junkochan's Profile

今日中午第一次到襟江酒家飲茶，之前聽聞佢同蓮香樓都係主打懷舊香港路線，為了尋找兒時回憶，食番好耐都食唔到嘅菜式，決定一試。一入門口，就被兩邊牆身的裝飾吸引住，左邊有幾個飾櫃，內𥚃放滿70-80年代生活用品，例如錄音機、膠拖鞋等等，喚起集體回憶。右邊整幅牆用類似「九龍皇帝」的字體寫下襟江酒家的歷史和飲食文化的傳承。講番食物，整體來講係美味的。我終於食番好多年見唔到嘅鴛鴦飯，仲有芝麻卷，正常好味。另外叫左一碟三併燒味：叉燒、燒腩仔同埋燒鵝，叉燒好得，肥瘦適中，燒腩同埋燒鵝都好美味，最驚喜係送埋久違的蠔油豆。點心方面，食左煎釀三寶、鳳爪、叉燒包、山竹牛肉、炸雲吞，整體高質。我揀左菊花併普洱茶，兒時味道，正。服務來講都好周到，態度十分之好。整體飲茶目的達到，懷舊兒時回憶充滿茶樓和腦海，值得再去。…Read More

年年情人節都搵燭光晚餐，今年選擇不堆砌浪漫，揀左堆砌美食。有新意得黎又實際。黎呢度食放題，選擇正確，因為真係好食，刺身新鮮，花膠魚翅美味，牛舌乳鴿鵝肝榴槤啱晒心水，蟹黃蟹粥都好好食，連飲品甜品都唔錯，大滿足的一餐。自問戰鬥力弱，比預定時間早左半個鐘走，皆因真係飽晒，要等下次再戰。其實情人節都唔一定既定模式，心𥚃有燭光同埋玫瑰，喺邊度食飯都係浪漫。…Read More

我地兩公婆第一次來The Hunter 二人晚餐環境舒適，有空間感食物十分美味：Calameres Frites 炸得酥脆剛剛好Crab Chitarra 蟹肉味道香濃Rib Eye 400g 我地揀左medium rare，冇血水，粉紅肉嫰，配紅酒汁好夾Pistachios Crème Brûlée 淡淡的開心果味，正常味道Red Sangria 好好飲，若果酒量好d，會再叫多杯今晚食得好開心，美酒佳餚仲有靚靚海景睇，值得再去。…Read More

我地四個人，第一次到啓德Airside 嘅Chef’s Cut Restaurant & Bakery食晚飯，同朋友慶祝生日。餐廳環境不錯，食物質素好有水準，而服務更是一流，令我地全程用餐體驗都相當舒服，仲主動幫我地影相留念。西班牙風味烤八爪魚辣肉腸煙三文魚海蝦半熟蛋沙律烤牛骨髓伴紅酒燴牛肋、牛肝菌及多士乾式熟成黑安格斯肉眼扒慢煮黑豚斧頭扒配蘋果青醬煙燻火腿羊奶芝士西班牙薄餅Eton Mess 甜品我地下次會再來食 ，試下其他菜式。…Read More