loiskwan's Profile

dinner叫咗個Pizza Romagna （走basil）同Red Prawn Linguinipizza 就 一般，餅底好軟，拎唔起，如果唔係d toppings 會跌晒。芝士同火腿都冇特別香，不過整體唔錯ge，一定唔係難食意粉個汁就幾好幾香 ，d 蝦雖然有三隻，不過有d 細，同埋冇殼，有d 老，呢個價錢唔ok另外有個地方唔滿意嘅係，佢一開始問我地要唔要水，我地話好，但係佢冇同我地講收錢，雖然呢d 地方食都expect 係收，但係佢收x2，淨係水加埋一已經8x蚊。我唔知佢係因為兩位所以收兩份，定係因為兩支。我(好似)見到佢開咗兩支，不過我唔肯定，因為佢冇問過我使唔使再開，應該係佢見我哋杯水冇晒所以幫我哋再斟(佢由頭到尾都冇問過我地使唔使refill)而我哋一開始都唔知啲水要錢。total 一個Pizza一個意粉，已經食咗六百幾蚊，而咁嘅質素，係唔可以接受可能因為舖頭設計問題，其實夏天坐真係好鬼熱，我哋已經坐得算入，而且係夜晚，仲有部坐地冷氣機喺隔離吹住，都要去到就嚟走先至涼返…Read More

原本睇到有Foodie介紹呢一間，話社交平台討論到高，所以就嚟試吓，但係真係完全唔使試星期六中午去都坐滿，等咗兩三分鐘就有得入去，我哋兩個人坐最出嗰張二人枱（其實三張二人枱連住）。我有兩個袋，掛椅背唔夠位，就同第一張枱嘅人share咗中間張凳嚟擺嘢。食食吓第一張枱走咗，見未有人嚟我就照擺，點知個阿嬸叫我拎走 話唔可以擺嘢。嗰陣我都即刻擺返喺椅背，雖然我唔明點解冇人都唔擺得… 點知啲阿嬸不停行過就不斷整跌個袋，其實條路都唔窄，絕對係可以避得開有得擺又唔俾我擺….又唔攞另外一張凳俾我講返食物落咗單之後，都成10幾分鐘先到，有啲耐，不過佢話即叫即蒸，所以都冇乜嘢投訴我係為咗個奶黃流心多士去，但係真係絕對唔使食，個多士夾住啲奶黃蓉，成pat嘢咁，然後成舊嘢勁油，冇咗西多士個靈魂 糖漿同牛油。我去問佢攞糖漿同牛油，啲阿嬸淨係不斷問我係咪唔夠甜… 原來佢哋唔識講廣東話，一定要講普通話搞完一輪，點知佢攞咗啲煉奶嚟…成間茶餐廳係冇糖漿嘅… 有乜可能出名西多士但係冇牛油同糖漿最後淨係食咗一半就食唔落，好難食食咗個珍珠雞，入邊冇鹹蛋黃已經扣晒分，其他嘢不過不失，冇討論空間跟住食食吓有個阿嬸（侍應）撞跌咗隔籬枱杯嘅奶茶，個男人成身濕晒，連個袋、褲、鞋襪都濕晒，啲阿嬸淨係企喺度食花生，紙巾都唔攞，完全冇道歉見到咁我真係嗱嗱臨走先🙏🏻我唔想下一個係我 總之成個用餐體驗同埋啲嘢食都唔掂唔好中伏…Read More

之前叫Keeta試咗呢一間嘅外賣，食完肚痛咗成晚仲要嘔足兩日（自取，唔會係外賣員問題）我搵Keeta追討講法同埋賠償，但係Keeta客服話一直都聯絡唔到食肆，就算接通咗都cut線，之後就直接唔聽電話，已經糾纏咗一個禮拜都冇接聽過，反正一直都冇成功溝通過。換言之，呢間嘢係極之不負責任，食客有啲咩問題真係閣下自理。一食落去味道係OK，除咗有一舊芝士年糕完全變晒色變晒味，變咗紫色，但係一食落去覺得奇怪已經掉咗我一直食開辣嘢，而嗰日只係小辣，所以排除辣得滯導致腸胃問題，即使係辣引致都只會係肚痾，唔會胃痛然後嘔。我嗰晚八點幾食，去到凌晨一直胃痛到瞓唔着，第二朝直接嘔，一直屙。就算呢間嘢幾好食都冇用，我冇報食環係因為一直考緊試，但係呢單嘢一定要俾人知，唔可以再去！！…Read More

