on dog dog's Profile

新肺炎疫情下很小人會外出食飯，難得今日有朋友邀請，介紹有正宗酸菜魚，實行食返餐好，去到樓下大堂已經感受到是高級食府，搭升降機上去，環境瑰麗堂皇，主題是紅色搭綠色，就似紅花和綠葉互相襯托。服務員招呼周到，馬上送上飲品，點菜方面當然要選老壇酸菜魚，另外還點了半隻招牌炸子雞先夠飽啦。呢味老壇酸菜魚真材實料，選用桂花魚，新鮮彈牙肉質甜美，加多個白飯就完美，女士怕肥可以食裏面薯粉。呢味招牌炸子雞，口感非常嫩滑，皮脆厚肉，炸得剛剛好，大廚手工。…Read More

同朋友行街shipping去到灣仔，行到肚餓當然要去搵野食啦，沿途見到好多食辣蟹嘅店舖，見到呢間「喜記」門口很多名星合照，相信應該幾好食，朋友們就決定入去試吓啦，入到去好多位任君選擇，怕嘈既朋友很喜歡，睇咗一陣餐牌點了個椒鹽豆腐，豉汁炒蜆，蒜蓉粉絲蒸扇貝， 糖醋炆豬扒，乾炒牛河和蒜蓉炒唐生菜，來到呢度當然要試下避風塘炒辣蟹啦 ，飲品方面，食辣蟹梗係要飲啤酒啤啤佢。飲咗一陣美食很快送上，炒蜆夠曬鑊氣很美味，椒鹽豆腐外面炸過裏面很軟，糖醋豬扒很野味送飯很正，扇貝超級新鮮，粉絲保留扇貝肉汁超好食，主角避風塘炒辣蟹來啦，雖然說是辣蟹，但不會覺得辣，聞到很香，食落好似是蒜茸，正宗避風塘炒辣蟹，這些粒粒小小咸脆脆地不會覺得硬，要來送飯認真一流。…Read More

午餐時間去到鴨脷洲海怡商場，肚仔餓當然要去搵野食啦，去到海怡東商場街市裡面，無意中發現一間食日本野叫「樂怡小厨」的小店，附近食呢食去都係美心大家樂，今次就試吓呢間啦。呢間小店外牆主要用玻璃圍主，雖然旁邊是豬肉檔，入到裡面沒有異味，雖然人多但唔洗等就有位，冷氣充足，食物都有很多選擇，有飯丼有烏冬有拉麵，我就當然點我最喜觀的豬扒味噌拉麵，另外凍飲加三蚊。坐咗一陣有電視睇，拉麵有得食啦，拉麵和豬扒是分開上的，豬扒炸得很香還保持很多肉汁，厚切彈牙有咬好，拉麵超有質量彈牙有咬口，比得上高檔的間日本拉麵店，湯底都是足料的，認真抵食。…Read More

日本放題就食得多，真正的日本菜本人就未食過了，今天有朋友請客，終於有機會一試日本菜了，朋友帶了我去一間名叫漁道樂的日本餐廳，一進去空間感好夠，我們坐的位置是傳統的榻榻米，前面有張矮枱咁的，原來要除鞋的，咁當然入鄉隨俗啦，坐好後，侍應就奉上了熱茶和餐牌，因只得我們兩個人，所以試的菜式不太多，但都足夠我們享用了，每人叫了一杯酒和點好餐後，不一會美味食物已經上到枱了，先是一個沙律，酸酸甜甜都幾開胃的，食慾也湧上來了，之後是一個刺身拼盤，三文魚好肥美，甜蝦好鮮甜，其他都不過不失咁啦，再來是燒魷魚和活鮮貝，這個有專人在我們面前燒埋俾我們吃的，燒時真的是香氣撲鼻，這個燒得很好，很爽脆，活貝大大隻很甜，之後就到吉列黑毛豬，外表好像炸得過火，但切開後，居然還有肉汁，吃落還很嫩滑呢，急不及待又到壽司出場，個人覺得壽司無咩特別，無剌身咁新鮮，壽司肉也較薄，只是不過不失吧，唯一要提的是個海膽壽司，真是很好味，一點苦味也沒有，好新鮮，應是即開的，最後一道菜就是和牛炒飯了，2人分了吃，和牛很嫩，分量也不算少，個飯炒得好香，好好味，只是覺得過油了一點囉，總括來說，都是值得再吃的餐廳，和情侶共餐的好去處呢。…Read More

