PeterbASKSd's Profile

今晚同屋企人去東涌東薈城新開嘅「金龍」港式牛扒餐廳試吓，四個人叫咗唔同嘅扒：兩份牛柳、一份西冷同埋一份封門柳，點知食完真係有啲失望。首先講牛柳，真係好鬼韌，完全冇牛嘅香味同肉汁，食落去仲覺得比大家樂嘅牛扒差，令人好失望。西冷就勉強OK，茶餐廳級數，肉質偏乾，但至少仲有DD牛味，勉強知道自己係食緊牛扒。至於封門柳，嗯…真係無話可說，伏囉。另外牛扒半碟上嘅薯菜，份量少得可憐！每碟得一條菜、兩粒車厘茄同大約五條薯條，簡直係「珍貴」得令人震驚，感覺完全唔值呢個價，如果想食餐包以及餐湯等等仲要加$28，真係寧願食Outback。不過，餐廳嘅環境同服務都唔錯。坐位闊落，坐得幾舒服，服務員態度亦都OK，算係可圈可點。可惜，食物嘅質素真係拉低咗整體體驗，應該唔會有下一次光顧嘅打算。…Read More

而家改咗名叫羲和雅苑東涌分店,改咗名嘅分店未有 OpenRice,只好喺度寫,會話想試嘅人可以唔使去,其他舖頭更稱心首先,服務態度非常差,漏單情況嚴重,加單嘅嘢完全 冇上到,夠膽死坐咗咁耐追咗兩次單之後先再加返,都話如 果冇落就唔使再落單,夾硬同我落返,唔知我哋呢枱,其他枱都聽到其他客話冇人跟,然後cancel咗張單其次,不得不講嘅係鴨肉,不愧係馳名難食,鴨肉非常之老, 好似咬緊橡筋咁樣,配料仲要冇得refill,同一個價 位,我相信大部份片皮鴨餐廳呢啲服務都會提供到,而且水 準更高分量更加之多最後,究竟憑乜嘢收服務費?侍應完全唔理客人嘅需求,避 而不見嘅樣,水都唔加,然後收我茶芥再加一,呢個係一次 非常失望嘅用餐體驗,一定唔會再嚟,俾錢買難受,想試嘅 人都可以唔使試,值得擁有更好, 同埋明明有現金券佢都唔俾我用, 硬係要同我坳成15分鐘, 講埋啲歪理, 明明其他同事都話用得, 個收銀係都要同客人坳, 千祈唔好買佢啲現金券, 正價食品都唔會用到P.S 懷疑其他讚嘅人全部都係手打, 第一次寫食評就奉獻咗俾呢間咁差嘅餐廳…Read More

麵身爽身同滑，唔會成pat嘢咁，湯有少少味但太鹹，胡椒太搶蓋過咗湯嘅香味，導致湯嘅香味唔會話太突出，就好似平時去平價麵舖食碗雲吞麵嘅湯底咁無分別。料方面，雲吞皮薄，唔會話好厚，可惜每一粒都好細( 細過五蚊銀 )，餡亦唔多，好寒酸，鮮味亦不足，完全冇雲吞世家樣。總括而言比較可惜嘅係性價比 極低份量 極少(細玩完全唔飽，大碗去唔到六成，而自己平時胃口極細，晚餐都淨係食一細碗飯)價錢 昂貴呢啲質素嘅雲吞麵即使低價位香港好多麵鋪都做到，冇需要特登去試，一次即止，唔會再幫襯。…Read More