試咗個聖誕餐，六百幾蚊兩個人都幾抵，不過原來當場個餐牌計埋加一，同OpenRice折完個價錢係一樣，所以冇特別平到前菜係龍蝦湯+煙三文魚沙律，個湯都幾香，記錄未，煙三文魚都正常，考慮埋個價錢有兩個前菜就唔錯我叫咗盲曹配柚子忌廉汁，個汁甜咗少少，不過條魚煎得幾好，個皮好香好脆，啲配菜整得入味，唔會淨係個面鹹軟殼蟹墨汁飯就不過不失，個飯冇特別調味開心果巴斯克蛋糕好好食，不過冇乜開心果味，芝士味好香好濃，個質地啱啱好，上面個奶蓋酸酸哋都好好食杯嘢飲係薄荷朱古力沙冰，冇乜薄荷味，亦都唔係黑朱古力嗰種味，似係白朱古力，不過整體幾好，唔會太甜…Read More

作為灣仔嘅Cafe，夜晚都係$158一碟意粉，已經算性價比高，而且仲幾足料叫咗個甲羅燒龍蝦汁意粉，有章魚、帶子仔，蟹膏亦都幾香，白汁就普通，不過成件事放埋一齊唔錯我朋友叫咗鰻魚意大利飯都唔錯原本想book八點，但係佢話8:30先有位，就照book 8:30，不過我哋都早到（8:07），亦真係無位嘅。我哋一直坐喺出邊，等到8:40，佢哋間唔中都有出嚟話唔好意思，最後仲俾我哋任選一個小食，免費請我地，所以我哋就揀咗個辣酒煮藍青口。呢一部份做得幾好，唔會令到啲客反感，雖然只係比原定時間遲咗10分鐘，但係都令到客食得舒服可惜個青口就煮得耐得滯，亦都冇乜香味，個汁係幾好嘅，份量幾足夠…Read More

一開始叫威靈頓牛柳配鵝肝，落完單先話冇已經唔想食，但係佢又落咗我朋友嘅單，咁就逼住嗌第二個，叫咗鵝肝配法國鴨胸意大利飯羅宋湯冇問題，但係個沙律一嚟就有蟲，之後換咗，不過普通到不得了，真係好少加埋沙律醬都唔好食個鵝肝飯一上嚟已經知賴嘢，成嚿炭咁，真係未食過咁難食嘅意大利飯，鹹味都冇，剩係得鴨嘅酥味，仲有全部都只係微暖另外叫咗個黑豚豬柳扒，真係不知所謂，大家樂雜扒餐咁，薄到咁，仲要冇味，個賣相極差之後嚟咗個芝士蛋糕，個碟勁污糟，叫咗個女侍應過嚟，同佢講隻碟好污糟，指埋俾佢睇，佢呆咗3秒咁望住我，然後揸住隻碟帶住啲鄉音問返我轉頭：「好污糟？」，我都真係呆晒，據我觀察佢應該唔係盲人，然後仲問我：「換啊?」我心入邊真係10萬個問號，唔通呢？？之前已經食過斑馬火腿卡邦尼意粉，唔單止冇味，塊火腿仲要只係大過$5銀少少，仲叫咗另一個檸檬蟹肉意粉，又係唔知食咗啲咩，成間餐廳上至食物質素，下至服務及衛生都係不知所謂今次俾多次機會，點知個體驗仲差…Read More

叫咗個芒果甜品，雪糕幾大個，唔係平時啲芒果雪糕味，不過質地都幾好。估唔到連珍珠都咁好食，恰到好處，煙煙韌韌下面仲有少少沙冰底，不過啲小丸子有少少硬，可能煮得未夠耐，芒果有啲酸，唔夠甜，但係整體幾好，成個甜品唔會好甜。另一個係芋圓，黑糖水底，唔會好甜。呢個普通d，不過唔係專賣台灣甜品嚟講算係幾好。芋圓唔會太多粉，但係質地都煙韌，芋頭同地瓜味唔會好突出。但係上邊嗰個芋泥（定唔知紫薯泥）就冇乜味，唔單止香味，連甜味都冇乜，但整體食上去都幾夾，算OK嘅埋單80幾蚊，幾平幾好食…Read More

呢間嘢前身叫LA Restaurant and Dessert Bar，入邊裝修冇乜大變，餐牌唔係好大分別，仲保留咗signature嘅威靈頓牛柳，但係其他菜就加咗價，懷疑只係改咗名。個湯完全係以前港式餐廳麵粉湯，唔係忌廉湯，搞搞吓會變水嗰種，入邊得少少蟹柳絲，麻麻地，當佢花園餐廳咁食就OK個朱古力係水溝朱古力粉，應該冇奶嘅成份，成杯嘢勁奇怪，仲要超甜，飲到成口粉，仲要好稀，得個顏色。威靈頓牛柳好細舊，就算女仔食都一定唔會飽，脆皮幾香整得幾好，但係牛柳感覺好似制過，唔係天然淋嗰種。整體就…冇下次如果原本飽飽地再去食就OK嘅，當佢正餐就不了…Read More