今日去西環做野，做到肚子餓當然要搵野食啦，沿途附近都無什麼特別野食，見到「渝味曉宇」麻火鍋店，傳聞是中國50強之首，就要去食返餐試過有幾正，上到去見門面裝修乾淨企理，冷氣充足，坐低看看餐牌發現原來5點前埋單，有八折優惠，咁我當然唔客氣，叫多幾款啦，鍋底就叫咗麻辣山珍野菌鴛鴦鍋，有辣有唔辣，食物就叫咗招牌曉宇鮮牛肉，黑豚腩肉，美國桶肥蠔，手打墨魚滑，韭菜豬肉水餃和鮮蝦雲吞，最好食係個曉宇鮮牛肉，果然是招牌菜，新鮮嫩滑很重牛肉味，入口彈牙沒有根，而且是厚切的，這個下次一定要再食，美國桶蠔真的很肥很大隻，我還叫咗個手工粗麵線，估唔到幾好食，麵條彈牙有嚼口，好似是蕎麥做的味道。…Read More

今日去到銅鑼灣送貨，咁辛苦當然搵來食，行行吓見到食過幾好食既日本拉麵專門店「八沢」，就決定食返餐好麵，呢間分店平時行過都唔覺眼，門口招牌比較昏暗，今天都算有食神，看到店內都幾多人，好彩唔係要等好耐，好快就有位，店內裝修日本風，牆上掛上美食招牌菜的大特寫，我點了豚骨湯叉燒拉麵和炸蠔，飲品是冰凍的日本三得利啤酒，大熱天時飲返杯真實爽到不得了，叉燒拉麵好快就到，拉麵裡還有溫泉蛋，魚蛋和雲耳做配菜，叉燒半肥瘦燒到燶燶哋，濃縮了的叉燒味道，湯底好濃豚骨味，似是 淆了很久，這個拉麵比貴啲都覺得值。…Read More

今日同朋友去灣仔行街shopping，行到肚餓就去搵野食，記得之前食過既「渝味曉宇」，見到灣仔都有分店，就決定去再食一食，呢間分店比較新淨，坐位寬鬆冷氣足夠，無咩人任選坐位，睇了一陣餐牌，都有很多不同湯底給選擇，朋友怕辣我都唔想食得咁重口味，就決定叫咗個大骨滋補清湯底，估唔到清湯都一樣好味道，店員說是用大量大骨煲製而成，真材實料，我朋友超喜歡食牛，就點了牛肉，牛肝，牛骨髓，牛心椗和牛柏葉。海鮮都有很多，點了鰻魚，魚標，鮮海蝦和超大美國筒蠔，這個筒蠔最要推介，超大隻超新鮮，熟3分鐘半生熟食就的很難忘，必食之選。…Read More

今日在筲箕灣附近收工，肚餓當然要去揾野食啦，行到去大街見到有間叫「八沢」既日式食店，門面裝修睇落很有日本feel，餐牌美觀而且價錢又唔係好貴，就決定入到食返餐好嘢，裡面裝修都是以日式圍主，店舖雖小但坐位寬鬆，冷氣充足坐得很舒服，店員給了我一個二維碼說用手機落單，有曬分類和圖片價錢，都幾方便。拉麵店有啤酒叫當然要點返杯啦，點咗杯札幌生啤，一碗黑蒜灸燒極濃黑豚肉拉麵和小食吉列炸蠔，味道方面係高質素的，拉麵彈牙有咬口，湯底真的夠濃黑豚味，肉食新鮮而且大大件，炸蠔外皮很脆裡面蠔肉很juicy，值得推介再食。…Read More

今日又再次去「回到未來」食雞煲，真係好開心興奮呢！幾個朋友一齊，唔洗返大陸咁遠，就有大家最鍾意食既麻辣雞煲，諗起係佢一塊塊大大舊雞肉，加上洋蔥和麻辣醬料既香氣，配合雞煲既鍋氣，真係好邪惡呢！優點是還可以加雞，真的比其他雞煲店優勝，今次仲有海鮮串燒放題，有8款海鮮串燒和其他34種不同的串燒任食，食咗燒生蠔燒扇貝等等，味道很似近深圳食嗰種味道，用呢個價錢食，性價比真係高了，下次我都會keep going 咁幫襯佢！…Read More

