經好多年，最緊要係個秘制沙嗲醬真係好正，醬汁惹味，少少甜，最重要係有粗花生粒，而家價錢平民，最貴都只係$18牛肉同雞翼外國都有少少焦香，但入面仍然juicyP.S. 呢間店夜晚8點先開，有時甚至更夜，所以唔好咁早嚟呀…查看更多

好耐無食過呢間米芝連韓國菜，今次經OpenRice訂咗Kelly set ($130), 飯卷有幾款餸可以揀，我今次就揀咗辣魷魚，飯都可以揀白米定黑米，甚至蛋絲代替飯。另外有一碗炸物，入面有番薯，年糕，炸雞(有三隻味可以揀), 紫菜卷，蓮藕。飲品就揀咗洛神花茶(原來係有氣嘅，酸酸甜甜好特別)而家所有野加埋色彩繽紛，連同事都忍唔住話，好靚呀雖然價錢唔算平，但偶爾一次竉下自己都不錯，而家份量好大，飯卷食到一半已經好飽了…查看更多

喺OpenRice外賣自取見到呢個未來豬柳漢堡幾得意，而且$42.4如果係一個足料素肉burger價錢都算合理，所以試下。點知一打開，下？咁細個？好似個8-oz coffee杯蓋咁大，我身為女仔，都兩啖就食完，仲恐怖過兒童餐味道方面，同真豬柳完全唔同，好明顯係素肉味，蕃茄正常，菜係羽衣甘藍，醬汁幾開胃，個包好韌係咬唔斷嘅，搞到我啲汁滴到成身都係。總括嚟講，呢個價錢性價比真係極低，不會再encore了…查看更多

好耐無嚟太安樓掃街，今次無做功課，直接見到邊間多人就試吓今日係星期六，老闆娘係一次過收幾張單就去準備，做完個幾張單先至再接單，所以經常會有大排長龍嘅情況出現，條龍又好似好耐都唔郁嘅情況出現，但係老闆娘好nice好有禮貌，最後等咗20分鐘左右仙草冰($32)好抵食，因為入面咩都有，有手工芋圓(番薯,芋頭,綠茶芋圓)，仲有珍珠，仙草同埋2-3大舊芋頭，芋圓同珍珠都彈牙，芋頭就味道好好，但可以再煮林啲，整體性價比都好高…查看更多