我同朋友之前喺社交網站見到有人介紹，就諗住星期六晏晝去試吓，一入到去已經冇乜人，有一個Waitress 冇乜笑容好冷漠，不過唔算服務態度差。見到佢有一個lunch set有半自助bar，但係要加會員先，就問佢點樣做， 過程複雜，要download app 、開AC、再嘟、落單又落唔到、scancode又話錯誤，但係我哋唔問佢都唔講成個流程係點，搞到我地舉手問好多次。之後叫另一個男人過嚟scan code，但係佢完全冇表情，又唔出聲，好似唔知要點做，睇佢個樣唔似junior。終於搞掂晒就等嘢食，個男人上餐勁大力，有杯嘢飲阻住又求其擺到勁遠，仲搞到個湯都差啲瀉。然後我哋出去叫嘢飲，等咗一陣應該整好，諗住出去攞（茶飲同埋餐廳有兩個部門）個男人直接話：我哋會送過嚟俾你，坐低我嗰刻個反應係：？？？！！！老師叫學生啊？？全程都黑口黑面，冇啲禮貌…Read More

幾個月前夜晚七個人去過呢間食甜品，嗰陣個收銀員收緊錢，所以我哋就企喺門口等佢安排入座，點知隔離有一班大陸大媽自己行咗入去坐低，個服務員竟然唔理佢哋，我哋出聲話佢哋打尖，佢淨係幫我哋安排更加細嘅位，其實根本唔夠七個人坐。但之後我哋諗住食個甜品，就算數，冇再追究。（甜品中規中矩）隔咗幾個月，兩個人平日晏晝再去食，喺門口嗌完嘢食就入去坐低，得三成入座率，但係空嘅座位全部都冇清潔。我哋求其搵咗個位坐低先，諗住再舉手叫佢哋執嘢，但係一個人都冇。隔咗幾分鐘有個女仔捧住兜仙草過嚟，佢見到我哋枱濕晒，枱面仲有上手食剩嘅碗，但係佢竟然直接擺上去！我哋叫佢先執走，問佢攞多隻匙羹，佢黑口黑面咁樣話：「自己攞」。我以為佢冇手，所以遲啲先抹枱，點知佢執走咗，就冇再返過嚟，成個枱面仲有上手啲甜品漬，黐笠笠，仲要係好明顯嗰種，佢冇可能見唔到。甜品方面：仙草、珍珠、芋圓都冇乜問題，不過芋泥冇甜味好難食，食緊一舊芋泥質地嘅不知名物體咁。…Read More

之前飲過好多杯嘢飲叫少甜，最後都冇咗浸水果味，所以今次就嗌原味，點知甜過平時幾十倍，好似飲緊糖水咁荔枝味唔係好出，真係第一次咁難飲，好失手喎！有啲失望…之前想試咁多次都冇嗌到成杯野唔係好夾，每一種材料都不能融為一體，荔枝還荔枝，茶還茶，只係個奶蓋幾好飲，叫做維持水準嗰日仲要冇人排隊，非凡忙時間，基本全間店淨係處理緊我一張單，唔知係咪因為暑假，多咗好多新嘅part-time，我望入去好似得一個Senior，所以唔熟手…Read More

食完鐵板燒諗住食個甜品，就睇中咗小方糖隔離嗰間，點知執咗笠，就食小方糖原本諗住食窩夫嗰啲，點知佢冇，咁就揀個心太軟啦我同朋友一齊去食，本身已經飽飽地，諗住嗌一個甜品，但係見到最低消費每人一個甜品，就夾硬捱多一個芝麻糊芝麻糊到咗先，冇乜芝麻味之後心太軟到咗，一拮落去唔脆已經知道賴嘢，點知入邊仲未溶晒，成舊冰喺度，搵個waitress同廚房講，廚房有個女人話心太軟係凍㗎，如果唔係就會熟晒㗎啦然後個女仔復述一次就走咗，完全冇理過我地我哋再同另外一個男人講，佢同廚房講，然後廚房嗰個女人親自出嚟，佢話佢哋係專業嘅、professional，如果熱啲就會成舊熟晒，唔會流心，但係我哋同佢講入邊係一舊冰，直程唔熱，佢就堅持佢嗰套理論，仲話心太軟凍係正常我真係從來未食過心太軟冰，仲夠膽講自己係正常佢話唔介意幫我哋再焗多一個，但係效果一樣，叫我哋cancel佢最後就無端端食咗個芝麻糊走咗，想食嘅嘢食唔到，白白俾佢賺咗20幾蚊出到門口發現廚房嗰個女人帶住不嬲隻手套去餵狗…？！究竟咩衛生意識？！其他客人食咗啲咩？！…Read More