朋友生日去尖沙咀行街買嘢，行到肚餓當然要搵嘢食啦，之前友人介紹過一間叫「熊本牛涮鍋」食靚牛既打邊爐，位於山林道，朋友都是魔王，就決定去食野好嘢，門口都幾難搵，見到廣告牌才知道無行錯，上到2樓直接推門，店內地方雖然細小，但坐得不會覺得擠擁，裝修美觀實際，牆上還有很多圖片裝飾，服務員說比較多人食3號，我們就選了美國極級安格斯牛小排放題，有牛小排食都係248蚊，認真覺得超抵食，朋友喜歡吃辣又不想太辣，就選了泰式冬陰公湯底，很香很濃郁，分別叫了2碟牛小排,2碟牛肩胛和2碟加拿大豚肉。牛小排真的很好吃，牛肉和雪花黃金分佈，入口即溶很新鮮牛肉，件件厚切食完都幾飽吓，牛肩胛簿切一拖就熟，新鮮很有牛肉味，至於豚肉都唔差，很新鮮成碟食曬，另外還食咗啲菜，飲咗支涼茶和食咗4球雪糕，都是靚嘢，埋單都是5舊零水，認真抵食下次會再來幫襯。…Read More

今日在觀塘區收工，做到肚子餓當然要搵野食啦，行到去中海日升中心發現原來最篤篤有間車仔麵檔，叫做「B哥車仔麵」，門面裝修乾淨企理，一啲都唔哪渣，地方比一般車仔麵檔大，唔洗等就有位，叫嘢食方式都是寫紙仔，價錢都很實惠，大B套餐5餸大大碗都係56蚊，最後就點了這個，還加了炸墨魚餅，炸蝦餅，齋燒鵝，咖哩魷魚和炸雲吞。等咗一陣就有得食，車仔麵麵底是油麵，煮得剛剛好彈牙不淋，餸五個牛腩魷魚等，最好食係個牛腩大大件淡淡肉，小食炸雲吞最值得推介，皮脆裏面啲蝦還有很多肉汁。…Read More

今日去咗尖沙咀行街買野，行到有小小肚餓，就去咗朋友介紹過既「蜜庵本膳」，去到門口見到好多人坐到滿，見得閒就坐低等位，等咗大約五分鐘就有位，店內裝修美觀乾淨企理，冷氣足夠夠涼快，牆上還有很多圖畫，店員還穿上很有特色的服裝，很可愛啱曬一家大細來吃甜品，餐牌都有很多選擇，還帶有各種菜式的圖片，𡃁到不用吃都覺得很好味，最後決定點了海膽卡邦尼烏冬和普羅旺斯海鮮烏冬，我兩朋友很喜歡吃烏冬，急不及待就吃了，唔洗講都知道有幾正。…Read More

今日去中環行街shopping，行到肚餓當然要去搵嘢食，去到域多利皇后街，見有間叫「一起食堂」食台灣菜嘅店鋪，門口唔多覺眼比較隱蔽，但價值十分抵食，就決定入去食番餐飽，裡面裝修很有台灣感覺，牆上掛上很多台灣出名電影，坐位不是很多但不會覺得擠迫，我們選擇坐bar枱，點了原條蒲燒鰻魚飯，和風牛肉飯，小食點了鹽酥雞和烤台灣香腸，飲品分別點了冷泡茉前毛尖茶，仙草豆漿，蘆薈桂花雪梨茶。甜品叫咗芋圓仙草凍。那個原條燒鰻魚不得不提，大大條燒得好好味，上面加咗D紫菜，又甜又鮮味， 珍珠米飯又好吃。…Read More

放工回家到了晚餐時間，去到將軍澳中心搵野食，見到新開幕的老媽拌麵，食台灣野的，見價錢唔係好貴，就決定入去試試，裡面裝修簡單樸素以木爲主，餐牌簡單易明唔洗點諗，我們兩人就點了川味紅燒半筋半肉牛肉麵，地獄麻辣牛拌麵，麵底有粗麵幼麵刀削麵可供選擇，小食點了鹵鴨舌和鹵牛展，飲品點了台灣仙草茶和黑珍珠鮮奶茶，等咗一陣就有得食，先來個小食鹵鴨舌和鹵牛展，牛展肉厚入味啖啖肉很有口感，主菜地獄麻辣牛拌麵，辣得來帶有牛肉味既湯底，應該是精心製作過的，麵條彈牙有咬口，飲品很有台灣特色。…Read More

今日同朋友去旺角行街Shopping，行到肚餓當然要去搵野食啦，見到歐美廣場門口有介紹湘菜，見圖片都不錯就上去一樓睇睇，價錢都唔係好貴，就決定入去試試，店內裝修很有湘菜館feel，餐牌有很多選擇，點了水煮桂花魚，豉椒炒蜆，黃酒豬手，食湘菜梗係要啤一啤，叫左支朝日啤，等咗一陣好快就有得食，先來個水煮魚，少少辣帶出桂花魚的鮮味，魚無骨肉質彈牙超級新鮮美味，鍋內還有很多青瓜紅薯粉，吸了這個湯的味道十分好吃，另外豬手夠淋，炒蜆很有鑊氣，呢餐飽了。…Read More