一直都好鍾意黑糖珍珠奶茶，但係有黑糖嘅嘢飲通常都貴啲無意中有一日飲功夫茶，發現佢普通珍珠奶茶都有黑糖味（我嗌嘅係珍珠奶茶，少冰微糖）嗰陣只係$24，而家加咗變$25 換言之$24飲到黑糖珍珠奶茶，簡直係我嘅福星不過如果你嗌無糖嘅話就冇咗黑糖味，所以微糖啱啱好今次我飲嘅係38奶霸，走冰微糖 $28奶精沖嘅奶茶，不過都係有黑糖味，蒟蒻種幾有質感，不過甜咗少少，整體來講都OK 之前飲過3Q奶茶，成個配搭都OK，不過紅豆味會有少少搶咗奶茶味…Read More

朋友生日想食火鍋放題，搵咗好耐見呢間幾多好評就食咗佢嗌咗B餐，星期六加$20=$268見特價時段平啲，就book5:30，店員都好好人提我哋可以喺OpenRice買券，$212加一（原價加一）刺身我淨係食咗帶子，係我食過咁多間放題喺入邊最新鮮、最香、最好食，同其他專食日式料理嘅放題質素有啲唔同牛肉就齋食封門柳可以啦，肥牛同埋肩胛都麻麻哋其餘壽司就各花入各眼啦我覺得成個放題重點係甜品，兩個鐘入邊我食咗一個鐘甜品😂差唔多所有都試晒，賣相幾好同出邊甜品舖有得比，不過啲口味唔係好濃，例如芒果綿綿冰，唔會覺得佢係芒果，榴槤亦都唔香濃，當佢普通雪糕或者甜品就可以啦（紙杯同膠杯全部都係即棄，我拎咗幾個返屋企回收🙈）整體來講，買咗券嘅話咁嘅價錢，可以食到咁多嘢，加上我勁鍾意食甜品，一定會再返嚟食…Read More

見到報道話呢間餐廳店主係Ritz Carlton Chef，近近地就過嚟試吓睇完個餐牌即刻決定食「蟹肉芝士白汁寬面」，前菜嗌個湯，我friend就食沙律同「燴鹹牛舌貓耳朵意粉」✨隔咗一陣，湯同沙律同時上（13:59）我梗係影張相先啦，影咗兩張相，個waitress拎住我個寬面放低(14:01)What???!!! 我匙羹都未拎起你上主菜？？！大家樂快餐定點？1分鐘唔夠貓耳朵意粉上埋，我真係O晒嘴😵個湯一啖都未飲所有嘢嚟晒…同waitress講返點解會發生咁嘅情況，佢話幫我睇睇，行開咗一陣返嚟話：應該係廚房整快咗Um….er… 所以呢? 廚房唔會知我飲咗湯未，你啱啱先放低個湯就即刻放低個意粉，見到我一啖都未飲你唔係應該hold住先咩？呢方面員工培訓真係應該加強少少😮‍💨好彩之後上返主菜係熱辣辣嘅，見到好多蟹肉，賣相幾好，好期待咁食咗一啖✨Wow…真係幾失望下個汁乜味都冇，連鹹味都冇，完全零層次😐剩係得蒜同忌廉味，好似開咗罐白汁到落啲蒜一齊煮，啲蒜片仲要係冇煎香，白雪雪食到一半問friend有冇嘢飲，因為我之前揭個餐牌幾次都見唔到下面有寫，就諗住加，原來落單嗰陣waitress同佢講有coffee or tea我舉手嗌coffee，有個黑口黑面嘅waitress行過嚟，是但啦唔影響我落單我問佢cappuccino 嗰啲咖啡可唔可以嗌，佢話要加$1x(具體聽唔清) ，咁我話：唔使啦，要普通凍咖啡啦杯咖啡冇乜特別，略過…..✨買單嗰陣，見到嘢飲要加$5，我真係吓咗出嚟…你話其他咖啡要加錢我唔嗌，我嗌凍咖啡要加$5你唔同我講嘅？你又冇俾個餐牌我睇？咁我照買單啦，俾完錢出去門口睇返個餐牌Shit!! 原來喺後邊嗰版，我睇幾次餐牌都睇唔出後邊嗰版同前面嗰版有關係….咁算啦係我冇好留心咁睇清楚個餐牌🤷‍♀️我問題建議左右對照或者每一版都寫喺下面會清楚啲戴吓頭盔先😎個牛舌整得幾香，軟硬適中，個汁好似牛尾湯我最後係加咗個心太軟嘅心太軟熱辣辣，有流心，成餐飯入面算係幾好食我都唔知買單幾多錢😂淨係掛住嘢飲個$5✨唉😮‍💨有啲失望添唯一解釋就係 唔係老細整嘅(我唔sure)，如果真嘅即係Ritz Carlton 老闆只係gimmick 不過Anyway，我理得佢邊個廚師整齋睇嘢食，咁嘅質素真係好唔抵😖…Read More